 |
البارت الحادي عشر 💥بقلم ✍️ سلطان زماني
استنقصت علاء واستهيفته ازاي عمرو ياخد رقمي من ع
تليفونه واكيد شاف الرسائل الي بعتهالي ع الواتس اضايقت
اوي وقلقت من عمرو وقلبي اتقبض ورجعت تاني اخاف منه
العيد الصغيرقرب وعلاء وأبو علاء قال ل جدي أنهم جاهزين
ع ميعادهم وجدي دفع ل امي 10000 جنيه اخدتهم ونزلنا
أنا وهي القاهرة اشترتلي مفارش وفوط وبطانية وهدوم ليا
كتير ورجعنا بسالها ع المطبخ وحاجات المطبخ وكده قالتلي
هو علاء مقلكيش قولتلها قالي اي قالتلي يابنتي ما هو متفق
أنك هتقعدي في بيت ابوه
_ اقعد في بيت ابوه ازاي انا عايزة شقة لوحدي زاي الهام
امي ..هو قال لجدك اني لما ربنا يكرمه هيبني ويشطب الدور
بتاعه واني ده وضع موقت لحد ما ظروفه تتظبط
_ وانتو وفقتو ازاي ع الكلام ده انا مش هتجوز
مرات خالي قالتلي جربي ياحبيبتي لو مرتحتيش نخليه
يخدك شقة لوحدك
جدي جيه وشاف الحاجه وقالي الف مبروك يابنتي قولتله
الله يبارك فيك
هو ياجدي علاء وأبوه اتفقوا معاك اني هدخل في بيت عيلة
قالي اه يابنتي في حاجه حصلت ولا ايه
قولتله أنا مش هكون مرتاحه معاهم ومش حبه اسكن مع حد
جدي قالي يابنتي أنا وستك اتجوزنا في اوضه في بيت ابويا
وصبرت عليا لحد ما بقا عندي بيت مش مهم اصبري وجربي
وان شاء الله ربنا يكرمك انتي بس هتتنزلي تقضو اليوم
تحت
إنما اخر الليل هتطلعي فوق مع جوزك قولتله فوق فين
ياجدي
قالي هو قالي أنه عامل اوضتين فوق أبوه هيقعد فيهم موقتا لحد ما يوضبها
زعلت وغضبت وسبتهم ودخلت وسمعاه بيقول ل مرات خالي
ابقي خالي خالها يخدها يفرجها عليهم علشان تطمن
رحت أنا وأمي والهام وخالي نتفرج ع البيت بيت معفن
والاوضتين الي فوق السقف بتاعهم معمول بالخشب مش
مسلح علاء لما عرف أننا هناك استأذن من عمرو وجيه ومسك
فينا أننا نتغدا وانا قولتلهم لا
وروحنا والهام عماله تتريق علي ريحة البيت والخرابه دي
وكلمت عمرو قالتله اي القرف ده انا استحالة اخلي اختي
تدخل بالوضع ده فهم منها كل حاجه وكلم علاء أنه يظبط
الدنيا
وامي قالتلي احمد ربنا كنا هنجيب منين 100 الف علشان
نجهزك هو العريس بيجيب حاجه في الزمن الاخبر ده وزاي
ما انتي شايفه ابوكي مبيسالش اصلا ومكبر دماغه ع الاخر
وحده وحده يابنتي ربنا يكرمه ويقف علي رجلي ويقعدك في
قصر مش شقة لوحدك
اتاكدت أنه بخيل ومعفن لما رفض يعملي فرحي في قاعة
وأبوه صمم أنه في الشارع وأنها مصاريف علي الفاضي وهما
أوله ب الفلوس دي وكنت قادر اكلم عمرو واخليه يجبره أنه
يعملي فرح زاي الناس بس كنت حابه أنها تبقا منه هو من غير
ما حد يقوله ولا يضغط عليه هو شغال مع عمرو بس أبوه
ظروفه مرتاحه ومعه فلوس حتي الكوافير اختار أحقر محل
وارخص سعر وكل ده وانا شايفه اني امي نفسها ترتاح وتفرح
بيا حسيت اني حمل عليها عديت الموضوع وسكت علي امل
اني بعد الجواز يتغير اتجوزنا يوم دخلتي
دخلنا البيت بصت امه ليا مرعبه معنها افرحيلك كام يوم
ياحلوه المرار والعذاب مستنينك ياحبيبتي طلعنا فوق ودخلنا الاوضه
يتبع 😘
تكملة الروايه من هنا
تعليقات
إرسال تعليق