 |
#البارت_التاسع_بقلم✍️ سلطان زماني
#البريئة_والذئاب
اختي جت علينا قعد يتكلم معها عن الست الي داخل معها
جمعية ويتوه ويفتح معها مواضيع وانا مستغربه ازاي بيعرف
يفصل كده بسرعة ويتعامل عادي
ده أنا وشي بيجيب الوان الطيف وبخاف يبان عليا من
الربكه واحساسي اني بعمل حاجه غلط وبخاف يبان عليا
وخايفه كمان يفهم اني ساكته ومش بعرف حد اني خايفه أو
راضية عن الي بيعمله ده وعاجبني وبدلع عليه
فضلت قاعدة معاهم وكل ما امسك موبيلي أو اسيبهم ينادو
عليا لحد ما دخلو ينامو وانا دخلت الاوضه وقفلت عليا بعد
شوية لقيت اختي بتفتح الباب عليه وفي شايله ابنها
استغربت لما لفتني قافله بالترباس قالتلي انتي قافله ب
الترباس ليه قولتلها عادي قالتلي لا مش عادي كنت بتكلمي مين في الموبيل
قولتلها موبيل اي.. مكنتش بكلم حد اخدت الموبيل وفضلت
تبص فيه ملقتش حاجه قالتلي خدي خليه معاكي وشوية
هاجي اخده منك
فهمت من القميص النوم الي هي لبساه والبريفوم أنها هتعمل
كده اخدته وقفلت الباب وبعد شوية هي جت اخدته والباب
مفتوح وشوفت عمرو بالبوكسر طلع جري ع الحمام فضلت
العب ع الموبيل لحد ما اتاكدت أنه نام وقفلت الباب بالترباس
ونمت صحتني اختي الصبح واضايقت أوي لما لاقتني قفله
بالترباس وقالتلي انتي خايفه من مين عمرو استحالة يفتح
عليكي باب الاوضه لو عارف انك جوه قولتلها أنا بكون خايفه
مش منك ولا من عمرو بخاف علشان مش متعوده ع المكان
بصتلي بصه معنها أنها
مش مصدقاني وأنها شكه اني بعمل حاجه غلط دخلت
حضرت معها الفطار واكلنا وفضلت تحكي معايا عن بابا وأنه
مسالش علينا ولا حتي فكر يجي يشوف ابنها ولا يحضر
السبوع وتحكيلي عن عمرو ومعاملته معها وأنه شايلها من
علي الارض شيل وعماله تدعيلي أني ربنا يرزقني براجل زايه
وفي أخلاقه وجدعنته
قولت اسالها انتي متاكده أنه بيحبك استغربت وقالتلي اه
طبعا الا متاكده ده انا ابصم بصوابع رجلي قبل ايدي أنه
بيموت فيا قولتلها ليه متاكده أوي كده قالتلي من معاملته
وأنه شاريني وبيحترمني وكمان بعد الولاده بقا مدلعني اكتر
وواخد باله مني اكتر وعمري ما شفت منه حاجه وحشه
وبيحب اهلي اكتر مني وبيحترمهم قولتلها هو فعلا محترم
وابن حلال وقفلت ع الموضوع لما لقتها ع نيتها اوي كده
رجع عمرو بليل شايل ومحمل والهام اخددت الحاجات
وعماله تفتحها ووسمعاه بيسالها عليا اخدتي ندهن عليا اول
ما شافني قالي بصي جبتلك اي واخدتي تهزر وتخطف منه
الحاجه وتقوله لا دي أنا الي هخدها وهو جري وراها واخدها
منها وانا عماله اضحك علي منظرهم وهزارهم جبلي كيس
في شيكولاته الي بحبها وفسدق ولب وسبنا ودخل ياخد
شاور عقبال ما طلع كنا حضرنا العشاء وقعدنا نتعشا مش
عارفه اكل من نظراته ليا وبكل براحه اوي مكملتش اكلي
وقومت وقولتلهم اني شبعت فضلنا قعدين في الصالة لحد ما
اختي قالتلي ما تنزلي ياوعد تجبيلي البرشام ده وقولي
لدكتور الي في الصيدلية اني برضع
قولتلها حاضر ودخلت لبست ونزلت رحت الصيدلية الي تحت البيت
الدكتور قالي خلصان وقالي علي اسم برشام تاني بديل
اتصلت بيها ردت عليا وقالتلي خلاص روحي الصيدلية الي
بعدها قولتلها فين دي اخد منها الموبيل وقالي خليكي انا
نازلك ياوعد سمعها هي بتقوله خليك يا حبيبي انت راجع
تعبان قالها تعبك راحه ثواني هلبس لبس فعلا في ثواني
ولقيته تحت البيت قالي اركبي قولتله الورقة اهي هات انت
البرشام وانا هطلع
قالي ما تركبي ياوعد مالك احنا في الشارع ركبت
يتبع
تكملة الروايه من هنا هنا
تعليقات
إرسال تعليق