 |
أهلا...أهلا بصاحبة عمري، الخاينة إلِ لفت على جوزي، أهلا و مليون أهلا فعلا.
ملامحها أتغيرت و أتكلمت بسرعة:
- يا نسرين أنتِ....
قاطعتها:
- ها...أنا أية؟ فاهمة الموضوع غلط؟ لا بجد أنتِ إنسانة عظيمة جدًا..أنك قدرتي تتخيلي كدة.
صقفت بإيدي:
- برافو عليكِ بجد؟! عرفتي تخديه، عايزة حاجة تاني ولا أية؟
أتكلمت و هى بتبلع ريقها بصعوبة:
- محصلش يا نسرين و الله ما حصل، أنا أصلا قولتله يبعد عني و هو إلِ خلاه ورايا و الله يا نسرين بقول الحقيقة.
- هبلة أنا مثلا هصدقك، و بعدين يا ماما يوم ما تفكري تخدعيني أتأكدي من كاميرات المراقبة ولا هى كمان كذابة، و أنتِ الصادقة؟!
بصيتلي بغل و بصوت عالي:
- أيوة..أنا لفيت على جوزك، و خدت حوزك من وراكِ و بقا خاتم فى صباعي، عارفة لية؟ عشان هو بيحبني أنا، و مبيكرهش حد فى حياته قدك، و بعدين يا شيخة مش هاين عليكِ أني أفرح...لية مش عايزاني أفرح؟
أتكلمت بسخرية:
- تفرحي؟ لا..بجد ..أنا العائق إلِ فى حياتك، و عايزة تفرحي بجوزي صح؟
بتأخدي جوزي من ورايا بعد ما فتحتلك بيتي، لما طلقيك رماكِ رمية الكلاب فى الشارع، اعتبرتك أختي مش صحبتي و كُنت بعاملك بكل حب و عمري فى يوم ما قصرت معاكِ، مقابل كل دة كان أية؟
خونتي صحبتك؟! طبعًا أنا مش هقولك لية و أو أقعد أعيط زي الهبلة، أنتٍ رخيصة جدًا و هتخليكِ رخيصة طول عمرك، و على أنتِ كلبة ذليلة..يلا اطلعي برة بيتي و إياكِ تيجي هنا تاني.
خدت شنطتها و طلعت برة و هى متغاظة.
بس أنا قعدت على أقرب كرسي و كُنت عايزة أعيط، بس أكيد السبب أني مخلفتش...يااه أول مرة مزعلش...مزعلش عشان طلع راجل زبالة و لازم أطلق منه؟!
دخل و أنا قاعدة و ملامحي جامدة و مستنياه، شافني فابتسم و أتكلم:
- ازيك..مالك؟
بصيتله بجمود:
- طلقني.
- بطلي هزار، ها..عاملة أكل أية؟
- طلقني.
- مالك؟ فى أية النهاردة؟
- يعني مش عارف.
- هعرف منين؟
- ضحكتني يا راجل.
- متتكلمي كويس.
- طلقني.
- و أنا مش مطلق .
- عادي جدًا، هنزل فيديو خيانتك ليا على السوشيال ميديا، و هفضحك...هخليك كدة بفضحية كبيرة، أكيد عارف ازاي؟
حاول يغير الموضوع بغضب:
- فضيحة أية؟ و خيانة أية؟
- بص...شغل اللف و الدوران دة مش هينفع معايا، أنتِ هتطلقني دلوقتي و تأخد الباب فى إيدك و بكرة الصبح تكتبلي الفيلا و العربية باسمي، و تحطلي نص مليون فى البنك.
- لية؟ كُنت مغفل؟
- لا..ليك سمعة هتبقى فى الأرض، و يا سلام بقا لما الشركات المنافسة تشوف كل دة، علطول هتفركش معاك، و يا حرام مش هيتبقى حاجة ليك.
يعني كدة خسران، و كدة خسران ..بس خسارتي بشياكة.
- أنتِ طالق ...طالق...طالق.
طلقني و خرج..و المرة دي خرج من حياتي، قعدت و أنا بحاول أركز ...أية الخطوة الجاية؟
بس فى حاجة سخنة على وشي، دموع؟
بعيط لية؟
عشان كلب، كلب ميسواش؟
أنا مش هقدر أستحمل أكتر من كدة.
حسيت بإيد على كتفي لقيتها الدادة، ابتسمت ليها و أنا بمسح دموعي:
- أنا كويسة يا دادة، كويسة؟
ابتسمت بهدوء:
- عيطي يا بنتي و متقوليش أنك كويسة، لو جمعتي فى قلبك هتعيطي.
بدأت أعيط و عيطت كتير كأن بقالي كتير معيطش، بس أنا حاسة أني دايخة ؟
دماغي تقلت.
أ..أنا....أ..أنا.....
فوقت و لقيت متركب فى إيدي محاليل و الدادة جمبي بتعيط:
- حمد لله على سلامتك يا بنتي.
- الله يسلمك، بس حصلي أية؟
- أصل...
- أصل أية؟
- أنتِ؟
- أيوة أنا مالي؟
- أنتِ حامل.
بصيتلها بصدمة:
- حامل.
#الخيانة
#الخيانة 2
- حامل؟ حامل ازاي الدكتور دة غبي.
- أهدي يا نسرين، دا قدر ربنا و لازم...
قاطعتها:
- أنا لازم أنزله بسرعة، أنا مش عايزاه ..دة هيتأذى..أيوة..ماجد لو عرف هيأذيه؟!
ردت بخوف:
- لا يا بنتي، هتتعبي أوي، و دة أكيد هيكون حاحة تسندك وقت ما الزمن يدوس عليكِ، متعمليش كدة يا بنتي ...متعمليش كدة!
ردت بعياط:
- بس هيتبهدل أوي معايا، هيتبهدل أوي و أنا مش عايزة كدة..أنا لازم أخلص منه!
- و تقتلي روح بريئة؟
- اقتلها مرة أحسن من أنها تبقى موجودة و تتقتل بالبطئ.
- بس...اعملي إلِ يريحك يا بنتي ..بس ياريت تسمعي كلامي و تعرفي أن مينفعش إلِ بتعمليه دة!
- بس دة الصح و إلِ المفروض يتعمل..
* عند صحبتها *
Flash Back.
سمعت خبط على الباب ففتحت لقيته ماجد، أتكلمت بغضب:
- عجبك كدة؟ كله بسببك أنتَ، أنتَ إنسان ...
- هش...دماغي وجعاني، عرفت أنها عرفت.
- و هتعمل أية؟
- اسمها هنعمل أية؟ أنتِ دمرتيلي حياتي، و لازم نرجعها سوا!
- لاو الله بقيت أنا السبب دلوقتي، و دة مش بسببك أنتَ.
- عايزين حل؟
- معرفش ممكن نعمل أية؟
- طلبت تأخد الفيلا و نص مليون جنية و العربية؟
بصتله بشك:
- أوعى يكون إلِ فى بالي، و وافقت؟
وقف و ادالها ظهره:
- لو موافقتش سمعتي هتبوظ؟
- هى حامل؟
- لا.
- يااه..لو كانت حامل؟
أتكلم بتساؤل:
- كنتِ هتعملي أية؟
بصيتله بمكر:
- كتير.
- عندك فكرة؟
- أفكار؟
- طب أية؟
- هقولك هعمل أية؟
Back.
بصيتلها الدادة بحزن:
- سامحيني يا بنتي، سامحيني كان لازم أوهمك كدة، هددني يا بنتي هددني و أنا مش عارفة أعمل أية؟ سامحيني؟
طلعت نسرين لبره و هى بتتمشى و لقت طفل صغير بيجري و كان فى عربية هتخبطه...لحقته فى أخر لحظة قبل ما تخبطه ....بصيتله بخوف:
- أنتَ كويس يا حبيبي؟
ابتسم:
- كويس يا طنط.
مسكت خدوده و ابتسمت:
- و أنتَ يا لمض بتعدي العربيات من غير حد.
سمعت صوت جاي من ورايا و بنادي عليه و يقول " سليم " و لقيته حضنه جامد:
- سليم يا حبيبي لية كدة؟ لية تمشي من البيت لوحدك؟ لية يا حبيبي؟
بدأ يعيط:
- عشان معنديش ماما ...أنا عايز ماما تيجي تاني.
قربت و حضنته و قولت:
- بس مينفعش يا حبيبي إلِ أنتَ عملته، كان لازم تكلم بابا على الأقل.
- بس هى وحشتني؟
- و مين قالك يا سليم أنها مشيت؟
بصلي بإستغراب فكملت:
- هى معاك يا حبيبي فى كل حاجة أنتَ غمض عينك و هتلاقيها قدامك.
غمض عينه و ابتسم:
- شكرًا ليكِ يا طنط، أنا بحبك أوي.
- و أنا أكتر يا حبيبي.
وقف باباه و شكرني و قال:
- شكرًا جدًا يا مدام مش عارف أشرك ازاي؟
ابتسمت:
- لا شكر على واجب.
أداني كارت:
- دة الكارت بتاعي، أنا دكتور هشام محمود الحُسيني.
بصيتله بشك:
- أسفه جدًا أني بقول كدة، بس هشام محمود أية الحُسيني؟
أتكلم:
- هشام محمود كامل الحُسيني؟
بصيتله بصدمة:
- أنا اسمي كدة؟
- ازاي؟
- معرفش.
يا ترى ممكن يكونوا أخوات ولا تشابه أسماء؟
أسفه على التأخير بس للأسف إيدي وجعاني طول اليوم و يوم مليان دروس...تفاعل بقا ..و كومنتات كتير ..و لو جاب تفاعل حلو النهاردة هنزل البارت الجديد بكرة بدري ...رأيكم فى العرض..
#الخيانة 2
#الخيانة 3
- ثانية واحدة؟ أنتِ باباكِ ميت؟
- اة.
- و مامتك نهال؟
- أيوة.
- أنا كدة فهمت.
- فهمت أية؟
- بصي هقولك، بابا كان متجوز مامتي و مامتك.
- ازاي دة؟
- مامتك كانت فى فترة مبتخلفش و هو اتجوز ماما و لما اتولدت...بابا عرف أن مامتك حامل..و بعد كدة جبناكِ، يعني دة مش تشابه أسماء خالص.
- يعني أنتَ أخويا.
- أيوة.
- خلي بالك من ابنك.
- تقدري تتفضلي معايا شوية، حتى نتعرف على بعضنا.
بصيتله بحزن:
- ممكن اعتبرك مصدر أمان ليا؟
- بصلي بشك:
- شكلك تعبانة؟
- قدامي مشاكل كتير.
- تعالي نروح سليم و ممكن تحكيلي كله.
بعد شوية.
- ها..يا ستي احكي.
حكتله كل حاجة فقال:
- متأكد أن دكتور كشف عليكِ؟
- اة..الدادة مش بتكذب.
- ممكن اة..و ممكن لا، دلوقتي نتأكد، و من رأيي حلو الفكرة دي...خليه يتربى.
بصيتله و أنا هدمع:
- تعبت أوي منه، و تعبت من كل حاجة فى حياتي.
- تعرفي أني كمان، تعبت أوي..حتى تربية سليم بقيت حمل عليا.
- أومال فين مامته؟
بصلي بحزن:
- للأسف اتوفت من فترة..و بحاول أعوضه.
ضحكت:
- يا سيدي أنا حيت خلاص و هبقى جمبه..أهوة بالمرة نقرب من بعض كالأخوات.
- دورت عليكِ كتير.
- اهوة..لقيتني.
- فرحت جدًا.
- أنا أكتر.
- يلا عشان نكشف عليكِ؟
- بس...
- نتأكد بردوة...هنروح عند دكتور صاحبي يلا.
- يلا.
فى العيادة.
دخل و هو بيحضنه:
- ازيك يا أدهم.
ابتسم له:
- كويس...أنتَ أخبارك أية؟
- أنا تمام التمام...عايزين نكشف على أختي و نتأكد هى حامل ولا لا؟
- أنتَ لقيتها؟
- اة..أخيرًا.
بعد الكشف...بص ل هشام بهدوء:
- المدام مش حامل.
بصيتله بإستغراب:
- ازاي؟ دة فى دكتور كاشف عليا.
- عادي ممكن يكون اتلخبط .
ابتسم هشام:
- زي ما قولتلك...كذابة؟
أتكلم أدهم:
- ما ترسيني على الحوار؟
- هتعرف بعدين..يلا يا نسرين؟
- يلا.
كُنت ماشية سرحانة و مش عارفة أنا مالي...دا المفروض أفرح أن مفيش حاجة هتربطني بيه بس لية دة كله بيحصلي ؟ لية أنا؟
- مش قولتلك شكلك مش حامل..كدة الدادة دي كذابة؟
- ممكن هددوها؟
- ممكن؟
- أنا خايفة؟
- متخافيش..أنا خلاص بقيت معاكِ و مش هيقدروا يعملوا حاجة...خليكِ واثقة؟
- يارب.
عند صحبتها علا.
أتكلمت بعصبية:
- مشيت من البيت ازاي يا زفتة؟
- و الله يا ست هانم قالت هتخرج شوية و مرجعتش؟
- عارفة أنا هخلي دة أخر يوم ليكِ؟
- يا ..ست هانم..
- ولا ست هانم ولا قر'ف حرام عليكِ يا شيخة.
سمعت خبط على الباب...
- اقفلي لما أشوف مين بيخبط.
فتحت الباب و لقيت ظباط..اتصرفت بهدوء:
- نعم!
- بشمهندس ماجد هنا؟
- اة..نايمة، حضرتك عاوزة فى أية؟
- مطلوب القبض عليه و....
بلعت ريقها و هى بتبصلهم..و..
أسفه على التأخير بس كنت مشغولة النهاردة ..
#الخيانة 3
#الخيانة 4 و الأخير.
- مطلوب القبض عليه بتهمة الإتجا'ر بالمخدرا'ت؟
بصيتله بصدمة مصطنعة:
- ازاي؟
رد عليها بسخرية:
- زي ما هو مقبوض عليكِ بنفس التهمة؟
- أية الكلام دة؟
- الدليل موجود.
- لا فى غلط؟
- هنشوف الموضوع دة.
عند نسرين.
بصيت لهشام و هى بتضحك:
- عملت إلِ فى دماغي خلاص..أكيد شكلها يضحك.
- جدعة..بس جيبتي الدليل ازاي؟
- ال'غبي نسي الاب توب و قعدت لعبت فيه؟
- و دلوقتي ..ناوية على أية؟
- أخد كل مليم و كل فلوسه..أنا يعمل معايا كدة، ماشي.
- أدهم صاحبي ممكن يساعدنا.
بصيتله بإستغراب:
- ازاي؟
- أخوه ظابط.
- كملت يا عم.
- المهم نخلص من دة كله و نأخد الفلوس إلِ عاوزاها.
- كلها.
- اشمعنا؟
- أنا وقفت معاه و كبرته..الفلوس دي من حقي.
- براحتك يا نسرين...أنا نازل الشغل؟
- تمام.
* بليل *
وقفت فى البلكونة و فى الهدوء..أنا الجو هادي..و الهوا جميل، اتخيلت حاجات كتير ممكن تحصل فى حياتي..بس ازاي كل دة حصل؟
أنا كُنت البنت الجميلة الهادية إلِ مبتأذيش حد...و بتحب الجميع، قد كدة كان الموضوع سهل أن الجميع يخدعوني، للدرجة دي بيكرهوني...طب صحبتي و طلقي ...كانت غلطة، بس لية ؟ لية حياتي مش كويسة؟
علطول بسأل السؤال دة؟
سمعت صوت الباب قولت أكيد دة هشام فتحت و أنا بتكلم بهزار:
- جبت بيتزا يا ه..
بصيت لهشام و كان معاه صاحبه، فحمحمت و دخلت:
- احم...أنا هدخل جوه.
دخلت جوه و بعد شوية صاحبه كان مشي..دخل هشان و قال:
- نسرين؟ عاوزك؟
- خير؟
- بصي يا ستي من غير لف و دوران صاحبي عاوز يتجوزك؟
شاورت على نفسي بإستغراب:
- أنا..أنا مُطلقة؟
- و فيها المهم أنك تعيشي حياتك؟
- عايز أية يا هشام؟
- وافقي.
- بس..
- مفيش بس...أدهم مش ماجد هيقرفك طول الوقت أو هيدايقك، و أدهم جيبه مليان مش هيعوز فلوس منك، هو صاحبي و أضمنه برقبتي .
- خايفة؟
- منه ولا من تجربة جديدة؟
- الأتنين.
- ممكن أهليه يقابلك و تجربي.
- بس..بردوة خايفة.
- متخافيش أنا هبقى معاكِ.
تاني يوم.
دخل أدهم و قعد أتكلم من هشام..و بعدين دخلت عشان أتكلم معاه فابتسم:
- ازيك.
- الحمد لله.
- طيب عارفة اسمي.
- اة..دكتور أدهم؟
- مقبولة منك...عايزة تسألي عن حاجة؟
رديت بسرعة:
- ايوة...احم..لية أنا؟
- عشان مميزة.
- مش فاهمة؟
- بصي يا ستي من غير لف و دوران أنا بحبك و شوفتك كتير فى أحلامي عشان كدة عارفك بكل شكل و بكل حركة...عارفة أنه غريبة أن حد يحلم بحد و يتعلق بيه، بس أنا بحبك أوي.
وشي أحمر أوي و صوتي خرج بالعافية:
- احم..
فكمل:
- على فكرة ممكن تعبري الكلام دة مقولتهوش خالص لو هيزعلك؟
- لا..عادي.
- بتحبي تقرأي لمين؟
ابتسمت و قولت:
- أنتَ بتحب تقرأ لمين؟
- بحب د.أحمد خالد توفيق أوي.
- و أنا كمان بحبه.
- مبدأيًا موافقة.
- محتاجة وقت؟
- أكيد معاكِ لغاية نهاية العدة بتاعتك؟
- لما نشوف.
بعد شهورة العدة..اتصلت عليه و كان زهقان جدًا:
- مالك يا أدهم؟
- زهقان؟
- ممكن نتقابل؟
- لية؟
- عايزة أقولك حاجة؟
- ممكن تقولي فى التليفون؟
- لا..لازم أشوفك؟
- تمام..أنا فى السكة
أول ما لمحت خياله تحت نزلت بسرعة بس كان شكله غريب:
- مالك؟
- بفكر نبعد؟
- لية؟
- أنتِ مش بتحبيني و حاسس أني بضغط عليكِ.
- هتسيبني؟
- مش عارف...أنا فارق معاكِ؟
- هتفرق الإجابة؟
- بالنسبة ليا اه.
- بحبك..و متسبنيش.
- ط...أية قولتي أية؟
- الكلمة مرة واحدة فقط؟!
- و الله.
- و الله.
- عمري ما هفكر أسيبك عارفة لية؟
- لية؟
- عشان بحبك؟
" كل المرادفات لا تؤدي سوى لكلمة واحدة ' أحبكِ '."
#الخيانة 4
#فدوى_خالد.
#تمت.
رأيكم♥️
تعليقات
إرسال تعليق