 |
#كان صديق زوجي 9_10
استأذنت ودخلت الاوضه ولبست السيدال وطلعت قعدت قصاده بظبط وبصتله بحُزن وكيوت كده جايز يعديها ف بصلي بغيص وتجاهلني خالص ول كاني قفص طماطم بايظ، اعيط! "
سيده: طيب نستأذن احنا يا بنتي تعبناكي معانا انهارده
ناردين: ول تعب ول حاجه فرحت اوي انكو جيتوا انهارده
سيده: طيب يلا يا محمد وانتو يا بنات نزلو الكارتين والحاجات الفاضيه دي معاكو
محمد: خلينا شويه يا ماما، مشبعناش من ناردين وقاعدتها وكلامها الحلو ولسه مخلصتش الشاي
" المكان هدي كده سيكا وريان اتحول وجز علي سنانه كده بديق وكان هيتكلم فخالتو ردت والحمد لله "
سيده: احنا موجودين من بدري يا محمد وكمان هما عرسان جداد ولازم نسبهم علي رحاتهم
محمد: طب ما تقوليش عرسان طيب
ريان: عندك اعتراض ؟
محمد: عندي اعترضات كتير
ريان: خليهملك اهو حاجه اديقك اكتر ما انت مدايق!
محمد بديق: قصدك اي
ريان: الي فهمته
يجدعان حد يلحقنا ليولعو في بعض، انا عايزه اختفي هالحين
ويا رب ربع برود ريان ورده الجامد في حياتي... يخربيت الثقه الي بيتكلم بيها... هو خالتو بتبصلي كده لي؟
سيده بلغه اشاره مفهومه: قولي حاجه ليتخانقو
ناردين: احم الموضوع ميستاهلش كل ده يا جماعه والله واحنا عاملين علي البنات يا محمد عشان متتاخرش عليهم
وانا مستنياك وهما معاك الزياره الجايه ان شاء الله
بص ليا وبعدها لريان واتكلم بعند في.
محمد: عشان خاطرك يا ناردين وان شاء الله ابقي جيبهم يقضو معاكي يوم
ناردين: اكيد هستناكوا
اتكلمت نوره لفك الجو شويه
نوره: وانا كمان هاجي معاهم بعد تلاته ثانوي بنت الايه دي وساعتها مش هحلك غير لما اقلك كل الماصيب الجديده
ابتسمت ليها برخامه
ناردين: انتي بس خلصي تلاته وجيبي مجموع كويس وانا عنيه ليكي
نوره بفكاها: حيث كده بقي جيب حضن
حضنتني وهمست في وداني بتريقتها المعتاده
نوره: ابقي طمنيني انك عايشه ول لاء بعد المهلبيه الي حصلت دي
ناردين: شكله مدايق؟
نوره: شكله هيولع!
ناردين: الله يبشرك بالخير
واحنا بنتناقش في صمت عن مستقبل الكارثه المشئومه لقينا صوت طفولي بَكاء مزعج في نص الصاله
سما: وانااا يا ابله ناردين مجيش معاهم كملن طبعا يا خساره شيل الكيسه علي قلبي واطلعها ل هنا ولوحدي ها لوحدي
عالم بتنكر زي القطط يا باشا مش مسمحااااكو!
خالتو ماتت م ضحك عليها وقلدتها وهي بتقول انها سمعت الجمله دي من مدرس الرياضيات عندها عشان مراته خلعتو في محكمه الاسره وكان هيفرقع من الغيظ وكلنا سخسخنا ضحك عليها هي وخالته و عنادهم في بعض "احم ما عدا ريان المتنشن"
ناردين: مع السلامه يا خالتو
سيده: في حفظ الله يا بنتي، اطمنت وقلبي ارتاح لما شوفتك انهارده مرتاحه ومبسوطه مع ريان ربنا يخلي يا رب
ناردين: امين يا رب، تسلميلي ي خالتو
سيده: لو عوزتى حاجه رني عليا فورا وانا فتره كده وهجيلك تاني إن شاء لله
ناردين بعناقها: هتوحشيني اوي وابقي رني انتي اطمني عليا لما توصلو كده وخليكى علي تواصل مع اقرب مستشفي اتقبلك
سيده بستغراب: اي!
نوره: يلا يا جماعه ورايه دروس انجزو
سيده: طيب يختي نازله، سلام يا حبيبتي
ناردين: مع السلامه
دخلت علي البيت وانا بقول الاذكار وبستشهد وكاني داخله حرب استنزاف، هو عادي اجري بسدال في شارع دلوقتي ول هيقولو مجنونه؟!
دخلت و كان لسه قاعد علي كنبه بوضعيه توماس ادسون وعضلات جون سينا وانا ببلع ريقي وبتسحب وادور للخلف علي اوضتي حبيبشي و بدعي ربنا ميناديش عليا...
ريان: ناردين
ناردين: "مين ناردين دي انا معرفش حد بالاسم ده كملي وهتوصلي الاوضه تكوني في امان دلوقتي"
ريان: اقسم بالله لو اتحركتي حركه كمان ل قوملك
طبعا وقفت زي عمود النور كده ولفيت وانا ركبي بتخبط في بعض بس من بره حديد طبعا انا جامده جدا
ناردين: نعم
ريان: انتي خارجه كده قدام محمد ازاي؟
ناردين: عادي ابن خالتى
"يقوم ريان من جلسته بحمرار في وجهه وديق من كثره الغضب ويتجه لها"
ريان: امم ابن خالتك
"انت جي عليا لي طيب نتفاهم بالله! اعتبرها نكته طاا، انا مش جامده ول نيله انا عايزه اروح لخالتي... يا خالتيي! "
"ترجع للخلف بقلق وخوف منه"
ناردين: ريان!
ريان: ريان ميعرفش ماسك نفسه عليكي لعند دلوقتي ازاي
"تقف الكلمات في حنجرتها من كثره خوفها وتوترها منه وتبلع ريقها بهدوي دون تحدث"
ريان: انا قلتلك متلبسيش كده قدام حد غريب ول لاء
ناردين: بس محمد مش حد غريب وانا كنت لابسه بجامه طويله وعند خالتي كنت بلبس كده عادي
ريان بعصبيه: تلبسي كده عند خالتك عند العفريت الازرق دي حاجه ترجعلك هناك انما انتي في بيتي دلوقتي ومراتي يعني ده ممنوع نهائيا فهمه
قالها بصوت عالي وكان اول مره يخاطبني بعصبيه بعد تاني يوم الفرح لما تخانقنا
بصيت علي الارض وعيني دمعت واتكلمت بصوت خانق ومبحوح كده عشان ابرر موقفي ويارتني ما بررت!
ناردين: بس راجح كان...
ريان: انا مش راجح يا ناردين! انا ريان الي بيخاف علي عرضه ولازم مراته تحترمه في غيابه و انتي معملتيش كده يا ست ناردين
ناردين: ريان متتكلمش معايا بالاسلوب ده!
ريان: اتكلم معاكي بالاسلوب الي انا عايزه طول ما انتي غلطانه وبتكابري في الغلط وانا معنتش هسكت زي زمان لما اشوفك بتغلطي عشان كنت تخصي واحد تاني وانا مستحمل لكن دلوقتي انتي تخصيني انا وده اول تحذير ليكي واذا تكررت يا ناردين تاني هتشوفي وش مش هيعجبك بجد
اتحرك من قدامي وراح الاوضه التانيه فمشيت ورا واتكلمت بديق وفضول..
ناردين: قصدك اي بزمان
ريان: مش مهم وسبيني في حالي
لبس الجاكت بتاعه وخد المفتاح وكان بلبس الكوتشي بعصبيه فسالته بعفويه واسف..
ناردين: طيب انت رايح فين
ريان: خارج شويه لانه لو قعدت معاكي دقيقه كمان احتمال اكسر المكان ده علي دماغي ودماغك ونخلص بقي
ناردين: هترجع امتي
ريان: معرفش
ناردين: طيب هستناك
ريان: متستنيش
كان خارج من الباب وهو مولع ومش طايقني حرفيا فكملت وانا مش عايزة يمشي زعلان مني
ناردين: طيب.....
ريان بعصبيه : نااارين خلِصنا!
قالها بصوت عالي فتخضيت ورجعت لورا وبصيت للارض واثر دموع خفيف في عيني
فتنهد جامد كده من جوه واتكلم بهدوء
ريان: هرجع علطول ساعه مش هتاخر، اقفلي الباب وراكي كويس
قفل الباب وانا دموعي بدات في نزول زي الشلال
معرفش اي الي حصل وقتها بس كل الزكريات قامت عليا وكاني احتجزت جوه قفص ومش قادره اخرج منه
كنت غلطانه ومعترفه بده وانه فعلا مينفعش اطلع قدام محمد كده بس لي دايق اوي كده؟
لي فارق معاه اطلع كده ول لاء بدل اصلا احنا اتجوزنا بشكل ده
وكان لاول مره ينتقد راجح قدامي ويقول عليه كده!
بس مش هسامحو عشان ميزعقليش كده تاني ويقول كلام يوجعني ويخليني ادايق علي زعله اكتر من نفسي
لما يرجع والله لضربه.
بعد اربع ايام....
عدا اربع ايام ومجاش لعند دلوقتي! ، هو لدرجادي زعلان مني بجد!
كان اسواء اربع ايام عده عليا بعد جوازي بيه
كنت بعيط كل يوم فيهم وانا مبحسش بوجوده جمبي
حسيت بفراغ رهيب موجود في حياتي، وحشني كلامه وحنيته عليا وهزاره طيب انا اسفه والله
تعالي اتعصب وزعق وطلع كل حاجه وانا مش هنطق بس ارجع ومتعملش فيا كده!
مكنتش بعمل اكل عشان هو الي كان بشجعني
مكنتش بروق عشان هو الي فوضاوي وبيرمي كل حاجه في مكان وكان يفرح جدا لما اقلو يبني حرام ليك لسه كنسه ويخدني علي قد عقلي ويقولي تعالي بس اقعدي والنظافه هتعملك اي بزمتك كده مش راحه نفسيه وانتي حطه كل حاجه في مكان كده فهزقه في سري واتعصب واسيبه ودخل الاوضه وهو كتلت جليد متنقله ومبحسش اصلا
احتليت اوضته وسريره لما ريحه برفانه تكون طايفه حوليا فبحس بالامان وبنام حتي لو ساعتين ..
اي الى تغير فيا خلاني اتعلق بيك وبوجودك في يومي كده وحاجه هستغرب اني قلتها حرفيا دلوقتي واكتر من راجح نفسه!
بعد يوم اخر...
"تجلس في غرفته مع موسيقي هادئه دون نوم ليلاتين وتشعر بالحزن والياس من قدومه اليوم ايضا
ف يفتح الباب وتسمع الصوت علي بعد اميال وتجري لاتجاهه"
ناردين بجري: ريان!
ريان: مساء النور
ناردين:.....
ريان: مضلمه المكان كده لي، اخدتي كام لغزايه اعترفي
ناردين:....
ريان: تعرفي انك وحشتيني اوى
نارين: انا بكرهك
ريان ببتسامه: طب الحمد لله طمنتيني
ناردين: كنت فين؟
ريان: في ال..... امم هو لازم اقول
ناردين: والله!
اندفعت لي وانا حالفه لينضرب على رخامته وبرود أعصابه ده
ولسا بنزل ايدي علي دراعه فمسكها وكتفني من ورا ومقدرتش اتحرك ول اتنفس...
ريان: اهدى كده وهقلك والله يا شبح!
يتبع...
#عذرا علي التاخير يا شباب ♥
Rahma ayman
#كان صديق زوجي 10
ريان: اهدى كده وهقلك والله يا شبح!
ناردين: ريان انا مديقه بجد ومبهزرش
ريان: واي كمان
سكت لما لقيت راسه مدفونه في رقبتي وانا جواه وقلبي الي وقع في رجلي ده ملوش اهل يسالو عليه! يبني!
ناردين بتوتر: ريان لو سمحت سبني
ريان: اتحركي براحتك هو انا منعك
نارين:....
حاولت اتحرك كان لسه مكتفني حاولت اشد ايده الي هو لو عملي هووف كده هقع
ولانه عريض وطويل زي الزرافه كان مستحيل اقاومه فستسلمت للامر الواقع وكان بقيلي سيكا واعيط..
ناردين: ريان!
ضحك برخامته الي خاطفه قلبي
ريان: نعم
ناردين: يبني بقي!
فك ايده بهدوء وبعد عني وده لوحده خلاني ارجع اتنفس و ضربات القلب انتظمت بدل جرس المدرسه الي كان فيها ده
وعدت علي خير وبعد فتره كده من ظبط النفس والهدوء لفيت وبصتله وده بقي الي محداش علي خير وقتها!
كان مبتسم ابتسامه احراج وفرحه اول مره اشوفها
وعينه كانت كوكب لوحده! حسه اني ضعفت وهسمحك و هذا غير لائق بالمره علفكره!
ريان: لسه مديقه
ناردين:.....
ريان: خلاص والله انا اسف، تعالي وهفهمك كل حاجه
"يمسك يدها ويتوجهون لغرفه المعيشه ويجلسون علي الاريكه نفسها ويبدا ريان بتحدث بهدوء ودفئ"
ريان: انتي عرفه بشتغل اي صح؟
ناردين :....
ريان: ناردين ردي عليا
ناردين: امم عرفه
ريان: وعرفه انه المهمه ممكن تطول لاسبوع واتنين حتي من ايام ما كنتوا انتي وراجح مخطوبين فكره؟
ناردين: فكره
لمس منخيري بصباعه بفكاهه وقال بسلوب غير معتاد منه.
ريان: يبقي لازم تعرفي انه جوزك كان في شغل يا لوزه ول هو عقل زينا وخلاص
ناردين:.....
بصيت للارض ببتسامه خفيفه بارده فلاحظ ده وبصلي بإهتمام وجديه ومستغرب رده فعلي وقتها
بس انا مقدرتش اعديها واهزر زيه
كنت خايفه
كنت بهرب من عينه الي بصالي بستغراب بس مقدرتش اهرب
ول حتي قدرت اخبي دموعي وعتابي لي
وبعدها فركت ايدي وانا بتكلم وعيني في الارض...
ناردين: كنت خايفه! كنت خايفه اخسرك وتبعد عني
اني اكون لوحدي تاني
اتصدم تاني
واتخزل في وجود الناس حوليا تاني، بقيت بشك في اقرب الناس ليا وبقيت بخاف ازعل حد او اكون تقيله عليه ل يهرب منى بشكل ده وياذيني اكتر من اي حاجه تانيه
كنت....
سكت لما صوت عياطي غطى علي كلامي وقتها ولمست ايدي بعيني احراج منه
بس وقتها قرب عليا ودخلني جواه و احساس الامان الي عشته ول كلام يقدر يوصفه او حتي اقدر اقول اني عشته قبل كده
كان فريد ودافي ووجعني و حلو.. حلو اوي كمان
كان الف شعور بالف كلمه بالف حاله بتمثلو فيك وفي غموضك في حياتي....
دموعي غلبتني، حصرتني وقتها وانتصرت علي كبريائي وصمودي الي كنت فيه..
واكتر حاجه ممكن اكرها في حياتي
اني ابين ضعفي لاي حد في الدنيا...
كان بحصل معايا ازمات ومشاكل كتير في حياتي وبقاوم قدام الناس وبكتم دموع الخوف او الالم او حتي الفرحه
وكنت لوحدي بطلع كل ده بس اهم حاجه اكون بعيد عن اي حد
حتي راجح كان منهم، كان قريب مني وكان بسمعني بس كنت صامده وثابته وعمرو ما خد بالو بكل حاجه جوايه عشان مشغلش دماغو وتفكيرو معايا
كان يومها قلبي بينزف و كان من مده طويله اوي اشتكي لحد منه او من الناس او مني واعيط بشكل ده قدامه
والاهم من ده كلو استسلم جواه كده.
اي فيك مختلف عن الناس جوايه؟
اي فيك يطمن قلبي بشكل ده حتي في زعلى منك يا ريان!
ريان: انا اسف بجد، بوعدك لو روحت مهمه المره الجايه اقلك ومش هخرج من البيت غير لما نحل الخلفات الاول ما بينا اتفقنا
ناردين: "تحرك راسها بالايجاب"
"يشعر بحركتها بداخله فيرفع راسها امامه ويخبرها بإهتمام"
ريان: اعرفي اني مستحيل اسيبك بطريقه دي ابدا، و انك مبقتيش لوحدك خلاص طول ما انا جمبك تمام
ناردين: امم
سكت شويه وغمز ببتسامه قماار كده
ريان: وحشتك؟
ناردين:....
بصيت في عيونه الي متوجهه قصادي بظبط ونزلت عيني في الارض لانه مهزق اصلا
فضحك وحضني تاني، هو استحلها ول اي!
ريان: ههه خلاص يا ستي مترديش، عمله لينا اكل اي بقي؟
ناىدين بضربه: عمله ده
ريان: اااه! بهزر يخربيت تقل ايدك
_______________
ناردين: انت عايز تجلطني قول بس!
ريان بمزاح : بس
ناردين: ريان بطل استفزاز!
ريان: الله! عملت اي انا
ناردين: اي الكركبه دي بزمتك، انا كنسه الصبح عارف يعني اي! والكوتشي بيتلبس بره ها بره
والجاكت بيتخلع في الاوضه
والاكل بنشيلو في ايدينا وندخلو المطبخ عادي والله
اصوت ولم عليا الناس!
ريان: انتي قفوشه لي، ده انا اساسا منظم
ناردين: اوي منظم واوووي!
ريان: الله يكرم اصلك يختي يا رب، متقومي تعمليلى كوبايه شاي عشان اهضم الاكل ده بالله؟
ناردين بديق: م هو يا رب لاما تاخده لاما انتحر عشان كده كتير
............
ريان: يبن الجزمه شوط عدل، ده انت غبي!
ناردين: يخربيت الصدع كفايه زعيق ودوشه
ريان: ابعدي من قدام الشاشه الاول انجزي
ناردين: خلاص يا عم ابعدنا روق واهدا كده
"تذهب لجلوس بجانبه"
ناردين: ميسي ده؟
ريان: مين!
ناردين: ايوا تقطيع ميسي و بياض ميسي وحركات ميسي
ريان: انستي تقولي حجم رجل الشوز بتاع ميسي
ناردين: "تنظر له بغيظ"
ريان: ده الدوري المصري اصلا، صدق الي قال انه اخركو المطبخ والله
ناردين: بقي كده طيب شوف مين الي هيعملك اكل في المطبخ ده يا عسسل
ريان: مكنش قصدي كده... طب نتفاهم.. طب ناردين جعان والله انتي يا ست؟
----------------
ولانه في 5 ايام في الشهر بيكونوا اسواء 5 ايام حرفيا ، بفقد شحن وطاقه ورصيد وكل حاجه في الدنيا وبطني تحسها بتغلي جوه
و مبقدرش اقوم اجيب لنفسي كوبايه مايه اصلا
كانت خالتو بتسبني ارتاح وتشتغل هي ال5 ايام دول
طيب لو طلب اكل دلوقتي هعملو ازاي، يخربيت كده!
"يضع امامها مشروب دافئ فتنظر له بستغراب دون تحدث"
ريان: ده الي موجود دلوقتي هترتاحي شويه لما تشربي
ناردين: احم هو....
ريان: ثانيه واحده قبل ما تحمري وتخضري في نفسك كده انا متعود علي كده
ناردين: متعود ازاي يعني!
ريان: احم اصل امي كانت بتتعب زيك كده ف هههه
ضحك كده وهو بتكلم ف وشي قلب احمرررر وكان نفسي اختفي هالحين !
حطيت وشي في المخده وسكت سكت خاالص.
ريان بإكمال: فبتشغلنا احنا في البيت بقي والي عايز ياكل قدامه الجبنه والحلوه
هو سجن اه والي مش عجبه يخبط دماغه في الحيطه
و انا والحج كنا بنطبخ بدلها ومُعانه يا باشا
ناردين:.......
ريان: ناردين
ناردين: ناردين هتشتمك دلوقتي فمشي من وشي
ريان: بتقولي اي مش سمعك
شلت المخده من علي وشي فلقيته بصصلي ببتسامه رخمه شبه كده فتكسفت وحطتها علي وشي تاني
ناردين: يا باارد
ريان: هههه خلاص يا ستى والله، هعملك شويه كبده ببصل كده ول شيف بوراك يقدر يعملهم اي رئيك
ناردين: .....
ريان: وافقتي خلصانه هعملك
اتحرك من قدامي وانا بقول لنفسي ادي اخرة الي تتجوز واحد فاهمه انه جود بوي وهو باد بوي وحلوف ومعندوش دم كمان
انا تخميت في البضاعه دي
ريان: اي رئيك
ناردين: اي ده! فول مدخن
ريان: لاء هو انا الي بدخن دلوقتي وبعد القفله دي والله لجيب ديلفري
يا متر 2 فول مدخن هنا
يضحكون..
_____________
عدا اسبوعين وتقريبا كان واخدهم اجازه ومقليش السبب
كانوا من احلي الايام الي قضتها معاه
كنا صحاب اوي ومتفاهمين جدا
وعرفت حاجات كتير في شخصيته، هادي، واثق من نفسه، وبهزر كتير ودمه خفيف بشكل قمر ودي عمري ما تخيلت اني القيها فيه!
يا خوفي لتغرقي اكتر من كده يا ناردين ونهارك اخضر، انتو صحاب يا ناردين صحاب وبس
ناردين: ريان دقيقه!
جيب الطلبات دي وانت جي
ريان: صباح الخير الاول طيب
ناردين صباح الفل يا قمر
ريان: ههه جيبي يختي
ناردين: ابقي تعالي بدري
ريان: هحاول، عايزه حاجه
ناردين: اه
ريان: عايزه سلمتي اكيد
ناردين: لاء
ريان: شكرا يا زوق، خير خلصي هتاخر
ناردين : هو انت لازم ترجع الشغل؟
ريان: لاء ينفع اترفد عادي، اقفلي الباب لتشل يلا
ناردين: ههه سلام
ريان: سلام
العصر...
هي الساعه وقفه لي، والوقت معندني لي، وهو وحشني لي
اجمدي يخربيتك ده اول يوم لسه!
ترن ترن ترن
ناردين: الو
ريان: ناردين امي 5 دقايق وتكون عندك دلوقتي
ناردين: ينهار اسود! طيب هنعمل اي! استخبي في الدولاب، لاء باء ديق ، اروح عند خالتي طيب، ده انسب حل دلوقتي صح هرحلها
ترن ترن ترن
ناردين: يلهوي الجرس برن هنعمل اي!
ريان بضحك: اهدي اي ده كلو! هو انا شقطك من ورا السلم انتي مراتي يا هبله روحي افتحلها اجري
ناردين: انت قولتها انك اتجوزت؟!
يتبع....
Rahma ayman
تعليقات
إرسال تعليق