مجمع الروايات الكامله والحصريه فقط اضغط على اسم الروايه موجوده كامله في موسوعة القصص والروايات جميع الفصول مع البرنس محمد السبكي قصص وروايات كامله يسعدني تواجدكم معنا في المدونه

الجزء الاخير❤شكرا على تفاعلكم السكر زيكم❤بقلم سولييه نصار❤❤

-بارك الله فيكم وبارك عليكم وجمع بينكم في خير

قالها المأذون وبكدة اتكتب كتاب صافي وياسين!!! ...

بصيت لجوزي وانا فرحانة ولقيته هو كمان فرحان ...مش قادرة اصدق اني في اخر لحظة أنقذت جوازي ....بعد كتب الكتاب جات صافي وصرخت فيا لما كنا لوحدنا وقالت:

- دي خطتك انتي صح ؟!!

ابتسمت وانا بفتكر اللي عملته ..بقلم سولييه نصار

فلاش باك 

في يوم حسيت بحركة غريبة في أوضة صافي وقررت اشوف فيه ايه ...واللي كان مستنيني مفاجأة كبيرة ...لقيت واحد غريب في اوضتها ويظهر انه دخل بالسر وكانت بتتخانق معاه 

-اطلع برة يا ياسين ...وسيبني في حالي مش معقول كده 

- صافي انا بحبك 

-وانا لا ...انا يا اخي بك*رهك انت مبتفهمش 

غضب ومسك ايديها وهو بيقول :

-مادام بتك*رهيني ليه تقربتي مني ليه خلتيني المسك ليه ادتيني نفسك 

حطيت ايدي علي بوقي وانا مصدومة ...لا مستحيل هي فعلا غلطت بس الفرق هو بيحبها ومتمسك بيها.

زقته وصرخت:

-يووه ابعد بقا كانت لحظة ضعف ...ضعفت اعمل ايه 

-انتي لسه بتحبيه صح عينيكي من عماد لما لقيتيه طار منك قربتي مني وعملتي نفسك بتحبيني ودلوقتي لما قدرتي توقعيه وتخدعيه بترميني ببساطة ..بس انا مش هسكت هفضحك

ضحكت بشر وقالت:

-اهلي اصلا لو شافوك هيق*تلوك فلو راجل قرب منهم ....استوعب يا ياسين انا مش بحبك ومش عايزاك فاطلع بره احسنلك بدل ما الم عليك اهلي واسج*نك .

بصلها بك*سره...هو ذات نفسه صعب عليا انه حب انسانة بالج*حود ده بس في نفس الوقت لقيت حل لمشكلتي ...

....

بعد ما مشي ياسين بالسر من البيت مشيت وراه ووقفته 

- والله يا مدام انا مش حر...

-انت صديق صافي صح 

-ايوة 

-ومالك خايف وداخل بالسر كده ليه كنت دخلت من الباب 

-اصل ...اصل 

- خلاص خلاص ...

خد موبايلي سجل نمرتك عندي ده لو بتحب صافي وعايز تتجوزها 

حسيت وشه نور ...كان ساذج للاسف عشان كده قدرت تضحك عليه ...سجل نمرته ومشي ...اتفقنا نتقابل واتقابلنا....

.......

في الكافية 

-انت بتحب صافي 

-اكتر مما تتخيلي 

-تمام يبقي اعمل اللي اقولك عليه ....

.......

يوم كتب الكتاب ...

كنت واقفة جنب عماد وانا مبتسمة ببص لساعتي وانا خايفة ان ياسين يتأخر ...ابتسمت بإنتصار لما الجرس رن ...ما شاء الله علي الوقت تماما ...دخل ياسين هو واهله ...

اتصدمت صافي ...دخل ياسين ووقف قدام عمي وقال:

-وزي ما وعدتك يا عمي جيت انا واهلي وجاهز اكتب الكتاب .

لطمت صافي وانا ابتسمت ...ياسين عمل اللي قولت عليه بالحرف بصراحة متوقعتش كده هو فعلا كلم ابو صافي الاول واعترف انه غلط مع بنته ومستعد يتحمل نتيجة غلطه وطبعا ابو صافي وافق عشان علي الاقل ميخربش بيت عماد ...وبكده اتكتب كتب صافي وعماد

باك ....

ابتسمت وانا ببص لصافي وقولت:

-قولتلك يا صفصف انا في المكر ابقي امك اللي ربتك

صرخت صافي وهي بتقول:

-انتي شيطانة ...مش مصدقة حق*ارتك .

مس*كت شعرها لحد ما كنت ه*خلعه في ايدي وقولت:

-محدش حقير  قدك تغلطي مع واحد وعايزة تتجوزي واحد تاني ...بس التاني ده ملكي يا صافي وفي اليوم اللي تبصي لحد ملكي هف*قع عينيكي فاهمة ...

وبعدين زقتيها ووقعت .

ابتسمت وقولت :

انا عملت معاكي الصح جوزتك اللي غلطتي معاه ...فاعتبري دي فرصة تانية انا رحمتك المرة دي بس لو فكرتي تقربي لحاجة ملكي تاني مش هرحمك يا شاطرة ...

.....

مرت الايام واتجوزت صافي وخلصت منها  وعماد كمان ارتاح ....

كنت قاعدة علي السرير بستعد عشان انام بعد يوم طويل في فرح الع*قربة صافي 

قعد عماد جمبي وقال:

-ياااه اخيرا خلصنا من صافي وهمها وفضيت ليكي يا جميل .

بصتله ببرود وقولت:

-اطلع بره 

-ايه 

-قولتلك يا عماد اطلع بره انت متعاقب

- بس ..

قومت وشديته وانا بقول :

-لما يجيني مزاج ....

وبعدين زقيته برة الأوضة وكملت :

-هسامحك وادخلك اوضتنا يا اعبط خلق الله .

وبعدين قفلت الباب وانا بضحك عليه وهو بيزعق من برة ...انا صحيح سامحته بس عايز قرصة ودن صغيرة صح ❤

تمت 

#سيدة_المكر 

#سولييه_نصار