 |
الجزء التاني (من حمقاء في الموساد )
البارت الاول (حمقاء في المخابرات)
#ايزيس
في شقة سيف وملك
سيف قاعد وملامح الغضب علي وشه وبيبص لملك كأنه عايز يقوم يقتلها
ملك ملاحظة نظراته فقررت أنها تعرف سبب ضيقته ..قعدت علي رجليه وحاوطت رقبته بإيديها
ملك....ممكن اعرف سيفو حبيبي مضايق من ايه
سيف .بحدة.....بجد مش عارفة أنا مضايق من ايه
انتي ليه ماقولتيش أنه حازم باشا كلمك وليه وافقتي تشتغلي فى المخابرات اصلا من غير ماتاخدي رائي
ملك....سيفو أنا كنت فاكرة انك هتفرح لاننا هنشتغل في مكان واحد ونشوف بعض طول الوقت قولت افجأك ..
سيف ...انتي ليه محسساني اننا هنشتغل مع بعض مدرسين ف مدرسة وفي الرايحة والجاية نغمز لبعض ..ملك انتي عارفة يعني ايه تشتغلي في المخابرات ..يعني القتل الخطف التعذيب كل دي حاجات مباحة بين الخصمين يا ملك ..أنا بجد مش عارف هاركز ف شغلي ولا هاحميكي
ملك....بحزن...يا حبيبي يا سيفو...متقلقش عليا خلاص طالما انت زعلان أنا هنفذ بس المهمة دي وبعدها مش هشتغل تاني
سيف...اممم ..ربنا يستر والمهمة دي تعدي علي خير
ملك....الا انت ماتعرفش المهمة دي فين
سيف ...مش عارف حازم باشا مش بسهولة بيدي معلومات الا ساعة التنفيذ
ملك....خلاص شكلك رضيت عني ومش زعلان أنا هاقوم احضر العشا بقا
ملك لسة هتقوم سيف شدها تاني لحضنه وقال ...انا لسة زعلان علي فكرة ولازم تصالحيني
ملك....باست جبينه ..ماتزعلش مني يا سيفو أنا ماقدرش علي زعلك...ولسة هتقوم شدها تاني
سيف...بتبوسي راسي ليه هو أنا امك .
ملك...اومال اصالحك ازاي
سيف ...تصالحيني كده ...(مش هقول عمل ايه عشان عارفة انكو فهمتو🙈)
&&&&&&&&&&&
في اسرائيل
عدنان قاعد علي طرابيزة في ملهي أديرا وشارد بيفكر في اللي خطفت قلبه من غير معاد.. أديرا ملاحظة أنه كل يوم يجي يسهر وحده من غير بنات وبعدين يمشي
فقررت أنها تروحله هي بتنجذب للشاب الوسيم ..وعدنان بقي حدث ولا حرج🤣
أديرا قطعت شروده لما قعدت جمبه
اديرا ....سيد آران لاحظت جلوسك كل يوم بمفردك لذا أتيت لاتشارك معك همومك ..شعرت انك بحاجة لمن تتحدث معه
آران بغضب...هل طلبت منك الجلوس لما انتي فضولية لحد الموت ايتها الوقحة
أديرا ....هل جننت ايها المعتوه ألا تعلم من انا
آران ...بسخرية ...أديرا لحود صاحبة الملهي ..هي اغربي عن وجهي الان والا ستندمين
أديرا ...يا لك من متعجرف كيف ترفض سيدة بجمالي
آران ..ضحك بسخرية ...انهضي ايتها المغرورة الحمقاء أنا اكره الفتيات الحمقاوات ...قامت أديرا مشيت وهي بتلعن وتسب ف آران وتكبره
أما عدنان فكان مستغرب هو ليه بقا عصبي كده ومش طايق البلد دي ولا طايق يقعد فيها
عدنان ...في نفسه....أنا ايه اللي جرالي وليه بتعصب كل ما اشوف بنت ليه كل تفكيري فيها أنا بجد تعبان نفسيا وعايز انزل مصر عايز اشوفها بأي طريقة ..طب الاحساس دا ليه ماكنتش بحسه لما كنت بحب ديمة ولا يمكن ما كنتش بحبها وحبي ليها كان نوع من الشفقة ..يوووه مش عارف بقا كل اللي اعرفه دلوقتي اني نفسي اشوف نور بأي طريقة اوووف الحب دا حاجة وحشة بجد
&&&&&&&&&&
في الصبح ملك صحيت بدري جدا وصحت سيف
ملك.... بحماس سيفو يلا قوم هنتأخر ع الشغل
سيف...حضنها ....تؤ تؤ مش هنروح الشغل انهاردة
ملك...سيف ما تهزرش
سيف...مش بهزر أنا هاتصل واخد اجازة ليا وليكي
ملك ...سيفو دا اول يوم شغل ليا قوم بالله عليك
سيف....مانا عايزك تترفدي
ملك...طب ايه رأيك بقا انا هاروح وانت خليك نايم
سيف قام بسرعة وجري قفل الباب بالمفتاح ومسك المفتاح
وضحك....وريني بقا هتخرجي ازاي يا بطة
ملك.....يووووه انت رخم اوي علي فكرة
سيف حضنها وضحك....عارف علي فكرة
وقام سيف اتجنن وفقل الموبايلات بتاعتهم ..حازم بيرن علي ملك وسيف بس سيف مافيش رد وحازم هيتجنن
حازم لظابط تاني ...أنا هاروح اشوف ايه اللي حصل سيف مش من عادته انه يتأخر ولا يطنش الشغل أنا خايف الزفت عمار الجاسوس دا اللي هرب يكون اذي سيف لانه سيف هو اللي كان بيحقق معاه ..يلا بسرعة جهزلي العربية
الظابط ...تمام يا فندم
وفعلا حازم ركب عربيته وراح ع بيت سيف
وكان قلقان فعلا يكون الجاسوس اللي هرب اذي سيف أو ملك
وصل حازم العمارة وطلع علي شقة والدة سيف..خبط وفتحتله أمينة
أمينة...خير يا حازم باشا
حازم ...ست أمينة فين سيف
أمينة بقلق...يووه سيف.. هو ماراحش الشغل ولا ايه
حازم بقلق برضو...لا انتي ما شوفتهوش ولا شفتي ملك
أمينة ...لا يا بيه أنا كنت فاكرة أنهم راحوا الشغل
حازم ...طب معاكي مفتاح الشقة بتاعته
أمينة...ايوا معايا ..لحظة هاجيبه
حازم اخد المفتاح وطلع هو وأمينة ع الشقة بسرعة..وفتح الباب وبعدها برق عينيه هو وأمينة
لقي ملك بترقص وسيف بيسقف لها وهي بتغني
🎶جالي بهداوة داوا جرح قديم وجدد روحي راحت مني نن عينه خدني غصب عني 🎶
وسيف يقول... اوبااااا
سيف..بص بصدمة وصمت كأنه اتجمد مكانه
وملك انصدمت ...يخرب بيتك يا حازم ..وجريت علي أوضتها عشان ماكانتش لابسة حجابها🤣
&&&&&&&
في اسرائيل
وتحديدا في الموساد في مكتب الرئيس
الرئيس ....آران لقد أجمعت القيادة كلها علي رفض فكرتك
فهذه الأرض لنا وستظل لنا
عدنان غضب واتعصب من كلامه بس ضغط علي نفسه وماحبش يظهر دا ...ابتسم وقال ...هذه كانت مجرد فكرة سيدي ولا يهم ..وقال في نفسه ...انتوا بقا اللي اخترتوا استعدوا للي هاعمله الايام الجاية ..بس بعدين قال اااه مش قادر اقعد هنا اكتر من كده اعمل ايه بسسس منك لله يا نور
وبعدين قال الرئيس...سيدي أنني أريد أن اهدئ اعصابي أسبوعا هل تسمح لي بإجازة لاستجم سأذهب الي اي بلد سياحي
الرئيس بصله...موافق آران وارجو أن تعود سريعا لتتابع عملك بعدها ..اعلم انك تشعر بإحباط لذا اذهب وارح اعصابك
عدنان...شكرا سيدي وخرج وهو هيموت من الفرحة أخيرا هيشوف اللي سرقت النوم من عينيه
&&&&&&&&&&&&
في شقة سيف
بعد الصدمة والخجل والغضب وكل المشاعر اللي بتوصف ام الموقف المحرج دا
حازم....في ظرف خمس دقايق تكون لابس وجي ورايا انت وهي وعقابكم هناك
سيف باحراج ...حاضر يا فندم ...حازم خرج وأمينة نزلت مصدومة من تصرف ابنها الطايش اللي عمله
ملك ...عاملي فيها مايكل جاكسون اهو الراجل زعل وهيطلعهم علينا يا سي سيف
سيف ...كله منك يا بلوة ...كنت عايزك تترفدي وشكلي أنا اللي هترفد ..قدامي عشان نلبس
سيف وملك لبسوا ونزلوا لحازم وراحوا كلهم ع المخابرات
في المخابرات
حازم بلغ سيف بهروب الجاسوس وقاله انه لازم يحترس الفترة دي ويخلي باله جدا وأنهم لازم يشددوا البحث جدا عليه وأثناء ما بيتكلموا ملك قاعدة زهقانة وحاسة بملل قامت عشان تستكشف المكان اهي حاجة تسليها وخلاص
نزلت تحت في مكان عبارة عن حديقة بس مافهاش شجر كتير ممكن نقول ساحة مثلا
وفضلت تلف فيها وتتفرج .
حازم وسيف بيتناقشوا ازاي هيقدروا يرجعوا الجاسوس تاني
سيف ...اول حاجة يا فندم نبعت حراسة مشددة ع المطارات في كل حتة ف مصر وصورته تبقي في كل مكان حتي....ولسة هيكمل كلامه وسمع صوت صراخ كتير اكيد طبعا مافيش غيرها
ملك....يا سييييييف يا حازززمممم يا مامااااااااا. وبعدها الصوت اختفي. ........يتبع
&&&&&&&&&&&&&&&&
(ملك هتشلنا لغاية ما الرواية تنتهي 🤣)
البارت انتهي اتمني يعجبكم ❤
#ما اتأخرتش عليكو اهو يلا بقا 💪عااااااش💪
الجزء التاني من (حمقاء في الموساد )
البارت الثاني
(حمقاء في المخابرات )
#ايزيس
في مبني المخابرات
سيف ...اول حاجة يا فندم نبعت حراسة مشددة ع المطارات في كل حتة ف مصر وصورته تبقي في كل مكان حتي....ولسة هيكمل كلامه وسمع صوت صراخ كتير اكيد طبعا مافيش غيرها
ملك....يا سييييييف يا حازززمممم يا مامااااااااا. وبعدها الصوت اختفي.
سيف وحازم جريوا ناحية الصوت وفجأة لقوا مدرب الكلاب شايل ملك وهي مغمي عليها.سيف جري عليها شالها منه وبص في علي رجل ملك اللي كانت بتنزف دم
سيف بلهفة وقلق .....مالها يا كابتن
المدرب ...شكلها فتحت باب اوضة الكلاب وانت عارف رعد (اسم الكلب)ما بيحبش الناس الجديدة قام عضها
حازم ...وانت كنت فين
المدرب ...كنت بصلي الضهر يا فندم
سيف جري علي عربيته وحط ملك فيها وبسرعة ساق علي المستشفي
وبعد مرور وقت وصل سيف المستشفي ووراه وصل حازم وملك كانت في غرفة عمليات ..بعد مرور شوية وقت خرجت ملك من غرفة العمليات
سيف كان قلقان جدا عليها ..ملك بدأت تفوق وتعيط
فتحت عينيها لقت سيف حاضنها وهي نايمة اتشبست اكتر في حضنه وعيطت ...سيف حبيبي شوفت الكلاب عملوا فيا ايه كانوا هيموتوني يا سيف
سيف ..اششش بعد الشر عليكي يا قلبي
حازم بضيق...ممكن اعرف ايه اللي خلاكي تفتحي أوضة الكلاب وليه اصلا تعملي حاجة من غير ما تاخدي أوامر بتنفيذها..اسمعي يا ملك من هنا ورايح مافيش حاجة تتعمل الا بإذني انتي فاهمة
ملك....بصت لسيف وهمست...شوف الراجل الناقص بدال ما يقولي حمدلله علي سلامتك بيقطمني
سيف ضغط علي نفسه عشان ما يضحكش وقالها ...اششش اسكتي عشان شكلك لسة تحت تأثير المخدر
ملك لحازم ...مقبولة منك يا زوومة رغم انك ماقولتش حمد لله ع سلامتك .
حازم انصدم....مين زوومة دا يا بنت
ملك....الله انت زوومة بدلعك
سيف....بغضب...أنا قلت ميت مرة قبل كده ماتدلعيش حد غيري
حازم....يعني هو دا اللي همك في الموضوع ..اسمعي يا بنت اياكي اسمعك تقولي زوومة دي تاني انت فاهمة ولا لا
ملك بتكشيرة ...فاهمة مع أنه من حق الكبير يدلع يعني بس براحتك
حازم ...بنت
سيف . حب ينقذ الموقف بسرعة...اتفضل انت يا حازم باشا شوف وراك ايه شكلها لسة ما فاقتش
حازم ....علي العموم حمدلله علي سلامتك يا ملك وماتتكررش تاني أنا ماشي
حازم مشي وسيف شال ملك واخدها ع البيت
سيف ....مش عارف هتعملي فيا ايه تاني يا مصيبتي الجميلة
ملك....بتكشيرة اطفال اسفة يا سيفو
سيف....ولا يهمك يا قلب سيفو المهم سلامتك ..يلا اوبا وشالها
ملك ....لا بالله عليك بلاش اوبا دي تاني ..وبصوا لبعض وفضلوا يضحكوا
في البيت وصل سيف وملك....وأمينة ونور اتخضوا لما شافوه شايلها حكالهم اللي حصل وهما انفجروا ضحك علي ملك
&&&&&&&&&&
في مبني المخابرات
عدنان وصل وحازم استغرب جيته المفاجئة لانه ماقالهوش أنه جي
عدنان ...يا فندم انا جيت لسببين الأول انك لازم تعرف انه ولاد الكلب دول بيفكروا يردوا الصفعة اللي اخدوها اعتقادا منهم أنه ملك كانت العروسة وهي اللي فجرت الفرح بأمر منكم ..هما لسة بيخططوا هيعملوا ايه بس ما اخدوش قرار
حازم بغضب ...وايه اللي جابك دلوقتي ما استنتش ليه لغاية ما تعرف كل حاجة ليه يا حسام
عدنان...في نفسه...اعمل ايه بس مانا لو ماقلتلهاش اني بحبها هاتجنن أنا مش عارف أركز ابدا في حاجة وكل البنات متخيلها فيهم
وبعدين قال....يا باشا ما تقلقش أنا زارع كاميرات في كل ركن هناك والمكان كله اهو علي موبايلي ..اطمن وخد الموبايل اهو خليه مع حضرتك لاني بجد اعصابي تعبانة وعايز انسي الاسبوع دا اني ظابط مخابرات لو سمحت يا فندم
حازم صعب عليه عدنان اللي بيفضل الشغل علي حياته هو شاب عنده ٣٠سنة بس عمره ما عاش سنه ولا استمتع بحياته زي باقي الشباب وطبعا هو السبب مش حد تاني هو مجنون بشغله بيعشق أنه ينتقم من الصها...ينة ..بيطير من الفرحة لما يحبط مخططاتهم( لكن عذرا ايها الشاب الشجاع أنا قلب بشر ويجب أن اجرب العشق يوما )
حازم ...موافق روح عيش حياتك يومين بس لازم ترجع هناك في اقرب وقت لانه اللي جاي خطر ع الامن القومي يا عدنان ..(ملحوظة ابطال الرواية بينادوا حسام باسم عدنان في المواقف اللي هو بيكون بطل فيها أما ملك فاعتادت أنها تقوله عدنان مش حسام ومامته هي اللي سمته الاسم دا من هو وصغير..وانا شخصيا بحب أقوله عدنان🤣)
عدنان ....حازم باشا اومال سيف فين كنت حابب اسلم عليه
حازم ابتسم وحكي لعدنان اللي حصل وطبعا عدنان ما صدق الفرصة تجيله لغاية عنده
&&&&&&&&&&
قدام شقة والدة سيف
واقف مرتبك ومعاه ورد وشوكليت شكله كان بيوهم نفسه أنه رايح يخطب وعايش الدور
عدنان خبط...فتحت نور ..وهو واقف ومثبت عينيه عليها وعلي وشه ابتسامة بلاهاء وظابط نفسه ع الوضع الصامت مش ناطق ولا كلمة
نور...كابتن عدنان اتفضل
عدنان ابتلع ريقه ..(في سره يا جمال عدنان وهي خارجة من حتتين الفراولة دول ..والله نفسي احضنك )احم ازيك يا نور
نور...بهدوء وابتسامة ..اهلا يا كابتن
عدنان...احنا مش صحاب قوليلي عدنان بس
نور ...ابتسمت حاضر اتفضل يا ..يا عدنان
عدنان اللي مثبت اليهو..د وبيلعب بيهم البيضة والحجر الحب خلاه انسان تاني
عدنان إدا الورد لنور وبعدين دخل وسلم علي أمينة ...أنا اسف اني جيت من غير معاد بس سمعت باللي حصل لملك وقلت لازم اطمن عليها اصلها زي اختي
أمينة ...وماله يا ابني نورت ملك جوه وسيف معاها اتفضل معايا
أمينة خبطت دخلت هي وعدنان وسيف وملك اتفاجئوا بيه جدا
سيف ...حسام ايه اللي جابك ف الوقت دا
أمينة بصدمة...يالهوووي يا سيف كده برضو تحرج صاحبك
سيف ...مش قصدي يا ماما هو فاهم
عدنان جيت اطمن علي بطلتنا ..لو قصدك علي إسرائيل فأنا جيت استريح يومين ورايح تاني ولا مش من حقي
ملك...لا ازاي نورت يا عدنينو والله كنت مفتقداك..شفت اللي حصلي يا عدنينو كنت هاروح فيها بسبب كلاب حازم شكله حارمهم من اللحمة
عدنان...ضحك...قلب عدنينو من جوه بعد الشر عليكي عاملة ايه دلوقتي
ملك...ابتسمت... غريبة يعني النبرة دي جديدة عليك يا عدنينو
سيف ...ربع ايديه ....وبالنسبة لكيس الجوافة اللي واقف دا مافيش احترام ابدا ...ايه هو اللي عدنينو قلب عدنينو ماتحترموا نفسكوا انت وهي
عدنان ....ياخي خلي عندك ثقة فى نفسك شوية ملك دي اختي علي فكرة وأخرج برا عشان عايز اختي ف موضوع مهم
سيف ...لا مش خارج احكي قدامي
عدنان ...سيف حبيبي الموضوع لا يحتمل التأجيل حازم باشا قالي أقوله لملك شخصيا
سيف بضيق ...امري لله خمس دقايق وجي تاني
سيف خرج وقفل الباب
عدنان...ملك الحقيني يا ملك انا وقعت وما حدش سمي عليا
ملك...خير يا عدنان ايه اللي حصلك
عدنان...انا بحب يا ملك وماكنتش فاكر الحب صعب اوي كده ..عايزك تساعديني
ملك...اروح اطلبهالك يعني
عدنان...ملك مش ناقصة غباء ..فتحي مخك معايا انا بحب نووور
ملك....نور مين
عدنان ...نور اخت سيف ..بحبها وكل تفكيري فيها يا ملك انا بجد تعبان
ملك....يا حرام يا عدنينو بقا عدنينو اللي بيقوص.. الحب يدهولوا كده ..طب اساعدك ازاي انا بقا
عدنان...اهم حاجة تعرفي هو فيه حد ف حياتها ولا لا وبعدين أنا هاتصرف
دخل سيف فجأة ...تتصرف في ايه بقا
عدنان ....سيف انت كنت بتتصنت ولا ايه
سيف ....انت عارف عني اني اعمل كده ..وبعدين ملك مراتي حبيبتي لو سألتها هاتحكيلي كل حاجة مش كده يا لوكا
ملك ..احم لا انت بالذات ما ينفعش تعرف
عدنان ..برق لها عينيه ...ملك
ملك...اه صحيح ..دا شغل يا سيفو شغل
سيف.... بقا كده يا ملك بتخبي عني ماااااشي أنا هعرف منك كل حاجة بطريقتي
وفجأة تدخل نور جايبة قهوة لعدنان وهو بس لمحها ونظره ركز عليها وعلي وشها البرئ وسرح في عينيها العسلي وفجأة اتجنن وقام ناحيتها ونسي سيف وملك والدنيا كلها ..مسكها من كتافهاوقال...
عدنان ..باندفاع.....نور أنا بحبك ودي اول مرة اتنيل واحب
نور.....ضربته بالقلم
عدنان ..................يتبع
&&&&&&&&&&&
البارت انتهي اتمني يعجبكم❤
البارت الثالث
حمقاء في المخابرات
#ايزيس
وفجأة تدخل نور جايبة قهوة لعدنان وهو بس لمحها ونظره ركز عليها وعلي وشها البرئ وسرح في عينيها العسلي وفجأة اتجنن وقام ناحيتها ونسي سيف وملك والدنيا كلها ..مسكها من كتافهاوقال...
عدنان ...نور أنا بحبك ودي اول مرة اتنيل واحب
نور.....ضربته بالقلم
عدنان ......مسك خده وقال ..اه وفاق من شروده علي صوت نور اللي بتبتسم وتقوله ...القهوة يا عدنان
بص لقي سيف وملك ومستغربين هو ليه مسك خده
ملك...ايه يا عدنينو مالك
عدنان محرج ومش عارف يتكلم...ا ا اصلي ضرسي واجعني اه أنا لازم امشي اوك
سيف...خليك يا ابني اتغدا معانا
عدنان ...لا خليها وقت تاني أن شاء الله ..
الف سلامة يا ملك
ملك..قامت غمزاله ...عدنينو في البال مش هنساك
عدنان ...في نفسه ..أم غباءك يا شيخة هتفضحيني
وخرج وهو خايف فعلا يتجنن ويعمل حاجة يندم عليها..
وبعد ما خرج نور كمان خرجت
سيف قعد جمب ملك....ملكتي قوليلي بقي حسام كان عايزك في ايه
ملك ...اتوترت ..لا مش هقول دا شغل
سيف ...هجيبلك بيتزا
ملك ...ايه بيتزا يوووه الا ماكنتش بس تحلف ..كان عايزني في...وبعدين قالت في نفسها عدنان مجنون وممكن يقوصني لو حكيت لسيف ...
سيف...سكتي ليه بقا
ملك....اسكت يا سيفو مش عدنان كان عايزني ادورله علي عروسة
سيف...ايه عروسة ..هو اتجنن ازاي عايز يتجوز بالطريقة دي ...تصدقي صعبان عليا
ملك ..في نفسها ....يا حبيبي يا سيفو اد ايه انت طيب وبتصدق اي حاجة
سيف ..بتقولي حاجة يا ملك
ملك ....لا يا حبيبي .بقولك ايه رأيك نجوز عدنان لنور اختك
سيف...مش ممكن مستحيل
ملك...ليه يا سيف بتقول كده حرام عليك افرض كان بيحبها
سيف..بشك...بيحبها قولتيلي...ملك انا مش عارف ليه حاسس انك بتكدبي عليا
ملك....أنااااا أخص عليك يا سيفو🥺 ...أنا بقترح بس
سيف اتنهد...ملك نور حساسة جدا وبتتأثر بأقل حاجة وعدنان حياته كلها خطر وانا مش هاجوز اختي لظابط مخابرات
ملك...اممم اشمعني أنا اتجوزتك بقا😏
سيف حضنها ...عشان احنا بنحب بعض
ملك...مايمكن ...وسكتت
سيف...ملك لو عارفة حاجة قوليها بدال ما انتي عارفة أنا ممكن اعمل فيكي ايه لو هتخبي عليا حاجة
ملك....وانا اقدر اخبي عليك يا حظااابط دانت ظابط مخابرات ...
سيف....بشك ..هنشوف
&&&&&&&&&&&
تاني يوم الصبح سيف جاله تليفون و خرج الفجر من غير ما يصحي ملك
ملك صحيت دورت عليه مالقتهوش
بس لقيتها فرصة انها تكلم نور
ملك ...همست ...نور عايزاكي في حوار
نور بصت حواليها مالقيتش حد ...وهمست لملك. ...وموطية صوتك ليه
ملك شدتها من أيدها ودخلوا اوضة سيف لان ملك وسيف قاعدين في شقة والدة سيف عشان ملك تعبانه
ملك ...نور انتي في حد في حياتك
نور بصدمة وخجل وعنينها دمعت ...ايه اللي انتي بتقوليه دا يا ملك ..حد جاب سيرتي في حاجة ..حد قال لأبيه سيف عني حاجة وحشة
ملك...اهدي يا بنتي اهدي هو أنا اتكلمت أنا بس بسألك عشان نبقي أصحاب ها بتحبي مين
نور بنفس الصدمة ...لاااا انتي شكلك اتجننتي يا ملك
ملك...بصراحة في حد بيحبك وعايز يطمن أنه مافيش حد ف حياتك عشان يتقدملك
نور بتوتر ...م مين دا
ملك...هاقولك وما تقوليش ل سيف ..عدنان بيحبك
نور نبضات قلبها بقيت سريعة مش عارفة ليه....عدنان احم ...أنا رايحة الجامعة ..وعلي فكرة أنا مافيش حد ف حياتي وعمري ما فكرت اصلا احب حد وجريت وهي مرتبكة علي متوترة وفرحانة..وبتقول ف نفسها ...يعني هو برضو بيفكر فيا زي مانا بفكر فيه اعااااا أنا مبسوطة اوي
&&&&&&&&&&&&
سيف سافر الصعيد( قنا )عشان الجاسوس عمار كان مستخبي في مسجد هناك وعامل نفسه واحد تايه عشان عارف أنه الصعايدة طيبين وهيكرموه
سيف...اخده وطلع ع المخابرات وكان مستحلفله لانه لقي معاه قنابل..
&&&&&&&&&&&
في الجامعة
قدام كلية نور
البنات كلهم بيجروا ويبصوا من الشباك
نور وصاحبتها ماشين ومش فاهمين ايه اللي بيحصل
نور ....هو فيه ايه يا بت يا رندا خناقة ولا ايه
رندا... الله خناقة بموت في الخناقات تعالي نتفرج
نور ...عارفاكي تموتي في ازية الغير ..يلا نتفرج ..راندا مسكت بنت وسألتها هي الخناقة مع مين
البنت...خناقة ايه يا حجة دا فيه ممثل تركي تحت وماسك ورد ولابس نضارة حاجة كده ايه الله اكبر
راندا ...ايه ممثل تركي يا رب يكون يزن حازم أكمان بتاع مسلسل فضيلة خانوم يلا يا بت الهبلة نشوفه
جريوا هما الاتنين علي تحت ونور شافت الشاب التركي اللي كان ساند علي عربيته ومعاه بوكيه ورد ولابس نضارة سودة وشكله فعلا زي نجوم السينما لانه كان لابس كاجوال وعضلاته بارزة من التي شيرت وبرقت ..وقالت ...عدنان
عدنان لمحها ومشي ناحيتها وهي هيغمي عليها من المفاجأة
عدنان وقف قدامها بالظبط ومد لها الورد
نور أخدته وفضلت تعيط
عدنان بدهشة...نور بتعيطي ليه
نور .لسة بتعيط...الورد دا عشاني
رندا من وراها...اومال عشاني أنا يا بت المحظوظة مين الواد اللي شبه امير التركي دا يابت
عدنان...ممكن نتكلم شوية
نور ما رديتش
راندا .....ممكن جدا يلا بينا نركب عربيتك
لسه هيمشوا بس نور اخيرا اتكلمت ...عدنان ابيه سيف يعرف انك هتيجي هنا
عدنان باصلها ...بصراحة أنا ما قلتش لسيف بس بعد مانتكلم احتمال أقوله
نور ...خلاص نتكلم هنا في كافتيريا الجامعة.وراندا تيجي معايا
عدنان ...تمام زي ما تحبي ..يلا ع الكافتيريا
قعدوا في الكافتيريا
وعدنان محرج يتكلم عشان راندا ورندا لاحظته
راندا....أنا هاروح اجيب حاجة نشربها
عدنان في سره بتفهمي والله ...وبعدين قال لنور
...نور أنا ..احم ..أنا بحبك يا نور
نور....اتفجئت بس ما رديتش
عدنان ...طب قولي اي حاجة
نور ع الوضع الصامت
عدنان ...طب هسألك وحركي راسك لو موافقة او اعملي اي حاجة طيب
عدنان برومانسية ...موافقة اني اخطبك من سيف
نور هزت راسها بايوا
عدنان فرح جدا واتحمس ....بتحبيني يانور
نور هزت راسها يعني ايوا وعيطت
عدنان ...طب بتعيطي ليه دلوقتي ولا دي دموع الفرحة
نور ...عيطت اكتر وهزت رأسها يعني ايوا
عدنان ..في سره .يادي الليلة السودة البت اتخرست ولا ايه .
&&&&&&&&&&&
في المخابرات
سيف فاتح قميصه وعرقان من كتر الضرب في عمار الجاسوس ومتعصب جدا وعروقه كلها بازة
وفجأة يدخل حازم ومعاه شاب فرفور جداااا
سيف...بينهج ...مين دا
الشاب بمياعة شوية .....هاي أنا ميزو مدرب الايتيكيت للكابتن ملك...هي فين ☺️
سيف...نعممممم 😠.....يتبع
&&&&&&&&&&&&
البارت انتهي اتمني يعجبكم❤
ياتري سيف هيعمل ايه في الواد الفرفور😅😅
البارت الرابع
حمقاء في المخابرات
الجزء التاني من( حمقاء في الموساد)
#ايزيس
سيف فاتح قميصه وعرقان من كتر الضرب في عمار الجاسوس ومتعصب جدا وعروقه كلها بارزة
وفجأة يدخل حازم ومعاه شاب فرفور جداااا
سيف...بينهج ...مين دا
الشاب بمياعة شوية .....هاي أنا ميزو مدرب الايتيكيت للكابتن ملك...هي فين ☺️
سيف...نعممممم 😠.....ومسك ميزو من تي شيرته وشده ناحيته ....انت ايه يا روح امك
ميزو.بنفس المياعة...اوه ماي جاد انت مجنون ..سيف لسة هيمسك ف رقبة ميزو
بس حازم بسرعة فك ايدين سيف بالعافية من تي شيرت ميزو
حازم....سيف اهدي شوية أنا اللي طلبت معتز عشان يدرب ملك عشان يبقي فيها حتة أنوثة شوية عشان المهمة الجديدة
سيف ...بصدمة ..مهمة ايه ملك هتشتغل ايه بالظبط وليه يجي الشئ دا يدربها
حازم ....سيف اكيد هتعرف كل حاجة في الوقت المناسب ..وبعدين قال لميزو
..وانت يا معتز معلش دلوقتي راوح عشان ملك تعبانة وماجاتش انهاردة بس من بكرة تقدر تبدأ شغلك معاها
سيف ...بعصبية ...يبدأ ايه يا باشا أنا لازم افهم المهمة من بدايتها ملك مراتي ولازم اعرف هتشتغل فين
حازم بعصبية اكبر....سيف انا مقدر أن ملك مراتك غير كده انت عارف اني ما بحبش حد يتعصب عليا ..بكرة إن شاء الله لما تيجي ملك هتعرف انت وهي المهمة كلها ..وسابه مع ميزو وخرج
سيف بص لميزو وعمل الحركة دي😠😠
ميزو وهو بيجري قال ...يا مامي ايه الوحش دا ..هو هيتحول لزومبي ولا ايه 😱
&&&&&&&&&
نور وصلت البيت وهي ف عالم تاني وحاضنة الورد وبتبسم غصب عنها
ملك بصتلها باستغراب ...نور ..نور يابت ردي عليا
نور...بنفس الابتسامة ...بتقولي حاجة يا لوكا يا قمر
ملك....قمرررر..ايه اللي جرالك يابت يا نور
نور ....همست..هقولك وماتقوليش لأبيه سيف
ملك....همست ...قولي...في بير
نور....بصوت واطي وفرحة ...عدنان جالي الجامعة و...
وفجأة يدخل سيف ....بص لقاهم بيهمسوا لبعض
...هو فيه ايه بتتوشوشوا ف ايه
ملك ..باندفاع ...والله ماليا ذنب هو اللي راح وو....نور كتمت بوق ملك بايدها
سيف قرب علي ملك بشك....هو مين.. ااه قصدك ع الواد المايع ميزو وبعدين كلمها بتهديد ...عارفة يا ملك لو لقيتك بتهزري معاه أو بتضحكيله هقتلك يا ملك
ملك...مبرقة ومش فاهمة ولا كلمة ..وساكتة
نور.....اه ميزو ميزو يا ملك
ملك بصت لسيف ولنور وسابتهم ودخلت الأوضة
نور...بصت بتوتر لسيف اللي شكله متعصب وجريت ع المطبخ ...أنا هساعد ماما في العشا
سيف ....هو البيت دا كله فيه حاجة غريبة ليه انهاردة
تاني يوم في المخابرات
وصل سيف وملك وكل واحد راح ع مكان شغله
دخلت ملك لقيت ميزو ف مكتبها
ملك...بدهشة ..صباح الخير ..هو انتي بنت قاصة شعرها ...ولا شاب متحول ولا هويتك ايه بالظبط
ميزو...هاي أنا ميزو مدرب الايتيكيت ليكي يا كابتن ملك
ملك ..ضحكت عشان فهمت سيف ...يا صلاااة العيد مدرب ايه (ايتيكيت).ومين قالك اني مش بفهم في الايتيكيت داحنا اللي اخترعنا الايتيكيت يا سوسو
ميزو بعصبية بس كيوتا....اسمي ميزو علي فكرة
ملك....أنا شيفاك سوسو يالا واظبط نفسك بدال ما اظبطك
ميزو...بصوت ناعم....اوه ماي جاد انتي ازاي كده لازم تكوني كيوت وهادية ف كلامك وتتكلمي بالراحة جدا
اول سؤال ..لو عايزة خدمة من اي شاب وانتي ماتعرفهوش هتقوليله ايه
ملك.... ودي عايزة اتيكيت دي هاقوله والنبي يا خويا شالله تنستر عايزة منك خدمة ..ساهلة اهي
ميزو بصدمة....انتي بتقولي ايه نو واي تقولي كده طبعا
.قولي ايكس كيوز مي او..باغدون وبعدين تقولي الخدمة
ملك ....نعم باغدوو ..أنا كابتن ملك اقول باغدون انت اهبل يااااض
ميزو ....اووووف طب لو عايزة تشكريه ع الخدمة هتقولي
ملك ضحكت فهمتك أنا يا سوسو ...هقوله مرسيي ايه رأيك
ميزو ...اسمها مغسيي علي فكرة
ملك ..انت الدغ يااض ايه اللي باغدون مغسيي ..والله اهبل بجد
&&&&&&&&&&
ف مكتب سيف
قاعد عمال يغلي ومضايق عشان عارف ان ملك مع ميزو ..خلاص مش قادر يستنا قرر انه يروح هناك ويقعد معاهم
لسة هيخرج لقي عدنان جي عنده
عدنان بابتسامة ...صباح الفل يا وحش المخابرات
سيف ...بضيق ....صباح الخير مالك أنت كمان أكيد ف حاجة ورا الاحترام دا
عدنان ...احم حاجة ايه يا معلم هو ما ينفعش الواحد يصبح علي صاحبه الا وفيه مصلحة ولا ايه
سيف ...ارغي يا حسام عشان أنا فيا اللي مكفيني مش هتبقا أنت وميزو عليا
عدنان بدهشة ...ميزو مين
سيف ...دا حوار كده هابقي اقولك عليه بس انت عايز ايه
عدنان ...تعالي نقعد
قعدوا
عدنان ....سيف أنا كنت ...يعني كنت جي اتقدم لنور اختك
سيف.....نور بس نور مش بتفكر في الارتباط دلوقتي يا حسام أنا اسف
عدنان....مين قالك انها مش بتفكر ..وبعدين احنا مش هنتجوز الا بعد ما تخلص دراستها ..يبقي ليه الاعتراض
سيف....هي مش هتوافق أنا عارف
عدنان اتعصب واتجنن...لا هي موافقة
سيف ...وعرفت منين انت كلمتها
عدنان ...رحتلها الجامعة وسألتها ووافقت
سيف فقد كل ذرة سيطرة علي أعصابه .وقام ضرب عدنان بالبوكس تلات مرات وهو بيقول...بتخون صاحبك يا حسام بتكلم اختي من ورايا
وعدنان كمان بدأ يبادله الضرب ودا العادي بتاعهم لما يتخانقوا بفضلوا يضربوا ف بعض لغاية ما يتعبوا هما الاتنين (ظباط مخابرات وعضلات بقا🤣)
عند ملك وميزو
ملك...انت مجنون عايزني اكل الرز بالشوكة انت مش طبيعي علي فكرة مافيش حد يقدر ياكل الرز بالشوكة ياااض
ميزو....ملك لازم تكوني متفاهمة معايا اكتر من كده يا بيبي
ملك ..بيبي مين ياااض وفجأة سمعوا ضرب جامد وصوت عالي خرجوا يجروا هما الاتنين وصلوا مكتب سيف ولقوا سيف وعدنان طحنوا بعض
ملك بخوف الحقهم يا ميزو هيموتوا بعض
ميزو ...ببرود ...نو واي اني أتدخل وابوظ برستيجي .مش انتي كابتن الحقي انكذيهم
عدنان وهو بيضرب ف سيف وبينهج ..مين دي
سيف بسخرية وهو بينهج برضو...دي ميزو
ولسة بيضربوا ف بعض قامت ملك داخلة بينهم وصرخت ....باااااس كفاية
سيف زقها من غير ما يقصد وقامت واقعة ع الأرض وهما لسة بيضربوا ف بعض ملك صرخت ...ااااااه البيبي ..سيف وعدنان سمعوا الكلمة دي وجريوا عليها هما الاتنين
سيف ...بقلق ...انتي كويسة وبيبي ايه اللي بتقولي عليه انتي حامل
ملك....هعهعهعهع قدرت اضحك عليكو واخليكوا تسيبوا بعض
ميزو بنفس مياعته اللي اتعودنا عليها..ملك نو واي تدحكي كده دي دحكة بلدي اوي
عدنان وسيف باصوا لبعض وطلعوا يجروا وراه وميزو يجري ..يا ماااامي يا مستر حازممم شيل عني الوحوش دول
حازم دخل بهيبته المعتادة وجموده وقال ...ملك وسيف وحسام تعالوا ورايا علي اوضة الاجتماعات ..
في اوضة الاجتماعات
حازم ...طبعا كلكم بتسألوا عن المهمة الجديدة ..حازم شغل الداتا شو وبدأ يعرض صور
....طبعا اكيد كلكوا عارفين مين دا
ملك...باندفاع ...الله دا اياد الشوال أنا بعشقه
سيف بغضب ...نعم يا روح امك بت... ايه
ملك...بخوف ..بعشق تمثيله و..وافلامه والله
عدنان...اششش ماله دا يا فندم
حازم ...اياد الشوال بدأ حياته زي اي ممثل عادي من أسرة فقيرة ..خطواته في عالم الفن كانت تدريجية يعني اتشهر واحدة واحدة ..بس فجأة يبقي معاه مليارات وطيارت خاصة وحياة مرفهة جدا بدأنا نشك في مصدر ثروته يا تري مخدرات ولا اثار وتجارة أعضاء ..وأثناء بحثنا اكتشفنا أنه ليه علاقات ومعارف كتير في اسرا...ئيل وبيسافر بصفة مستمرة برا البلد ..فاحنا دلوقتي عايزين نمسك اي دليل يثبت أنه جاسوس أو خاين ..
سيف ..وايه علاقة ملك بالموضوع دا
حازم...اياد متجوز ومراته ماتت من حوالي سنة في ظروف غامضة سافروا رحلة بطيارته الخاصة ولما رجع نزل نعي في الجرايد والمجلات أنها ماتت ..وعنده ابن منها عمره اربع سنين اسمه بدر وبدر دا هو اغلي حاجة ف حياة اياد بياخده معاه مواقع التصوير وبيسافر معاه كل مكان..الأسبوع اللي فات اياد نزل اعلان أنه عايز مربية متفرغة عشان تعيش معاه هو وابنه وبشرط ما تكونش أجنبية ..وهنا بقا لعبتنا هتبدأ
سيف ...بعصبية .. يعني ايه ...ملك تعيش معاه ف بيت واحد ..وبعدين دا ممثل سمعته في الأرض وكله بيتلكم عنه أنه بتاع ستات
حازم...سيف اهدي اديك قلت بتاع ستات يعني الستات اللي حواليه كفاية اوي يخلوه ما يفكرش ف ملك ..وبعدين اللي يعرف ملك مش هيعتبرها ست يعني
ملك ...نعم يادلعادي مش ست ازاي ..وبعدين بصت لسيف وهي عاملة كده🥺سيفو أنا مش ست
سيف قرب منها وهمس ف ودنها...اجمد ست وربنا بس ماحدش يعرف كده غيري
ملك...حبيبي يا سيفو
حازم...بتقولها ايه
ملك....بنكح كمل يا للي مش شايفني ست دانا ست الستات
حازم ...انتي اتسرعتي في الحكم ..أنا كنت هاقول انه اللي يعرف ويشوف طيبتك وبرأتك هيفكر فيكي علي انك طفلة بريئة مش اكتر يا ست ملك ..أنا مش عارف سيف شايفك ازاي بس انا شايفك كده
...المهم دورك انك تبقي مربية بدر وتعلقيه بيكي علي اد ما تقدري ..ومن الناحية التانية تراقبي كل تصرفات اياد .وانتي ليكي كاريزما وحضور يخلي اي حد يحبك..ها فهمتي
ملك ...فهمت طبعا
سيف كان مضايق جدا من المهمة دي بس ما باليد حيلة اخد ملك ورواحوا ع البيت وهو مضايق من كل حاجة عدنان وميزو وملك وحازم وكمان نور اللي عرف انها بتحب صاحبه
في الشقة وصل سيف وملك .كانت أمينة ونور بيشاهدوا التي ڤي
سيف...بص لنور بغضب ...نور عدنان اتقدملك
نور بصت وابتسمت ودا خلي سيف يضايق اكتر ...
سيف ...وانا رفضته....
نور.............يتبع
&&&&&&&&&&&&
البارت انتهي اتمني يعجبكم❤
يلا بقا تفاعل جامد شجعوني اني اكتب تاني💪
#ايه رأيكم في غلاف الجزء التاني عجبكم ولا القديم احلي ساعدوني🥺
البارت الخامس
حمقاء في المخابرات
الجزء التاني من( حمقاء في الموساد)
#ايزيس
في الشقة وصل سيف وملك .كانت أمينة ونور بيشاهدوا التي ڤي
سيف...بص لنور بغضب ...نور عدنان اتقدملك
نور بصت وابتسمت ودا خلي سيف يضايق اكتر ...
سيف ...وانا رفضته....
نور...بصت لسيف بحزن ...اللي تشوفه يا ابيه..وجريت دخلت أوضتها وهي بتعيط ..وملك راحت وراها
سيف مسح وشه بإيده وقعد جمب مامته اللي كانت رغم أنها ساكتة بس مضايقة
سيف ...ماما هو أنا اللي عملته دا صح
أمينة....لا يا سيف انت عمرك ما كنت قاسي علي نور ابدا ..وبعدين هو عدنان دا مش صاحبك اللي انت بتحبه وبتقول عليه راجل بمعني الكلمة
سيف ...عدنان فعلا راجل يعتمد عليه وانا بثق فيه بس حياته صعبة ومش مستقرة شوية هنا وشوية في اسرا...ئيل تفتكري نور هتستحمل العيشة دي ..وبعدين عدنان كلم نور من ورايا كان المفروض يستأذن مني
أمينة ...ليه هو ما قالكش ..هو استأذن مني قبل ما يروح لنور الجامعة وقالي أنه مش عايز يحرجك ربما ماتكونش نور موافقة فأنت تجبرها تتجوزه لانه صاحبك
سيف ...عدنان عمل كده ..سيف اتنهد بارتياح ..أنا قلت برضو عدنان ما يعملش حركة زي دي ...طب اعمل ايه يا امي نور شكلها عايزاه
أمينة ...وافق يا بني وربنا يقدم اللي فيه الخير ..روح لأختك يا سيف هي مش بتعتبرك اخوها بس انت كمان ابوها يا حبيبي ..
سيف ...حااضر يا ماما
سيف راح لنور ولقي الباب مفتوح ولسة هيدخل بس سمع مفاجأة
نور قاعدة بتعيط ع السر..ير وملك عاملة فيها البطل اللي هينقذ قصة حب نور وعدنان من الضياع
سيف سمع ملك وهي بتقول
ملك....قولتلك خلاص بطلي عياط ههربك صدقيني ههربك واجوزكم أنا وماما امينة
نور بصت بصدمة لسيف وقالت لملك...ابيه سيف.
ملك...فكك من ابيه سيف مش هيعرف يعمل معايا حاجة أنا اصلا احم بنظرة واحدة مني باثبته يا بنتي
نور..شاورت براسها علي سيف عشان تلفت انتباه البعيدة ملك وقالت ..ابيه سيف
ملك...يووووه ابيه سيف ابيه سيف ..يخبط بقا دماغه في الحيط ماهو عنيد
...وفجأة حد يمسك ملك من شعرها ...الله الله بتحرضي اختي أنها تهرب وتتجوز من ورايا دانا هخلي ليلتك زي لون شعرك الحلو دا
ملك شهقت بصدمة ...الحقني يا سيف اختك كات عايزة تهرب ..وانا اقولها ابدا سيف يزعل تقولي لا يخبط دماغه في الحيط
نور ...ابدا والله ما حصل يا ابيه دي هي
ملك...كده يا نور بتتبلي عليا
سيف...بسسس ولا كلمة ..انتي اركني هنا ع جمب لغاية ما اخلص الحوار دا وافضالك
سيف بص لنور وقال
نور انتي عايزة عدنان
نور .وشها في الارض..اللي تشوفه يا ابيه
سيف ...خلاص يا نور أنا وافقت علي عدنان بس يا رب تستحملي اسلوب حياته وماتبقيش تعيطي كل شوية
نور بخجل ...ماهو أنا لو عيطت عدنان اكيد هيمسحلي دموعي
سيف ...ابتسم ..واللهي ..طب يا ستي وانا موافق أنه عدنان يمسحلك دموعك بعد ما كنت أنا اللي بمسحها
نور جريت عليه وحضنته ...بحبك يا اجمل اخ في الدنيا
سيف...بدعابة ...متهيألي كنت من شويه اوحش اخ في الدنيا صح
نور ...أنا ما اقدرش اقول عليك كده ابدا انت حبيبي ..
ملك انتهزت فرصة جو العشق الأخوي دا واتسحبت ولسة هتخرج
سيف....استني عندك
ملك ..بصدمة...سلام قول من رب رحيم ..نعم يا سيفو
سيف...قرب عليها ...اظن ان رجلك خفت خلاص قدامي علي شقتنا
ملك...ليه عشان تضربني وماحدش يحوش عني صح
سيف بصوت مرعب ...يلا علي شقتنا قدامي
ملك جريت بسرعة الصاروخ وف ثانية كانت في الشقة
سيف طلع وراها وقفل باب الشقة بقوة وملك مرعوبة منه ومن نظراته بدأ يقرب منها وهو بيطوي أكمام قميصه وبيقرب منها ببطء بطريقة مرعبة واللي يشوفه يقول هيقتلها ..ملك بترجع لورا لغاية ما خبطت في حيطة ابتلعت ريقها بصعوبة وهو قرب منها ورفع أيده ناحية وشها وهي غمضت عينيها وفجأة مسكها من شعرها قربها منه جامد وباسها (صاصبينس عالي اكيد اتخيلتوه هيقتلها😂)
ملك اتفجئت وبرقت عينيها كده😳😳
&&&&&&&&&&&&
بعد فترة سيف كلم عدنان وبلغه بموافقته وعدنان قال لسيف أنه هيكتب بكرة علي نور عشان راجع بعد يومين اسرا ..ئيل وكان هيطير م الفرحة لدرجة أنه مانمش طول الليل وهو بيفكر أنه كلها ليلة و البت اللي خطفت قلبه هتبقى على اسمه ..
تاني يوم
استعدت نور لكتب كتابها وكلمت ملك في شغلها عشان تساعدها ينقوا فستان مناسب لنور وملك مالقيتش مفر غير أنها تاخد ميزو معاها ويتدربوا عملي ع الايتيكيت 😂..طبعا المشوار كله كان نقار مابين ميزو وملك علي أسلوبها في الكلام..واخيرا اشتروا الفستان ورواحوا عشان يجهزوا
في الليل
عدنان جاب عيلته والده ووالدته وأخوه ومرات اخوه وابنهم
وتم كتب كتاب عدنان علي نور في جو أسري بحت والكل بارك لهم
والدة عدنان( نوال)..تؤبريني ما احلاكي يا حبيبة ألبي
نور...بخجل ..مرسي يا ماما
ملك....ااااه أنا عرفت ليه ياض يا عدنينو انت كنت بتتكلم لبناني بس مامتك ايه مززززة عشان كده انت حلو
سيف ...مين دا اللي حلو يا هانم
ملك ...بصتله وهمست...مافيش أحلي منك يا روح ملك انت ..أنا بس برفع من روحه المعنوية
عدنان ....همس لهم وضحك ...بطلي كدب لاني زي القمر
سيف ...أمر باستر يا حبيبي
عدنان ...سيف بعد إذنك هاخد مراتي ونخرج شوية
سيف ..لا
عدنان ...دي مراتي علي فكرة ولا الباشا ناسي .يعني ممكن أخدها معايا وانا مراوح عادي هتوافق ولا أخدها معايا
سيف ...هي نص ساعة تخرجوا وترجعوا فيها
عدنان ...ماشي يا عم وقال في سره ..نص ساعة اللي يلتزم بقا
عدنان اخد ونور وكبوا مركب في النيل هو متأجرها ونور ساكتة ومكسوفة وباصة للأرض
عدنان قعد جمبها وحاوطها بإيديه وهي بعدت عنه وكانت مكسوفة جدا
عدنان ...نور حبيبتي انتي خايفة ليه
نور...خايفة ابيه سيف يزعل ارجوك شيل ايدك يا عدنان
عدنان ضحك...اولا أنا جوزك يعني سيف مش هيزعل لو حضنتك ..وبعدين هبعد عنك بشرط اسمع منك الكلمة اللي من يوم ما شوفتك وانا نفسي اسمعها
نور بخجل ..كلمة ايه
عدنان ...بحبك يا نور
نور وشها جاب الوان ..وباصة في الأرض وقالت ...وانا كمان بحبك يا عدنان ..عدنان حس قلبه هيطير من الفرحة ورفع وشها بهدوء وباسها
نور انصدمت وبعدت عنه ...انت ازاي تعمل كده اقول ايه لأبيه سيف
عدنان ....وليه تقولي ل سيف والله انتي مراتي ومن حقي ابوسك افهمي بقا (ماتفهمي يا بعيدة 😂)
&&&&&&&&&
مرت الايام سريعا ملك كل يوم تدريب وسيف منهك في شغله وبرضو كل يوم يفضل مع ميزو وملك لغاية ما يخلصوا تدريب وعدنان سافر اسرا...ئيل ونور مشغولة في الامتحانات ..واخيرا اخر يوم تدريب لملك
ميزو...بحزن ...اووه ملك انا بجد هافتكدك جدا أنا خلاس اتعودت عليكي بجد بليزز كيب إن تاتش (keep in touch)
ملك ...ما علمتهانيش الكلمة دي يا ميزو🥺
ميزو...يعني خلينا علي اتصال يا لوكا بجد هتوحشيني اخر حاجة...ولسة هيحنضها لقي سيف واقف ع الباب ومربع أيديه وباصصله بشر
ميزو...خلاس السلام من بعيد بقا عشان كورونا
ملك...هتوحشني يا ميزو والله
سيف ...وحش أما يلهفك تعالي هنا
ملك ..والدموع ف عينيها...بس بقا يا سيف لحسن أنا اتعودت بجد علي ميزو
سيف مسك ملك من ودنها ..انتي ايه بترشي سحر للناس كل اللي يشوفك يتعلق بيكي كده أنا مش هخرجك من البيت بعد كده
ملك...اي اي ودني من ربنا والله يا سيفو حب الناس من ربنا ماليش فيه
سيف ...قدامي ع المكتب عشان تاخدي اوراقك المهمة معاكي
وفعلا ملك اخدت أوراقها وودعت سيف وانطلقت علي فيلا اياد الشوال
ملك دخلت الفيلا وتاهت في جمال وروعة الفيلا كأنها فيلا أسطورية زي الحواديت
فضلت تبص يمين وشمال وتايهة فجأة خبطت في واحد
اياد ...انتي مين
ملك بعدت عنه ...أنا آسفة بس المكان يجنن ..ايدا أستاذ اياد ..الله انت اجمل من الصور ..وبعدين افتكرت أنه ممكن يكون خاين ..وقالت يا خسارة الحلو ما يكملش
اياد...ابتسم ..ليه بتقولي كده وانتي مين
ملك...انا ملك محمود السقا المربية الجديدة اللي بعتتها الشركة لابن حضرتك
اياد...اوك انتي مرتبطة
ملك..لا مش مرتبطة أنا احم آنسة
اياد ...تمام جدا عشان تكوني متفرغة لبدر
وبعدين قال...ندا يا ندا
ندا الخادمة...تحت امرك يا مستر اياد
خدي ملك وريها اوضتها واوضة بدر
طلعت ملك مع الخدامة وشافت بدر طفل جميل جدا وهادي فضلت تلعب معاه لغاية مانام وبعدين جي الليل ملك نزلت تتسحب عشان تستكشف البيت لأنها حست أنه مافيش صوت في الفيلا والمكان هادي ..دخلت اوضة خاصة بإياد وبتدور ع مفتاح الإضاءة وفجأة تحط أيدها تلمس مكتبة السي ديهات(CD)للافلام المفضلة بتاعة اياد وتقع السي ديهات كلها طاااااخ علي راس ملك
إياد ...شغل الإضاءة .مين هنا
ملك....يا ليلة سودة🙆....يتبع
&&&&&&&&&&&&
البارت انتهي اتمني يعجبكم ❤️
بارت طويل اهو استاهل منكم تشجيع بقا يلا عااش💪
فين بقا ٥٠٠٠ كومنت اللي اتعودنا عليهم 😅
تكملة الروايه من هنا
 البارت الاول (حمقاء في المخابرات) #ايزيس في شقة سيف وملك سيف قاعد وملامح الغضب علي وشه وبيبص لملك كأنه…){kind=link}
تعليقات
إرسال تعليق