 |
|
#غرام_الليل الثامن✨
فى الوقت اللى وصل فيه مهاب عند بيته كان ليل وصل هو كمان
مهاب باستغراب: ليل بيه يا ترى ايه اللى فكرك بيا وخلاك تيجى لعندى اتوحشتك ولا ايه؟ ( مهاب صعيدى برضه)
ليل: غرام فين يا مهاب؟
مهاب اللى مفهمش: ايه غرام دى مخابرش انت بتتحدت عن ايه؟!
ليل: غرام الى مراد الغندور اللى شغال معاه دلوجت طلب منيك تخطفها
مهاب: وانت ايه دخلك بيها وعرفت منين ان انى اللى خطفتها؟!
ليل: من الكاميرات يا مهاب اسمع لحد دلوجت البوليس لسه معرفش وانى مبلغتوش الاحسن ليك تساعدنى وتخبرنى بمكانها وانا اوعدك انى مش هخلى رجلك تيجى بالجضية
مهاب: اسف يا ليل بيه انى مجدرش اساعدك كان مراد جطعنى تجطيع
ليل: طب ما انت لو رفضت انى كمان هجطعك حتت حتت ... اسمع يا مهاب انت صعيدى واحنا منخافش من حاجة واصل مين مراد ده اللى يخوفك وبعدين يا اخى اعتبريها الحسنة الوحيدة اللى عملتها بحياتك لاجل ما تجعد لعيالك
كلام ليل اثر جدا فى مهاب واللى بقاله فترة عايز يسيب الشغل ويتوب عن كل حاجة غلط عملها بص الى ليل وقاله: انا هعرفك طريجها ومش بس اكده هاجى بنفسى معاك ونلحجها منيه
فرح ليل جدا وبسرعة ركب العربيه مع مهاب اللى ساق باتجاه المكان الموجودة بيه غرام ..... فى بيت غفران العزايزى خرج الدكتور بعد ما خلص الكشف ع كوثر
غفران: طمنى يا دكتور الله يخليك كيفها الست كوثر دلوجت
الدكتور: الحمدلله يا غفران بيه هى دلوجت اتحسنت كان ضغطها وسكرها عاليين حبتين والجلب كمان اتأثر بس هى فاجت دلوجت وبجت زى الفل
زينب: الف حمد وشكر ليك يارب
غفران: طيب مفيش ادويه ولا حاجه مطلوبة نجيبها؟
الدكتور: فيه شوية ادوية انى كتبتلها عليها بس اهم حاجة بلاش تزعلوها او تسمع اخبار سيئة ع الجليل الفترة دى لازمن تريح اعصابها ع الاخر
غفران: تمام يا دكتور شكرا جدا يا عبدالصمد وصل الدكتور
بصت زينب لغفران وقالتله: والله صعبانه عليا جوى حملها تجيل وجلبها واكلها ع بتها يا نضرى
غفران: ربنا كبير مبيهملش حد وان شاء الله ليل هيلاجيها ويرجعها ابنى وانى خابره زين
زينب: طيب هروح انى اجيبلها وكل واحاول اوكلها اى لجمة تسندها
غفران: طيب وانا هروح اشوف اشرف وليل وصلوا لايه
عند غرام اللى الباب اتفتح عليها ولقت اثنين ستات داخلين عليها
غرام: انتم مين وعاوزين منى ايه؟
واحدة منهم: لولولولووووووووووولى مبروك يا عروسة
غرام: عروسة ايه انتى مجنونة يا ست انتى ابعدى عنى!
الست التانية: فى ايه يا عروسة مالك كده معليش عشان اول مرة تتجوزى وفيه رهبة بس متخافيش ده احنا هنطلعك قمر ١٤
ابتدت غرام تصرخ وتستغيث لكن الاثنين الستات طلعوا من جيبهم حاجة ورش&&وها وبعدها فقدت غرام الوعى وابتدوا يظبطوها بالميك اب وبعد ساعة خلصوا وخرجوا
الست ١: تمام يامراد باشا عملنا كل اللى حضرتك امرتنا بيه
مراد: وادى ياسيتى الفلوس اللى وعدتك بيها بس اسمعوا اوعوا واحدة فيكم تفكر مجرد تفكير انها تبلغ والا............
الست٢: من غير والا يا باشا احنا ميهمناش الا الفلوس غير كده مش هنجيب لنفسنا المشاكل احنا لا شوفناك ولا نعرفك
ابتسم مراد وقالها : جدعة تعجبينى طريق السلامة انتم
بعدها دخل مراد ع غرام اللى كانت نايمة وفوقها وامر واحد من رجالته انه يشيل&&ها ويدخل&&ها الاوضه اللى فيها المأذون وكانت غرام بتصرخ وتستغيث
المأذون باستغراب: ايه ده هو ايه اللى بيحصل هنا؟
غرام: الحقنى يا عم الشيخ الراجل ده خطفنى وعاوز يتجوزنى بالعافية😭
المأذون: ايه بالعافية وخاطفك! ده كل حاجة بالخناق الا الجواز بالاتفاق وفى حالة الغصب يبقى الجواز باطل وغير صحيح وانا لا يمكن هكتب الكتاب ده
رفع مراد المس&&دس بوش المأذون: ما انت لو خرجت من هنا قبل ما تكتب الكتاب هتكون قاب&&لت ربك يا فضيلة الشيخ
الشيخ بخوف: ياابنى عيب كده ميصحش اللى بتعمله ده ذنب كبير هتتحاسب عليه و.............
مراد بغضب: هو انا جايبك هنا تدينى درس ف الحلال والحرام وتسمعنى عبر ومواعظ انت تعمل المطلوب منك ده لو حابب ترجع لبيتك وعيالك
المأذون خاف من جنون مراد وقرر انه يكتب الكتاب فتح الدفتر ومسك البطايق وبدأ يملى البيانات وطلب من غرام انها تردد وراه لكنها رفضت وكل مرة ترفض كان مراد يض&ربها بالق&&لم ع وشها لحد ما حرفيا حست بالاستسلام وفى المرة الاخيرة اللى رفضت فيها وقبل ما ايد مراد تنزل عليها سمعوا صوت غريب من برة و..........................
توته توته خلصت البارتوتة يا ترى ايه اللى بيحصل برة؟ وهل هيتم الجواز ولا لا؟
اسئلة كتير فى دماغكم عارفينها ومتعرفوهاش نعرف اجابتها البارت الجاى ان شاء الله 🤍
#يتبع
#بقلم_نشوه_على
#غرام_الليل التاسع✨
فى الوقت ده سمعوا صوت حاجة غريبة جاية من برة مراد ووليد طلعوا يجروا ع الشباك عشان يشوفوا ايه بيحصل لكن ملقيوش حاجة لكن لما لفوا وشهم اتصدموا لما شافوا ليل قاعد ع الكرسى وموقف غرام ادامه
مراد: انت😳 انت دخلت هنا ازاى وعرفت الطريق منين؟
ليل بضحكة مليانة سخرية: انا ليل العزايزى اللى يقدر يجيبك من بطن الافعى لو استخبيت فيه
مراد بضحكة فيها استهزاء: طيب كويس انك عجلت وجيت عشان مو&&&تك قرب
ليل: موتى انا ع ايد مين ان شاءالله!!
مراد: هتعرف حالا .... ونده مراد ع رجالته اللى كانوا واقفين برة ولما دخلوا شاورلهم وقال: خل&&صوا عليه وادفنو&&ه فى اى مصيبة يالا
لكن الرجالة اللى دخلت راحت وقفت ورا ليل وطلعت اسلح&&تها وصو&&بتها باتجاه مراد ووليد اللى كانوا مبرقين ومستغربين من اللى بيحصل
ضحك ليل ضحكة عالية وطلب من الرجالة يخرجوا برة وميدخلوش الا بإذن منه وبعدين بص لمراد وقاله: مشكلتك انك غبى اوى يا مراد الرجالة اللى انت بتتكلم عليهم دول ولاءهم الاول والاخير للفلوس واللى يدفع اكتر انت اديتهم جنيه وانا اديتهم عشرة 😉
طلع وليد يجرى ع ليل لكن ملحقش حتى يعطيه قلم وثانية بالظبط وكان متكوم ع الارض وطلب ليل من الرجالة ياخدوه وكمان طلب من مهاب انه ياخد غرام والمأذون ويخرجهم برة ويقفلوا الباب بالمفتاح
لكم تتخيلوا ايه اللى عملوا ليل بمراد كسر&&له دراعه التانى ورجليه الاثنين( مفترى اوى الواد ده😂😂) بعد دقايق والشرطة وصلت وقبضت ع مراد ووليد والعساكر خارجين بمراد ليل قال: ثانية لو سمحتم
قرب منه وهو ماسك ايد غرام وقالها: اضربيه بالق&لم وت&&وفى عليه
وبالفعل غرام ما صدقت ونزلت ضرب فى اصحابنا وبعدين ليل بعدها عنه وقال: انت قولت انك بتحبها وحقك مش كده انا بقى هحرق قلبك دلوقتى لما تشوف حقك بيكون لغيرك
واخد غرام عند المأذون وطلب منه يكتب كتابهم وبالفعل اتكتب الكتاب ومسك ليل القسيمة وقاله: غرام بقت مراتى شرعا وقانونا وحقى اللى مش هفرط فيه
وبعدها طلب من الشرطة انهم ياخدوهم بسرعه وركب عربيته هو وغرام اللى كانت ساكته ومش مستوعبه كان عقلها فين لما وافقت تتجوزه
فى بيت العزايزى دخلت زينب بالاكل ع كوثر اللى كانت بتعيط وقالت: يالا يا ست الستات لازمن تاكلى عشان تاخدى علاجك
كوثر: مش عايزة اكل ولا اشرب انا عايزة بنتى يا زينب
زينب بحزن: بتك بخير والله وان شاءالله ليل هيرجعها بالسلامة بس انتى لازم تتغذى دلوجت
كوثر: حد الله تدخل لقمة فى جوفى الا لما اطمن ع بنتى😭
وقبل ما زينب تتكلم دخلت غرام: ماما
كوثر: غرام بنتى 😭😭 وطلعت تجرى عليها تحضنها وتبوسها من راسها وايدها وكملت: انتى كويسه صح عمل فيكي حاجة اذاكى يا قلب ماما
غرام: اطمنى يا ماما انا بخير وهو معملش فيا حاجة لان ليل وصل بالوقت المناسب
زينب: حمدالله ع السلامة يا بتى
راحت غرام وحضنتها: الله يسلمك يا طنط
تحت عند غفران واشرف وليل وعلاء قال غفران: حمدالله ع السلامة يا ولدى
ليل: الله يسلمك يا بوى
اشرف: كانت نظرتى فيك من الاول فى محلها ومخيبتش ظنى فيك يا ولد اخوى
ليل: تسلملى يا عمى بس انى كنت عاوز اجول ليكم ع حاجة اكده
غفران: خير يا ولدى؟
ليل: انا كتبت كتابى ع غرام
اشرف: نعععععععم!! كيف يعنى ده حوصل ازاى تكتب كتابك عليها بدون اذن امها
ليل: اهدى بس يا عمى واسمعنى كانى كنت عاوز احرج جلبه عليها وخصوصى انى اتوكدت انه بيحبها وكمان حبيت افهمه انها بجت فى ضل راجل يحميها منيه
اشرف: التصرف ده غلط يا ليل ازاى هنخبر امها دلوجت وهتجول ايه؟
ليل: يا عمى انا مش هتكسف منك انا حبيتها من اول مرة شوفتها فيها واتمنيت انها تكون ام عيالى بجد وده كان الدافع التانى اللى خلانى عملت اكده بس انا عجولك ع حاجة انى كتبت الكتاب بس هعملها فرح يحكى ويتحاكى عنه البلد كلها وانى هجيبها بطريقتى لخالة كوثر
لكن طلع صوت كوثر من وراهم واللى قالت:.............................
توتة توتة خلصت البارتوتة 😂 يا ترى ايه هيكون موقف كوثر هتوافق ولا لا؟ وازاى هتكون الحياة ما بين ليل وغرام؟
اسئلة نعرف اجابتها من توقعاتكم ومن البغرت الجديد يا قمراتى😍
#يتبع
#بقلم_نشوه_على
البارت الأخير من هنا
تعليقات
إرسال تعليق