 |
#البارت_السابع_بقلم✍️ سلطان زماني
#البريئة_والذئاب
............. 🌹🌹🌹🌹 ...............
كلامهم عن العريس ..نزل عليا زاي الصاعقة عايزة اجري لحد
بيت عمرو وامسكه اضربه احط سكينه في قلبه ..ازاي مش
هيقف في طريق ساعدتي وعمل وقال كده مسكه لساني
بالعافيه عايزة اخد مرات خالي احكلها الحقيقة واقول لجدي
أنه كداب واقوله كل الي حصل وعقلي مش مطوعني وخايفه
من رد فعلهم ومن الي ممكن يحصل كتمت في قلبي ونفسي
وسكت ودخلت اوضتي فضلت ابكي وصعبان عليا نفسي اوي
وبدعي ع عمرو ..كان نفسي اكلم محمد واساله انت فعلا
بتحبني وعايزني وشاريني وكنت اهرب معه واتجوزه غضب
عنهم... مش معايا رقمه واختي بس الي تعرف توصلني ليه
أو لرقمه واستحالة تعمل كده ..اوكيد هو لما يقولو ليه أنه
اترفض هيفكر أنه مني انا واني مش معجبه بيه أو بحب
واحد غيره
: وعادي وحده أعجب بيها وكان عايز يتقدملها ومنفعش وخلاص
فضلت كده لحد ما ستي دخلت عليا وقالتلي انتي منمتيش
لحد دلوقتي ياوعد وفتحت نور الاوضه ودخلت قالتلي انتي
بتعيطي يابت ..مالك ياحبيبتي فيكي ايه قولتلها مفيش
ياستي قالتلي لا في انتي زعلانه علشان الواد ده
يغووور انتي عايزة تخيبي خيبة امك وبعدين انتي لسه
صغيرة ياحبيبتي والف مين يتمناكي ..مسحتلي دموعي
واخدتني في حضنها وقعدت تحايلني وتطبطب عليا كنت
هموت واحكلها واقولها اني عمرو ده شخص وسخ وقال كده
علشان يطفشه وأنه مش عايزني ابعد عنه
بس سكت ونمت وصحيت الصبح مطلعتش من الاوضة
ومرات خالي دخلتلي وعلشان تخرجني من الحالة الي فيها
دي وتفرحني قالتلي انها هتصلح الموبيل وهتدهوني وانا
قولتلها أنا مش عايزة حاجه قالتلي ياعبيطة الراجل الي زاي
ده مينفعش انتي يابت بنت حلال وطيبه وتستاهلي راجل
بمعني الكلمة يخاف عليكي ويحافظ عليكي زاي عمرو جوز
اختك كده ..قولتلها متجبليش سيرته بالله عليكي
قالتلي ماهو لو خالك كان راح أو اي حد سال كان
هيتقاله نفس الكلام الي اتقال لعمرو قومي بلاش دلع تعالي
نروح أنا وانتي لمحل للموبيلات نصلح الموبيل قمت معها
ورحنا والراجل قال تعالو بليل خدوه وخدتني شربتني عصير
قصب ورحنا السوق اشترت شوية حاجات ورجعنا امي
اتصلت ب خالي تطمن عليا وخالي قالها كويسة وقالها ع
حوار التليفون قالتله لا أنا بشوف البنات بتعمل بلاوي
بالموبايل ده قالها أنا هاخد بالي متخفيش انعزلت عنهم كلهم
مبقتش بكلم غير جدي وستي وخالي ومرات خالي وبناتها
وبس واختي الهام جت هي وعمرو كذا مره وكل ما اشوفهم
اطلع شقة خالي اقعد مع مرات خالي وهي لاحظت اني مش
عايزة اشوف عمرو ولا اسمع صوته لحد ما في مره اختي
كلمتني علي الموبيل وقالتلي أنها عايزاني اقعد عندها كام
يوم وقالتلي أنها هتخلي عمرو يعدي عليا يخدني قولتلها لا
مش رايحه عند حد
قالتلي ليه بقا أن شاء الله قولتلها مش برتاح عندك وكان يوم
اسود اتصلت ب امي وجت هي وامي عند جدي وفضلو
يهزقو فيا وامي تقولي انتي ملكيش غير اختك وانتو
مكترتوش ع بعض ويعني اي اختك تقولك تعالي وانتي
تقولي مش برتاح عندها دي ..واختي قالتلي اي ال مش
بيريحك عندي في حد دسلك ع طرف أن عايزة افهم
قولتلها مفيش حاجه انتي مش عايزاني اجي عندك هدخل
البس واجي معاكي زعقت وصوتت وقالتلي لا أنا عايزة افهم
ايه الي مش مريحك ..قولتلها مفيش ..امي خدتني علي
جنب وقالتلي مالك يا عد انتي من ساعة ما الهباب التليفون
ده جيه وانتي مبقتيش تقعدي معايا لما اجي ولا بتكلميني
حتي تسالي عليا في ايه يابت بينك وبين اختك مخبباه عليا
قولتلها مفيش والله انا هقوم البس اهو واروح معها حاضر
قالتلي الاول ترضيها علشان دي اختك الكبيرة وبابا عايزاكم
يبقا قلبكم ع قلب بعض اختك بتحبك وبتعتبرك بنتها واختها
متزعلوش من بعض تاني قومت قولتلها حقك عليا وهي
حضنتني وفضلت تعيط وستي قالتلي يلا روحي البسي ياوعد
يتبع
تكملة الروايه من هنا هنا
تعليقات
إرسال تعليق