 |
_طلقها دي مش بتخلف
=يا ماما وطي صوتك عشان ياسمين ما تسمعش
اتكلمت بقسوه : سيبك منها وطلقها اسمع كلامي وانا هجوزك ست ستها
=لأ يا ماما أنا بحبها ومن فضلك بلاش كلام في الموضوع ده تاني
= ماشي يا حسام هيجي يوم وهتزهق منها وساعتها هفكرك بكلامي يلا سلام
حطيت أيدي علي بوقي امنع صوت عياطي دخلت بسرعه الاوضه ونمت علي السرير وحطيت المخده فوق دماغي وعملت نفسي نايمه
سمعت صوت باب الاوضه بيتفتح ودخل حسام ونام جمبي، بعد دقايق لقيته نام غمضت عيني وفضلت اعيط بوجع، حماتي دايماً تكس*ر بخاطري وعايزه تجوز حسام عشان يبقى عنده أطفال لاني مش بخلف!
&&&&&&&&بقلمي ألاء فرج
صحيت الصبح بدري وحضرت الفطار وصحيت حسام يفطر معايا
علي السفره
حسام :مالك يا إيمان مش بتأكلي ليه؟؟
إيمان بحزن : حسام انتَ ممكن تطلقني في يوم أو تخو*ني ؟؟
مسك ايدي واتكلم بهدوء :لأ طبعاً أنا بحبك وانتِ عارفه كده كويس وعمري ما اعمل كده
ابتسمت بسعاده : ربنا يديمك في حياتي يارب، احم أنا كنت عايزه اروح اقعد عند ماما يومين في إسكندريه
حسام بهدوء : اه اكيد روحي واقعدي براحتك
&&&&&&&&بقلمي ألاء فرج
روحت قعدت عند ماما يوم وتاني يوم روحت عند الدكتور
الساعة ٥مساءٍ
في المستشفى
إيمان بحزن :يعني أي يا دكتور
الدكتور بجديه : للأسف ما فيش فايده من العلاج احتمال ضعيف جداً انك تخلفي
إيمان ببكاء : اعمل اي انا كده بيتي هيتخرب
الدكتور : دي حاجة بتاعت ربنا اصبري ربنا مش بيجيب حاجة وحشه، وحدي الله يا مدام
إيمان بحزن :ونعم بالله، عن إذنك يا دكتور
خرجت من المستشفى وروحت على بيت ماما وجبت هدومي وقررت اروح على بيت جوزي واعرفه بالحقيقه اني مش هعرف اخلف تاني!!!
&&&&&&&&بقلمي ألاء فرج
وانا طالعه علي السلم سمعت صوت زغاريط وأغاني جوا الشقه، طلعت بسرعه علي السلم لقيت الباب مفتوح وفي معازيم كتير وصوت الاغاني مالي المكان واي ده؟
لقيت حسام بيلبس الدبله لبنت قاعده جمبه ولابسه فستان
الشنطه وقعت من أيدي لقيت حسام اتفزع لما شافني وقام بسرعه وقفل الأغاني
حسام بتوتر : إيمان انتِ جيتي ليه قصدي جيتي امتى اا
عيني دمعت :اللي بيحصل ده يا حسام بتخطب من ورايا؟؟
حماتي ببرود : من حقه ابني نفسه يكون اب وعنده عيال يلا برا وهو هيطقلك اصلاً
مسحت دموعي وبصيت حواليا لقيت كل المعازيم بيبصوا عليا ابتسمت بخبث : أنا انا حامل يا حسام
ده إسكريبت ٥ حلقات لو لقيت تفاعل هكمل ودمتم سالمين ❤️
الحلقه التانيه
#إسكريبت_كدبه_إيمان
ابتسمت إيمان بخبث : أنا انا حامل يا حسام
ام حسام بصدمه(حسناء) : حامل ازاي؟؟ انتِ بتكذبي عشان تبوظي الجوازه وخلاص
إيمان بتوتر : لأ مش بكذب أنا لسه جايه من عند الدكتور وقالي اني حامل هكدب ليه
مسحت إيمان دموعها وزعقت بصوت عالي : وأنا كنت جايه افرحك يا حسام لقيتك بتخطب وهتتجوز من ورايا حسب الله ونعم الوكيل
حسام بصدمه :اهدي يا إيمان سيبك مني دلوقتي، أنا مش مصدق انتِ حامل بجد؟؟
إيمان بتوتر : ااه اكيد هكدب ليه يعني
حسناء بغضب : البت دي كذابه يعني مش بتخلفي بقالك سنتين وجايه تحملي دلوقتي؟؟ شغل يا بني الاغاني والخطوبه هتكمل
حسام :استنى بس يا ماما
إيمان ببكاء : ما فيش خطوبه هتكمل حسام ليا انا وبس
ومش هيتجوز عليا والا لو هتتجوز طلقني الاول ومش هخليك تشوف إبنك
After 30 Mintes
بعد ٣٠ دقيقه
حسام بصوت عالي :شيل الكراسي دي ايوه ايوه كده.... حاسب الشاشه يا بني هتكسرها براحه
ابتسمت إيمان بأنتصار وهي شايفه الكراسي بتنزل من الشقه والخطوبه اتفشكلت
حسناء بغيظ : بقا كده يا حسام بتخلي العقربه دي تمشي كلامها عليك
حسام بضيق : أمي بلاش كلام في الموضوع ده تاني وانتِ عارفه ان الخطوبه ما كانتش علي هوايا
بس سكتت عشان اراضيكي واجيبلك عيال بس خلاص إيمان دلوقتي حامل وهتخلف إن شاء الله حفيد العيله اللي نفسك فيه
حسناء بخبث : ماشي هسكت بس هعيش معاكم هنا لحد ما تولد إيمان بالسلامه
إيمان بصدمه : لأ لأ خليكي في شقتك تحت
قصدي احم تنورينا بس أنا كويسه ولسه في الشهور الأولى يعني مش عايزه مساعده
حسناء بخبث : أبداً لازم اعيش معاكم هنا ولا اي رايك يا حسام
حسام بتعب : براحتك يا أمي اعملي اللي تعمليه انا رايح انام
&&&&&&&&بقلمي الاء فرج
في صباح اليوم التالي
حسام بهدوء :أنا رايح الشغل عايزه حاجة يا حبيبتي
إيمان : حبيبتك دلوقتي بقيت حبيبتك وامبارح كنت بتخطب؟
حسام :حقك عليا مش هتتكرر تاني والله
ارتاحي بس أنا هطير من السعاده لما عرفت انك حامل
إيمان بتوتر : هتتأخر على الشغل يلا سلام بقا
حسام : سلام
خرج حسام من الشقه وإيمان قعدت علي السرير تفكر هتعمل اي في المصيبه والكذبه الكبيره اللي عملتها وفجأه لقيت باب الاوضه بيتفتح ودخلت حماتها
حسناء : قومي يا بت بلاش كسل علي الصبح انزلي جيبي الفطار وروقي الشقه اللي زي الزفت قومي اتحركي
إيمان بهدوء: الساعه لسه ١٠ الصبح انا بنام لحد الساعه ٢ الظهر وبعدين بصحي سيبيني انام ولما اصحي هبقا اعمل كل ده
حطت إيمان المخده علي دماغها ولسه هتنام، لقيت حسناء بتشيل المخده من دماغها وبتشد*ها من شعرها
حسناء بغضب :قومي يا بت بطلي قله ادب بتردي عليا كمان بدل ما تقولي حاضر ونعم داهي*ه في شكلك
خرجت ام حسام من الاوضه وهي بتبتسم بخبث واتكلمت بصوت عالي : انتِ السبب في كل حاجة خليتي ابني يكر*هني بسببك يا عقربه أنا هربيكي من اول وجديد ٥دقايق الاقيكي لابسه العبايه عشان تنزلي تجيبي الفطار
في غرفه إيمان
كانت قاعده جمب السرير على الأرض وبترتعش وعماله تعيط ووشها كله مليان كد*مات بسبب ضر*ب حسناء ليها بكل غ*ل وغض*ب مش اول مره تضر*بها ولكن كل مره بتسكت وتعيط ومش بترضي تقول لحسام عشان بتخاف منها
قامت إيمان من علي الارض ومسحت دموعها وابتسمت بشر : أنا هوريكي يا حسناء
خارج الغرفه
في صاله الشقه
حسناء قاعده علي الاريكه وبتتفرج علي التليفزيون وبتاكل ساندوتش جبنه
حسناء بزعيق : بت يا إيمان اخلصي كل ده بتلبسي شكلك عايزه تاخدي علق*ه كمان
خرجت إيمان من الاوضه وهي بتبتسم بخبث ولابسه عبايه سوداء وطرحه : حاضر يا حماتي نازله اهو هدخل المطبخ بس الاول
حسناء : اخلصي بسرعه
دخلت إيمان المطبخ وطلعت من جيب العبايه علبه حمراء ودلقتها شويه هدومها وعلى وشها وعلى الارض وابتسمت بخبث وصرخت بصوت عالي :ااااااه حرام عليكي بتعملي فيا كده ليه ااااااااه سبيني انا حامل هتمو*تي ابني اااااااااه الحقو*ني
في صاله الشقه
قامت حسناء من الاريكه بفزع وجريت بسرعه على المطبخ لقيت إيمان عماله تصرخ وتضر*ب في نفسها ووشها مليان د*م
حسناء بصدمه : بتعملي اي يا مجنونه يلاهوي وطي صوتك
سمعت حسناء صوت خبط على باب البيت جريت بسرعه لقيت الجيران في وشها
واحده من الجيران : حرام عليكي يا حسناء بتضر*بي في مرات إبنك وهي حامل
واحده تانيه :حسب الله ونعم الوكيل فيكي يا حسناء اوعي من وشي نشوف البت مالها
ابتسمت إيمان بخبث وخب*طت راسها في رخامه المطبخ وفقدت الوعي
( ابليس قاعد بيعيط في زاويه علي جمب 😂🙂)
بقلمي الاء فرج
بعد ساعه
فتحت إيمان عينها لقيت حسام ماسك ايدها وبيبص عليها بقلق والدكتوره بتكشف عليها وحسناء واقفه علي باب الاوضه بتوتر
إيمان بتمثيل : اااه دماغي اي اللي حصل؟؟
حسناء بخوف : والله يا بني ما جيت جمبها انا بس
حسام بزعيق :بس يا أمي كفايه
دكتوره طمنينا على إيمان والطفل كويس؟؟
الدكتوره: هي كويسه ما تقلقوش بس هي اتعرضت لض*رب بطريقه مبالغه فيها
حسام بلهفه : طب والطفل حصله حاجة
الدكتوره بأستغراب : طفل؟؟ المدام اصلاً مش حامل!!
حسام وحسناء بصدمه : نعممم؟؟؟؟
الحلقه الجايه ضرب نار مش هتتوقعوا أبداً اللي هيحصل فيها 😂
تكملة الروايه بعد قليل
تعليقات
إرسال تعليق