 |
#البريئة_والذئاب_البارت_السادس_✍️ سلطان زماني
بعدها اتصلت عليا اختي رحتلها أنا وأمي وفضلت تتحايل
عليا ابات عندها وامي قالتلي في أي يابت ما تقعدي مع
اختك
وقعدت وقولت بكره همشي ومش هطول واتلهيت في ابنها
الي مكنتش بتعرف تنام ولا ترتاح منه بليل خالص رجع اول
ما شفني مصدقش قالي فين الهام قولتله نايمه والواد بيعيط
وانا عماله اسكته
قرب عليا وقالي ليكي وحشه ياوعد نورتي الدنيا ازاي الهام
مقلتش انك هنا كنت جبتلك حاجات من تحت وانا طالع
قولتله شكرا أنا مش عايزة حاجه
بقلم سلطان زماني
قالي ازاي ودي تيجي أنا هاخد شاور واغير وانزل بسرعة
قولتله أنا كده كده شوية وهنام والصبح ماشية لقيته بصلي
وهو زعلان ووشه مكشر قالي لدرجادي زعلانه مني ياوعد
انتي متعرفيش غلاوتك عندي يابت
ولقيته بيقرب جامد وعينه بتدمع لما لاقني خايفه قالي
خلاص الي يريحك ياشهد قولتله ممكن اطلب منك طلب
ياعمرو لقيته ابتسم وزاي الي رجعتله روحه من تاني
وقالي انتي تأمري أمر يا وعد
قولتله تخلي خالي هو الي يسأل وتخرج نفسك من الموضوع
ده
رجع لنفس البصه والنظرة الحزينة تاني وقالي ع فكرة اختك
وامك الي طالبو مني اني اسال عليه أنا مش هعمل كده
بمزاجي
قولتله لا انت الي كلمت امي وقولتلها انك هتسال وانك مش
ضمنه أنه يطلع محترم وابن ناس زاي جوز اختك سكت
شوية وقالي هي الحكاية كده بقا هو انتو بتحبو بعض ولا ايه
الواد ده انتي تعرفيه ياوعد
قولتله لا بس شكله محترم وابن حلال قالي ده هيعيشك في
القاهرة يعني بعيد عني اقصد عن اهلك يعني انتي تقدري
تعيشي بعيد عنهم ياوعد
قولتله اقدر وابقي اجي اشوفهم
قالي أنا بقا مقدرش
لساني اتشل ومش عارفه اقوله ايه لفيت ومدياله ضهري
ونبضات قلبي سريعة جدا ومن كتر الحالة الي أنا فيها خايف
الواد يقع مني ايدي بتترعش اي الي الزفت ده بيقوله وابعده
ازاي عن الموضوع ده
قولتله علشان خاطري أنا عايزة اتجوز وامشي من البلد الزفت دي
بقلم ✍️سلطان زماني
قالي مالها البلد يا وعد دي القاهرة دي محدش يعيش فيها
زحمه وقرف علي العموم بلاش نسبق الاحداث يمكن
يطلع محترم وزاي جوز اختي متخفيش مش هقف في
طريق سعادتك علشان بحبك وسبني ودخل
اختي بعد شوية صحيت اخدت ابنها ترضعه وانا قولتلها
هدخل الأوضه انام شوية وقفلت الباب بالترباس وفصلت
قاعدة دماغي مقلوبه بكلام عمرو والي بيعمله ونظره عنيه
الحزينة ده كان قرب يبكي ..هو بيعمل كده ليه واختي لو
اخدت بالها هيكون شكلي أنا اي ..أنا مش عارفه امنعه ولا
أوقفه عن الي بيعمله ده بعد شوية لقيت خيال وغيامه عند
الازاز الي في باب الاوضة وسمعه خروشه بسيطه وشوفت
الاوكره وهي بتحرك لتحت بيحاول يفتح الباب بس مقفول
بالترباس
مردتش اقول مين ولا احسسه اني صاحية حاول
تاني والباب مفتحش صحيت الصبح اختي تقولي اصبري
اتغدي وروحي وانا اقولها لا تقولي وراكي أي يا ختي هناك ما
تقعدي وانا اقولها معلش علشان عايزة اخد دش واغير
هدومي قولتلها اني هجيلك بكره بالعافيه خلتني امشي
وادتني فلوس روحت وبعد حوالي اربع ايام عرفت من امي
أني بكره عمرو نازل القاهرة هيجيب بضاعة ويسأل بالمره
علي العريس الي متقدم ل وعد
بقلم ✍️ سلطان زماني
تاني يوم بليل لقيته كلم جوز امي وقاله وخد امي قالها
هي كمان والخبر اتذاع ولقيت خالي ومرات خالي بيقولو
قدام جدي وستي اني العريس ده حشاش ومش بتاع
مسؤولية وأنه كان خاطب ٣ مرات وفسخ وسمعته وحشه
وبيشتغل يوم وعشره لا وكان في مصحه لعلاج الادمان ولسه
خارج منها ورجع للمخدرات تاني
رايكم ياحلوين بدون ملصقات لو سمحتو ✋
تكملة الروايه من هنا
تعليقات
إرسال تعليق