 |
#غرام_الليل الأول والثاني
كنت بغطى حفلة كبيرة لمطرب معروف فى شرم الشيخ هتقولولى بصفتك ايه اقولكم انى صحفية مبتدأة كده ولسه بقول يا هادى اعرفكم بنفسى انا غرام السيوفى والدى عمر الله يرحمه اتوفى وانا عمرى 10 سنين ومامتى ست الكل كوثر هانم العمارى سيدة اعمال وهى كل حاجة ليا فى الدنيا انا بشرتى خمرية وعيونى بنية فاتحة وشعرى اسود ليل طويل وعندى طابع حسن وعمرى 24 سنة
حازم المصور اللى معايا بصفير: يااااااااه شايفة الناس اد ايه ده ولا اسراب النمل فى البيات الشتوى😂
غرام: طبعا يا ابنى دى حفلة(..............) اشهر مطرب فى بلدك
كنا بنتكلم عادى وفجأة لقينا ضرب النار اشتغل من جميع الجهات ولقيت حازم اتبخر كنت هموت فى جلدى مش عارفة اروح فين ولا اجى منين لحد ما لقيت حد مسكنى من ايدى وشدنى وطلعنا نجرى دخلنا فى ممر هادى بس كان ضيق ومقفول وقفنى وحاصرنى بايده كان حاطط قناع ع وشه مش باين غير عيونه حرفيا انا توهت فى العيون العسلى المخضرة ونسيت انا مين
غرام وهى سرحانة فى عيونه وفى سرها بتقول: يخربيت ام جمال عيونك هى دى عيونك ولا لانسيز
فجأة شدنى من ايدى وخرجنا فى الشارع ..... غرام: انا متشكرة جدا مش عارفة من غيرك كان حصلى ايه
قبل ما يرد لقيت فونى بيرن بصيت بشنطتى عشان اطلع الفون وبرفع راسى ملقتوش كأنه فص ملح وداب طلعت اجرى زى المجنونة ادور عليه لكن ملقتوش ولقيت فونى بيرن تانى وكان اونكل اشرف محامى العيلة
غرام: الو ايوة يا اونكل
اشرف: انتى فين يا غرام انتى ومامتك بكلمكم من بدرى محدش بيرد
غرام: اسفة جدا يا اونكل والله انا فى شغل فى شرم وماما فى تركيا بتخلص صفقة فى حاجة ولا ايه؟!
اشرف: فيه مصيبة يا غرام انتى لازم تنزلى القاهرة فى اسرع وقت
غرام بخضة: مصيبة!! مصيبة ايه يا اونكل كفى الله الشر!
اشرف: مفيش وقت افهمك ولا ينفع اشرحلك بالفون اسمعى احجزى فى اقرب وقت وانزلى وتعالى ليا الفندق
غرام: حاضر انا هنزل اركب واجى حالا
طلعت اجرى زى المجنونة ع الفندق لميت هدومى ونزلت ركبت اوبر وطلعت ع القاهرة ووصلت الساعة ١١ بليل وروحت ع الفندق وكان اونكل اشرف فى انتظارى بالريسبشن
غرام: خير يا اونكل فى ايه وقعت قلبى!
اشرف: خدى نفسك بس الاول تحبى تشربى حاجة؟
غرام: لا مش عايزة اى حاجة انا بس عايزة اعرف فى ايه طمنى ارجوك
اشرف: مراد الغندور
غرام: ماله؟!
اشرف: .......................... ............................
غرام وهى مبرقة: يا نهار اسود انت بتقول ايه يا اونكل😯 و......................
استووووووب يا ترى مين مراد الغندور؟ وايه اللى قاله اشرف لغرام صدمها بالشكل ده؟ ومين الشاب اللى انقذها بالحفلة واختفى فجأة؟ هل هيتقابلوا تانى ولا لا؟
كل ده نعرف اجابته البارت الجديد اشوف التفاعل ولو لقيت تفاعل كبير هنزل البارت الجديد بسرعه🤍
#يتبع
#غرام_الليل التانى✨
اشرف: انتى كنتى صح فى نظرتك اتجاه اللى اسمه مراد ده طلع مصيبة وداهية واخد قروض كبيرة جدا من بنوك جوة مصر وبرة كمان بضمان المشروع اللى داخلة فيه والدتك شريكة وبأسماء كتيرة لكن طبعا الاسم الثابت هو والدتك وطبعا لان المشروع ارباحه مش هتكفى حتى انها تغطى قرض واحد فوالدتك وانا هنروح فى ستين داهية
غرام: يا نهار اسود انت بتقول ايه يا اونكل😯 وانت ايه دخلك تروح فى داهية ليه وعرفت ده كله منه منين وازاى؟!
اشرف: انا الضامن القانونى للشريك التانى اللى هو والدتك وعرفت ده كله لما دخلت بالصدفة ع فكسات الشركة بتاعت مراد وقارنت الميزانية بالمبالغ اللى بالقروض واكتشفت المصيبه دى غير المصايب التانية اللى عملها الباشا نصاب عالمى وله اكتر من جنسية وجواز سفر بيستخدمهم فى اعماله الدنيئة
غرام: طب مامى عرفت بالموضوع ده؟
اشرف: لا طبعا مردتش اقولها خصوصا انها فى غربة ومريضة قلب وسكر وخبر زى ده ممكن يأثر عليها عشان كده بعتلها فاكس تنزل فى طيارة بكرة الساعة ١٠ الصبح ولما تيجى انا وانتى هنحاول نقولها
غرام: طيب والحل يا اونكل هنعمل ايه فى المصيبة دى؟!
اشرف: اطمنى انا اخدت كوبى للورق ده وطبعته وبعته لابن اخويا بالصعيد عشان لو سيبته هنا هيكون سهل جدا ع مراد انه يلاقيه ويوم ما يفكر يلعب معانا هبتزه بيه
غرام: تمام يا اونكل طيب انا هروح انام لانى تعبانة اوى واجى لحضرتك بكرة عشان نروح نستقبل ماما
اشرف: لا طبعا تروحى فين انتى هتفضلى هنا معايا بالاوتيل انا مضمنش اذا كان مراد ده عرف بالموضوع وانى كشفته ولا لا وممكن يأذيكى او يتعرضلك عشان يضغط عليا ارجعله الورق
اخدها اشرف وطلع بيهاع السويت وطلب منها تدخل وتقفل ع نفسها وتنام وبمجرد ما دخلت الاوضة رمت نفسها ع السرير وغمضت عيونها اللى ابتدت تدمع بضعف وفى نفسها بتقول: الله يرحمك يا بابا يا حبيبى لو كنت معانا مكنش ده كله حصل لينا
وفى وسط تفكيرها لقيت نفسها بتفتكر الشاب اللى انقذها فى الحفلة وافتكرت عيونه اللى سحرتها وفجأة لقيت نفسها بتبتسم واد ايه انها هتموت وتشوفه تانى وتشوف ملامحه كاملة
فى اليوم التانى فاقت غرام ع صوت خبط ع الباب: اصحى يالا يا بنتى عشان نلحق الطيارة
قومت بسرعة وفطرت وشربت قهوتى وروحنا ع المطار واستقبلوا والدتهت وبعد ما قعدوا واتكلموا اشرف حكى لكوثر كل اللى حصل
كوثر: مراد مش ممكن مستحيل انا لا يمكن اصدق الكلام الفارغ ده!
غرام: ومتصدقيش ليه يا ماما انا حذرتك منه كتير وعرفتك انه وراه بلوى كبيرة لا وحضرتك كمان كنتى عايزة تجوزينى ليه
كوثر وهى حاطة راسها بين ايدها: والعمل يا اشرف قولى اعمل ايه فى المصيبة دى🥺
اشرف: الحل الوحيد انكم تيجوا معايا ع الصعيد
غرام وكوثر بصوا لبعض وفى نفس واحد: ايييييه فين؟!
اشرف: الصعييييييد
كوثر: انت بتهزر يا اشرف اروح لمين هناك ما انت عارف ان اهل عمر من يوم ما مات واخدوا حقهم بالميراث معدوش حتى بيرفعوا علينا سماعة التليفون حتى يطمنوا ع بنت اخوهم دى
اشرف: ومين قالك انك هتروحى عندهم؟ انتم هتيجوا عندى انا فى بيت العيلة
كوثر: ايوة بس..................................
اشرف: مفيش بس انتى عارفة كويس ان عمر الله يرحمه كان اخويا اعرفه وانا عمرى ٦ سنين سنة ورا سنه واحنا فى ضهر بعض وكمان وجودكم هنا خطر عليكم لانه لو مراد شم خبر اننا عرفنا بألاعيبه اكيد هيحاول يتخلص مننا كلنا
غرام: طب وشغلى يا اونكل انا ما صدقت اتثبت بالمجلة
اشرف: اطمنى الجريدة ليها فرع فى سوهاج عندنا وانا هكلم رئيس التحرير واطلب منه ينقلك
بعد كده اخدهم اشرف واتوجه مباشرة للصعيد ودخل بيهم ع اخوه الكبير وعمدة البلد واللى استقبلهم بالترحاب
غفران: حمدالله ع السلامة يا اخوى اتوحشتك ياولد ابوي
اشرف: وانت كمان اتوحشتنى جوى كيفك وكيف اهل بيتك وفين ليل عاد
غفران: بس خد نفسك الاول وانا هشيع ليه يجى
وبعت غفران واحد من رجالته لابنه ليل عشان يجى يقابل عمه وفى الوقت اللى كان غفران واشرف قاعدين بيتكلموا هما وكوثر استأذن ليل بالدخول واول ما دخل سلم ع الجميع ولما غرام ركزت بعيونه اتصدمت وبلمت وفتحت بوقها زى الهبلة وبصوت عالى: مش ممكن هو انت ولا مش انت😳 و.................................
استوب حلو كده عليكم اوى😂 يا ترى مين ليه غرام اتفاجأت لما شافت ليل؟ وهل هيكون اللى ببالها ولا لا؟ وازاى هتكون حياتها بالصعيد؟
خرجوا روح الكاتب اللى جواكم واتوقعوا حل الاسئلة والبارت الجديد هنلاقى الحل وكمان هنعرف الاحداث الجديدة 😍
#يتبع
البارت الثالث من هنا هنا
تعليقات
إرسال تعليق