 |
البارت التالت 💕
_مريم؟
=نعم
_تتجوزيني
=نعم؟
خدتت خطوات سريعه وفجأه وقف قدامي فشهقت
_مريم، انا عاوزه اتجوزك
=هو اي حد يعمل كده مع مامتك تتجوزه!
ابتسم _لا، إنتي بس
=بس ..
_بس ايه!!
=انت تستاهل الأحسن منيبكتير يا احمد
_متقوليش كده
=تقدر تقولي هتقول لمامتك انا بشتغل اي! هتبقى مكسوف مني طول الوقت قدام الناس، غلط يا احمد الي عاوز تعمله دا أكبر غلط
_تولع الناس انا هتجوزك انتي مش هما، مش هبقي مكسوف ولا حاجه انتي اشرف واحده شوفتها في حياتي
=أحمد ارجوك عاوزه اروح
_مريم انا ..
=احمد عشان خاطري روحني بدل ماخد تاكسي
_حاضر، اتفضلي
مشيت قدامه، وكنت بدمع هو عاوز يتحوزني بجد!!
طلعنا برا لقيت بنت جايه وحضنته
_أمل انتي بتعملي اي؟
=الشغاله اتصلت بيا قالت إن مامتك تعبانه، هي كويسه؟
بعد عنها _اه كويسه، ادخلي شوفيها
=هي مين دي يا أحمد؟؟
_دي مريم
=ايوه مين يعني!!
_ادخلي شوفي ماما، يلا يمريم
مشي وانا مشيت وراه، بصيت ورا لقيتها بتبصلي، هي مين دي!! ويعني هي بتحضنه لي؟
_دي تبقي ..
=مسألتش ،انت حر
_علي اساس اني الي حضنتها؟
=متفرقش كتير فكلا الحالتين اتحضنت
_الاه !!
ركبت العربيه وهو ساق، كان كل شويه يبصلي ويرجع يبص قدامه، وصلنا ونزلت ومشيت من غير مبصله حتى
رجعت البيت لقيت بابا نايم، دخلت اوضتي وقعدت افكر، إلى بيحصل دا غلط، انا لازم ابعد، انا مش راحه بكره الشغل وهو هيفهم ان خلاص معتش هاجي، انا نفسي اتجوزك بس مينفعش! مش عوزاك في يوم تكرهني
نمت وصحيت فطرت مع بابا وفضلت قاعده، اتغدينا وغسلت الأطباق وقعدتت
_انا مش راحه الشغل النهارده يبابا
=لي يبنتي حصل اييي؟
_متخافش خدتت اجازه من الشركه النهارده عشان اقضي اليوم معاك
=ربنا يصلح حالك يحبيبتى
بعد العشا لقيت الباب بيخبط!! مين هيجيلنا ؟ لبست طرحه واسدال وطلعت
فتحت لقيته هو، كان لابس بدله، كان زي القمر، فضلت واقفه باصه وسارحه فيه
_كلها كام يوم وتبصلي فيا كل متحبي وفي أي وقت
=نعم؟ امشي يا احمد من هنا، بابا جوا
_مهو دا المطلوب
دخل وانا لسه ماسكه الباب
_ادخلي اوضتك عشان محدش يشوفك وانتي واقفه كده
قرب وميل عليا= شكلك حلو جامد
ابتسم ودخل! هو اي مين ازاي!!
دخلت لقيته قاعد مع بابا
_ازيك يعمي، ان شاء الله بخير
=نحمد ربنا، اتفضل اقعد يبني، انا عمك سيد جمال
_انا احمد مراد ويسعدني اني اطلب ايدك بنتك مريم
=مريم!!
بصلي وابتسم ورجع بصله
_وانت بتشتغل اي يبني؟
=انا ماسك شركه والدي الله يرحمه
_الله يرحمه
=اوعدك اني هصونها وهشلها في قلبي قبل عنيا والله
_انت بتحبها؟
=هي اكتر حد بحبه في حياتي بعد امي
كنت واقفه متجمده مكاني، اعيط طيب؟ انا، انا مش عارفه هو بيعمل كده لي، بس بابا كان مبسوط اوي
وقفت جمب بابا وبابا بصلي
_مبروك يعروسه
=بجد يعني انت موافق يعمي ؟
_تقدر تجيب اهلك بكره يبني ونتفق، اسيبكم سوا شويه
بابا دخل المطبخ وانا لسه واقفه مكاني
_احمد انت اي الي بتعمله دا انت مش عارف نتيجه الي بتعمله انت ..
=انا بحبك، والله العظيم بحبك افهمي بقى
_..
=انا كنت عند صباح من شويه، انتي معتيش راحه الشغل، دفعت الفلوس وخدتت دا
فتحتت الورقه لقيتها الوصل الي كنت ماضيه عليه، رجعت بصتله تاني
_اشمعنا انا؟
=اقعدي طيب!
قعدت وبصلتله
_هتصدقي لو قولتلك معرفش؟ معرفش حبيتك فيكي اي بالظبط، يمكن شوفت فيكي اختي لما خوفتي على امي، انتي انقذي حياتها وحياتي انا كمان، شوفت فيكي البنت الي ممكن اي حد يتمناها، شوفت طيبتك وحبك لباباكي الي وصلوكي انك تمضي على فلوس عشان تعمليله العمليه، شوفت بنت بميت راجل وجدعه وقادره تصوني، شايف اني حبيتك اوي يمريم بعد مكنت خلاص انتهيت
=..
_افضلي مكتومه، دا انتي يشيخه مفيش دم ولا قلب خالص يشيخه اتقي الله و..
=انا كمان بحبك
_الله يسامحك و.. اي قولتي اي؟
=لا هو الاوبشن دا مره في العمر
_يعني موافقه؟
=انت موافق؟
_انا موافق جامد
=وانا كمان
ابتسم _هعوضك عن كل حاجه، اوعدك، همشي انا بقى، جاي بكره ان شاء الله مع ماما وعمي، اشوفك على خير يحلوه
مشي وانا كنت هموت من الفرحه، يمكن دا فعلا عوضي عن كل الي شوفته، ازاي ربنا يطبطب على قلبي كده، لأول مره اعيط من الفرحه، احساس حلو، حلو اوي اني فعلا حبيته
_يعني موافقه اهو، امال كنتي واقفه زي الصنم لي؟
=يوه بقى يبابا
ضحكت وحضنته
_الف مبروك يبنتي، انا موافقتش غير لما شوفت قد اي هو بيحبك مع ان فراقك هيبقى صعب عليا اوي
عيطت وبصلتله وسكتت
_بطلي نكد، قومي اعمليلنا مانجا يلا
قومت وعملت عصير وشربته انا وبابا ودخل نام
كنت ماسكه الوصل وبتفكر كل الي حصل معايا، اول يوم شوفته، يوم ملمس خدي، يوم محكالي عن اخته، يوم مكنت عند مامته، ومن شويه وهو بيميل عليا، كانت تفاصيل قادره تخلي الضحكه على وشي زي دلوقت كده!!
قطعت الوصل ونمت وانا مرتاحه، اول مره في حياتي انام وانا مرتاحه كده
صحيت الصبح وطبعا بابا هاريني وانا راحه وانا جايه ، إلى هو مش انتي كنت كارهه الرجاله؟ مش انتي كنتي مش عاوزه تتجوزي؟ دا احنا حبينا بقى ولا اي؟ جالي صداع من كتر التحفيل
جه بليل ولبست دريس، كانت لون السما كان حلو اوي وقعدتت اتخيل قدام المرايا هعمل اي
_اتفضل لا مش كده اقوله اشرب؟ لا لا انا هقوله نورت! يوه بقى ينفع ميجيش النهارده عشان اعمل بروفه جامد اوي؟
الجرس رن وانا اتوترت، بس فتحت في الاخر الحمد لله
كانت مامته وهو ودا اكيد عمه الي بيقول عليه، ودي!! اي اي جابها هنا دي، دي نفس البنت الي حضنته
ابتسمتي خفت _اتفضلوا
دخلوا وانا دخلت المطبخ وبابا راح الصالون، جبت الشربات وخرجت وقعدت وكان وشي في الأرض
_انا ابن اخويا جه وقالي انه عاوز يتجوز، والصراحه عرف ينقي
بابا =الله يكرم أصلك
كنت مكسوفه ومبسوطه الي هو دا التقل الي كنا بندرب عليه؟
_لو سمحت يعمي انا عاوز كتب كتاب على طول
الكل ضحك وانا وهو بصينا لبعض وضحكنا ورجعت بصيت في الأرض
=على خير الله يبني، ربنا يسعدكم
_طب نقرأ الفاتحه بقى
وقف الفاتحه صوت البنت وهي بتقول
_هنتجوز واحده شغاله في كباريه يا ابن عمي؟
يتبع
مريم سمير ❤️
تفاعل كتير بقي عشان انزل بسرعه 🤗♥️
البارت الرابع والاخير ♥️
_هتتجوز واحده شغاله في كباريه يا ابن عمي؟
شهقت وبصيتلها بصدمه
=امل اخرسي خالص
_لا مش هخرس انت عاوز واحده زي دي تخش عيلتنا!!
كنت بعيط ومش عارفه اعمل اي، لغايه ما بابا وقع من على الكرسي بتاعه
_بابا، بابا رد عليا، بابا فتح عينك متسبنيش
احمد شاله وكله نزل ركب العربيه، كنت بعيط وماسكه ايد بابا بس هو مش بيفتح خالص، وصلنا المستشفى واحمد قال لممرضين يجي ياخدوه من العربيه، خدوه ودخلوا اوضه والدكتور دخل وقال مينفعش حد يدخل، كنت واقفه بفتكر في الي حصل، طب لي عملت كده؟ انا معملتش اي حاجه تأذيها، كانت بتبصلي ب انتصار كأنها عوزاني فعلا متجوزوش، طيب هي مقلتليش لي بدل متقول قدام بابا وتكشف اكبر سر في حياتي!!
احمد جه وقف جمبي ومسك ايدي
_انا جمبك متخافيش هيبقى كويس
جت ووقفت قدامنا
=احنا مش هنمشي بقى ولا اي؟
_اقسم بالله لو متخرستي خالص لكون ضاربك قلم يربيكي
=انا عاوزه افهم الي بيحصل دلوقت، مش خلاص انت جبته المستشفى لازمتها اي نفضل هنا؟
_والله محدش قالك افضلي، انا هركب ماما وباباكي تاكسي دلوقت، روحي معاهم يلا
=لا و..
شدها من ايدها جامد وطلعوا برا هو ومامته وعمه، كنت واقفه مستنيه الدكتور يخرج يطمني بس سمعت صوت امل واحمد في اوضه قريبه مني، مشيت براحه لغايه موصلت الاوضه وهما بدءوا يتكلموا
_انتي لي بتعملي كده؟ اي كميه القرف والغل دي
=بعمل كده عشان عارف اني بحبك
_كان زمان الكلام دا، وكنا مخطوبين وفضناها، يبقى ملكيش دعوه بحياتي ولا بقراراتي انا عارف انا بعمل اي كويس اوي
=اشمعنا هي مش انا؟
_عاوزه تعرفي لي هي مش انتي؟ عشان لا هي طماعه ولا بتفكر في الفلوس، عنيها مليانه مش زيك كل الي همك ازاي تصرفي، هي أجمل واحده شوفتها في حياتي واشرف بنت في الدنيا ودا غصب عنك والله، وهتجوزها يا امل ويومها بقى هدفعك تمن كل دمعه نزلتيها من عنيها بسببك، انا بحبها وعمري محبيت غيرها، حتى كنت فاكر اني بحبك زمان بس طلعت مغفل ويخربيت قلبي لو كان حبك ثانيه
=للدرجاتي بتكرهني ؟
_انا مش بكرهك، انتي بنت عمي في الأول والآخر، بس انك تعملي الي عملتيه دا، وانك تعيطيها وتحسسيها انها اقل مني و..
=هي فعلا اقل منك
ضحك_دا بتهيقلك، دي جذمتها أعلى من ناس كتير، انتي مش عارفه حاجه ولا تعرفي تبقى زيها
=اه وبالنسبه للكباريه؟
اتعصب_ميخصكيش، الكلام اتقفل معايا، مش هكلمك تاني الا لما اكون بعزمك على فرحنا اوعدك ب دا
سابها وطلع لقاني في وشه ف ابتسم
_تعالي نشوف باباكي عامل اي دلوقت
كنت مبلمه وساكته، رجعنا قدام الاوضه بتاعت بابا والدكتور طلع
_طمنا يا دكتور، هو كويس؟
=الحمد لله كويس هي صدمه عصبيه ، بس رجله اتاثرت بالوقعه فلازم يعمل عمليه
_اعملها
=تمم، بس العمليه هتتكلف 200 الف جنيه
_الحسابات فين؟
=في الدور الأول جمب الاستقبال
_تمم، جهز العمليات انا نازل ادفع
=تمم بعد ازنك
جه يمشي مسكت ايده
_انت هتعمل اي؟
=هنزل ادفع الفلوس عشان العمليه!
_بس المبلغ كبير، كبير اوي
=دا مش باباكي لوحدك يمريم، خليكي هنا لغايه ماجي
مشي ولقيت امل جايه
_تاخدي كام وتبعدي عنه؟
=انا مش عاوزه حاجه
_عاوزه تفهميني انك هتتجوزيه ومش طمعانه في فلوسه مثلا!
=طبعا هتجوزه عشان حاجه واحده
_اي هي؟
=عشان بحبه
بصتلي بغيظ ومشيت ولقيت احمد كمان شويه جه وقف جمبي
_العمليه كمان ساعه، تعالي عشان تنامي
=مش هعرف انام
_اقعدي في الاوضه دي وحاولي تنامي
قعدتت على كنبه كانت جمبي
_يا احمد لما اطمن عليه
جه وقعد جمبي، ومش عارفه ازاي نمت على كتفه هو كمان نام، وصحينا احنا الاتنين على صوت الدكتور
_ايوه، بابا كويس؟
=الحمد لله العمليه نجحت ويقدر يمشي على رجله بس لازم علاج طبيعي في الأول
_ممكن اشوفه؟
=اه اتفضلي
ابتسمت واحمد جه معايا، اول مفتحت الاوضه وشافني دور وشه الناحيه التانيه
_حمدالله على السلامه يبابا، انا كنت قلقانه عليك اوي
=انتي مين؟
_انا بنتك!
=انا كان عندي بنت وماتت
انهارت من العياط وقعدت على الأرض
_متقولش كده يعمي، بنتك معملتش حاجه بنتك لازم تكون فخور بيها مش تموتها! وتكون رافع راسك لمجرد انها بنتك انت! لما عملت الحادثه جرت على الست صاحبه الشغل ومضت على 10000 ج فهي ذورت في المبلغ وبقي ميت الف جنيه، معرفتش تعمل اي مكنش قدامها حل الا كده، بنتك معندهاش أغلى منك في حياتها، انت ونسها وسندها حياتها ملهاش لازمه من غيرك ، مينفعش تعمل فيها كده، اول مره شوفتها مكنتش زي باقي البنات الي هناك، بنتك لسه بشرفها وانا لسه عاوز اتجوزها عشان عارف ومتاكد انها هتصوني، انا اختيارتي كلها غلط الا هي، مينفعش تحكم عليها من كلمه سمعتها لازم تعرف هي عملت كده لي!
بصيت لأحمد ووشي كان مليان عياط
_تعالي يمريم، تعالي سلمي على باباكي
قربت من بابا وحضنته
_حقك عليا يبنتي، انا السبب في كل دا
فضلت حضناه وخرجت من حضنه وحكناله على العمليه انه هيقدر يمشي قريب، كنت فرحانه اوي، بابا نام وانا وهو خرجنا
_انا مش عارفه اقولك اي، انا بحبك اوي والله
=دا اي الهنا دا كله بس
بابا خرج بعدها بيوم وفضلنا نعمل جلسات علاج طبيعي، قولت لأحمد منتجوزش الا لما بابا يقدر يمشي على رجله وهو وافق واتخطبنا، طبعا اقنع مامته ومامته ست طيبه اوي، كنا في الفله انا وهو ومامته وبابا وطلعت الجنينه انا وهو
_احمد
=يروح احمد
_يبني عيب بقى! لاحظ ان بابا ومامتك جوا
=اه منا عارف
_معتش تقرب
=ولو فضلت أقرب الهانم هتعمل اي؟
_..
ضحك =خلاص بهزر بهزر
_عاوزه اوريلك حاجه
=حاجه اي؟
شديت ايده وطلعنا برا وحطيت ايدي على عنيه
_123
شيلت ايدي
_اي رايك
ابتسم ومدمع =حلوه اوي
كنت عامله تلاجه ميا صدقه جاريه على روح اخته، كنت بحاول افرحه ب اي طريقه، اي حاجه لو نكته عشان يضحك، كنت بستنى اي فرصه تفرحه عشان ارد لو جزء بسيط اوي من الي عمله معايا
بابا رجع يمشي تاني وردت فيا الروح تاني، حياتي بقت جميله اوي من ساعه مدخلها وحقيقي عوض ربنا دا عظيم، عظيم جدا والله
جه يوم كتب الكتاب، كان احلى يوم في حياتي، مش عارفه اعيط ولا افرح، أدركت يعني اي عياط من الفرحه وان اليوم دا اخيرا جه
[بارك الله لكما وبارك عليكما وجمع بينكما في خير ]
سمعت الجمله وفضلت مبتسمه الي هو والله واقعه اقسم بالله
كان جاي يقرب مني فجريت على حضنه، مهو خلاص بقى جوزي يجماعه حياء اي بس! يعني اي حياء؟
ضحك_كنت هاجي احضنك مش كنتي تصبري
=وفرت عليك المسافه
سلمنا على كل الموجود وطلعنا برا نقعد سوا في الجنينه
اول مشوفت امل جايه من بعيد ابتسمت
_احمد!!
=يروح احمد
_متيجي نجرب حضن كتب الكتاب تاني؟
مريم سمير ❤️
رأيكم 🥺💜
تعليقات
إرسال تعليق