مجمع الروايات الكامله والحصريه فقط اضغط على اسم الروايه موجوده كامله في موسوعة القصص والروايات جميع الفصول مع البرنس محمد السبكي قصص وروايات كامله يسعدني تواجدكم معنا في المدونه

#بارت3 

_مش هتجوز تميم غير لما ماما ترجع علي البيت 

_ اتعصب : ليه شيفاني اهبل قدامك ؟

_ بهدؤد : لا انا مقولتش كدا بس انا مش حابه ماما تنصدم لما تعرف اني اتجوزت ، فعشان كدا هتحضر فرحي علي تميم 

_ وان قولت لا ؟

_ مش هتقول لا لانك اذكي من كدا وعارف إني مقدرش اهرب ولا حتي اسيب ماما 

_ تمام وانا موافق 

_ قفلت معاه واتنهدت علي الاقل كل حاجه تبقاا ماشيه زي م هيه عايزه 

_مش باقي كتير علي الفرح ومريم نزلت اشترت كل حاجه غصب عنها عشان محدش يشك 

_ بعدها بيومين عمها اتصل عليها وقالها افتحي الباب ، واول م فتحته لقت امها واقفه علي الباب لوحدها 

_ قربت عليها وحضنتها وفضلت تعيط بعد شوية دخلتها جوة وقعدتها وجبتلها ميه تشرب 

_ ماما انتي كويسه ي حبيبتي 

_ أيوة ي مريم مالك في اي ؟

_ بإستغراب: ماما انتي .....

_ قاطعتها : مش عارفه مالك من ساعت م جيت وانتي مش علي بعضك اكيد زعلانه مني عشان مقولتلكيش اني رايحه عند اختي يومين مش كده ؟

_ نعم ؟؟

_ بس انا قولت لتميم يقولك واتصلت بيكي كتير من عند خالتك وانتي مردتيش

_ ماما انتي بتقولي اي ؟

_ كشرت : انا داخله ارتاح مش عارفه الاقيها منك ولا من اخوكي 

_ امها دخلت اوضتها وهيه قعدت زي التايهه طب ازاي كل ده حصل وف اقل من دقيقه كان عمها بيتصل 

_ بخبث : اي رايك؟

_ انت بتعمل كدا ليه معانا 

_ عشان بس تعرفي اني اقدر اعمل اي حاجه ومش معني  أن المرة ده امك كانت عند خالتك المرة الجاية هتكون هناك خليكي ناصحه كدا واعرفي مصلحتك فين 

_ قفل ف وشها وراحت هيه اتصلت علي تميم وطلبت منه يقابلها ف الكافيه اللي بيتقابلوا فيه 

_ خير ي مريم 

_ وهييجي منين الخير طول م ابوك شاكر ورايا 

_ بنت عيب اي ابوك شاكر دي ؟

_ بصتله بقرف ف ضحك : يستي خلاص اهدي وكل حاجه هتتحل

_ انت كنت عارف ان ماما عند خالتي ي تميم 

_ بصدمه : نعم ؟؟

_ بشك : ماما رجعت يا  تميم وقالتلي انها طلبت منك تبلغني أنها عند خالتي 

_ خبط ب ايده علي رأسه : اوبس نسيت هيه فعلا قالتلي بس لما انتي جيتي كلمتيني وورتيني الرساله مجاش ف بالي خالص اني اقولك 

_ اتنهد بحزن : مش هتفرق ي تميم إلا خلاني اوافق على موضوعنا جوازنا اني بعزك اوي ومش هلاقي احسن منك يكون شريك حياتي وخصوصا إن هلال وماما بيحبوك اوي 

_ ابتسملها بتوتر : ثقي فيا ي مريم وصدقيني عمري م هخذلك 

_ ابتسمت ف حاول يغير الموضوع: هاا يستي اشتريتي كل حاجه مش باقي غير يومين بس 

_ وانت مالك مبسوط كدا ليه ؟

_مسح على وشه بهدؤء : يا ولي الصابرين

يبنتي بحاول اطلعك من مودك ده 

_اه اشتريت كل حاجه بس مش ناقص غير هلال ينزل 

_ متقلقيش إن شاء الله هينزل

_ يارب  

بقلمي أميرة محمد محمود

___________________

_ مالك ي ماما بتبصيلي كدا ليه ؟

_ بشك : مش ملاحظه ان كل حاجه جات بسرعه 

_ ق...قصدك اي؟

_ قصدي يست مريم ان عمك طلب ايدك لتميم وحددوا معاد الفرح ف وقت قليل اوي واخوكي .....!

_ قاطعتها : هلال كمان موافق ي ماما ومعندوش مشكله 

_ بلهفه : هيحضر مش كدا ؟

_ اكيد ي حبيبتي 

_ دمعت : نفسي اخده ف حضني زي زمان وحشني اوي

_ وانتي كمان وحشتيني يست الكل 

_ بصوا ناحية الصوت وكان هلال واقف مبتسم بلبس الشغل 

_ عيطتت: هلال ؟

_ رمي الشنطه اللي ف ايده وراح اترمي ف حضنها وعيط علي عياطها لأنها وحشته 

_ ي سلام وانا كمان مليش حضن يعني 

_ ضحك : تعالي ي قرده

_ ضحكت وحضنته وفضلوا ع الوضع ده ييجي نص ساعه

_ ليه يبني بتعمل فيا كدا

_ سامحيني ي امي غصب عني 

_ حضنت وشه بين ايديها: لولا فرح اختك مكنتش هتيجي مش كده ؟

_ شال ايديها وباسهم : لا ي ماما كنت هاجي عشان وحشتوني 

_ تلاقيك جعان ي ضنايا هقومك اعملك اكل 

_ ابتسم : متتعبيش نفسك انا مش جعان 

_ حضنته : ان مكنتش اتعب عشانك هتعب عشان مين ي قلب امك

_ ربنا يخليكي لينا ي ماما 

_ أمه دخلت جوة وهوة بص علي مريم لاقاها سرحانه راح ضربها علي قفاها

_ كشرت : احنا لسه فينا من الحركات دي يسطاا؟

_ ضحك وشدها من دراعها لحضنه : وحشتيني ي مريوم 

_ وانت كمان ي حبيبي وحشتني اوي

اقرا ايضارواية فهد الصعيد والهاربه المجنونه البارت العاشر 10 بقلم الكاتبه ندي المزين حصريه

اقرا ايضارواية ليان الزعيم (الجزء الثاني)الفصل الثالث 3 بقلم آيه عيد حصريه

اقرا ايضارواية اسر قلبى الفصل التاسع والخمسون( الجزء الاول)بقلم هدير الصعيدي وولاء يعقوب

اقرا ايضارواية اسر قلبى الفصل الثامن والخمسون بقلم هدير الصعيدي وولاء يعقوب

_ قوليلي بقي مبسوطه ي عروسه ؟

_ بصتله بسرعه: عروسه ؟

_ ضحك : مالك يبنتي بتبصيلي كدا ليه

_عيطت : لا انا مش عايزة اتجوز واسيبكم هفضل معاكم 

_ ضحك جامد : طب وتميم نعمل فيه اي ؟

_ سكتت ومردتش 

_ رفع وشها ليه: تعرفي ي مريم إن تميم بيحبك من زمان 

_ بصدمه : ايييه؟

_ ابتسم : اه والله زي م بقولك كدا ، بس هوة كتوم شوية ومش بيحب يبين مشاعره ف عشان كدا خبي عنك

_ دا ...دا كان خاط.....!

_ قاطعها : عارف أنه كان خاطب بس محبهاش كان بيحاول ينساها بيكي ودا أكبر غلط عمله ، مينفعش ابقي بحب شخص وعايزه انساه واتعافي منه بشخص تاني 

_ بس ي هلال هوة عمرة م لمحلي حتي 

_ مبصتيش ف عيونه ولا لاحظتي ازاي بتلمع لما بيشوفك ؟ انا مش هحككيلك بس هسيبه هوة للحظه دي 

_ سكتت شوي وبتفكر ف اللي قاله هلال طب دا معناه اي؟ معقول يكون ....يكون مخطط للجوازه دي من الاول لا لا ي مريم اللي بيحب مش بيأذي

_ سكتي ليه ي مريم ؟

_ بتلقائية: كلمني عن الحب ي هلال 

_ بصلها بهدؤء بعد م اتنهد تنهيده كبيرة : انك تكوني مش شايفه ف عينك غير الشخص اللي بتحبيه ، شايفه حنيته عليكي مهما اتعصب الحب حلو اوي ي مريم بس للي بيعرف يحب بجد 

_ غمزت : وانت بقي حبيت قبل كدا

_ زقها : قومي يبت من هنا 

_ ضحكت : انت اخ مش جدع علي فكرة 

_ ضحك : عارف عارف 

بقلمي أميرة محمد محمود

___________________

_ بعد م اكلوا كلهم مع بعض مريم قامت من وسطيهم ودخلت اوضتها 

_ قعدت تفكر ف كلام هلال اخوها ، رايحه جايه ف الاوضة تكلم نفسها : هتجوزوا بقي وخلاص مش كدا كدا بيحبني يبقا زيتنا ف دقيقنا اه طبعا اومال ، بس ..بس افرض طلع خاين وكداب م هما كلهم كدا 

_ خاين وكداب اي بس يا مريم هوة كان عشمك بحاجه وخلي بيكي 

لا بس انا برضو لازم اخد حزري كويس اوي ، افرض برضو بعد اتجوزني يطلع عايز يتحمرش بيا ، أيوة هوة دا اللي هوة عايزة ماشي ي تميم ي ابن ام تميم 

_ فضلت تكلم نفسها لحد م فاطمه اتصلت عليها 

_ مالك يبنتي بقالي ساعه بتصل عليكي 

_ عايزة اي ي هبابه 

_ لمي لسانك اللي عايز قطعه ده 

_ أيوة يعني انتي متصله بيا عشان تهزقيني 

_ تصدقي انا غلطانه عشان كنت لابسه وجيالك

_ بلهفه : بجد ي فطوم 

_ ضحكت : دلوقتي بقيت فطوم 

_ اخلصي بقااا متبقيش رخمه يلا تعالي هستناكي 

_ ماشي يستي جايه اهوة ف رعاية الله

_ ابتسمت : ف رعايه الله

_ بعدها بشوي تميم اتصل عليها ردت عليه وهيه مكسوفه 

_ الو ي تميم 

_ اذيك ي مريم عامله اي؟

_ الحمد لله بخير في حاجه؟

_ ربنا يرحمني برحمته من دبشك ده بس لا يستي مفيش حاجه بتصل بس عشان اشوف لو لازمك حاجه 

_ لا مش لازمني كله تمام 

_ بتردد : طيب ممكن نتكلم جد شويه 

_ بقلق : اتفضل ي تميم 

_ مريم انا عايز اتجوزك بجد من غير حورارات ابويا و

_ قاطعته : كويس انك عارف انك ابوك بيعمل حورارات ي تميم 

_ مسح علي وشه: لا ي ربي مش هتعصب لا يبنتي ارحمي امي واديني فرصه اتكلم

_ ضحكت : خلاص والله هسكت

_ بتوتر : عايز فرصه ليا وليكي نحاول مع بعض إن علاقتنا تنجح ولا حسيتي نفسك مش قبلاني أو مش متقبله علاقتنا هننهيها فورا هااا قولتي اي ؟

_ بحزن : وهوة انا عندي خيارات تاني ي تميم ؟

_ بحزن : انا ممكن اتكلم مع بابا ي مريم واقوله اني مش عايز اتجوزك اي حاجه تريحك هعملهالك

_ بسرعه ولهفه : لا ي تميم جوازنا هيتم ومحدش عارف يمكن ينجح 

_ ابتسم : انا مش عايز منك غير فرصه واحده ...فرصه واحده بس 

_ ابتسمت : موافقه 

بقلمي أميرة محمد محمود

___________________

_  فتحت الباب علي آخرة : هلااااااااااال 

_ يبنت المجنونه 

_ عيونها لمعت : الله جيبت ايمته السويتشرت ده ؟

_ شده منها : انسي ي مريم 

_ بصتله ببراءه : مش انا اختك حبيبتك 

_ بغيظ : لا وامشي اطلعي برااا 

_ ي حقير 

_ جري وراها : اي انتي قولتي اي؟

_ دخلت اوضتها وقفلت الباب علي نفسها : افتحي ي مريم احسنلك 

_ مش هفتح يابا هوة انا عبيطه ولا ايه ؟

_ جرس الباب رن ف راح فتح وهوة بيبص وراه : طيب ي مريم حسابك معايا بعدين 

_ بص قدامه وكانت فاطمه هوة عارفها من زمان بس دي اول مرة يشوفها بالخمار : فاطمه ؟

_ بكسوف : اه ...ممكن ادخل ل مريم 

_ فاق لنفسه : اه طبعا اتفضلي 

_ فاطمه دخلت خبطت علي مريم وفتحتلها حضنتها ، فاطمه دخلت جوة وقبل م مريم تدخل هلال مسكها من قفاها وشدها

_ في اي يسطااا براحه 

_ هعديلك كل اللي عملتيه عشان بس القمر اللي جه فجاءة ده 

_ غمزت : اوباااا

_ عدلها ياقة بچامتها : طبعا احنا اخوات 

_ اومال 

_ وطبعا عارفه بحبك قد اي ؟

_ اومال 

_ و....

قاطعته : أنجز يلاا

_ عايزك ف موضوع بعد م تخلصي 

_ مصلحجي حقير 

_ غلط تاني هرزعك كف خماسي يخليكي تروحي فيها 

_ خلاص يدجع بهزر معاك يلا تكيرة 

_ دخلت وقفلت الباب ف وشه ، خبط كف علي كف : اقسم بالله مجنونه

بقلمي أميرة محمد محمود

____________________

_ اليومبن عدوا بسرعه والنهارده الفرح ، تميم طلب من مريم انه يتكلم معاها قبل اي حاجه 

_ خير ي تميم ؟

_ ابتسم : انا مش عايزك تخافي مني ي مريم ، يعني حتي لو اتجوزنا هيفضل مكانك ف قلبي زي م هوة 

_ ضحكت بحب : ابغي احضنك هالحين

_ ضحك وفتح دراعاته : تعالي 

_ ضربته ف كتفه : بالله م شفت ربع ساعة تربيه

_ ضحك : يستي بهزر والله 

_ تميم انا خايفه اوي 

_ طمنها : متخافيش طول م انا جمبك 

_ ابتسمت : عارفه 

_ " بارك الله لكما وبارك عليكما وجمع بينكما في خير"

_ مبلاقيش تفاعل خالص لو الروايه مش حلوة قولو عادي وانا اوقفها واشوف فكرة تانيه غيرها 

#تميم 

#حكيات_ميرا 

#اميره_محمد_محمود 

#Amiramohamedmahmoud ✍️👀🖤

البارت الرابع من هنا