 |
سكريبت❤بقلم سولييه نصار❤❤
-يعني ايه يا دكتور ؟!
قوتها وانا قلبي مفروض وعيوني مدمعة بصيت لباسل اللي كان قدامي وكان متوتر
بصلي الدكتور بشفقة وقال:
-وفقا للتحاليل يا مدام ضحي انتي مستحيل تخلفي
-ابوس ايديك يا دكتور متقولش مستحيل ...اكيد فيه علا....
-مفيش علاج للاسف حالتك صعب المبايض شبه منتهية ...فرصة انجابك معدومة
قعدت اعيط زي الاطفال قدام الدكتور وباسل...
باسل نزل علي الأرض ومسك ايدي وقال :
-الحمدلله علي كل حال يا ضحي ...ربنا مبيجيبش اي حاجة وحشة ...واحنا مش هنفقد الامل ...
بس انا مكنتش سمعاه اصلا كنت منهارة وسؤال جوايا اشمعنا انا....بقلم سولييه نصار
........
في طريق الرجعة كان باسل بيسوق العربية وانا لسه ببكي
-ضحي بالله عليكي كفاية ...هنروح دكتور تاني هنسافر برة لو عايزة ممكن نتكفل بطفل وهيبقي ابنك بس ابوس ايديك متعمليش في نفسك كده قلبي بيتقطع عليكي والله
بس مقدرش اسكت ولا ابطل ...انا كنت بحلم بطفل ...طفل واحد يملا حياتي وحياة باسل ...هو ده كتير عليا يعني !!
......
-يعني ايه يا ضحي الكلام ده ؟!
قالتها حماتي فبصلي باسل بلوم هو مكانش عايز يقولها علي كلام الدكتور بس انا اصريت اقول الحقيقة ...جوايا كنت عايزة اشوف رد فعل حماتي اللي مفروض بتحبني لما. تعرف اني مش هقدر اجيب عيال
- ماما هنروح دكتور تاني انا وضحي مش هنستسلم
- بس الدكتور ده كويس يا باسل انتوا بنفسكم قولتوا كده والتحاليل اهي
- مش مشكلة يا ماما هنعمل التحاليل تاني وتالت وعاشر وحتي لو ربنا ما اردش هنكفل طفل
قامت حماتي وقالت بعصبية :
-ايه ؟!!انت اتجننت ولا ايه يا باسل ؟!
عيوني دمعت وحسيت قلبي. وجعني
-ليه يا ماما قولت ايه غلط!!
-وانت قولت ايه صح اصلا؟!ايه تكفل طفل عايز تصرف وتربي ابن مش من صلبك ولا من دمك ...عايز تحرمني من نعمة اني اشوف حفيد من صلب ابني ...عايز تقهرني عليك .
دموعي نزلت وانا عارفة الحوار ده هيرسي علي ايه في الاخر ...مهما حبتني مستحيل تحبني اكتر من ابنها ولا تضحي بسعادته وسعادتها عشاني ....فكرت في اللحظة دي انسحب واهرب ..
مكنتش عايزة اواجه نقصي قدامهم
- يا ماما ده كلام سابق لاوانه لسه احنا بنحط احتمالات ولاحظي ان ضحي حاليا نفسيتها مش مستعدة تسمع كلام زي ده ...ودي ضحي اللي انتي دايما بتقولي انها اغلي مني عندك
بصتلي حماتي للحظات ...لثواني شوفت الحزن والشفقة في عينيها بس رجعت باردة تاني وقالت :
- ايوة هي غالية عندي وانا واثقة انها انسانة كويسة واصيلة ومش هترضي انها تظلمك معاها..وربنا احل ليك تتجوز اكتر من واحدة وده سبب مهم عشان تتجوز تاني !!!!
-مستحيل ماما ايه....
بس انا قاطعته وقولت:
-حماتي عندها حق يا باسل اتجوز انا مش معترضة طالما هتعدل بينا
-انتي اكيد اتجننتي يا ضحي انا مش هتجوز
بصتله ببرود وقولت :
-يبقي تطلقني !!!
-ايه ؟!
-ببساطة يا باسل عندك حلين اما تتجوز تاني او تطلقني فاختار !!!
يتبع
الجزء التاني ❤شكرا على تفاعلكم السكر زيكم ❤بقلم سولييه نصار❤❤
- ضحي انتي اتجننتي صح ...
ايه الكلام ده ...انتي واعية بتقولي ايه
-اه انا واعية وواعية اووي كمان انت اللي مش واعي وبتحط امال وخلاص التحاليل اهي قدامك انا مستحيل اخلف فليه تدمر حياة الكل عشاني
بصلي بغضب وقال:
-حتي لو عندنا حل تاني
..نكفل يتيم واهو كسبنا ثواب وابن يفتكرنا
- بس مش هيشيل اسمك ...مش هيبقي من دمك ...فكر في امك دي فكر لي نفسك ...فكر هيحصلك ايه لما تكبر ومتلقاش ابن يسندك ...انا اهو مراتك وبقولك اتجوز انا معنديش مانع موافقة ان تكون ليا ضرة انا قابلاها علي نفسي انت مالك ؟!
كنت بقول الكلام ده من ورا قلبي ...انا وبقوله كان قلبي بيتحرق ....بس ده الصح انا مش هظلم باسل بسبب انانيتي مقدرش اعمل فيه كده ...مقدرش اكون بشعة وانانية بالشكل ده
هدي باسل نفسه وبصلي وقال:بقلم سولييه نصار
-لو كان العيب مني انا كنتي هتقبلي تتجوزي حد غيري ....كنت هتتخلي عني بالسهولة دي
غمضت عيني بألم...انا مقدرش حتي افكر اعمل فيه كده هو مش جوزي وبس ...هوحياتي بس قسيت قلبي وانا ببصله بتحدي وقولت :
- ايوة يا باسل هعمل كده معملش ليه ؟!!!
اتصدم للحظة بس بان علي وشه الغضب وقال:
- بس انا مش هعمل كده يا ضحي مش هتخلي عنك ومش هتجوز غيرك وطز في العيال
قلبي فرح بكلامه بش عقلي احتج..رغم أن العقل زينة الانسان بس احيانا بيكون نقمة ....حاجة تمنع صاحبه من السعادة والفرح وعقلي كان من النوع ده ...اي ست لما تشوف جوزها متمسك بيها كده بتفرح لانها بيه بتقدر تواجه الناس اكتر وتدافع بس هي لا .....بصيت ليه وقولت بتصميم :
-يبقي طلقني
-لا مفيش جواز ولا طلاق ويالا يا ضحي من هنا ونكمل كلامنا في بيتنا
-لا مش جاية معاك
مسك ايدي وهو بيزعق:
-يالا قولت
وشدني ليه وطلعنا علي بيتنا
-طلقني ...بقولك طلقني مش عايزة اعيش معاك
-استهدي بالله يا ضحي انا مقدر نفسيتك بس خلاص فاض بيا ...لكل انسان طاقة !!
وبعدين سابني ومشي....قعدت علي الأرض وانا ببكي ...حاسة عالمي بينهار حولي
......
مرت الايام وانا مقاطعة باسل ....حاول كتير يكلمني بس انا رفضت مكنتش عايزاه ي*دمر حياته بسببي انا ده مش عدل ابدا ....كنت برفض اكل معاه وبعامله وحش ...احيانا كان بيصعب عليا خصوصا انه كان بيحاول يسعدني ويعاملني كويس ....لقيته في يوم دخل الأوضة وقال بحزن:
- ضحي تعالي كلي معايا ...صدقيني الاكل من غيرك ملوش طعم
مردتش عليه
- ضحي بالله عليكي تعالي وانا هعمل اللي انتي عايزاه
-يبقي تتجوز
غمض عينيه بألم وقال:
-موافق اتجوز غيرك بس تعالي !
يتبع
الجزء الاخير ❤شكرا على تفاعلكم السكر زيكم❤بقلم سولييه نصار ❤
كان مفروض افرح بس لا قلبي كان بيتقطع اللي بحبه خلاص وافق يتجوز غير معرفش كان نفسي يرفض ويتمسك بيا اكتر من كده بس الصراحة انا تعاملي معاه كان جاف ....انا حافظة باسل وضغطت عليه بالطريقة اللي عارفة انها هتجيبه وتخليه يستسلم قدام طلبي ...هو ميقدرش يبعد عني ...وميقدرش يشوفني زعلانة ابدا ....بس كنت عارفة في الوقت ده رغم انه نفذ طلبي الا اني كنت عارفة ان نهيت سعادتي وسعادته بإيدي ...كنت عارفة ان غرزت سكينة في قلبي وقلبه ...في الوقت اللي انا بدور علي سعادته عرفت اني بدل ما اسعده دم*رته كنت شايفة الحزن والاسي في عينيه حزن مشوفتهوش قبل كده ....كان حاسس اني بعته واستسلمت بس محدش هيحس بيا خالص ...محدش هيحس بالنار اللي جوايا للاسف ....بقلم سولييه نصار
.......
-انا خلاص هتجوز عشان ترتاحوا انتوا الاتنين ...هبقي تعيس عشان تفرحوا ...هد*مر حياتي يمكن تستوعبوا المصيبة اللي عايزيني اعملها
كان بيتكلم بصوت ميت ...مبصش لا عليا ولا علي مامته ...كان فعليا متضايق وغاضب انا عارفة باسل كويس ...وعارفة انه عمري ما هيسامحني ولا هيسامح امه ...
بصتله حماتي بشفقة وقالت:
-انا مش عايزة ادم*ر حياتك بالعكس حقك يكون ليك ابن
-مش علي حساب سعادتي
-يا بني سعادتك ايه ...ما هي مراتك اهي موافقة ومعندهاش مانع تتجوز
-انا عندي مانع انا معترض انا مش في مقدرتي اعدل بين اتنين لان في قلبي في انسانة واحدة بس عايزاني اظلم بنات الناس ....فهمتي ليه بقا انتوا هتخلوني تعيس ...بس براحتكم يعني اعملوا اللي انتوا عايزينه ما انا رايي مش مهم ليكم ..يالا دوروا علي العروسة وخلونا ننهي اللعبة السخيفة دي
.......
مرت الايام وحماتي بتدور علي البنت المناسبة بس انا كنت عايشة في جحيم ....باسل متجاهلني تماما ...رافض يكلمني ولا يبص عليا حتي ....بيعاملني كأني مش موجودة اصلا وده كان قاهرني ان الإنسان اللي بتحبه يتجاهلك بالشكل ده ...بس كنت عارفة انه متضايق مني وانا عذراه ....بس في النهاية فاض بيا وروحتله
-يالا عشان تاكل يا باسل.
بصلي ببرود وقال :
-اكلت برة كلي انتي
ورجع مسك التليفون ...
سحبت منه التليفون وانا بصرخ وبقول :
- من دلوقتي بتتجاهلني اومال لما تتجوز هتعمل ايه ..
ابتسم وقال:
-كويس عارفة اني لما اتجوز هتجاهلك اكتر من كده عشان تعملي حسابك ومتتصدميش
دموعي نزلت فقام وقال :
- عارفة ايه اللي هيحصل بعد ما اتجوز ومراتي تحمل انتي مش هتبقي موجودة في الصورة ...متبصليش كده ده اللي هيحصل انا هنشغل بمراتي وابني واهملك...اوعي تفتكري ان اللي هتجوزها مهما كانت طيبة هتخليكي تربي ابنها او تلمسيه حتي مستحيل يا ضحي ...مجرد ما يجي ابنها هتشوفي وشها التاني هتكون عايزة اهتمام اكبر بما انها ام ولية العهد وواحدة واحدة هتضمني لصفها
بصتله بصدمة وقولت:
-وانت هتبعها...هتمشي وراها
- حياتي الجديدة هتاخدني منك .
ضربته جامد علي صدره وانا بصرخ وبقول:
- خلاص يبقي تطلقني....طلقني يا باسل
-ايه مالك مش انتي اللي رضيتي بالوضع ده .
وقعت علي الأرض وانا ببكي وقولت:
- لا انا مش عايزة ...مش عايزاك تتجوز ...ابوس ايديك متتجوزش عليا
قعد جمبي وحضني جامد وقال :
-اخيرا استوعبتي...اكيد مش هتجوز عليكي يا مجنونة انتي
.....
-يعني ايه يا باسل
-يعني اللي سمعتيه انا مش هتجوز خلاص كتر خيرك تعبناكي معانا
بصتلي حماتي وقالت:
- ما تقولي حاجة يا ضحي .
مسكت ايد باسل وقولت:
-انا وباسل قررنا اننا هنكتفي ببعض لو جيبنا طفل خير وبركه ولو مجيبناش يبقي الحمدلله رضا من ربنا وربنا يجازينا علي صبرنا
مشيت حماتي وهي غضبانة بعد ما قالت لباسل انها عمرها ما هتكلمه تاني ....
حماتي ست طيبة انا عارفة وعارفة أن باسل عاجلا او اجلا هيقدر يصالحها بس المهم دلوقتي اني فوقت ...كنت هضيع نعمة ربنا ادهاني بسبب غبائي بس الحمدلله
......
مر ست شهور وانا بروح للدكاترة واصلي وادعي واتصدق بس فقدت الامل في الدكاترة وقررت الجا لربنا ....كنت دايما بقرأ سورة الضحي وبقف عند أية ولسوف يعطيك ربك فترضي وافكر هل في يوم ربنا هيديني وهيراضيني والجواب جه بسرعة اووي ...بعد شهرين كنا بنزور اخت حماتي في المستشفي ...رغم أن حماتي بدأت تكلمنا عادي ورجعت زي الاول بس بشوف في عيونها حزن علي ابنها عندها حق ....
كنا بنتكلم عادي لما حسيت بغشاوة في عيني واغمي عليا .
معرفش اغمي عليا قد ايه بس فجأة صحيت في أوضة غريبة ولقيت حماتي وباسل بيبكوا!
-ايه انا طلع عندي حاجة وهموت ولا ايه ؟!!
قرب باسل مني وباس راسي وقال وهو بيعيط:
-انتي حامل...حامل يا ضحي
اكيد انا بحلم ...صح انا في حلم ...ده مستحيل يكون حقيقي ...غمضت عيوني وانا بقرر افوق من الحلم ده ....
..
لما. تيقنت انه مش حلم اصريت اعيد التحاليل اكتر من مرة ...عدتها اربع مرات تقريبا تحت الحاح مني وفي المرة الخامسة دكتور المعمل طردني من معمله....كنت بعيط وانا مش مصدقة ...معقولة ...معقولة اخيرا ربنا نصفني اخيرا راضني....وافتكرت كلام ربنا ولسوف يعطيك ربك فترضي ❤حقيقي ربنا كريم اووي لما بيدي الحمدلله ...مرت الشهور وولدت توأم وحسيت أن اخيرا حياتي اكتملت وطبعا بعد ربنا ده كان بفضل حبيبي وجوزي باسل ربنا يخليه ليا ....
.....
بعد ما نومت رقية جمب اختها عائشة قعدت جمب جوزي بتعب وقولت :
-دي تربية العيال طلعت صعبة اووي يا ابو العيال
-شدي حيلك يا ام العيال احنا لسه في البداية
- يا ختاااااااي
تمت
#قلوب_منهكة
#سولييه_نصار
ردحذفشركة تنظيف منازل بالجبيل
شركة تنظيف بالجبيل