 |
_بتعيطي لي! في حد زعلك.!
مفيش حد زعلني، ومتقفيش معايا علشان محدش يقول عليكِ متوحدة.
_ليه يقولوا عليكِ كده!
علشان معرفش حد هنا، ومليش صحاب.
_ممكن نبقىٰ صحاب!
لأ، أنا لازم أمشي، ماما قالتلي متتكلميش مع حد علشان كلهم وحشين!
فرت الفتاة هاربه إلىٰ فصلها ووقفت الأخرىٰ تلوم نفسها على تدخلها، هي أيضاً ليس لديها أصدقاء لكن أمها لا تمنعها من تكوين صداقات كمان أنها تعتبر أمها صديقة لها.
******
_أول يوم في المدرسة كان عامل إيه!
ونس: كان لطيف يـ ماما، بس وقت البريك كانت في بنت بتعيط.... وقصت عليها م حدث.
_أكيد عندها مشاكل يحبيبتي، وممكن مامتها تكون هيا اللي عملتلها عقده من البشر.
ريم: بس هيا يـ ماما كانت جميلة جدا، إتمنيت بجد لو بقت صاحبتي.
_يلا يحبيبي روحي بدلي هدومك وتعالي علشان ناكل.
مازن: المستر جاي يـ ونس النهاردة، جهزي نفسك.
_حاضر يـ آبيه.
*********
_م كلمتيش حد صح!!
نور: أيوة، في واحدة حاولت تكلمني بس صدتها.
_ برافوا عليكِ، الأصدقاء كلهم خاينين.
نور: ليه!
_ هيسبوكِ في منتصف الطريق ويمشوا زي م عملت معايا بالظبط!
نور: مين يماما اللي سابك، ومين طنط مروة اللي بتفضلي تت!!
_مش قولتلك م تجبيش سيرتها!
نور: حاضر يـ ماما.
***********
_إيه اللي جابك تاني، قولتلك مش عايزة صحاب.
ونس: أنا بحب المكان ده علشان هدوء وبحب أقعد فيه كمان.
نور: وأنا كمان بحب الهدوء جداً، أو علشان أنا عمري م تعودت على لمة الناس أصلا.
ونس: أنا ونس وإنتِ!
نور: اسمي نور بس حياتي عكس اسمي تماما، إنتِ اسمك جميل أوي يـ ونس!
ونس: ممكن علشان إنتِ اللي عايزاها تبقىٰ كده، بـ إيدك ممكن تغيري كل حاجة.
نور: بس أنا مش هعرف، تعرفي! أنا خايفة وأنا قاعدة معاكي دلوقتي لماما تعرف.
ونس: هتعرف منين ومحدش شايفنا!
نور: ربنا شايفنا.
ونس: يستي هو إحنا بنعمل حاجة غلط!
نور: هيا قالتلي م تتكلميش مع حد وأول لما بروح البيت بتقولي جملتها الشهيرة
'م كلمتيش حد صح!' ولأني صادقة بقولها الحقيقة.
ونس: حقيقي إنتِ شخص لطيف أوي.
نور: لأ، أنا بنت مش كويسة علشان م سمعتش كلمة ماما وقعدت معاكِ.
ونس: طيب هيا مامتك مش بتخليكِ تتعرفي على حد ليه!
نور: هقولك إيه وأنا نفسي مش عارفة!
ونس: باباكِ فين؟
نور: كُل حياته شغل في شغل، ده حتىٰ مش بيكلمني ولا بيقعد معايا.
_أكيد عنده شغل كتير ولما تجيله فرصة يقعد معاكِ هيقعد.
_لأ عادي م ماما معايا في البيت ومش بتتكلم معايا ولا بتسأل غليا أصلا، كل لما أقولها عايزة أكلمك تقولي أنا مش فاضية أنا عندي شوبينج وغيره كتير، فعلشان كده بطلت أقولها، لما أكون عايزة أتكلم بكلم النوت بتاعتي.
ونس: ممكن تحكيلي كل حاجة وأنا هسمعك وهكون صديقتك.
_ماما مش هترضىٰ، وهتزعل مني.
ونس: ممكن أكلم مامتك.
_مستحيل!!
ليه!!
_هيا بترضىٰ تسمعني علشان تسمعك إنتِ!
_عندك أخوات ينور؟
أيوة، أخويا مسافر تركيا بيدرس الطب هناك، هو الوحيد اللي كان بيكلمني.
_ودلوقتي مش بيكلمك؟
بيكلمني مرة في الأسبوع علشان مش فاضي.
_طيب متقربي من مامتك أكتر.
دي بتسبني قاعدة لوحدي في الأوضة ويدوب بتجيب أكل وبس، حاولت أكلمها قالتلي: كل حاجة متوفرة عندك فلوس لعب أكل لبس عايزة إيه تاني؟ متعرفش إني مفتقدة حنان الأم.
_مين بيجي ياخدك من المدرسة؟
السواق بتاعنا وإنتِ في أتوبيس المدرسة صح؟.
_أيوة، لو كانت مامتك كنت روحت كلمتها.
م تحاوليش تكلميها علشان هتجرحك بالكلام.
_البريك خلص، إنتِ في الفصل بتاعي على فكرة وهقعد معاكِ في الديسك الأخير.
بجد؟
_آه، أنا حبيتك أوووي.
وأنا بحس بحاجة لطيفة لما أكون بوجودك.
*****
بعد إنتهاء الحصص كانت الفتاتان تسيران لخارج المدرسة ونور تضع يدها في يد ونس.
_ نور!!!
ماما!!!
يتبع........
#ونس
_ نور!!!
ماما!!!
_مين دي؟!
د دي... ونس صاحبتي.
_صاحبتك!!!
آه.
_من إمتى!
النهاردة.
_وفوراً إعتبرتيها صديقتك! فين كلامي ليكِ مش قولتلك إن الصحاب غدارين!
ونس: لا طبعاً يطنط، الصحاب سند وقوة لبعض.
_مين سمح ليكِ تتدخلي بيني وبين بنتي؟ إنتِ مين أصلا!
ونس: أنا صديقتها ونس.
_ونس علشان خاطري إبعدي عن بنتي، مش عايزة يحصل فيها زي م حصل فيا!
ونس: مش كل الأصحاب شبه بعض، وأنا بوعدك هكون صديقة لطيفة لـ نور.
_وأنا قلت لأ، متكلميش بنتي.
ونس: حاضر، بس إفتكري ده كله غلط وربنا هيحاسبك عليه.
_كلامك زي حد أعرفه ونفس الملامح.
ونس: يخلق من الشبه أربعين يطنط، عن إذنك.
نور: ونس!! م تسبنيش!
_بتعارضي كلامي يـ نور!! فين النصايح اللي كنت بديهالك!
نور: زي م ونس قالت يـ ماما مش كل الصحاب زي بعض.
_لو مسمعتيش كلامي هوديكِ مدرسة غير دي.
نور: حاضر يـ ماما مش هكلم حد تاني.
**********
في المدرسة....
دخلت المُدرسة إلى الفصل وكان الفصل في حالة من الهدوء التام ألقت السلام فرد الطلاب التحية.
المُدرسة: جيالكم حصة إحطياطي علشان ميس شيماء غايبة وحبيت الحصة دي تكون لطيفة على قلوبكم، عايزة كل البنوتات اللي قدامي تخرج النوت بتاعتها.
الطلاب: لي يـ مس؟
دعاء: هتعرفوا كل حاجة.
ودلوقتي كل طالبة تكتب هيا محتاجة إيه، محتاجة والدها يجبلها إيه، أي شيء عايزينه؟
وبالفعل بدأ الطلاب في كتابة إحتياجاتهم.
ونس: نور هتكتبي إيه؟
نور: هقولك بعدين يـ ونس.
دعاء: دلوقتي طالب طالب يجيب النوت بتاعته وهنقول كل حاجة الطلاب عايزينها من غير م نكشف عن اسم الطالب.
نور: ومين هيجيب الحاجات دي يمس؟
دعاء: أنا هجيب ليكم كل حاجة عايزينها.
ونس: حقيقي أنا بحبك يمس دعاء.
دعاء: وأنا بحبكم كلكم.
أثناء حديث المدرسة مع الأطفال دخلت والدة نور.
نور: ماما! بتعملي إيه هنا.
الأم: تعالي ينور، علشان هنروح مشوار.
نور: والمشوار ده في ميعاد المدرسة!
_نووور!!
حاضر يماما.
ونس: نور تبقي تعالي المدرسة بكرة.
_حاضر.
أكملت المدرسة فقرتها وأخرجت آخر نوت وكان محتواها ' أريد أصدقاء'
دعاء: اللي النوت دي بتاعتها تبقىٰ تجيلي المكتب بعد الحصة.
بعد إنتهاء الحصة وجدت دعاء ونس في غرفة المدرسين.
دعاء: إنتِ صاحبة النوت؟
ونس: لأ، بس هيا بتاعة نور صاحبتي.
دعاء: صاحبتك الزاي! وهيا بتقول محتاجة أصدقاء؟
ونس: مامتها بتمنعها إنها تكلم حد.
دعاء: لي كده!
ونس: مش عارفة، ممكن آخد النوت بتاعتها!
دعاء: طبعاً! وتبقي قربي منها علشان هيا محتاجة ليكِ.
ونس: حاضر.
في اليوم التالي كانت ونس تنتظر نور أمام المدرسة لكنها لم تراها إنتظرتها في الفصل أيضاً ولم تأتِ كانت تجلس بمفردها في مكانها المُفضل حيث لا يوجد ضوضاء.
بعد مرور أسبوع.....
_ماما أنا قلقانة أووي على نور.
نور مين؟
_نور صاحبتي يـ ماما اللي كلمتك عليها!
مش إنتِ قولتي إنها قالتلك مش عايزة أصحاب!
_لأ يـ ماما كانت مجبرة تعمل كده علشان أمها متزعلش منها، بس هيا مجتش المدرسة بقالها أسبوع.
المفروض دلوقتي نعمل إيه؟
_ينفع أروح ليها البيت؟
عارفة العنوان؟
_أيوة، النوت بتاعتها معايا وأنا شوفت فيها العنوان.
بتقرأي حاجة مش ليكِ يـ ونس أنا عودتك على كده!
_كان لازم أعرف العنوان يـ ماما.
مش هينفع تروحي طبعا!
_لو سمحتِ يماما أنا قلقانه عليها جداً.
_ونس الكلام إنتهىٰ، ويلا علشان تروحي المدرسة.
في المدرسة.....
دعاء: ونس! كنت عايزة أسألك نور مش بتيجي لي؟
ونس: مش عارفة يمس دعاء من ساعة م أمها أخدتها وهيا م جتش تاني وأنا قلقانه عليها جدا.
دعاء: إنتِ عارفة عنوانها طيب؟
ونس: أيوة.
دعاء: خلاص هاجي النهاردة معاكِ البيت ونروح ليها أنا وإنتِ إيه رأيك؟
ونس: ماما مش راضية.
دعاء: أنا هقنعها.
ونس: يارب توافق.
بعد المدرسة ذهبت ونس ومعها ميس دعاء إلى بيتها.
الأم: إتفضلي.
دعاء: أنا مدرسة الإنجليزي بتاعة ونس.
الأم: البيت نور بوجودك، هيا ونس عملت حاجة؟
دعاء: منور بي اللي فيه يـ طنط، لا أنا كنت عايزاكِ في موضوع.
الأم: إتفضلي.
دعاء: نور صديقة ونس بقالها أكتر من أسبوع مش بتيجي المدرسة وكنت حابه أروح أنا وونس نشوفها.
_دي طالبة وإنتِ مينفعش تروحي تشوفيها علشان غابت، لما تروحي عندهم هتقوليلهم بنتكم بتغيب لي؟ أكيد أهلها عارفين.
دعاء: إحنا هنروح نطمن عليها بس، علشان هيا مش بخير.
_والله إنتِ قلبك طيب بس اللي أعرفه إنه مامتها مش بتحب كده، زي م ونس م قالت.
دعاء: هنروح مرة ونشوف!
خلاص هتروحي بس مازن هيروح معاكِ.
_تمام يـ ماما.
دعاء: شكرا ليكِ والله.
بعد ربع ساعة كانت سيارة مازن تقف أمام قصر كبير.
مازن: متأكدة إنه ده بيتها!
ونس: هو ده العنوان اللي كاتباه، تعالى نسأل الأمن ده.
مازن: لو سمحت هو ده بيت نور!
_أيوة، مين حضرتك؟
ونس: نور صاحبتي وأنا عايزة أشوفها.
_إنتِ متعرفيش اللي حصلها!!
ونس: نور مالها!
دعاء: إيه اللي حصلها!
مازن: إهدووو!
_نور يبنتي.........
#ونس
#بارت_2
#ونس
#البارت_3
_نور يبنتي ماتت.
ونس: ماتت!؟!
دعاء: ده حصل إمتىٰ والزاي!!
_كانت رايحة الشركة بتاعة باباها وعملت حادثة بالعربية بتاعتها.
ونس: بس هيا قالتلي إنها مش بتروح شركة والدها خالص!
_مش بتروح الزاي وهيا اللي كانت ماسكة الشركة بعد م باباها إتوفىٰ.
ونس: باباها متوفي!! ماسكة الشركة!! إنتَ بتقول اييي!
_إنتِ عايزة مين بالظبط!
ونس: عايزة نور صاحبتيي!!
_الزاي صاحبتك وإنتِ قد ولادها!!
مازن: يلا يـ ونس العنوان غلط!
_وريني كده صورة صاحبتك دي.!
أخرجت ونس دفتر مذكرات نور الذي كان يحتوي على صور لها.
_لأ يبنتي مش دي مدام نور!
ونس: طب الحمدلله، حضرتك عارف العنوان ده!
_شايفين القصر اللي هناك ده! هو بتاعهم، أنا بشوفها داخلة فيه كتير.
ونس: شكراً لحضرتك.
ذهبت سريعاً إلى القصر ولكن هذا القصر يختلف عن الآخر ولا يقف عليه أي حارس.
ونس: ودلوقتي هندخل الزاي!!
مازن: دقيقة، في جرس هنا أهو!!
ضغط مازن على الجرس وبعدها بدقيقة فُتح الباب وكان شاب عمره لا يتعدىٰ الخامسة والعشرون حين رآه مازن سلم عليه وضم بعضهما البعض.
عُمر: مازن!!
مازن: أخبارك إي!
عمر: أنا بخير يـ صاحبي. (عُمر ومازن كانو أصدقاء في المرحلة الثانوية)
مازن: هو ده بيت نور؟
عمر: أيوة، إنتَ تعرفها منين؟
مازن: نور تبقىٰ صديقة ونس في المدرسة.
عمر: بتهزر! نور أختي معندهاش صحاب خالص ماما عملالها عقدة منهم.
ونس: أنا صاحبتها بجد أنا عايزة أشوفها لو سمحت!
عمر: تعالو إتفضلوا
ونس: قعدنا أهو فين نور بقى!
عمر: مش هخبي عليكِ! أنا لسه جاي من تركيا من يومين لما عرفت اللي حصل لنور.
ونس: حصلها إيه!؟
عمر: دخلت في غيبوبة ومحدش يعرف سببها إيه، بعض الدكاترة قالو زعل وناس تانية قالت كان عندها إكتئاب.
ونس: طيب هيا في مستشفى إيه! أنا لازم أروح ليها!
عمر: لأ إحنا جايبين ليها الأجهزة والممرضات وهيا حاليا في الأوضة بتاعتها.
ونس: كل اللي حصلها بسببكم إنتوا، حرام عليكم! الزاي تسيبو طفلة تمر بكل ده، مامتك وأبوك وإنتَ كلكم هتتحاسبو على اللي عملتوه معاها، ومامتها تمنعها من تكوين صدقات علشان مرت بمرحلة في حياتها فاشلة!! وأبوك لو بعد م بيرجع من الشغل يسأل عليها ويقعد معاها شوية مكنش حصل كل ده! تعرف كانت بتستنىٰ مكالمتك علشان تفضفض ليك بس ماكنتش عايزة تشغلك بمواضيعها اللي أغلبكم شايفها تفاهة.
مازن: ونس!!!
عمر: للأسف يـ مازن هيا معاها حق، تعالي يـ ونس أوديكِ عندها.
عندما ذهبت وجدت والدة نور تجلس بجانبها وعيونها متلألأة بالدموع.
ونس: إزيك يطنط.
_إزيك يـ ونس، تعالي يحبيبتي، روح يـ عمر هات عصير ليها.
عمر: حاضر.
ونس: شكرا، ممكن تحكيلي اللي حصل؟
والدة نور: | طول عمري كُنت خايفة على نور بسبب اللي مريت بيه بس معرفش إن كده بأذيها، هقولك على كل حاجة مريت بيها
' كنت دايما في وقت البريك بقعد لوحدي في حته ضلمه مش فيها حد، في يوم جت هيا وكلمتني.
_بتعملي إيه في المكان ده؟
وإنتِ قاعدة لي؟
_ده مكاني عادي وبحب أقعد في.
وأنا كمان حبيت المكان ده جدا علشان هدوء.
من بعديها بقينا نتقابل كتير، كل يوم بنشوف بعض وبنقعد نتكلم كتير أخدت رقم تليفونها وعنوان بيتها طلع بعدي بشارع، كنت بحبها أوووي وبنعمل كل حاجة مع بعض، الأكل اللعب، كانت محور أساسي في اليوم بتاعي لو مشوفتهاش كنت بتجنن، كنت مهوسة بيها لدرجة إني مكنتش بزعلها خالص علشان متسبنيش، كانت أول صديقة ليا وآخر صديقة، لما كانت بتزعلني كنت بروح أنا صالحها، بس هيا مقدرتش ده كله سابتني ومشيت، فضلت أقولها متمشيش بس برضوا مشيت، كان فاضلي أمل في إن في صحاب لسه حلوين بس هيا كسرت كل حاجة!!
ونس: مشيت الزاي!
_روحت بيتها ملقتش حد فيه خالص ولا فيه أي حاجة كان مقفول وعرفت من الجيران إنهم هاجروا حتىٰ كانت قالتلي أو طمنتني حتىٰ رقم تليفونها غيريته.
ونس: ممكن يكون حصل ليها حاجة!
_محاولتش أعرف كنت عايشة ومش عايشة بابا أخدني عند دكتور نفسي علشان حالتي كانت بتسوء أكتر، وبعديها إتعافيت شوية وم حبتش بنتي يحصل فيها زي م حصل فيا، كنت بحاول بكل قوتي إنها متكلمش حد، بس هيا كسرت بوعدها لما كلمتك بعد م قالت إنها مش هتكلمك نقلتها من المدرسة مرضتش تروح ووقفت أكل وفي مره لاقينها مرمية على الأرض فطلبنا الدكتور وطلعت داخلة في غيبوبة بـ إرادتهاوهتخرج منها بـ إرادتها برضوا.
ونس: إن شاء الله هتكون بخير.
جلست ونس بجانب نور وتحدثت إليها.
ونس: نور! أنا حاسه إنك سمعاني! شوفي الكل بيحبك الزاي يلا قومي إنتِ قدها، أنت بحبك أوي ومقدرش أعيش من غيرك يـ نور.
عمر: مازن بيقولك يلا يـ ونس، إتفضلي يمس دعاء نور هناك.
إطمئنت ونس على نور ثم رحلت إلى بيتها.
ونس: إنتَ تعرف أخو نور منين!
مازن: كان صديقي في الثانوية.
ونس: الزاي! وإنتَ كنت علمي رياضة وهو علوم!
مازن: وإنتِ عرفتي منين؟
ونس: إنتَ مهندس وهو دكتور فأكيد هعرف يعني!
مازن: كان في دروس كتير مشتركة م بينا وكان صاحب جدع بصراحة.
ونس: ربنا يديمكم لبعض.
مازن: ويديمك يحبيبي.
*******
عمر: نور!! إنتِ وحشتيني أووي، بقالك كتير نايمة كده، عارفة لو صحيتي هجبلك شوكلت كتير أنا عارف إنك بتحبيها أوي وكمان مش هسافر تاني، وهقعد أكلمك كتير، عارفة ونس بتحبك أوي يمكن كمان بتحبك أكتر مننا علشان هيا اللي سمعيتك مش إحنا، مش هبعد عنك ولا لحظة بس أرجوكِ إصحي، مش قادر أشوفك كده.
في الأيام التالية كانت ونس تذهب إلى المدرسة وعندما تعود تذهب إلى بيت نور بصحبة مازن وأقنعت والدة نور أن تجلعها تعود إلى المدرسة مرة أخرىٰ عندما تستيقظ.
كانت ونس تجلس بجانب نور على الفراش ومن ثم....
ونس: نور لو سمعاني أو حاسه بوجودي دوسي على إيدي!
بعد عدة دقائق، ضغطت ضغطة خفيفة على يد ونس.
ونس: شوفتِ يطنط قولت لحضرتك نور سمعانا.
_أنا هروح أكلم الدكتور حالا يجي.
نور: كنت أستمع إلى كل كلمة تقال ولكن ليس لدي القدرة على فتح عيني، أريد أن أرىٰ ونس أحاول وأحاول ولاكن كل محاولاتي فشلت، أريد أن أخبرهم أنني أسمعهم
ونس: نور!! حاولي تقومي، فتحي عينك!
_علشان إيه؟
ونس: علشان خاطري.
_شكراً لكونك هنا.
ونس: نور!!!!
نور بصوت ضعيف: بتحبك والله.
ونس: طنط، عمر نور فاقت!!
بعد كثير من الدموع والأحضان وجاء الطبيب ليطمأن أكثر عليها.
الدكتور: حالتها بقت كويسة بس علشان نضمن إنها متدخلش في مرحلة زي دي تاني لازم محدش يزعلها.
ونس: محدش هيزعلها تاني يدكتور.
الدكتور: ياريت.
_وصل الدكتور يـ عمر.
نور: ونس! ممكن تقعدي معايا النهاردة.
ونس: حاضر، هو إحنا عندنا كام نور!
بعد شهر عادت نور إلى المدرسة مرة أخرىٰ كانت ونس ملجأها اللطيف، وبئر أسرارها، كانو يتشاركون كل شيء، كما تعرفت والدة نور على والدة ونس.
ونس: ماما إحنا عندنا تكريم أنا نور في المدرسة ولازم أولياء الأمور يجو المدرسة.
_خلاص هكلم مامت نور ونروح مع بعض.
ونس: شكرا يـ ماما.
في المدرسة...
ونس: ميس دعاء إعمليلنا فقرة وبلاش شرح النهاردة.
نور: فكرة حلوة خالص.
الطلاب: ياريت يمس دعاء.
دعاء: طيب ماشي، بس بشرط هعطيكم واجب والمرة الجاية يجي معمول.
الطلاب بفرحة: ماشي.
خرجو النوت بتاعتكم وإكتبوا فيها عايزين تبقو إيه في المستقبل!
كانت إبتسامة الأطفال رائعة والكل بدأ في كتابة م يريده، من كانت أمنيتها أن تصبح دكتورة وأخرىٰ مهندسة وأخرىٰ محامية ومعلمة ومصممة أزياء وكاتبة وإعلامية.
ميس دعاء: كل واحد يقول هو عايز يدخل المجال ده لي؟
ونس: أنا عايزة أبقىٰ دكتورة علشان أساعد الفقراء اللي مش معاهم فلوس يتعالجو عندي مجانا.
نور: وأنا هكون زي ونس وهفتح معها مستشفىٰ.
ميس دعاء: فكرة جميلة خالص، بس لازم تجتهدو وتذاكرو.
_أنا عايزة أكون محامية علشان أدافع عن الناس المظلومين وتعم العدالة.
_أنا عايزة أكون إعلامية علشان أنقل أخبار العالم.
_أنا عايزة أكون مرشدة سياحية علشان بحب التجول.
كانت أحلامهنا بريئة مثلهم.
الطلاب: ممكن الأحلام تبقىٰ حقيقة؟
دعاء: لو سعيتو ورا حلمكم إن شاء الله هتتحقق، بس لازم تحطو هدف في دماغكم.
الطلاب: إن شاء الله.
ونس: أنا جيت من المدرسة.
_اليوم كان حلو!
ونس: جدا، ميس دعاء خليتنا نكتب أحلامنا في النوت وقالت كل واحد يسعىٰ ورا حلمه.
مازن: حقيقي هيا إنسانه جميلة جدا.
ونس: متتجوزها يـ مازن.
الأم: ونس!!!
مازن: ماما أنا بحب...........
يتبع.......
#ونس
#البارت_3
#ونس
#البارت4
مازن: ماما أنا بحب مريم بنت خالتو مروة.
_ إنت عارف إنت بتقول إيه!!!!
مازن: أيوة عارف وكنت هقول لحضرتك من زمان بس كنت متردد.
_إنتَ الزاي تعمل كده!!
مازن: عملت إيه يماما!!
_مازن إنتَ عارف كويس أنا بقول إيه! مينفعش تحب حد من أعدائنا!!
مازن: خالتو بقت عدوتنا يماما!
_إنتَ أساسا حبيتها الزاي! وإنتَ مشوفتهاش غير في إبتدائي وبعدين سافرت ألمانيا ومرجعتش!
مازن: لا رجعت من أسبوع مصر.
_إنتَ على تواصل معاها بقىٰ!
مازن: حاجة زي كده.
_أنا مليش دخل بالموضوع ده إنتَ تكلم أبوك.
مازن: ماما!! أروح أكلم بابا الزاي يعني! ده مستحيل يوافق، ده أنا لو جبت سيرة الموضوع ممكن يق.تلن.ي!
_طيب كويس إنك عارف!
ونس: أنا مش فاهمة حاجة! مين مريم دي هو أنا عندي خاله أصلا!
_ملكيش دعوة بالكلام ده يـ ونس روحي ذاكري.
ونس: حاضر.
بعد عدة ساعات...
_ممكن أدخل؟
مازن: تعالي.
_كُنت بتعيط يـ مازن!!
مازن: ونس، أنا حقيقي تعبت! بحبها من وإحنا أطفال وهما اللي بعدونا عن بعض بسبب مشاكلهم كنت بكلمها على الفيس من غير م حد يعرف بس خلاص لازم أتجوزها، ومليش دعوة بـ رأي حد!
ونس: أولا هو إحنا بجد عندنا خالة! وعندها ولاد!
مازن: هقولك كل حاجة بس إوعديني م تقولي لحد خالص حتى نور! علشان بابا لو عرف إني فتحت الموضوع مش بعيد يقتلني!
ونس: بوعدك!
مازن: { جدنا سيد كان عنده ولدين واحد خلف فيهم بنتين وسماهم (منىٰ ومروة) اللي هيا مامتك وخالتك! والتاني خلِف ( أحمد، محمد) اللي هو بابا وعمك!
ونس: بابا عنده أخ!!
مازن: أيوة، ممكن متقاطعنيش!
ونس: حاضر.
مازن: { وكعادة زمان في الصعيد البنت أولىٰ بيها ابن عمها، بابا أحمد اتجوز منى، ومحمد اتجوز مروة}
وبكده الأخوات الاتنين اتجوز ولاد عمهم.
ونس: وبكده لما نادي مريم أقولها يبنت عمي ولا يبنت خالتي! وبعدين اشمعنا قولت بنت خالتي!!
مازن: معندناش عم يـ ونس!
ونس: مش إنتَ اللي لسه قايلي!!
مازن: عمك غدر بينا!!
ونس: كمل.
مازن: { أبوكِ الكبير وكان ماسك الأرض بتاعة جدك وعمك كان مهندس وجدك عمله شركة وقبل م جدك يتوفىٰ كتب البيت الكبير والأرض لـ أبوكِ وعمك كان معاه الشركة، عمك كان طماع ومكنش مكفيه الشركة.
ونس: طب ليه جدي كتب لبابا حاجتين ولعمو حاجة واحدة!
مازن: الشركة كانت أكبر من البيت ومن الأرض وكانت كل سنه بتطلع منها فلوس كتير وعمك كان شغال أما أبوكِ م كنش متعلم ومكنش بيشتغل يعني الأرض كانت هتبقىٰ لي بابا مصدر رزقه، عمك خلىٰ بابا يوقع على تنازل للبيت والأرض علشان ياخدهم وبابا كان أميي فوقع!
ونس: وبابا هيوقع على أي حاجة وخلاص من غير م يعرف هيا بتاعة ايه!
مازن: لا قال لبابا دي فواتير ومحتاجة توقيع وأكيد يعني أبوكِ كان واثق في أخوه!
ونس: ياه وبعد كده بابا عمل ايه!
مازن: عمك باع كل حاجة وسافر ألمانيا وأخد مراته وبنته، وبعدين اللي إشترو البيت جم طردوا بابا من البيت بابا كان في حاله من الصدمة الزاي أخوه يعمل فيه كده!، علشان كده هتلاحظي بابا كان بيحببنا في بعض وعلمنا إن الفلوس مش أهم حاجة.، لحسن الحظ ماما كان معاها فلوس ودهب وبابا كان معاه فلوس في البنك سحب الفلوس كلها وسافرنا الكويت وبابا إشتغل هناك وبقىٰ معانا فلوس كويسة وبعدين نزلنا مصر، وإنتِ إتولدتِ.
ونس: وإنتَ وصلت لـ مريم الزاي وبعد اللي باباها عمله في بابا وخالتك م حاولتش تمنعه!!
مازن: أولا مريم كاتبة وأنا كنت متابع كتابتها وحبيت كتابتها جدا لقيتها حاطة صورتها بروفايل وأنا عرفتها من ملامحها، كنت بحبها من وإحنا صغيرين دخلتلها برايفت وعرفتها بنفسي وبعدين بقينا صحاب وأنا وعدتها إني هتجوزها، و الحب ملهوش دعوة بـ خناقات العيلة يـ ونس لما تحبي بجد هتعرفي! وخالتك كانت بتكلم ماما في التليفون وفي مرة كانو بيكلمو بعض عمك سمعهم فـ أخد منها التليفون وكسره وعاقبها مريم قالتلي، ولسه نازلين مصر من أسبوع أهم.
ونس: شوفت مريم!
مازن: أيوة، بقت جميلة بشكل.
ونس: ربنا يجعلها من نصيبك!
مازن: تسلمي يا حلوتي، عمك حاول يكلم والدك من سنتين وحاول يعتذرله وجايب ليه الفلوس كلها بس بابا رفض.
ونس: يارب كل الأحوال تتظبط.
_ إنتَ قولتلها على كل حاجة!!!
مازن: ماما!!...
يتبع.....
#ونس
#البارت_5
_ إنتَ قولتلها على كل حاجة!!!
مازن: ماما!!...
_إنتَ الزاي تقولها!!؟ دي لسه طفلة!
مازن: عارفة يماما الطفلة دي هيا اللي قدرت تفهمني! هيا اللي جت تواسيني!
_إنتَ عارف يمازن إن ده مش بـ إيدي!
مازن: أرجوكِ حاولي تقنعي بابا.
_مش هعرف أبدأ معاه صدقني!
مازن: عمي كلمني على فكرة، وقالي إنه حابب يزورنا ويعتذر تاني!
_بتتكلم جد!!
مازن: أيوة!
على سفرة الطعام!
مازن: كنت عايزك يبابا!
_في حاجة!
مازن: بصراحة من غير لف ولا دوران عمي كلمني!
_من إمتىٰ وإنت عندك عم!
مازن: طلب إنه يجي عندنا علشان يعتذر تاني!
_مازن متفتحش الموضوع ده أبداً تاني!
مازن: مش المفروض إنك الكبير يعني تسامح الصغير!
_تعرف لو كان جه قالي عايزهم كنت إديتهملو لكن هو خدهم بالنصب بس الحمدلله ربنا منْ علينا بعد تعب شديد وكله كان قدامك وإنتَ عارف قد إيه عانيت.
عند نور ......
نور: آبيه عُمر!
عمر: نعم ينور!
نور: هو إنتَ لي بقت تيجي تاخدني من المدرسة؟
عمر: هة، عادي يعني، أختي وحابب أجيبك!
نور: يعني مش علشان تشوف ميس دعاء!
عمر: هة! لا طبعا!
نور: بتخبي عليا! طيب م تجيش تاخدني تاني!
عمر: بصي بصراحة آه! أنا أعجبت بيها بصراحة بس أنا لسه مش عارف هيا بتبادلني نفس الشعور ولا لأ!
نور: لولييييي وعندنا فرح وهلبس فستان.
عمر: لا والله!
نور: عندي ليك خطه!
عمر: قولي!
نور: تخليها تديني درس خصوصي فبالتالي هتقدر تشوفها كل يوم بدل م إنتَ متبهدل كده!
عمر: يسلام!
نور: خد رقمها أهو يكش يطمر.
عمر: هجبلك شوكلت كتير.
نور: أحسن أخ أصلا.
عمر: يبكاشة.
نور: بقىٰ كده عموره!
عمر: يلا يبت هش بقىٰ.
_م دي أخرتها، خدتني لحم ورمتني عضم.
مازن: أنا عايز أعرف مين علمك الكلام ده!
نور: هقولك بس م تقولش لماما!
مازن: قولي.
نور: روح كلم ميس دعاء.
مازن: تباً ليكِ.
نور: عموره!
مازن: نعم!
نور: م تقوليش كده تاني بدل م أخلي ونس تطلع عينك.
مازن: إلا ونس!!
نور: يلا كلمها حالا وقدامي!
مازن: إنتِ عبيطة يماما!! الساعة ١١ روحي نامي أصلا علشان عندك مدرسة.
نور: نينييي، هو في مدرسة يوم الجمعة! هيا خلاص خدت عقلك!
_هيا مين دي اللي خدت عقله ينور!!
نور: هة! ماما!
عمر: ولا حاجة دي نور بتهزر يماما هو إنتِ كنتِ عايزة حاجة!
_لا أبوك عايزك شوية.
عمر: هنزل أكلمه حاضر.
بعد دقائق...
عمر: حضرتك عايزني!
_أيوة، تعالى أقعد.
نور: ممكن أقعد معاكم أنا كمان!
_أقعدي ينور.
_دلوقتي إنتَ بقىٰ عندك ٣٠ سنه ولسه متجوزتش وأنا بصراحة حابب أفرح بيك.
نور: سبحان الله لسه كنت بقوله فوق نفس الكلام.
_بجد ينور!
نور: أيوة، حتىٰ إسأله!
_أنا ليا عندك بنت أدب وأخلاق ومهندسة كمان، هيا بنت صاحبي وإنتَ عارفاها كويس وأظن إنكم صحاب.
عمر: قصدك مين يبابا!
_فاطمة.
عمر: بتهزر صح يبابا! دي فاطمة دي زي أختي نور بالظبط ومستحيل أوافق أتجوزها.
_إيه اللي يعبها يبني!
عمر: مفيش طبعا يبابا بس أنا مش موافق!
_طيب في بنت إنتَ عايزاها ممكن أخطبهالك.
نور: أيوة يبابا عمر بيحب ميس دعاء اللي بتديني في المدرسة وهيا جميلة أوي ومحترمة كمان وأنا بحبها.
عمر: نور!!!
_ بجد! خلاص نحدد مع والدها معاد ونروح نتقدملها.
عمر: بجد يبابا!!
_مُبارك يحبيبي.
إنتو الزاي تحددو موضوع زي ده من غيري!
عمر: إحنا نقدر يست الكل كنت جاي أقولك.
_تعرف أناعرفت إنك معجب بيها لما العصير وقع من إيدك فاكر!
عمر: يادي الفضايح!
_أهم حاجة أنا موافقة وبصراحة هيا بنوته جميلة خالص.
نور: وسمعيناا زغروطة وهيبقىٰ عندنا فرح، لولييييييييي، هروح أتصل على ونس وأقولها.
_إزيك يـ ونسي.
_نوري، إزيك يحبيبي، متصله الوقتي لي؟
_بصراحة كده في خبر حلو وعايزة أقولهولك.
إتفضلي.
_عمر أخويا هيخطب ميس دعاء وهنروحلها بكرة.
ونس: بجد! الله، مبارك جداا.
_عقبال أخوكِ يـ ونس.
ونس: إدعيله جامد ينور لحسن في مشاكل في البيت.
نور: إحكي، سمعاكِ.
قصت ونس كل شيء لنور ووعدتها نور ألا تخبر أحد.
ونس: تخيلي يطلع عندي عم وأنا معرفش وكمان خاله.
نور: دي عاملة زي الروايات بالظبط!
ونس: أنا اتصدمت بجد، ربنا يجعلها من نصيبه، هروح أنام بقىٰ عايزة حاجة؟
نور: تصبحي على جنة يعيوني.
ونس: وإنتِ من أهلها يحبيبي.
في اليوم التالي أخبرت والدة نور دعاء بأنهم سيأتون إليهم اليوم.
_نسيبهم مع بعض شوية؟
_أكيد طبعاً.
_إزيك يـ آنسة دعاء.
دعاء: بخير.
_اممم، أنا عمر عندي ٣٠ سنه ودكتور جراح.
دعاء: بتصلي!
_الحمدلله، وكمان حافظ القرآن.
دعاء: وعد تحفظهولي!
_إن شاء الله.
والقيام هتصلي معايا!
_أكيد، عمي المأذون بسرعة علشان نلحق نختم القرآن ونصلي القيام.
دعاء: ممكن سؤال؟
_إتفضلي.
دعاء: إشمعنا أنا!
_علشان شوفت فيكِ أم لأولادي قبل م تكوني زوجتي، كفاية معاملتك مع نور وونس!
دعاء: مش ممكن تكون حاجات ظاهرة عادي!
_م أظنش حد بالجمال ده يظهر حاجات عكس اللي جواه.
دعاء: تمام يـ أستاذ عمر، هصلي إستخارو وبابا هيقولكم.
عمر: الموافقة إن شاء الله.
دعاء: لا والله! وايه اللي خلاك متأكد كده!
عمر: ممكن علشان أنا قمور وعندي غمازات والبنات بتجري ورايا!
دعاء: مين دول اللي يجري وراك خلينبي أكسرلهم رجليهم.
عمر: إحنا بنغير بقىٰ! وغمز بعينه.
دعاء في نفسها: شوف اللي مشمحترم!
عمر: وشك قلب طماطم كده لي! خلاص أنا ماشي، وهستنىٰ موافقتك.
في المساء.
تفتكر دعاء ترفضني يبابا!
_أكيد لأ طبعاً أنا شايف الحب في عيونها.
وإنتَ عرفت منين؟
_نفس نظرة عيون أمك لما روحت أخطبها.
نور: بابا أنا فرحانه أووي إن حضرتك بقيت تقعد معانا.
_أنا أكتر يقلب بابا.
_يديمك لينا يحبيبي.
ويديمكم ليا.
عند ونس...
_ماما الباب بيخبط هروح أشوف مين!
ونس: حضرتك مين؟
_ده بيت أحمد المنصوري!
ونس: أيوة مين حضرتك بقىٰ.
_إنتِ تبقي مين؟
أنا ونس بنته الصغيرة.
_يحببتي تعالي في حضني.
ونس: لأ طبعاً هو أنا هحضن حد م أعرفوش!
_أنا عمك يـ ونس.
ونس: عمي!!!
_مين على البابا يـ ونس!!
.....
مش بتردي ليه!!
ونس: ده بيقول إنه عمي يبابا!
يتبع.....
#ونس
#البارت_السادس_والأخير.
ونس: ده بيقول إنه عمي يبابا!
محمد!!!
أخويا!!
_إيه اللي جابك!
محمد: مش هتقولي إتفضل؟
أحمد: إنتَ ضيف غير مرحب بيك ممكن تتفضل!
_طيب وأنا كمان ضيف مش مرحب بيا!
أحمد: مريم!!
_أيوة.
أحمد: كبرتي يـ مريوم، تعالي يحبيبة عمو.
بعد السلام والتهاني جلسو جميعاً في غرفة الضيوف وبعد فترة قطع الصمت صوت مازن.
مازن: منورين يجماعة.
محمد: مشاء الله عليك يـ مازن!
مازن: عمي!!! مريم!!!
مريم: أخبارك إي يمازن!
مازن: الحمدلله بخير دام شوفتك، قصدي شوفتوكم..
أحمد: تعالى يمحمد جوا لوحدنا.
....
محمد: أنا آسف!
أحمد: رجعت لي من ألمانيا!
محمد: علشان بحبك.
أحمد: ولو إنتَ بتحبني، غدرت بيا لي!!
محمد: مكنش قصدي كان طيش شباب!
أحمد: أنا متأكد إن في حاجة إنتَ مخبيها، علشان مستحيل إنتَ تعمل فيا كده!
_هة! لا مفيش، كنت طماع ساعتها!
أحمد: إنتَ أخويا يـ محمد وأعرفك أكتر من نفسك!
محمد: في اليوم اللي بابا اتوفىٰ فيه جاتلي رسالة ، " لو مخرجتش أخوك من البلد وأخدت الورث بتاعه هنقتله ونقتل ابنه! وأنا كنت مش عارف أعمل إيه فلقيت كذا مرة محاولة إعتداء عليك.
فاكر لما العربية كانت هتدوسك وأنا زقيتك لبعيد كانت في رسالة جيالي إنه هيقتلك ففضلت معاك وغيرها من محاولات، بعدين عملت كل حاجة والمسدجات معايا لو حابب تشوفها.
أحمد: كنت قلتلي على الأقل!!
محمد: هددني بمريم!!
بعدين رجعت مصر بس إنتَ مردتش تكلمني بعد م عرفت مكانك بصعوبة!
بس المرة دي لازم الإختلافات تتصلح!
أحمد: وحشتني يـ محمد!
بعد بكاء وأحضان وشوق وإشتياق تصالح الأخوة مع بعضهم.
مازن: حيث كده بقىٰ أنا عايز أتجوز مريم.
مريم: لأ طبعا!!
مازن، أحمد، محمد، ونس: نعم!!!
مريم: قصدي طبعا موافقة بس مش كده يعني، لازم يجي يطلبني في البيت من بابا ويكون في شربات وكده يعني.
ونس: إنتِ مش مكسوفة لي!
مريم: هتكسف من إيه! من وإحنا صغيرين وإحنا عارفين إننا لبعض.
مازن: طيب جهز نفسك يعمي علشان هنيجي أنا وأسرتي الكريمة نطلب إيد الآنسة مريم.
مريم: دكتورة لو سمحت!
****
عند نور.
نور: بابا الفون بتاع حضرتك بيرن.
_ده والد دعاء تقريباً هيرد علينا.
_سلام عليكم.
عليكم السلام، حبينا نبلغكم بـ الموافقة وإن شاء الله منتظرينكم في البيت.
_ ألف مبارك لينا كلنا وإن شاء الله يكون خير لينا كلنا.
تقف على الاستيدج تحكي قصة كفاحها مع حلمها التي تحقق بفضل زوجة أخوها التي علمتها منذ الصغر أن تسعىٰ نحو حلمها ولا تيأس مهما طال الأمر.
كانت نور تتحدث بثقة وهي تنظر نحو دعاء ودعاء تنظر لها نظرة توحي بالفرحة وكانت تقف بجانب دعاء ونس وهي تنظر نحو صديقة عمرها ودربها وتقول في نفسها ها قد إستجاب لنا.
طلبت نور من ونس أن تصعد إليها ومن ثم قالت: هذه صديقتي رمزاً للوفاء لولها لبقيت في تعاسه وإكتئاب بقية حياتي بسببها تغيرت حياتي كلها، شكراً لكونك بجانبي دائما، وكَانت لي ونساً فكنت لها نور يشُع في قلبها.
ردت ونس قائلة:. وتبقىٰ صديقة الطفوله أفضلهن، لأني اخترتها في زمن البراءة قبل أن تدنسنا الحياة، حتى إن تغيرت ستبقى إختياري الأول.
#تمت
.
تعليقات
إرسال تعليق