 |
البارت العاشر 💥بقلم ✍️ سلطان زماني
عمرو..في أي يا وعد هو أنا هكلك ياحبيبتي
_ انت عايز اي
عمرو ..وحشتيني اووي ياوعد ليه بتعملي كده فيا ليييييييه🥺
_ اعمل اي ..اوعي سيب ايدي
عمرو...حاضر حاضر خلاص متتزعليش ياحبيبي
_ أنا مش حبيبة حد وكفاية كده بقا انت عاوز مني ايه يا اخي
عمرو ..كلامك ده بيوجعني اوي يا وعد ...ياوعد أنا بحبك
معرفش ليه وأزاي وامتي .. بموت فيكي وعليكي ..أنا عايز
اسيبك بس والله مش عارف مش عااارف
انا بحلم بيكي بفكر فيكي وانا مع اختك ونايم معها
انا بقيت مريض بيكي ..ازاي مش حسه ده
_ قول الكلام ده بقا ل جدي وامي واختي علشان أنا خلاص
تعبت ولو انتحرت هيبقا بسببك
عمرو ..تنتحري ..اوعي تقولي كده ..
كل ده علشان زفت الطين ده الي اتقدملك .كنتي عايزاني
اسيبك تبعدي عني . مقدرش ياوعد ..امووووت بعدك
_دموعه وانكساره ...طفل بيحكي مش راجل كبير وعاقل
واب وكبير عيلة
_طب هيريحك اني اطفش واجيب العار ل اهلي
..الي انت بتعمله ده انا مش مستحملاه وبيتعب اعصابي وببخنقني حرام عليك ياعمرو
عمرو ..فاكره لما كنت اجي اخدك وارجعك لما كنا نشغل
اغاني وانتي راكبه جنبي وبنلف بالعربية فاكره يا وعد ..والله
من احلي واجمل لاحظات حياتي كنت عايز افضل معاكي ل
اطول وقت .. بحس بخنقه وضيق في النفس وارتباك وقلق
وتوتر لما بتخيل بس مجرد تخيل اني ممكن مشفكيش تاني
او تبعدي عني مش بعرف اشتغل ولا اعيش ولا حتي اضحك
نفسي ادخلك جوه مني تشوفي انتي عامله فيا ايه يا وعد
_ أنا عايزة ارجع بيت جدي ..واسكت بقولك اسكت كفايا
اسكت بقا يا اخي
عمرو ..اهدي ياحبيبي خلاص خلاص هسكت وهعملك الي
يرضيكي بس وحياتي عندك متبكيش
_ لو غالية عندك زاي ما بتقول بطل الي بتعمله ده علشان
خاطري ..أنا مش هاجي عندكم تاني لحد ما ترجع عمرو
الاولاني الحنين الي بيحبني زاي أخته والي بيخاف عليا
ومش بيزعلني ابدا
عمرو ...حاضر يا حبيبتي هرجع والله بس متبعديش عني ياوعد ..
بيمسح دموعي وانا شايفه وشه اصلا غرقان دموع وعينه
جت في عيني غمضت عيني مش قادره ابص فيهم اكتر من
كده
قولتله أنا مش عارفه اتلم ع نفسي وخايفه الهام تحس
وتشك في حاجه
قالي اوعي تخافي وانا معاكي راح جاب البرشام وجبلي
عصير وشيكولاته من السوبر ماركت وطول الطريق عمال
يكلمني وبيحاول يخليني اهدا واكون طبيعية
ويقولي عايز اعملك السواقه طلع قبلي وانا طالعه وراه حط
البرشام ودخل الأوضه ل الهام كانت بتغير للنونو وفضل
معها جوه يجي نص ساعة دخلت اوضتي شوية دخلتلي
قالتلي خدي الواد نيميه جنبك لو قلق طبطبي عليه هينام ع
طول قولتلها حاضر
واخدته في حضني وفضلت ابص علي ملامحه وهو بيبتسم
وهو نايم وابوسه براحه خالص
هديييت وبقيت في دنيا تانيه خالص محستش بنفسي غير
لما الهام دخلت اخدته من حضني وقفلت الباب وانا كملت
نوم
صحيت الصبح لقيته نزل واختي بتكلم امي في التليفون
عندي فضول اشوفه هيعمل ايه النهارده وهيتصرف معايا
ازاي
جهزت الغدا وروقت الشقة مع اختي وعمرو بعت حد عنده
في الشغل اسمه علاء ياخد الغدا بتاعه وبعد كام ساعة كده
دخلت اخدت شاور وانا طالعه من الحمام لقيته في وشي وانا
شعري مبلول جريت اول ما شفته علي الاضه وهو فضل
يضحك الهام طلعت من المطبخ قالتله بتضحك ع ايه قالها
افتكرت حاجه في الشغل قالتله طب ما تضحكني معاك قفلت
الباب ووقفت قدام التسريحه أسرح شعري وطلعت قالي ما
تيجي يابت اغلبك عشرتين كوتشينه
اختي قالتله اتعشا الاول والعب أنا خلاص يجهز فيه اهو
دخل قعد يهزر معها في المطبخ وياخد منها الاطباق يحطهم
ع السفرة قعدنا اتعشينا وانا شايفه نظرته ليا رجعت تاني
طبيعية ويتعامل عادي بس مش بيطول النظر في
خلصنا وقعدنا نلعب أنا وهو واختي واليوم خلص وانا روحت
تاني يوم وحسيت اني الموضوع خلاص خلص وعمرو احترم
نفسه خلاص وانا كمان اخدت عهد ع نفسي اني ابعد وتخليه
ينساني كان في واحد عنده مغسلة عربيات قبل بيت جدي
كان بيقعد يعاكس ويبص عليا ويضايقني بكلامه وانا بسكت
وبسرعه مشيتي واروح ع طول وبسكت مش بشتكي علشان
معملش مشاكل ل خالي وجدي لحد ما لقيته بيمشي ورايا
ويسرع مشيته ورايا وعمال يقولي اقفي هقولك اصبري طيب
وقفت قولتله انت مجنون ولا حكايتك ايه .قالي حد يشوف
الجمال ده وميتجننش هات ياسطا رقمك اكلمك ونتفاهم
علشان وقفتنا كده غلط
قولتله انت لو ملمتش نفسك أنا جبلك الي يلمك وبعلمك الادب قالي ايه ياعم مالك قافش عليا كده ليه ما براحه شوية
ببص حواليا لقيت ناس جايه واتنين ستات جاين من بعيد
زقيته وزعقت ورجعت جري ع بيت جدي جدي طلعله هزقه
وخالي كمان اتكلم معه ب ادب وقاله عيب وجوز امي جيه
وامي والموضوع خلص والواد اتاسف للكل والموضوع خلص
واحنا قاعدين لقيت عمرو جاي ومعاه اخواته الصغيرين
شايط وغضبان وع آخره قال لخالي مين ابن الكلب ده
خالي اخده ع جنب وقاله خلاص ياعمرو الواد اتاسف
ومكنش يعرف انها بنتنا اهدا يابني قاله أنا هادي اهو مين بقا
الواد ده قاله ده الواد الي فاتح مغسلة عربيات ع اول الشارع
برا قاله ناصر ولا احمد اخوه قاله هو ناصر سبهم ومشي
ركب عربيته وكلنا طلعنا جري وراه علشان ميعملش في الواد
حاجه عمرو دخل بالعربية جوه المغسلة ونزله جابو الواد ده
ونزلوا فيه ضرب وتلطيش ب أخوه الي كان بيحوش عنه
عقبال ما وصلنا كانو ماتو ضرب خالي جري وحاش العيال من
أيديهم وعمرو قال اي كلب ابن وسخه يفكر بس يلمس شعره
منها هقطعله ايده كلهم فضلو يهدو فيه وخالي قاله مكنش
ليه لزوم يا عمرو احنا اترضينا خلاص قاله قدمهم دول ناس
وسخه الذوق مينفعش معاهم امي وخالي قالوله تعالي يابني
طيب روح معانا قالهم لا يا حاجه أنا هرجع الشغل رجعه
معاهم وطايره من الفرح والسعادة مكنتش متخيله أنه
يتحمق كده علشاني وبجد معجبنيش موقف خالي والطريقة
الي اتكلم مع الواد بيها خالي في حاله ومش بتاع مشاكل
وجبان شوية المهم بعد كام يوم لقيت امي بتكلمني اني في
عريس متقدم وعمرو جوز اختك بيشكر فيه وبيقول أنه
راجل وبتاع شغل ومعه من زمان قولتلها مين قالتلي بيقول اسمه علاء
علاء ده انا شفته مره او مرتين تقريبا حد محترم خالص
وكانت عينه في الأرض لما كنت بديله الغدا لعمرو. ومره
تانيه يوم العقيقة كان بيخدم علي الناس شكله مقبول
قالتلي قولتي ايه ياحبيبتي قولتلها الي تشوفيه ياماما
أنا فكرت فيها اني عايزة اكون ست متجوزه وليا بيت لوحدي
وحياة وكمان اقفل اي باب ع عمرو يدخلي منه وكمان نفسي
ابقي عروسة والبس الفستان وافرح واكون ام
مفيش اسبوعين بالظبط كان هو وأهله وعمرو واختي عند
بيت جدي وقرو الفاتحه واتفقوا علي كل حاجه وقاله كتب
الكتاب والدخله علي العيد الكبير واخد رقمي وهو ماشي ولما
روح اتصل بيا واتكلمنا كل كلامه عن عمرو وعن بطولات
عمرو وأنه دراعه اليمين وأنه ميقدرش يستغنا عنه يوم
حتي لما يجي زيارة ويبعد معايا مش بيبطل كلام عنه
كان فات حوالي ٤٠ يوم ع قراء الفاتحه وانا رحلي اتقطعت
من عند اختي مبقتش اروح هناك لحد ما لقيت عمرو بيكلمني
قولتله انت جبت رقمي منين قالي من تليفون علاء وفضل
يضحك قولتله هو الي ادهولك
قالي طبعا لا ما هو تليفون متلقح ع الشاحن اليوم كله
مستخصر يغيرله بطاريه ...انتي عاملة ايه وحشتيني
قولتله انت عامل ايه واخبار شغلك ايه قالي أنا بخير طول ما انتي معايا ليه كل الغيبة دي كلها ياوعد
قولتله ما أنا موجوده انتي الي مش بتيجي مع الهام قالي والله الكام يوم الي فاتو دول كنت بشتري بضاعة وع طول مسافر
قولتله ربنا يقويك يارب
عمرو ...الواد ده كويس معاكي ولا اشدهولك من ودانه
_ متقولش عليه واد
عمرو ...ههههههههه الله ده بجد
_ اه بجد وانا هقوله انك كلمتني علشان مش عايزة أعود نفسي اني اخلي عنه حاجه
عمرو ..سخسخ من الضحك تقولي لده ومتخييش حاجه عن ده ماشي ياوعد هههههههههههههههههههههه ..يابنتي علاء ده اخويا الصغير وانا الي مربيه
_ وانا كمان اختك يا عمرو صح
عمرو ...مقولتليش انتي عامله اي واخبارك ايه ومفيش حاجه نقصاكي ياحبيبتي
_ الحمد لله بخير نحمد ربنا
عمرو ..طب سجلي رقمك عندي. نفسي في مره تعاطي وتتصلي عليا انتي واوحشك
_ أن شاء الله ...أنا هقفل علشان ستي دخله عليا سلام
عمرو ..هههههههه سلام
يتبع
تكملة الروايه من هنا
تعليقات
إرسال تعليق