 |
_وعاوز أنهى واحده يباشا؟
=دي
_دي!!
=اه مالك مستغربه لي، هديكي الي انتي عوزاه
_مدام كده فتحت امرك يباشا، ثواني وتجهز
كنت واقفه بدمع، هو اختارني انا لي؟ انا عمر محد اختارني وكنت بدعي ربنا على طول ان اللحظه دي متجيش، خدتني من ايدي وسحبتني وراها ودخلت اوضه وقفلت ورمتني قدامها
_اخيرا حد طلبك، دا انا كنت زهقت منك، اجهزيي يلا
=لا، ابوس ايدك لا
ضربتني بالقلم _لا اي يبت!! انتي اتجننتي! ولا عاوزه ابوكي يعرف؟
=ابويا لا عشان خاطري خلاص، هجهز اهو
_ربع ساعه وهدخله، تكوني على سنجه عشره عارفه لو زعلتي الزبون! هندمك يمريم انتي سامعه؟
=س سامعه، حاضر والله
_حطي مكياج ونوري كده جتك قرف
طلعت وانا كل وشي عياط، انا لي بيحصلي كده، انا مكاني مش هنا والله مش هنا، قعدت على السرير، فتح الباب وانا حاطه وشي في الأرض، كنت حاسه بخطوات رجله، كنت حاسه بنفسه وقلبي بيدق جامد وخوافه، انا مش عارفه اعمل اي، يرب يرب انت سامعني وعارفني أقف جمبي يرب انا مش عاوزه ده
قعد جنبي وسكتت، لقيته بيحط ايده على خدي فشهقت
_اهدي اهدي، انتي مين ضربك كده!!
=..
_صوابعها معلمه على وشك!
=..
_انتي اسمك اي؟
=مريم يبيه
_وبتعيطي لي يمريم؟
=انت جاي تسمع حكايتي ولا جاي تعمل الي انت عاوز تعمله!
_جاي عشان، عشان ..
بصتله باستغراب=انت اول مره تيجي هنا مش كده؟
_عرفتي منين!!
=حاسه انك مش شبه المكان دا، من اول مرضتش تشرب خمرا ولا ويسكي وبعدين اخترتني انا !! لي اخترتني؟
_..
=وليي عاوز تسمع؟ شكلك طيب، وجاي هنا بالغلط
_زيك يعني؟
بصتله وبعدتت شويه =وعرفت منين!!
_لما قالوا هنجيب البنات تختار منهم واحده، كانوا كلهم عاوزين اختارهم الا انتي، كنتي مستخبيه، يمكن خايفه ومش عوزاني اشوفك
=..
_كنت عاوز اعرف حكايتك، اكيد انتي جايه هنا مش برضاكي زي كل الناس الي برا ديي!!
=والله انا مش عارفه اي الي وصلني ل كده، انا كنت بنت بتشتغل شغلانه شريفه وراضيه، لغايه ما بابا عمل حادثه وطلبوا عمليه في رجله، مكنش معايا فلوسها وانا معنديش غيره في الدنيا، جيت طلبت من صاحبت الشغل دي، مكنتش اعرف انها بتشتغل هنا، دي واحده الله يجازيها الي قيلالي انها بتسلف وبتصبر على الناس يعني، جيت خدت 10000 ج وكنت هسدهم والله بس اطمن على بابا، بابا قائم وبقي كويس بس قاعد على كرسي متحرك ،روحتلها بس لقيت المبلغ اتزود صفر! يعني بقى ميت الف جنيه، هددني اني اتسجن ولما جيت من اول يوم هنا هددني انها تقول لبابا، لو عرف هيروح فيها، انا مش عارفه اي الي جابني هنا، كل الي عرفاه اني لسه نضيفه وكل يوم ادعي ربنا ان محدش يختارني واني افضل كده على طول، انا تعبت، تعبت اوي من الي بيحصل معايا
_انتي شايله كل دا جواكي؟
=..
_متعيطيش عشان خاطري
جه يمسح دموعي بعدتت
_انا اسف، بس مش قصدي حاجه متخافيش، انا فعلا مكنش ينفع ادخل هنا بس صاحبي زن عليا، بس يمكن ربنا بيعمل كده عشان نتقابل وتفضفضي، انا احمد
ابتسمت وبصتله=تشرفنا
_خدي دول خليهم معاكي بس متقوليش للست الي برا دي انك خدتي مني حاجه عشان دول بتوعك انتي
=بس، بس دا كتير اويي
_امسكي بس معتيش تعيطي بقى، شكلك احلى وانتي بتصحكي على فكره
ضحكت=وانتي شوفتني وانا بضحك امتى؟
ابتسم _دلوقت
قام ومسك الباب وقبل ميخرج بصلي _خلي بالك من نفسك
خرج وانا لسه مصدومه، هو فيه كده بجد!! يمكن ربنا وقفلي في طريقي واحد كويس زيهه، الحمد لله
دخلت بعد شويه الست الي شغاله عندها
_جدعه يبت يمريم، الباشا مبسوط منك اوي
=..
_خدي دول
=مش عاوزه
_فقريه طول عمرك، بس استمري
طلعت وانا غيرت هدومي وروحت، كانت ملامحه في بالي على طول، مش عارفه مفكرش فيه، هو الطف واطيب حد قابلته، ربنا يديله على قد نيته
رجعت البيت وعشيت بابا ونمنا
صحيت الصبح وفضلت قاعده مع بابا وحضرت الغدا وكلنا سوا، ودخلت لبست
_انا راحه الشغل يبابا
=ربنا يريحك يبنتي ويعينك، انا عارف اني متقل عليكي وانا عاجز مش عارف اعملك حاجه
عيطت _متقولش كده انا اشيلك فوق راسي
حضنته ومشيت ووصلت هناك وقعدت في الاوضه لحد مجه بليل
وفجأه ..
*عند أحمد
_امال فين البنت الي اسمها مريم يست صباح ؟
=ساعه كده يباشا تخلص الاوردر الي عندها وتجهزلك
_نعم!!!
مريم سمير ♥️
تفاعل وهكمل ..💕
البارت الثاني 🌓❤️
_ساعه كده يباشا تخلص الاوردر الي عندها وتجهزلك
=نعم!!!
_اييي؟
=فيه حد عندها جوا؟
_ايوهه يبيه، بس هي ساعه زمن
..
فجأه دخل عليا واحد سكران، مكنتش عارفه هعمل اي، فضلت ابعد لغايه ملصقت في الحيطه وهو قعد يقرب مني
_يخربيت حلاوتك هو فيه كده!!
قرب مني خالص وانا غمضت عنيا جامد بس حسيت ان صوته بعد! فتحت لقيت احمد ماسك فيه من ياقته ومخرجه برا
كنت واقفه لسه مكاني هو عمل اي دلوقت معلش!!
صباح دخلت وهي متنرفزه
_جرا اي يباشا!!
=معلش مستعجل شويه، خدي دول مريم من النهارده بتاعتي يعني محدش يخش اوضتها غيري، والي انتي هتطلبيه هتاخديه، اتفقنا؟
بصتلي وضحكت _دا انتي عرفتي توقعيه بجد يبت، اتفقنا يباشا
خرجت وقفلت الباب وهو قعد على السرير وبصلي
_متخافيش، تعالي محدش عاد هيدخل اوضتك
قعدتت على اول السرير وهو كان جمبي وباصص قدامه
_لمسك؟
بصتله وكان هو لسه باصص قدامه
=يهمك في اي يعني!!
_بسألك يمريم
=لاء، كان نفسي اضربه بس كانت دبحتني، كويس انك موجود
_طول منا موجود محدش يقدر يقربلك
=انت لي بتعمل كده! انا مش فاهمه حاجه
_..
=انا من حقي افهم مش كده؟
طلع من جيبه فون وفتحه _بصي دي
=مين دي؟؟
_دي أختي، اسمها ريم
=شبهك اويي
_كانت، كانت شبهيي
=كانت! لي هي فين دلوقت
_ماتت، قريب والي صاحبي جابني هنا بسببه الي هو عشان انسي، بس انا مش بنسى!
=ربنا يرحمها، هي دلوقت في مكان احسن
_لما شوفتك افتكرتها يمريم، عشان كده مش عاوز اي حد يلمسك او يقرب منك أو يضايقك حتي
=اعتبرني اختك، عارفه اني مش قد المقام بس ..
_متقوليش كده، يعني اعتبرك هي بجد؟
ابتسمت=بجد
فضلنا نتكلم كتير، كتير اوي عرفنا عن بعض حاجات كتير ، انا عمري مكان ليا صاحب او اخ، حد حنين عارفه انه خايف عليا بس لقيت كل دا في أحمد، مين كان يصدق انه يختارني ويطلع كده، مين يصدق ان خلاص معتش خايفه مدام هو موجود
_يلا يا احمد الوقت اتأخر، روح بقي
=وانتي؟
_هغير واخد تاكسي
=هستناكي برا عشان اوصلك
_استنى بس عشان متتاخرش و..
=تمم خلاص، هستناكي بره
خرج وانا ابتسمت، حسيت انه محتاج حد يتكلم معاه، حد يعوض ولو جزء صغير من اخته، حد يطمنه ..
غيرت هدومي وطلعت برا ووصلني ومشي
حمد ربنا كتير طول منا ماشيه، اني لقيت حد زيه وطلع مختلف عن الكل
روحت لقيت بابا نايم فنمت، صحيت الصبح فطرت مع بابا وفضلت قاعده معاه، احلى جزء في يومي الوقت الي بقضيه مع بابا، بيوحشني طول منا برا، يكون خايفه وانا سيباه، انا بحبه اوي والله وبتمنى يرجع يقف على رجله تاني
بعد المغرب دخلت لبست وحضنت بابا ومشيت، اول مره اروح وانا مش خايفه، فضلت ماشيه لغايه موصلت
وصلت ولقيت ..، لقيت بنتين قاعدين مع احمد وبيشربوه ويسكي وقريبين منه اوي! اتعصبت ووقفت قدامهم
_مالك يحلوه منك ليها؟
=اي بنشوف شغلنا!
_شغلك دا بعيد عنه سامعين!!
خدته وحطيت ايده حولين رقبتي، مكنش قادر يمشي! احيه انت شربت كان ازازه !!
دخلته الاوضه وقعدته على السرير، بدأ يتكلم كلام من مربوط مع بعض
_مريم، انتي انتي عطيالي ضهرك لي؟
=اسكت خالص
_واتاخرتي لي النهارده
=اتاخرت فقعدت مع بنات تانيه مش كده!!
_انتي غيرانه؟
=اي! لا طبعا انت حر
_طب ولي مش غيرانه؟
=احمد فوق
_انا تمم وفل اوي
=احمد انت بتعمل ايي!
كان بيقرب مني لقيت موصلت للحيطه
_انتي حلوه جامد النهارده لي؟
=أحمد!!
_هششش
بدأت اعيط وسمعت صوت وقعته، سندته على السرير وقعدته
_متزعليش مني، انا اسف متعيطيش
=انا زعلانه انك شربت
_كانوا حلوين الصراحه
=هما مين؟
_الازايز او يمكن البنات
=ارحمني يرب
ضحك وغمض عينه، انا لي غيرانه ومتعصبه ! هو حر يعمل الي هو عاوزه، يمكن متعصبه عشان عمل كده غصب عنه وان البنات الي مشربينه
فونه رن وانا خرجته من جيبه ورديت
_ألو، ايوه يبيه، الست هانم مش بترد عليا خالص
انا سمعت الجمله وقفلت وشهقت، افتكرت ماما الله يرحمها
صحيت احمد بس مفيش فايده
سنده للحمام وبدأت افوقه ب الميا لغايه ما فاق
_احمد احمد!!
=اي اي في اي حد يصحى حد كده بذمتك!!
_يبني!
=نعم
_م مامتك
بصلي بعد مكان ماشي عطيلي ضهره
=مالها ماما يمريم!!
_لازم نروحلها دلوقت يلا
شديت ايده ومشينا وركبنا العربيه وطول الطريق عاوز يعرف فيه اي بس انا مش قادره اقوله
وصلنا كانت فله كبيره فتح الباب وجري ودخل ملهوف على اوضته مامته
_في اي يا ام إبراهيم؟
=مش بترد عليا
_ماما، ردي عليا، انا احمد، فتحي عنيكي فوقي كده ردي عليا
بدأ يعيط وانا اخدتت الشغاله الي كانت واقفه على جمب
_هو فيه اي؟ هي تعبانه من حاجه؟
=عندها السكر
_هاتيلي حقه انسولين بسرعه
=اي؟
_بسرعه
جابتلي شنطه الادويه واعطتلها الحقنه واتصلنا بالدكتور وجه وكشف عليها، احمد مكنش عارف يتكلم ف اتكلمت انا
_ها يدكتور عامله اي دلوقت
=الحمد لله لحقتها على اي لحظه، مين ادلها الحقنه؟
_انا
=هي نست تاخدها انهارده فدخلت فغيبوبه مؤقته، بس ان شاء الله هتفوق في ظرف ساعه بالكتير
_شكرا يدكتور مش عارفه اقولك اي
=الشكر لله ثم ليكي
ابتسمت ووصلته لبرا وطلعت تاني
كان أحمد يبصلي ويبتسم ويرجع يبص لمامته
_الوقت اتأخر!!
=مش همشي غير لما اطمن انها كويسه، متخدش في بالك هوصل ان شاء الله في ميعادي
فضلت قاعده لغايه مفتحت، كان مبسوط، مبسوط اوي وبدأ يبوس ايدها، بعدها نامت وانا وهو اتسحبنا وخرجنا من الاوضه
_مريم؟
=نعم
_تتجوزيني
=نعم؟
مريم سمير ❤️
تفاعل يجماعه عشان اكمل 🙂♥️
البارت الثالث والرابع الأخير من هنا هنا
تعليقات
إرسال تعليق