 |
المقدمة 💥 بقلم سلطان زماني
اتخانقت مع جوزي بسبب مصاريف البيت والعيال واخدت
العيال وقولت اريح اعصابي يومين ولا ثلاثة عند ماما
وارجع
الطبيعي أنه كان بيكلمني يضحك عليا بكلمتين وانا بعديها
بمزاجي وكل مره علي كده ومن كتر ما أنا ملقتش نتيجة لما
بشتكي ومقتنعه وعارفة اني محدش هيقف جنبي لو طلبت
الطلاق ولا حد من اهلي هيوافق اصلا مبقتش اشتكي ولا
اعرفهم عن حياتي حاجه المهم المره دي مكلمنيش وكل ما
اتصل بيه ميردش ولما يشوف مكالماتي ميعبرنيش قولت في
داهية عادي واخدت ابني ياسين ورحت اجيب هدومي
ودهبي وقولت خليه يتعلم الادب ويضرب دماغه في الحيط
رحت فتحت الشقة ودخلت لقيت الصالة خرابة وقشر لب
وطافية سجاير وكوبايات وسخه وريحتها خمره دخلت
المطبخ لقيته زريبه ببص في الزبالة لقيت ازايز بيره مناديل
كتير اوي الفضول قتلني قلبت بالعصاية لقيت كندم الواقي
الزكري 2 فضلت اصوت بدون وعي وخربت الدنيا ابني
اتخض وبيسالني في أي قولتله مفيش حاجه ياحبيبي
وجارتي جت وشافت منظر الصالة وقالتلي أنه كان معه واحد
صحبه بيجيله بيسهر معه وأنها شافته قبل اذان الفجر لما
حست بكركبه قدام باب الشقة شافته من العين السحرية
قولتلها لا دي ست مش راجل فضلت تحلف أنه كان راجل
وبتسالني ليه بتقولي انها ست ؟
بصتلها جامد اوي مش عارف اقول أي علشان الواد جنبي
قولتلها أنا قلبي حاسس انها ست معرفش ليه
واستعيبت اوريها الي شفته في الزبالة فضلت تهديني وبابا
اتصل بيا علشان بنتي عمله دوشة وبوظتله علبة السجاير
وبيزعق قفلت الشقة ونزلت وعماله أكلمه وهو مش بيرد
رحت البيت بابا اول ما شفني خرب الدنيا وقالي بعد كده لما
تخرجي خديهم معاكي أنا كبرت ومش حمل دوشه
امي ردت عليه وقتلتله عيب كده
زعقلها هي كمان انا اعصابي فلتت مني وبدون وعي فضلت
اصرخ وازعقله واقوله انت مش طايقني لا أنا ولا عيالي
واشمعنا عيالي أنا الي بتزعقلهم وعيال اختي رباب شيلهم
فوق دماغك امي عماله تبصلي وتقولي يابت عيب اسكتي
زعقتلها هي كمان وقعدت اصوت والطم ع وشي امي خدتني
دخلتني الاوضه وقالتلي متعمليش في نفسك كده ياحبيبتي
هو بيحبك انتي اكتر من الكل بنتك دي عفريته دخلت قلبت
كيان الاوضه بتاعته وبهدلتله الدنيا وابوكي سنه كبر وخلقه
بقا ضيق مبقاش زاي زمان
قولتلها ايوا يا ماما اعمله اي هو أنا يعني بنتي أنا بس الي
كده ما العيال كلهم كده هو احنا مكناش عيال وكان بيستحملنا
قالتلي انتي فيكي اي يابت مالك مش عويدك
انتي نازله من هنا زاي الفل وبتضحكي ومبسوطة اي الي
حصل قلبك كده وشقلب حالك من غير ما احس اترميت في
حضنها وقعدت اعيط ومش بتكلم فين بقا لما هديت قولتلها
اني مكالمة بابا عصبتني قالتلي هو شوية كده هيهدا وادخلي
قوليله كلمتين حلوين مكنش ينفع تعلي صوتك عليه يادعاء
يتبع
القصة دي حصري هنا وبس
البارت الاول من هنا هنا
تعليقات
إرسال تعليق