 |
=وسعيلي كدا يابنتي أصل أنا حامل.
هى بإستغراب: حامل! هو في رجا.لة أصلا بتبقى حامل؟!
= أنتِ هتحققي معايا ولا إيه؟! ابعدي بس شوية عشان أعرف أتنفس كدا.
هى: أنا أعرف إن الرجالة يكون ليهم كرش ماشي إنما حامل دي الصراحة أول مرة أسمع عنها، معلش بس في السؤال ممكن أعرف أنت حامل إزاي؟ أصل عندي فضول زيادة عن اللزوم.
= ابعدي يابت من وشي، عيب يا عسل إيه تعرفي حامل إزاي دي، مبقاش فيه حيا.
هى: يووووه ما أنا دماغي وقفت، ومش فاهمة حاجة، لكن ليه صوتك صوت أنثى، وشكلك شكل راجل.
= اللهم طولك يا روح، يابت ما تتهدي بقى، وأنت شاغلة بالك ليه؟! (بقلم إسراء إبراهيم)
هى: مش حكاية شاغلة بالي، بس موضوع غريب عجيب أول مرة أسمع عنه يعني. وبعدين لو أنت حامل فالبيبي موضعه فين في بطنك يعني!
يعني الست بيكون عندها رحم عشان يتكون فيه البيبي، أنت بقى البيبي بتاعك هيتكون فين ولا محطوط فين دلوقتي؟! ولا نقلوا ليك مثلا رحم ووضعوا ليك فيه بيبي عشان تنقذ إنسان من الموت أو أي كان صح هو ده الصح أنا عارفة.
طب لو فعلا ده اللي حصل هما وضعوا ليك الرحم إزاي وفين؟!
=طب يعني مجاش في بالك إني ممكن أكون فعلا واحدة ست، وأنا متن.كرة بدل أم الحوارات اللي لفت دماغي دي!
هى: متن.كرة! ممكن فعلا معلش الاقتراح ده مخطرش على بالي اعذريني أصل بردوا الصدمة عملت شغل.
= ولا يهمك الأهم إنك عرفتي.
هى: عرفت إيه! أنا لسه مستفتسرتش عالموضوع.
=وتستفسري بصفتك إيه ياختي؟!
هى: بصفة إني عرفت حقيقتك الخط.يرة بالفطيرة.
=يارب صبرني، يابنتي أنتِ عايزة إيه بالظبط!
هى بتفكير: يعني أنتِ متن.كرة عشان عليكِ حُكم إعد*ام صح! أو مثلا أنتِ بتخط*في العيال صح!
أو مثلا عايزة تخط.فيني أنا أيوا أيوا اها يا ولية يا لئيمة بس هقولك خدي الكبيرة بقى أنا أصلا أعضائي خربانة يعني ماشية بالعافية فهتخط.فيني عالفاضي وتاخدي ذنوب عالفاضي طب وليه! طب خدي ذنوب على حاجة تستحق.
=جالي صداع من كتر غبائك أنا ماشية من وشك ومن أفكارك الهبلة دي هتعطليني عن اللي جاية عشانه.
هى: لأ متخفيش مش هعطلك ولا حاجة دا أنا قمر خالص.
=قمر ولا شمس أنا بقى مال أهلي.
هى: مالهم في جييهم ياختي مالك كدا حامية كدا ليه؟! مش تخليني أصوت وأقول مت.نكرة على شكل راجل عشان تخط.ف العيال أو تس.رق المكان.
=استغفر الله العظيم ابعدي يابنتي مش عارفة أنتِ ماشية جنبي ليه!
هى: إيه ده استني زمان الناس دلوقتي مفكرة إني ماشية مع واحد يا خراشتي عليا سمعتي خلاص ضاعت والناس هتاخد فكرة وحشة عني حرام عليكِ ليه مش نبهتيني من الأول! يعني افرض حد خد لينا صورة جنب بعض كدا ونزلها على السوشيال ميديا.
=لا متخفيش ولو ده حصل محدش هيتفرج عليكِ أصلا، وهيقفلوا سوشيال لمدة شهر بسببك.
هى: كويس طمنتيني، قولي بقى مت.نكرة ليه؟ ورايحة على فين؟
أصل شكلك يعني معك فلوس والحالة حلوة فمش محتاجة للس.رقة.
= ما ممكن فعلا أكون بس.رق، وشكلي حلو ومعايا فلوس من ورا الس.رقة بردوا مش حوار يعني.
هى: لأ الحرا.مية بيكون باين عليهم أصلا من شكلهم كدا حتى لو لبسهم حلو لكن بيكون باين عليهم فلوس حر.ام.أصل الحر*امي ليه ريحة والز*اني ليه ريحة الخ*اين ليه ريحة والكد*اب ليه ريحة وكدا يعني.
= أول مرة تقولي حاجة صح، عالعموم أنا براقب جوزي من غير ما يعرف عشان حاسة إنه بيخ*وني، وأنا عايزة اتأكد من إحساسي عشان مبقاش ظالماه لما أتهمه، يعني أته**مه بضمير مرتاح فاهماني.
هى: أيوا فاهمة عين العقل اللي عملتيه الصراحة بس يعني وإيه يعني لما يخو*نك أهم حاجة اقعدي واتفرجي بهدوء وحطي رجلك في مايه باردة ولا يهمك ده كله بردوا عشان البيبي.
= فكرت في كدا بس الموضوع مش فارق معايا يخ*ون ميخو*نش أنا أصلا باردة وهو مش طاي*قني بس عايزه أمسك عليه حاجة فاهماني وأذ*له بيها طول ما هو قدامي.
هى: لأ برافو منكم نتعلم هبقى وناخد الخبرة ربنا معاكِ أنا وصلت مشواري خلاص وهدعيلك ياحبيبتي ويارب يكون بيخو•نك
= يارب ياختي خليني بقى أعرف أمسك عليه حاجة.
هى: في رعاية الله ياحب.
رأيكم!
أكمل ولا اقفلها على كدا
#حامل_متنكرة
#إسراء_إبراهيم
وانتظرت لما تمشي، وبعدها ذهبت خلفها بدون ما تحس، وبعدها دخلت خلفها مكان غريب شوية كدا.
طلعت الحامل المتنكرة عشان تمسك جوزها اللي حاسة إنه بيخو.نها
هى: كانت ماشية خلفها بهدوء، ووقفت لما المت.نكرة الحامل وقفت.
المت.نكرة الحامل وقفت لما سمعت صوت جوزها، وهو بيتكلم مع واحدة في الداخل
زوجها: يا حبيبتي تعالي هنا، وبطلي شقاوة بقى.
المت.نكرة الحامل: كنت حاسة إنك بتخو.ني، ولدوقتي لازم أفتح الباب واصورهم
هى: من خلفها الصراحة أنتِ بتفكري صح.
اتخضت المت.نكرة الحامل، ونظرت خلفها، وجدت البنت اللي كانت ماشية معها.
=أنتِ إيه جابك ورايا؟!
هى: يعني خوفت عليكِ من جوزك الخا.ين، وقولت أخد رقمك بالمرة.
= أصيلة يا حبيبتي من يومك، بس خضتيني يا شيخة كان العيل هينزل من بطني قبل معاده.
هى: آسفة بس اللي حصل بقى، المهم مين الحلوة اللي معه جوا دي، وكمان واخد شقة حلوة ليها اهي.
=معرفش بس تلاقيها حلوة فعلا طالما واخد شقة ليها بالشكل ده.
هى: اممم اختيارات جوزك حلوة باينلها كده، بقولك إيه لو شوفته وعجبني خليه يتجوزني أنتِ عارفة أنا هكون أختك قبل ما أكون ضرتك اها، وكمان هساعدك في كل حاجة.
=عنيا يا حبيبتي بس افرض بقى إن اللي بيخ*وني معها دي طلع متجوزها كده لو اتجوزك يبقى هيكون متجوز تلاتة.
هى: وماله يا حبيبتي وندورله بعدها عالرابعة، طالما مقتدر يفتح بيت واتنين وأربعة.
=صح معك حق واهو كله بثوابه ياختي، ونقعد نسلي بعض ونرغي مع بعض حلوة فكرتك أصل كدا كدا مش فارق معايا بس أهم حاجة ميفكرش يطلعني برا حياته.
هى: لا لا يطلع إيه بس متخفيش تعالي بقى نصوره مع الصاروخ اللي جوا دي عشان نهدده بيه ويتجوزني تحد التهد*يد.
= أيوا أنتِ صح بس باين البت صاروخ زي ما بتقولي أصل سامعة صوتها كروان ياختي مش زينا جعفر بينعر في الشقة.
هى: اهو يبقى في حاجة عدلة في حياته تطري عليه وتنسيه همومه يعني حاجة تصبره عالدنيا بمشاكلها.
= أيوا فعلا الراجل بردوا بيتعب الصراحة ويستاهل ياختي.
هى: يلا نفتح الباب براحة بس هو ليه مش قافله سايبه موارب كدا.
= تلاقيه كان مستعجل ولا حاجة يلا بقى.
وفتحوا الباب بهدوء ووقفوا مصدومين.
وبصوا لبعض بمعنى إيه ده؟!
هى: هو جوزك ماله كده بيحب يتج.وز الأطفال ولا إيه؟! هو كان متجوزك وسنك كام؟
=أنا مستغربة زيك يعني الكبار انعدموا لما بص للأطفال.
هى: بس جوزك إيه شيكولاتة كدا وحاجة حلوة الصراحة.
=أنتِ بتعاكسيه قدامي!
هى: يوه مش هيبقى جوزي بعدين.
=اها نسيت معلش!
هى: طب استني أفتح الموبايل أصور، ولسه بتطلع الموبايل من الشنطة، فحد رن عليها.
= يا خراشتي افصلي بسرعة هتفضحينا.
وفجأة وجدت زوجها واقف جنبهم.
زوجها: بتعملوا إيه؟! ومين دي أصلا اللي معك.
=ااااااادي واحدة يعني تبقى صحبتي، وكمان هتبقى مراتك مستقبلا.
زوجها: بس إيه اللي أنتِ عاملاه في نفسك ده بكرشك ده!
=كنت بجرب لبسك وكده أصلك وحشتني فقولت ألبس حاجة من ريحتك.
زوجها: وحشتك! وبعدين دا أنا سايبك من ساعة.
هى: وأنت الله أكبر عليك مبتسبش فرصة بتش*قطها أول بأول سيبتها، وجيت للبت اللي معك جوا.
زوجها: هش بعيد يابت أنتِ بت مين اللي جوا دي!
هى: اللي كنا سامعين صوتها بتضحك معك وبتتكلم بدلع.
زوجها: وأنتِ مالك!
هى: أنت مالي وهتبقى زوجي وأبو عيالي.
هو نظر لزوجته،.وقال: بتقول إيه دي!
= قولي بس مين اللي جوا دي؟
زوجها: ما أنتِ عارفة إن دي شقة صاحبي، وبنته اللي جوا، وكنت بتكلم معها.
= اها معلش نسيت. بس إيه اللي جابك عند صاحبك عالصبح كده، وهو مطلعش ليه ولا ليه صوت اوعى يكون اللي في بالي.
زوجها: بس يا أم دماغ شمال، صاحبي اتصل عليا وأنا نازل وقالي أعدي عليهم وبنته اللي في البيت، وهو خد مراته يكشف عليها لأنها تعبانة، وأنا جيت أخد الورق بتاع المشروع، ولقيت بنته بتعيط فقعدت أسكتها وأهزر معاه لغاية ما ضحكت.
=طول عمرك أصيل وأنا ظال.ماك الصراحة،ونظرت للبنوتة ونزلت لمستواها وباستها قمر خالص.
بس بقولك هتتجوز صحبتي دي أصل أنا اديتها كلمة وأنت عارفني مبتراجعش فيها.
نظر لها من فوق لتحت وقال: وماله ياختي عرفتي تختاري لجوزك وأنا مش هزعلك، وهتجوزها عشان خاطرك.
=حبيبي اللي مش بيرفض ليا طلب.
هى: ده بجد لولولولولي خد العنوان أهو سلام ألحق أجهز عشان نستقبلكم. يا ضرتي وزوجي المستقبلي.
رأيكم!
#تمت
#الحامل_المتنكرة
#ضرتي_وزوجي_المستقبلي
#إسراء_إبراهيم
تعليقات
إرسال تعليق