 |
#اسكريبت_كامل♥️✨
_هوا حضرتك خطفني؟!!
=لأ جايبك افسحك
_احلف طب بالله عايزة أروح دريم بارك
_بقولك مخطوفة تقولي دريم بارك إنتي متخلفة
بقولك ايه يا بت إنتي مش عايز صداع اخرسي بدل ما اقتلك حالا إنتي فاهمة؟!!
=انتفضت من زعيقه: طيب يا أخويا حاضر اتخرسنا......
بعد دقيقة......
_طب بقولك ايه يا عم أنت أنا جعاانة طيب
= .......
_انت جايبني هنا تجوعني ولا ايه مش كفايه أني مخطوفة واحتمال تموتني يرضيك أموت جعانة طيب
_.......
_طيب رد عليا طيب
_.....
_طب بص فكني وأنا مش هعمل صوت وهقعد مؤدبة
= إنتي هتخرسي ولا أخلص عليكي دلوقتي
_ طيب ما بوراحة طيب
________________&________
_ طيب علي فكرة أنت لو خطفتني علشان الفلوس محدش هيدفع فيا تلاتة ساغ حتي دول ما هيصدقوا يخلصوا مني أنا أصلا...
= بااااس ايه رغي رغي افصلي شوية دي عملة ايه المهببة دي ياربي
_ايدااا ده أنت كمان مش عجباك الشغلانة يا أخي جاتك وكسة توكسك اكتر ما أنت موكوس دي بتجيب فلوس زي الرز اينعم حرام وهتدخل النار في الآخر وتتشوي زي الفراخ بس....
_ سمعت تنهيدة منه مرهقة : إنتي متعبة أوي
ابتسمت: علشان تاكل عيش لازم تتعب
_ إنتي مش واخدة بالك اني خاطفك يعني المفروض باكل عيش حرام
=هزيت اكتافي في إيدك تغيره وتخليه حلال، أنت إللي كسول
_انتي هتتسايري معايا ولا ايه يلا كلمي أهلك دلوقتي علشان ينفذوا الطلباات إللي عايزها
_ بقولك ايه أنا واحدة جعانة ومش باقية على الدنيا تمام عايز تقتلني اقتلني كده كده ماليش حد يسأل عني اقتل وأنت مطمن ياباشااا
_سكت فسكتت شوية واتكلمت تاني بهدوء: اسمك ايه
=بحدة مش شغلك
_ تجاهلت نبرته: أنا اسمي نور عندي 25 سنة بابا كان بيقولي يانوري لما بيبقي مبسوط مني ولو زعلان بيقولي يانور عادي أما ماما القمر نبع الحنان بتاعي زعلانة مش زعلانة بتندهلي يابنت الجزمة عادتشي
= سكت وماردش عليا فضل باصصلي بنظرات غامضة وغريبة
_ ياجدع اضحك شوية
_.......
_ المهم طبعاً الناس بتتكلم عليا كتير علشان متجوزتش وكدة ناس لتاتة يا جدع وربنا
= هو أهلك فين
_ بإبتسامة: عند إللي أحسن مني ومنك
بصلي وسكت تاني
_ اتنهدت وبعدين فزعت فيه: ايوة يعني أنا دلوقتي جعااااااااانة ولو مكلتش هبلعك
=يخربيتك اصبري هجبلك طفح
_ والله أنت جدع وتوب الرجولة معمول علشانك
_ اتفضلي الأكل اهو علي الله أسمع صوتك بقي علي بال ما أشوف هعمل ايه في البلوة دي
_ احم احم هوا بس أنا
_ عايزة إيه تاني مش جبت الأكل
_ انت بتزعق ليه دلوقتي وأنا هاكل ازاي وأنت مربطلي ايدي ولا كأني البهيمة إللي اشتريتها
_ إنتي بتزعقي ليه
_ أنت إللي زعقت
_ أنا مبزعقش
_ولااا بقولك إيه أنا جعانة يا تفكني يا تأكلني
_ ده علي جثتي
وطبعاً سمع الكلام علشان مسيطرة أوي يعني ههه بهزر معاكوا أنا مهزقة أصلا ومحصلش
_ طب أنا جعانة فكني طيب
_ اتفضلي
_ شكراً جدا جدا
اتفضل كل معايا
_ مش عايز
_ يلا القطر رايح علي فين علي بوق الحلوف
= مين ده الحلوف
_ أنت طبعاً آمال أنا
وبعدين أنا غلطانة أني كريمة وام الكرم وبأكلك من أكلي ودي حاجه نادرة
_ ينفع تخليكي في حالك بقي ومالكيش دعوة اكل اتحرق مالكيش فيه
_ مجعنك ما طفحت
قاعدين وشنا في وش بعض في هدوء تام ساعتها اتكلم وقطع الصمت وقال
_ هوا إنتي مش خايفة
_ واخاف من ايه
= نعم إنتي هبلة انتي مخطوفة إنتي مستوعبة للي بيحصل الطبيعي أن أي بنت مكانك المفروض تخاف ومتأمنش وأنتي بتعامليني كأني ابن خالتك مش راجل غريب عنك مش خايفه اذيكي؟؟!!
_ ابتسمت بهدوء: أنت اذتني
_ لأ
_ يبقي أخاف ليه ساعات الناس الغريبة بتبقي أحن علينا من قرايبنا ومعارفنا ده ممكن كمان يكونوا احن علينا من أهلنا ذات نفسهم
فضل باصصلي بذهول ف ابتسمت بألم وسخرية
طبيعي يستغربني لو كان حاسس بألمي.. مكانش بصلي البصة دي..
_ مقولتليش اسمك ايه
_ مقدرش اقول
_ أنت عبيط منا شوفت وشك أنت اهبل ده لو وصفت الملامح هتتجاب
_بصلي ببرود: هوا إنتي عايشة مع مين
_ مع عمي ومراته
_ وما حاولتيش تتصلي بيهم ليه ياجوا ياخدوكي
_ بسخرية: التليفون عندك اهو لو رد علي مكالمة واحدة ابقي اطلب إللي أنت عايزه
بصلي باستغراب ومسك الفون فضل يرن ومافيش رد خالص..
_ مش قولتلك مش هيرد محدش واخد باله أني مش موجوده أصلا لو عاوزه يرد عليك كلمه من رقم غريب وهيرد عليك
_ هوا عمك فعلاً
_ سؤال بسأله لنفسي كل يوم ومش لاقياله إجابة هوا كان كويس معايا والله بس بعد موت أهلي بقي كده
سكت وهوا لما لقاني مش برد اتكلم
_ أنا هتصل بيه واخد إللي عايزه وتروحي بيتك
_ أتكلمت بحزن: هوا أنت هترجعني بجد
بصلي ومدرش عليا رن علي عمي ورد عليه وأنا ضحكت بسخرية خرج وبعد فترة دخل وهوا متعصب......
_ في حاجة ولا ايه
_ إنتي اخرسي خالص
_ كنت لسه هكلمه لقيته طلع المسدس من جيبه
_ الله مسدس ده حقيقي وحياة أبوك امسكه شوية احياة عيالك بالله بالله
_ لقيته وجه المسدس ليا وبيقولي كلميه قوليله يلغي الصفقة
طيب إحنا نلغي الكلام إللي فوق ده والمسدس كمان خلينا لطاف زي الأول
_ أنت خاطفني علشان كده
_ قرب المسدس إكتر وايده بتترعش: اسمعي الكلام ونفذيه من غير شوشرة
=ابتسامتي اختفت وبدأت أخاف منه خوف بعيشه كل يوم بشوفه كل ليلة بالرغم أن عيونه جذبتني وأن بيحاول يخبي ويلبس قناع القسوة علشان أصدقه وأخاف بس أنا خوفت فعلاً لسبب يشبه قسوة الملامح دي
_ قربه اكتر امسكيه يلاا
_ اتكلمت بجمود: أنت عارف أنه مش هيرد
خرج وأنا قعدت ببص الاوضة إللي أنا فيها ضلمة باردة تشبه لاوضتي اوضة شفتها قبل كده وحافظاها اوضة تخوف اتمنيت كتير مشوفهاش بس حتي هنا شوفتها؟؟!!
الباب فتح فجأة فاتخضيت بس لما شوفته هديت مش حاجة غريبة أني اتطمن لوجودي مع خاطف لكن أهلي لأ؟!!
= كان ماسك المسدس، اقلعي الجاكت
_ بلعت ريقي وبدأت أخاف منه
= صرخ فيا.... إنتي مسمعتيش إللي قولته اقلعييه..
_ زحفت علي الأرض ورجعت بضهري لورا.. أنت عايز ايه
_ ضحك باستهزاء.. خاطفك هكون عايز ايه
_ بس إللي في دماغك ده مش هيخليه يلغي الصفقة و....
=مجاش باللين نجيبه إحنا بطريقتنا غمزلي ولا إنتي إيه رأيك
_ بس أنا مأذيتكش في حاجة
=مالك خايفه ليه؟!!.
مش كنتي فرحانة أنك مخطوفة
_ أنا بس...
= قرب مني وضربني بالقلم مش قولتلك اقلعي الجاكت
من قوة القلم اترميت علي الأرض وهوا شد الجاكت إللي كنت لابساه
_ مسكني من شعري.. لما اقولك على حاجه بعد كده ابقي اسمعيها علي طول ماشي يا شاطرة ورماني علي الأرض اتخبطت مقدرتش اتحرك حسيت اني انجرحت ومش قادرة أشيل الدم إللي على عيني
أحداث عقلي بيفتكرها تشبه الأحداث دي فكرت أنها مش هتحصل لمجرد أني بعدت عن المكان بس أنا كنت غلطانة حكمت عليه غلط ولا هوا فعلاً مفيش حد طيب في الدنيا دي؟!!
ضحكت بسخرية: عمي إللي من لحمي ودمي بيعمل إكتر من كده ده بقي إللي هبخاف عليا غبية!!!!
مر ليلة وأنا علي نفس حالي مكنتش قادرة اتحرك من البرد والوجع
_ أمضي هنا
_ خوفت تجادل معاه يعمل فيا حاجة تانية فبصيت علي أيدي المربوطه
قرب مني وفكها....امضي هنا
_ بصيت عليه لقيته عقد جواز
_ ايه ده
= مسك شعري... هوا إنتي مبتعرفيش تمضي وأنتي ساكتة
_ آه أنت بتعمل فيا كده ليه هوا أنا اذيتك في حاجة
_ معملتيش حاجة بس عمك عمل واللي بيعملوه الأهل بيتحملوه ولادهم
_ بس كده مش حرام
= هه حرام؟؟ هوا إللي زيك وزي عمك يعرفوا الحلال من الحرام؟!!
شد شعري فعيني دمعت غصب عني
=اسمعي الكلام وامضي عشان مفرغش المسدس ده في دماغك
_ غمضت عيني من آلام واتنفض لما سمعت صوت الرصاصة فصرخت
محستش بيها بس شوفت حوض السمك وهوا مكسور والماية والازاز علي الارض.هوا كتم صوتي وبدأت الدمعة تتحول لشلال
_ المرة الجاية هتبقي في دماغك
كنت بكتب حرف وبعدين ابصله وأنا خائفة منه ليقتلني أول ما مضيت ابتسم ليا وربط ايدي تاني ورماني علي الأرض إللي فيها الماية والازاز وقفل الباب وأنا عيطت بصوت كنت بعيط وأنا حاسة روحي بتطلع مش كتير عليا كده
مش كده كتير علي سني اللي بشوفه ده حسيت بحاجة غريبة بتحصل ايد بتلمسني فتحت عيني لقيته هوا
_ بعدت عنه بسرعة فجسمي جه علي الازاز وصرخت
= مالك حصلك حاجة
_ ابعد عني مالكش دعوة بيا
كان بيبص علي رجلي بصيت عليها لقيت الكدمات من حد يشبهه نفس الأعمال بتتكرر نفس القسوة نفس الضرب بس الشخص مختلف هوا أنا استاهل كل ده؟!!
= الكدمات دي مني
_ سحبت رجلي بتعب.. شئ ميخصكش
_ أنا آسف على إللي عملته
_ آسف!!!!
أنا مش عايزة الأسف ده، الأسف دلوقتي يفيد بأيه؟!!
لما تكسر كوباية وترجع تتاسف هل ده هيرجع الكوباية سليمة تاني الأسف سهل بس لما يكون مش قصدنا بس هوا كان قصده كان واعي لكل حاجه بيعملها، أحياناً الأسف بتبقي كلمة تقيلة أوي علي البعض مبتخففش ده ممكن تزيده.. الأسف مش هيفيد..
_________________________
"مازالت الجراح في قلبي، جراح مازالت تنزف جراح تعفنت من كثرة الدماء، جراح أبكتني حتي جفت دموعي، جراح أطفأت رغبتي في استمرارية الحياة"
________________________
=تعالي معايا في اوضة تانية
_ قولتلك سبني في حالي بقي
= قرب مني وشالني بالعافية تحت مقاومتي وعياطي
دخلت اوضة نضيفة عكس التانية تشبه اوضة الأميرات حقيقي كانت هادية وجميلة وسيمبل حطني علي السرير وبعد عني
= فيه لبس في الدولاب اختاري حاجة والبسيها علشان هدومك مليانة مية
بصيتله وأنا مستغربة هوا شرير ولا طيب مش عارفه؟!!
_ أنا آسف حقيقي آسف
بعدها قفل الباب وخرج وأنا غمضت عيني ليه جابني هنا معقول ندم معقول حس بذنبه في إللي عمله فيا
فتح الباب ودخل.... أنا بعت لعمك الصور وبعت كمان عقد الجواز وطلبت لو ملغاش الصفقة هنشر الصور وأقول أنك متجوزة عرفي
سابني وطلع.... مفيش حد طيب حد بيندم أنا إللي ساذجة الدنيا مش ليا المكان والعالم ده مش مكاني....
= ده أكل علشان إنتي مكلتيش بقالك يومين
_ مش جعانة
_ أنا هسيبه هنا ولو جوعتي كليه
لما تاذي حد وبعدها تيجي تطبطب عليه مبيفدش بالعكس ده بيخوفنا أنا محتاجة إللي يطبطب عليا وعلي قلبي يطمني بس مش إللي اذوني مينفعش يكونوا المرض والدوا في نفس الوقت
= إنتي بقالك إكتر من يومين مبتاكليش
_ أطلع بره مش عايزة حاجة من وشك
_ كده هتتعبي وهتدخليني في مواضيع أنا في غني عنها
_ قولتلك براا
= متخلنيش استخدم نفس الأسلوب إللي فات و...
_ وايه تضربني تاني هتعاملني ولا كأني الكلبة بتاعتك ولا الجارية اللي اشتريتها أنا نفسي افهم بتعمل كده ليه
_ أنا عملت كده بسبب....
_ بسبب الشخص إللي بيعمل نفس إللي بتعمله فيا أنا عملتلكم ايه نفسي افهم ليه كل القسوة دي أنا مأذيتش حد عملتلكم ايه بتاخدوني بذنب غيري ليه يا ماما يابابا خدوني عندكم سبتوني ليه يابابا ياما...ما.. بدأت عيني تغمض ووقعت محستش بحاجة غير صوته وهوا بينده ويجري عليا....
بدات افتح عيني لما لقيت أيد حنينة بتمسح علي شعري، ايد تشبهلها وصوتها البديع في القرآن بتردد في ودني لدرجة أني غمضت عيني تاني علشان اسمع صوتها وأحس بيه ونفس اللمسة اكتر...
= إنتي كويسة يابنتي
كانت ست بسيطة ملامحها مريحة لو كنت أختار حد يخلو بالو مني وارتاح معاه بعد أهلي كنت اخترتها بدل ابو رجل مسلوخة إللي في البيت ده
_ بصت ليا وكان جمبها..... عجبك إللي عملته ده
_يا أمي كلميها بس الأول وشوفيها وسيبك مني دلوقتي
استغربت أن دي أم هركليز ده يا أخي حسبي الله
_ إنتي حاسة بحاجة، لو حاسة بحاجة نجيب الدكتور تاني
= هزيت راسي بمعنى لأ أني كويسة
_ خليك جمبها لحد ما اجيب لها أكل
=اتفزعت.. لأ بالله متسبنيش لوحدي..ودمعت.. خليكي معايا هنا ارجوكي
_ أنت هببت ايه خلتها خايفة كدا
_ والله ياماما أنا....
_مش وقته اصبر عليا المهم روح سخن الأكل وهاته
_ نعم!!!!
_ زي ما سمعت ولا اقوملك
=ضحكت عليهم وهو بص عليا وأنا ابتسامتي اتحولت لجمود وهو ضغط علي سنانه...حاضر..
اكلتني براحة وفضلت تسمي مع كل معلقة وتبتسملي وطبعاً كانت بتزعق له كل شوية بصراحة يستاهل بس فهمت من كلامها أنه محترم وطيب وأنه عمل كده منغير ما يقولها وكان شغال عند عمي بس برده أنا مش مصدقه أنه طيب علشان إللي عمله فيا مكنش طيبة خالص صح؟!!
مامته قطعت تفكيري وهيا بتطرده..
_ اطلع برا ياطارق
هوا بغباء: ليه
_ عشان هشوف لو فيه جرح تاني في جسمها
_ طب ما تشوفي هوا أنا ماسكك يا ماما
_ أنت أهبل يلااا..
_ يا ماما مش كده حرام عليكي هيبتي بقت في الأرض
= طيب اخرج وخلي بالك لا تدوس عليها وأنت ماشي
كانت في ابتسامه خفيفه على شفايفي شيلتها بسرعة لما بصلي وبصتله ببرود
_ اذاكي؟!!
_ منغير ما اعمله حاجة والله ياماما
_ خدتني في حضنها.. حقك عليا أنا يابنتي
_ وايه الكدمات دي هوا إللي عمل كده فيكي؟ طب والله لاربيه من الأول ابن نعيمة
_ مسكت ايدها والله ياماما مش هوا إللي عمل كده
_ بصتلي بحزن: آمال مين اللي عمل كده يا بنتي ده جسمك كله كدمات
= سكت ومردتش وهيا احترمت سكوتي
_ خدي الدوا دا ونامي شوية ربنا يريح قلبك
يريح قلبي الجملة قعدت تتردد على ودني كتير أنا فعلاً محتاجة أني ارتاح عايزة أحس أن الدنيا جميلة مش غابة مين هيقضي علي التاني الأول وأن لسه في ناس طيبة زيي وزيها كده عايزة إبتسامة طالعة من القلب دعوة حلوة حضن دافي ينسيني الحزن إللي في قلبي.....
_ طول الوقت كانت بتتخانق معاه نسيت أني مخطوفة ونسيت أنه كان عمل فيا حاجة وقعدت اضحك عليهم وعلي رد فعله لما مامته تهزقه وهوا كان بياكل الأكل غصب ومينطقش حرف كنت بضحك من قلبي كأني وسط عيلتي الشعور إللي نسيته من زمااان؟!!
_ مامته مشيت وأنا خوفت أفضل معاه لوحدنا كانت بتطمني أنه كويس ومش هيعملي حاجة وأنه قلبه طيب وغصب عنه إللي عمله..
_ متتاخريش عليا يا ماما
_ طبطبت علي أيدي وابتسمت ومشيت
خوفت أوي ما الباب اتقفل لفيت ولقيته بيبصلي
=علي فكرة امك قالتلي انك طيب وأنا صدقتها علشان...
_ لقيته بيقرب مني غمضت عيني بخوف
= أنا آسف على إللي عملته
ملامحي ارتخت والخوف راح وابتسمت
_ مبيحبكيش؟!!
_ سمعت الكلمة دي وكتت عايزة اقوله مش هوا بس مفيش حد بيحبني بس سكت
_ هوا السبب في الكدمات إللي كانت في جسمك؟!!
_ كنت عايزة اقوله أيوة هوا بس هوا عملي كدمات في جسمي بس أنت كدماتك صابت قلبي
= عشان كده كنتي فرحانة وأنتي مخطوفة كنتي عايزة تمشي
_ بس هوا مش وحش للدرجادي
_ بعد كل إللي عمله!!
= آه بعد كل إللي عمله... سبته ودخلت جوا الاوضة أنا عارفة أنه حاجة غريبة بس هوا فعلاً مش وحش هوا بس فيه غشاوة علي قلبه وعينه ولما يتشالوا هيبقي كويس وبعدين كفاية مراته الحرباية االلي كانت بتضحك كل أما يضربني كنت حاسة أني في فيلم عربي أصيل ولازم يكون ليه نهاية بس ايه هيا الله اعلم؟!!
كذا سؤال بيدور في رأسي بس الأهم هوا عمله إيه خلاه يعمل كده
_ هوا عملك ايه
= فيه إيه يا بنتي حد يخض حد كده
_ طب اذاك في ايه طيب
= طب أنا مصدع ممكن قهوة بالله
_ اتفضل القهوة أهي قولي بقي
= إيه القهوة دي دي منغير سكر
_ طب اصبر اتصل بماما تشوف حوار السكر ده
= اخد الفون بسرعة... سرق المشروع بتاعي وهيعمل بيه الصفقة إللي كانت هتتلغي دي كان حلم حياتي وهوا بكل بساطة اخده ونسبه ليه هوا بعد ما تعبت فيه طول السنين دي كلها
_ علشان كده خطفتني
_ايوة
_ ولما مصدقش
= اتجوزتك
بصي أنا آسف أنا مكنتش اعرف اتصرف ازاي غير أني اخطفك وارجع حقي ولما عاملتك بالطريقة دي كان علشان كل ما افتكر أنه سرق حلمي وكمان مش عايز يرجعه اطلع غضبي فيكي بس كنت بقول لنفسي أنا كده فرقت إيه عنه لحد ما اغمي عليكي خوفت ومعرفتش اتصرف اتصلت بأمي والباقي إنتي عارفاه.....
سكت ومردتش عليه سبته ودخلت الاوضة وبعدين قعدت افكر في كلامه وقد ايه هوا اتظلم.. ثانية واحدة مين اللي اتجوز.؟!!
_ أنت اتجوزت مين
= إنتي واقعة علي دماغك وأنتي صغيرة؟!!
_ أنت قولت انك اتجوزتني صح
قول لأ علشان اسامحك واصدقك
= آه
_ الله يخربيتك
= نعم
_ روح ياشيخ منك لله وقفلت الباب في وشه وبعدين فتحته تاني لقيته واقف
_ حسبي الله فيك بجد
هوا ليه الإنسان بيعمل في أخوه الانسان كده هاه انعدمت الرحمة في ااناس خلاص اتجوزني ليه إللي مش محترم ده هاه لييه؟!!
_لما كل حاجة تنتهي هطلقك متخافيش
= هتطلقني بجد
_ آه اعتبريه وعد
_ وهيبقي اسمي مطلقة؟!! روح ياشيخ حسبي....
حط ايده علي بوقي.. كفاية بقي دعا عليا يا شيخة ارحميني هموت
_ لأ طبعاً مش هتموت علشان أنت عسول
_ ايه
_ قولت هتطلقني امتي بقي
مبقاش فيه زعيق، بنام براحتي بكون مرتاحة حاسة بالأمان مبقاش فيه كدمات اختفت بقيت بكلم ماما واضحك للصبح ونتفق عليه حسيت بدفا اختفي من سنين..
_ قوم اعمل فشار علشان نتفرج
_ ماتقومي إنتي
_ ياماماااا تعالي شوفي...
_ خلاص قايم قايم
كنا بنخرج ونضحك ونهزر لفترة نسيت وأن ليا حياة تانية ودي فترة وهتنتهي نسيت أنها مش دايمة وأن اللي بحس بيه دلوقتي دا غلط وأن الحب والاهتمام والراحة دول كلهم مش هيبقوا.....
ولما عرفت أن طارق رايح يجيب مامته فرحت أني هقعد معاها قمت دخلت المطبخ بس حسيت بحاجة غريبة حد بيتحرك في الشقة لسه هجيب خاجة لقيتني علي الأرض وحد خبطني علي راسي محستش بحاجة غير وأنا قدامهم
وبدل ما الاقيهم خايفين عليا لأ كانوا بيلموني علي خطفي
رجعت لايامي القديمة رجعت لوحدي تاني
نزلتلهم بكل عصبية وقولت هوا أنا مش من لحمك ودمك ليه بتعمل فيا كده أعتقد أني لو غريبة عنك كنت هتخاف عليا حتي ولو شوية طب لو بتكرهني قولي والله أنا همشي ولو علي الفلوس خده أنا مش عايزاه لو هي إللي مخلياك كده بس لو مش الفلوس السبب آمال ايه ده أنا عمري ما اذيتك في حاجة
أنا استحملت حاجات كتير أوي محدش يستحملها كنت يتعمل فيا كده ليه؟!!
عارف وأنا مخطوفة كنت حاسة بالأمان ودفا محستوش هنا وسط أهلي وعمي إللي المفروض يبقي سندي بعد أبويا اتمنيت أني افضل كده علي طول أو كنت ارجع واشوفك خايف قلقان عليا وخايف بس ملقتش ولا ذرة خوف عليا للدرجادي بتكرهني قربت منه وعيطت رجعني هناك علشان خاطري أنا مش عايزة اعيش هنا بكرهكوا كلكم بكرهك..
_ أنت ازاي تتكلمي مع عمك بالطريقة دي إنتي شكلك متربتيش كويس وأنا هربيكي
_ سيبيها يا سيرين
سبتهم ودخلت اوضتي مطلعتش منها قعدت يومين لا باكل ولا بشرب...
_ أنا آسف.. أنا بجد آسف سامحيني حقك عليا
_ كان صوت أنا عارفاه كويس بس مستحيل يكون هوا
حطيت راسي تحت المخدة علشان عارفه أنها هتاجي تزعق..
كنت قاعدة بعيط كنت بتمني أشوفه أو المحه حتي اسمع صوته طيب..
_ وحشتيني
_......
_ مش بتردي عليا ليه
_طيب أنا هوريكي مترديش عليا إزاي
أول ما شوفته ابتسمت روحي ردت فيا وهوا ضحكلي جريت عليه وكنت هقع بس مسكني
_ أنت هنا بجد
_ وحشتيني تحبي اخطفك
_ تاااني
_ وتالت وعاشر
أنا من أول ما دخلت البيت ولقيتك مش موجوده فيه حسيت أن روحي اتسحبت مني ومبقتش عارف اتصرف ازاي روحت لعمك الشركة زي المجنون طردوني حاولت كتير وكنت بفشل بس مستسلمتش مرة ورا التانية لحد ما لقيته بيقابلني ومعاه الملفات وبيقولي أني اجي واخدك واعوضك عن إللي شوفتيه..
_ يعني أنت جيت علشان هوا قالك وادالك الملفات
= لأ جاي علشان اخطف واحدة خطفت قلبي
ابتسمت وبصيت في الأرض
_ يلا ده أنا عاملك فشار إنما إيه تحفة
_ احلف
_ والله طب يلا بسرعة
_ طيي إنتي وافقتي تيجي معايا ليه غمزلي علشان بتحبيني صح
_ لأ علشان ماما وحشتني
_ طب وابنها طيب
_ في قلبي من زماان♥️
_ يابركة دعاكي ياماا بعشقك يانوري♥️
"أختبئ فيك عن برودة العالم وقساوته..
أنت دافئ كالشمس... فالحقيقة أنت شمسي الخاصة"
#لربما_كاتبة
#Nourhan_Hussien
تعليقات
إرسال تعليق