 |
البارت 12_13_14
فضلت افكر في أحداث اليوم والمعلومات اللي عرفتها وفضلت افكر ازاي انتقم من المجرم اللي عايش معايا في بيت واحد ايوا هو اللي جه في دماغكوا كلكوا وحتي لو امي دمرت عيلته ازاي اهون عليه داانا اخته ازاي حد ياذي اخته ازاي هانت عليه سنين عمرنا مع بعض وحنيتي وعلي
حنيه اهلي كلهم عليه دا دلوعه العيله وبعدين يوم ما يفكر ينتقم ينتقم مني انا لا ولسه دا لسه عاوز يقتلني بس هو السؤال اللي محتاج اجابه فعلا هو عرف منين رغم كل احتياطات امي للمحافظة ع السر ده وكان لازم اعرف اجابه السؤال ده النهارده وفي وسط زحمه تفكيري افتكرت يونس وحنيته ونظرة عينه اللي فيها حنان يكفي العالم بحاله ويوقف حروب ازاي ممكن يكون ابن الست سكينه ازاي تكون امه مجرمه وقاتله؟! سكت شويه وبعدين قولت لنفسي دا ع اساس ان امك طلعت شيخه جامع ماهي شريكه امه في كل المصايب والجرايم اللي عملوها سوا بس برضه ماينفعش اقوله دلوقت انا اهم حاجه اعملها دلوقت هي اني اعرف يونس فين وازاي هو بني آدم زينا وازاي بيختفي لو ماماتش في حادثه الغرق ولو عايش ازاي اساعدة يرجع لحياته تاني بس انا دلوقت عاوزة اشوف يونس اعمل كدة ازاي ٠٠٠٠٠٠ يونس قبل كدة جه عشان يحذرني من خطر وبعدها ظهر وقالي انه مش هيسمح لأي حد ياذيني يعني معني كدة انه لو حس اني بتعرض لخطر هيظهر وهشوفه وكدا كدا في احتمال كبير ان ده يحصل بالليل لما أواجه رامي لان لو قدر رامي عليا انا كدا هكون يتعرض لخطر ولحظه حسيت بخوف وسكت شويه ٠٠٠٠٠وبعدين قولت ربنا يستر بإذن الله خير رب الخير لا يأتي الا بالخير وقومت عملت فنجانين قهوة ودخلت عشان اصحي ماما لكن لقيتها صحيت وماسكه دماغها من الصداع قولتلها مالك بس ياست الكل وبعدين ايه النوم ده كله صحي النوم ياسوسو انا عملت الغدا وقولت اعمل فنجانين قهوة نشربهم سوا عشان تصحصحي شويه انتي نمتي كتير اوي وحطيت أيدي ع دماغ ماما وقولتلها الحمد لله الحرارة كمان نزلت اهي وبقينا فل قالتلي حرارة ايه ؟!قولتلها انتي الصبح كنتي تعبانه اوي وحرارتك كانت عاليه واديتك خافض حرارة وسيبتك تنامي شويه عشان ترتاحي وتصحي كويسه والحمد الله الحرارة نزلت يلا بقي نشرب القهوة قبل ماتبرد وبالفعل خرجنا شربنا القهوة في الليفينج وشغلنا التليفزيون ولحسن الحظ كان مسلسل لن اعيش في جلباب ابي شغال وامي بتعشقه فبدات تركز معاه وصححت بعد القهوة والحمد لله ٠٠كنت حاطه أيدي ع قلبي انها تفضل مدروخه لحد اخواتي مايجوا ورامي يشك في حاجه المهم سيبت ماما قدام التليفزيون ودخلت اخدت سكينه من المطبخ وحطتها تحت المخدة عندي ولسه هخرج من اوضتي لقيت يونس واقف عند الباب وشكله كان زعلان ٠٠ ماصدقتش نفسي انه موجود فعلا وابتسمت لا اراديا وقولتله يونس قالي ماتعمليش كدة يالين عشان خاطري ربنا هيجبلك حقك وانا كمان هجبهولك لما اقدر اخرج من السجن اللي انا فيه بس عشان خاطري ماتاذيش نفسك وكفايه اوي اللي حصلك وانا وعدتك قبل كدة اني مش هسمح تاني باذيتك بلاش الاذيه تيجي عن طريقك انتي لأنك الشخص الوحيد اللي مش هقدر أقف قصادة يالين ارجوكي قولتله ليه؟!قالي ليه ايه؟!ليه بتخاف عليا ؟ ليه بتحاول تحميني ؟ وليه انا الشخص الوحيد اللي ماتقدرش تقف قصاده ؟! قالي عشان ٠٠٠عشان ٠٠٠٠٠٠ مش عارف كل اللي اعرفه اني في حاجه بتربطني بيكي واااا رديت قولتله وايه يايونس وايه ؟وعنيكي يالين مالها عنيا ؟سبحان من ابدع غير حلاوتها اللي ماتتوصفش فيها كتييير فيها حنيه تكفي العالم وتوقف حروب ٠
استني انت قولت ايه ؟!قولت عينك حلوة قوي ٠ لا مش دي٠٠ قولت عينيكي فيها كتيير فيها حنيه تكفي العالم وتوقف حروب ٠ قولتله ازاي ده ؟! رد عليا يونس وقالي ازاي ايه انتي اتضايقتي مني انا اسف ٠ قولتله انا قولت نفس الجمله بنفس ترتيبها ونفس الاحساس لنفسي الصبح ٠قالي والله عن مين ان شالله ؟! قولتله عن عن خلاص خلاص ماتاخدش في بالك ٠رد عليا بعصبيه غريبه عصبيه واحد غيران ع خطيبته وقالي مين يالين قولتله عن عن عنك يايونس واتكسفت بعد ماقولت الجمله واحمريت وبصيت في الأرض ٠ قالي بجد يالين بصيتله وهزيت راسي اللي هو بجد يعني ولما بصيتله لقيت نظرة الغيرة اختفت واتبدلت بفرحه وابتسامه جميله ماشوفتش في حياتي زيها وعيون بتضحك اتكسفت تاني وبصيت في الأرض قالي اوعديني يالين مش هتعملي اللي في دماغك قولتله اسمعني بس يايونس ٠قالي دي بالذات يالين مافيهاش اسمعني ارجوكي ياحبيبتي انا خايف عليكي احم احم اقصد يالين ٠٠ ابتسمت من جمال الكلمه وفضلت باصه في الأرض شويه وبعدين قطعت الصمت اللي كنا فيه وسألته انت ازاي مش فاكر اي حاجه عن نفسك ؟قالي مش عارف ٠٠كل اللي اعرفه اني محبوس في مكان بارد ومابخرجش منه الا لما بحس انك في خطر وبرجع تاني وحتي دي كمان ماعرفش بتحصل ازاي سألته وقولتله تعرف واحدة ست اسمها سكينه؟سكت شويه وقالي سكينه مش عارف انا حاسس اني اعرفه بس مش عارف؟٠٠ مالها سكينه قولتله سكينه دي تبقي والدتك وبتقول انك ٠٠٠اني ايه يالين ؟! انك غرقت من اكتر من أربع شهور ومت بس ماقدروش يلاقوا جثتك ٠٠٠٠٠ايه الهبل اللي انتي بتقوليه ده مانا قدامك اهوه وبكلمك وبعدين لو انا ابن الست سكينه ومت امال مين اللي بيتكلم معاكي دلوقت ٠٠قولتله ما ماانت بتختفي يايونس واديك بتقول يايونس انك محبوس واااا
وايه يالين انا مش عفريت ولا شبح انا بني آدم زيك ٠ طلبت منه يقف قدام المرايه عشان يعرف ان كان شبح ولا بني آدم لان الأشباح مابيظهرلهمش اي انعكاس في المرايه واول ما ماوقف يونس قدام المرايه حصل حاجه لا يمكن تتوقعوها عارفين حصل ايه ؟! استنوا البارت التالت عشر من عفوا ايها الشبح احببتك بقلمي aya Elkhwaga ولو البارت نال استحسان حضراتكم رجاء ادعموني فضلا 🙏
البارت الثالث عشر
بعد ماطلبت من يونس انه يقف قدام المرايا عشان يتأكد ان كان عفريت ولا بني آدم لان العفاريت مابيظهرلهمش انعكاس في المرايا وراح فعلا وقف عند مرايه التسريحه وروحت وقفت جنبه واللي ظهر في المرايا انعكاس صورتي انا بس وقفنا احنا الاتنين مصدومين وفضلنا نبص لبعض شويه ونبص للمرايا شويه والحقيقه ان صدمتي كانت أكبر من صدمه يونس نفسه٠٠ بفي الشخص الوحيد في الدنيا دي اللي بطمن في وجوده شبح الوحيد اللي حبيته عفريت مابقتش عارفه اضحك من الكوميديا السوداء اللي في الموقف ولا اعيط عشان كان نفسي اكمل عمري معاه ولا أخاف منه عشان طلع شبح والمفروض اخاف منه لكن اخاف منه ازاي وهو اصلا مصدر الأمان الوحيد بالنسبالي ولا يصعب عليا عشان أحلامه اللي ضاعت منه وعمره اللي راح وهو في عز شبابه ولا روحه اللي مش مرتاحه عشان كدا ظاهرله عفريت طب ايه اللي مخلي روحه مش مرتاحه معقوله يكون مات مقتول انا اصلا مش مستوعبه الكلام اللي بفكر فيه ازاي قلي عمال يطرح عليا اسئله من النوع ده فضلت سرحانه ومتنحه لحد مافوقت ع صوت يونس وهو بيقولي يعني ايه يالين؟!٠٠٠٠٠٠ يعني انا ميت انا ميت يالين طب انا هنا بعمل ايه رديت عليه بمنتهي البرود اللي معرفش جاني منين وكأني كنت قاعدة في تلاجه حفظ موتي لأنك اتقالت يايونس روحك مش مرتاحه ٠٠٠ قالي انتي بتقولي ايه انتي مصدقه كلامك ده فين المنطق في كلامك انتي متعلمه حتي ٠٠ قولتله وفين المنطق في كل اللي بيحصل انا عايشه فيلم رعب مالوش اي تفسير منطقي وأعتقد ان في حاجات فعلا استيعابها أكبر من حدود العقل انا بس مش قادرة أصدق انك٠٠٠٠ اني ايه يالين ؟!انك في لحظه ممكن تختفي من حياتي وللابد وقبل مايونس يرد عليا ماما ندهت عليا وعقبال مارديت عليها ولفيت لقيته اختفي فعلا فضلت ابص عليه يمكن يكون واقف في اي ركن في الاوضه لكن برضه مالقتوش قعدت ع السرير وفضلت اعيط زي الأطفال واقول أظهر يايونس عشان خاطري ماتسيبنيش وتمشي وبقيت عامله زي اللي روحها ضاعت منها وجالي احساس غريب ان دي اخر مرة ممكن اشوف فيها يونس والاحساس ده رعبني جدا وخلاني زدت في العياط زي الأطفال الصغيرة وماوقفنيش عن العياط غير صوت ماما وهيا بتنده عليا وصوتها عمال يقرب من اوضتي وهيا بتقولي بتعملي ايه ده كله ٠٠٠ مسحت دموعي بسرعه وقومت خرجت قبل ماتدخلي قالتلي ايه يالين ده كله يلا اخواتك رجعوا من برا وميتين من الجوع يلا عشان نحضر السفرة قولتلها ارتاحي انتي ياحبيبتي وانا هحضرها انا قالتلي مالك يا حبيبتي انتي معيطه قولتلها لا ابدا انا بس وانا بعمل السلطه قطعت فلفل بس شكله كان حراق جدا وبرغم اني غسلت أيدي كويس الا انه اثره كان لسه في أيدي وايدي جات ع عيني ومن ساعتها عيني بتدمع لوحدها قالتلي ماشي يافالحه ابقي خدي بالك بعد كدة قولتلها حاضر يا حبيبتي وسيبتها ودخلت المطبخ احضر الغدا ورصيته ع السفرة لكن ماقدرتش اقعد معاهم ع السفرة واكل معاهم اولا ماكانش ليا نفس للأكل ثانيا ماكنتش قادرة اسيطر ع مشاعر الغضب اللي كنت حاساها تجاه رامي ولا كنت قادرة احافظ ع هدوئي فكان لازم ادخل اوضتي عشان اعرف اهدي وافكر هعمل ايه مع رامي بالليل وياتري هو هيتصرف ازاي لما اواجهه باللي عرفته ؟!٠٠٠٠٠تفتكروا ايه اللي ممكن يحصل استنوا البارت الرابع عشر من عفوا ايها الشبح احببتك ولو البارت نال استحسان حضراتكم رجاء ادعموني فضلا🙏
البارت الرابع عشر
بعد ماحضرت السفرة وكلهم قعدوا عشان يتغدوا سيبتهم ودخلت اوضتي ماما سألتني مش هتاكلي قولتلها ماليش نفس وعندي صداع هنام شويه ولما اصحي ابقي اكل رد عليا رامي وقالي لازم تهتمي باكلك شويه ياحبيبتي كفايه اللي حصل في الأيام اللي فاتت ٠٠٠٠٠ قولتله حصل ايه في الأيام اللي فاتت يارامي قالي اعصابك كانت تعبانه وماكنتيش بتاكلي احنا ماصدقنا انك بقيتي اهدي تعالي ياليلو اقعدي جنبي وانا اكلك انا وبصلي بصه خبيثه كلها غل وكره ممزوج بابتسامه خبيثه مدعيه للحب الأخوي ولاني عرفت كل حاجه كنت فاهمه بصته وابتسامه وحنانه المزيف قولتله لا معلش يارامي انا فعلا عندي صداع هنام ولما اصحي هاكل ماما قالته خلاص يابني سيبها علي راحتها دخلت اوضتي وانا محروق دمي من الحيوان اللي اسمه رامي وانه ازاي بيمثل البراءة والكل مصدقه ،؟وقعدت ع السرير وضلمت الاوضه عشان اقدر افكر في الخطوة الجايه ليا لكن من التعب مجرد مادخلت السرير نمت واللي ساعدني علي ده الهدوء والضلمه اللي كانت في الاوضه لكن صحيت في حدود الساعه واحدة بالليل قومت عملت فنجان قهوة وبصيت عليهم لقيتهم كلهم في سابع نومه شربت قهوتي وانا بفكر اعمل ايه في رامي لكن الحقيقه انا ماعنديش خطه ومش قادرة استني اني اعمله خطه كل مااقتكر اللي عمله فيا احس بالدم بيغلي في نافوخي واحس اني عاوزة اقتله وحقيقي مش قادرة اسيطر ع غضبي اكتر من كدة خدت السكينه من تحت المخدة وحطتها في هدومي ودخلت اوضه رامي وقفلت الباب بالمفتاح من جوا وقعدت جنبه ع السرير وطلعت السكينه وحطيت سنها ع رقبه رامي وفضلت العب في زرار الاباجورة اللي جنب السرير واطفي النور واولعه لحد مارامي صحي واول ماشافني اتخض وقام مرة واحدة فالسكينه عورته غبي مش ذنبي 😏٠٠٠٠ زعق و قالي ايه اللي جابك هنا وايه اللي بتعمليه ده رديت عليه ببرود وقولتله وطي صوتك احستلك وتعالي نصفي حسابنا مع بعض ،انت تصفي بقيت حسابك وانا اصفي حسابي كله ٠٠٠ قالي انتي بتقولي ايه انتي شكلك اتجننتي فعلا ٠٠٠٠٠ رديت عليه ببرود بعد ماقربت السكينه من وشه وقولتله لسه🤷♀️ بس مااوعدكش انك لو كملت بأسلوب الاستعباط ده اني اقدر احافظ ع هدوء اعصابي وانت حر بقي ٠٠٠٠ بصلي رامي بصه عدم فهم واستغراب وخوف😧 لكن لأول مرة احس اني فقدت احساسي بقلبي او تحديد فقدت قلبي كله وماحستش تجاه رامي غير بغل كبير😠 ،وبدأت بسؤاله وقولتله ليه يارامي ؟! قالي ليه ايه بس انا مش فاهم حاجه ولا فاهم مالك ؟!قولتله بطل استعباط ماتخلنيش اتصرف تصرف يخسرك حياتك هو انا كدا كدا هخليك تخسرها والعين بالعين والبادي أظلم بس مش دلوقت ،ورجعت كررت سؤالي ليه يا رامي مالقتش غيري تنتقم منه واوعي تقولي مش فاهم انتي بتقولي ايه تاني انا بحذرك انا خلاص عرفت كل حاجه عرفت حدوته الصعيد والست سكينه وامي اللي قتلت امك واغتصابك ليا ومحاولتك في انك تجنني وحبوب الهلوسة وخطتك في انك تقتلني عشان تنتقم من امي بس اللي مش فهماه فعلا هو ليه اغتصبتني ليه ماقتلتنيش علي طول وليه بتحاول تثبت اني مجنونه وليه انا ؟!ليه؟رد عليا بغل فظيع وكانه قنبله موقوته او بركان وانفجر وقالي عشان كل اللي حصلي وحصل لأهلي بسببك انتي وابوكي وبعدين مين قالك اني باخد تاري منك لوحدك انا خدت تاري من سكينه او بدأت لاني مش هرتاح غير لما اقضي عليكوا كلكوا هدمر العيله دي واخد واحد انا بس اللي مصبرني كل ده أن اهلي وهما بيموتوا اتعذبوا فلازم اشوفكوا بعيني بتتعذبوا قبل مااخد تار اهلي ٠٠٠٠ قولتله استني هنا انا السبب في موت اهلك ازاي وبعدين انتقمت من الست سكينه ازاي ٠٠٠٠٠٠ انت اللي 😱انت اللي قتلت يونس ؟٠٠٠٠٠ابتسم ابتسامه باردة 🙂 وقالي ايوا انا امال احرق قلب أمه ازاي زي ماحرقوا قلب امي قلب مايحرقوها٠٠٠٠٠ قولتله يعني يونس مات بجد🥺😡 قالي يعني ايه مات بجد هو فيه موت بهزار ؟!وبمجرد ماقال كدا حسيت اني فقدت عقلي وقولتله انت ايه يااخي شيطان بتحاسبنا ع غلطات احنا ماعملناهاش ومالناش ذنب فيها ضيعتني وقتلت يونس بدون وجه حق انت شيطان ،شيطان ،شيطان وفوقت بعد الانهيار اللي حصلي ع منظر السكينه وهي في بطن رامي وهو غرقان في دمه ومابينطقش بعد ماصرخ صرخه صحت البيت كله ولقيت ماما بتخبط علي الباب وبتقوله افتح يارامي مالك يابني بتصرخ ليه ولقيت أكرم بيقولها ايه الصوت ده ياماما في ايه مع رامي قالتله مش عارفه يابني فضلوا يخبطوا وانا متسمرة مكاني ولا عارفه افكر ولا حتي اتحرك من مكاني وكأني اتشليت من صعوبه الموقف ولما يأس أكرم من الخبط كسر الباب واول ما دخل أكرم وماما وشافوا رامي سايح في دمه وانا مسهمه وفأيدي السكينه وهي غرقانه دم ومابنطقش امي وقعت من طولها في نفس اللحظه واكرم قرب مني وقالي ايه اللي عملتيه ده يامجنونه قتلتي اخوكي قتلتي رامي انتي اكيد اتجننتي ولازم تدخلي مستشفي المجانين وبعدها قرب ع رامي ومسك التليفون طلب الإسعاف وشال ماما دخلها اوضتها وحاول يفوقها وانا فضلت مكاني لا بتحرك ولا بنطق كأني فقدت احساسي بكل شئ حواليا ماحسيتش غير والمكان كله مقلوب وفي ناس كتير وبوليس واسعاف ودخل ظابط علي شان يحقق معايا في اللي عملته وانا قولت للظابط اني قتلته فعلا ومانفيتش التهمه عن نفسي نهائي وقولتله اني قتلته عشان هو دمرني وقتل يونس وكان ناوي يقتلني ويموت العيله كلها دا شيطان😭 لقيت أكرم بيقولي يونس مين يالين ورامي مين اللي عاوز يقتلك كفايه جنان بقي لقيت الظابط بيوجه كلامه لاكرم وبيقوله هي ايه الحكايه ومين يونس اللي بتتكلم عنه والمجني عليه اخوها فعلا رد أكرم وقال ايوا يافندم رامي اخونا الصغير ومافيش حد نعرفه اسمه يونس وقاله ان ده شخص من نسج خيالي واني بقالي شهور بتصرف تصرفات غريبه وفضل يشرحله حالتي علي اني مجنونه وفي اللحظه دي جالي انهيار عصبي وفضلت اصرخ وأقول انا مش مجنونه يااكرم انا مش مجنونه انا قتلت الشيطان يااكرم وحميتكوا من شره انا مش مجنونه يااكرم مش مجنونه وفضلت اصرخ لحد ماغبت عن الوعي واول مافتحت عيني اترعبت من اللي شوفته عارفين شوفت ايه
يتبع
تكملة الروايه من هنا هنا
تعليقات
إرسال تعليق