 |
البارت السادس
حمقاء في المخابرات
#ايزيس
في فيلا إياد
..ملك دخلت اوضة خاصة بإياد وبتدور ع مفتاح الإضاءة وفجأة تحط أيدها تلمس مكتبة السي ديهات(CD)للافلام المفضلة بتاعة اياد وتقع السي ديهات كلها طاااااخ علي راس ملك
إياد ...شغل الإضاءة .مين هنا
ملك....يا ليلة سودة🙆
إياد بغضب ....انتي ايه اللي هببتيه دا
ملك ....اهدي يا فنان واللي انكسر يتصلح
إياد بنفس الغضب ...انتي مجنونة انتي عارفة السي ديهات دي كانت مترتبة ازاي ..وبعدين انتي ايه اللي دخلك مكتبي في الوقت دا مش المفروض تكوني نايمة دلوقتي
ملك...بتوتر ...ا ا اصلي كنت جعانة وتهت ف الفيلا الكبيرة دي وانا بدور ع المطبخ
إياد اتنهد وبيحاول يتحكم في غضبه مد لها أيده
...هاتي ايدك
ملك..بقلق...ليه
إياد ...هساعدك تطلعي من كومة السي ديهات دي
ملك مدت له إيدها وساعدها واخدها ع المطبخ
إياد ...المطبخ اهو يلا كلي حاجة بسرعة عشان نرتب اللي هببتيه برا
ملك....ايه هنرتب كل دا . يعني مش هنام انهاردة ولا ايه
إياد .بضيق...من أتلف شيئا فعليه إصلاحه ..وكفاية اوي اني هساعدك
&&&&&&&&&&&
عند سيف
الساعة ١١بالليل
والدة سيف دخلت أوضته ومعاها اكل ليه
أمينة ....سيف جبت لك العشا...وفجأة انصدمت ..يا مصيبتي انت بتدخن يا سيف دا انت عمرك ماعملتها
سيف ....بحزن ...ماما أنا مش جعان ممكن تسبيني وتخرجي
أمينة اقتربت من ابنها ...مالك يا حبيبي..انت مضايق عشان ملك راحت تزور قرايبها في اسكندرية ماتزعلش كلها كام يوم وترجعلك بالسلامة
سيف اتنهد بحزن ...يارب يا ماما ربنا يحفظها وترجع لي بالسلامة
أمينة ...ليه بتدخن يا سيف انت عمرك ما فكرت تعمل كده ..طول عمرك بتحافظ ع صحتك وبتلعب رياضة
سيف...مخنوق ومضايق يا ماما لقيت نفسي بعمل كده يمكن ارتاح
أمينة ..عندك مشكلة ف الشغل يا ابني
سيف ...حاجة زي كده يا ماما
أمينة ....قوم يا سيف اتوضا و صلي ركعتين لربنا وهتحس بعدها براحة دا ربنا كبير اوي يا ابني وقادر يزيل همك بدال التدخين دا اللي هيضرك ومش هيحل مشكلتك
سيف.... طفي السيجارة ...حاضر يا امي..
&&&&&&&&&&&
عند إياد
ملك خلصت اكل وراحت مع إياد يرتبوا السي ديهات
إياد ...هنرتب حسب تاريخ الاصدار من الأقدم للاحدث
ملك...وليه الغلب دا يا فنان ماحنا نرصهم حسب ألوانهم الحمر مع بعض والخضر مع بعض ايه رأيك يا برنس
إياد ضحك ...برنس.. انتي ايه يا بنتي سرسجية اوعي تعلمي بدر الفاظك دي..أنا مستغرب ل كم الشهادات اللي ف السي ڤي (CV)بتاعك اخدتيهم ازاي دول ولا بالرشوة
ملك....لا يا فنان أنا هاثبتلك اني قد المهمة
إياد ...(مهمة )مهمة ايه ليه هو انتي ظابط
ملك ...بارتباك ...ا ايه ظا ظابط ايه بس دانا بخاف من الظباط مووت
إياد ....بضحك ..ومالك ارتبكتي ليه أنا بهزر
وأثناء ما بيرتبوا ملك نامت علي السي ديهات
إياد ...تعرفي السي ديهات دي من سنة كا...بص لقاها نايمة
ابتسم بتعجب ...ايه الطفلة دي ف حد ينام كده البنت دي غريبة اوي ..وشالها وحطها ع
الكنبة في مكتبه وفضل يرتب ف مكتبته لغاية الصبح وبعدين طلع ينام
ملك صحيت من صوت خبط جمبها .وحد بيروق المكتب...سيف بطل خبط ع الصبح ...فتحت عينيها ..ايه دا انا فين
ندا بتكشيرة وغل ...سيف هه دانتي ليكي جمهور كبير بقا ..ولحقتي كمان تعلقي مستر إياد ايه الجبروت دا
ملك مش فاهمة اي حاجة...فين بدر
ندا ...فوق بيلعب
ملك طلعت لبدر لقته في أوضته بيلعب لوحده وساكت
ملك قربت ...بيدو صباح الخير يا قمر ممكن العب معاك
بدر...لا أنا بالعب لوحدي ماحدش بيلعب معايا
ملك حضنته ..يا حبيبي انا هالعب معاك زي مانت عايز يلا ننزل نلعب في الجنينة تحت
بدر ....بابي مش هيرضي
ملك...تعالي وسبيها عليا أنا
&&&&&&&&&&&
في اسرا...ئيل
عدنان خارج من مكتبه وبنت عندها ١٥ سنة جاية تجري بسرعة قامت خابطة فيه
....هل انت أعمي ..بصت ..واااو يا لك من وسيم
عدنان ...ايتها الطفلة لما انتي هنا هذه ليست مدرسة
.....أنا إليان ابنة الرئيس ومن انت
عدنان...أنا الضابط آران وسابها ومشي
&&&&&&&&&&&&
في المخابرات
سيف راح لحازم والغضب مسيطر عليه
سيف...اسمع يا باشا أنا مش هاستحمل فكرة أن مراتي تكون عايشة في بيت راجل غريب أنا مانمتش انهاردة طول الليل من التفكير
حازم ...بجمود ...لازم تفصل بين حياتك الشخصية وشغلك يا سيف ..وبعدين انا اتأجرت لك شقة في برج قريبة جدا من فيلا إياد الشوال هتقدر منها تراقب معظم الفيلا
وبلغت ملك لو حست بأي خطر تكلمك وانت خلال دقايق هتكون عندها ..يعني انت من انهاردة عضو رسمي في المهمة دي ومهمتك حماية ملك
سيف اتنهد بارتياح ...تمام يا فندم..اديني مفتاح الشقة والعنوان هاروح دلوقتي
حازم ....تمام بس خليك حذر ..وخد معاك كاميرة المراقبة دي حديثة جدا علي فكرة
سيف ...بفرحة....تمام يا فندم
&&&&&&&&&&&
عند ملك
ملك بتلعب مع بدر وبتجري وراه إياد وصل وكان بيراقبهم من بعيد كأنهم اتنين اطفال بيلعبوا وبدر بيضحك من كل قلبه
إياد قرب عندها ..ملك انهاردة في حفلة هنا بالليل اطلعي اوضتك هتلاقي فستان وحجاب البسيهم في الحفلة ..وخدي بدر معاكي عشان يلبس هو كمان
ملك ...حاضر ..يلا يا بيدو
بدر ...يلا يا لوكا
إياد استغرب لانه بدر مش بسهولة بيتعود علي حد
في الحفلة ملك لبست الفستان وكانت جميلة جدا بس مش عارفة تمشي بالكعب العالي وكل شوية تكون علي وشك أنها تقع
وفجأة وهي خارجة للحفلة لأنها كانت في الحديقة وقعت عند باب الفيلا
ملك...بإصرار...قومي يا ملك ماحدش خد باله حافظي علي برستيجك
وفجأة
بضحكة....هاتي ايدك
ملك رفعت راسها بخجل ...ا ا أستاذ إياد أنا
احم مش بعرف امشي بالكعب العالي
إياد ...مسك أيدها قومها ...وماقولتيش ليه
ملك ...اممم انكسفت وقالت في سرها (ميزو لو عرف اني كسفته بعد أسبوع تدريب ع الكعب العالي هينتحر اكيد هيقطع شراينه)
إياد ..بتفكري ف ايه
ملك..ها لا ولا حاجة يلا ع الحفلة
إياد ...تحبي امسك ايدك اسندك لاتقعي
ملك...شالت أيدها من أيده .لا أنا هاخد بدر ونقعد في حتة هادية ..
كل دا طبعا سيف كان مراقبه وهيتجنن لما إياد مسك ايد ملك وهي سمحتله أنه يمسك ايدها ...
سيف في الشقة
كور ايده وخبطها اكتر من مرة في الحيطة وجز علي أسنانه وقال ..ملك ..ملك. وبعدين صرخ ملاااااااك ..
في الحفلة
إياد اخد اتنين شكلهم غريب ودخل الفيلا وملك دخلت بعده بشوية بس الغريبة ما عرفتش راحوا فين دورت كتير بس ما لقيتش حد كأنهم اختفوا ..
فجأة موبايلها رن رقم غريب
ملك ..الو
....عارفة لو مسك ايدك تاني هاقتله واقطع ايدك ..
ملك لفت حواليها وقالت ...سيف ...انت فين
سيف ...أنا مراقبك وشايفك ف كل حتة تكوني فيها ..وقفل
ملك...الحمد لله سيف معايا أنا كده اطمنت ..استنيت لغاية ما إياد ظهر هو والاتنين اللي معاه وصورتهم من غير ما يشوفوها
خلصت الحفلة والكل مشي وسيف لسة بيراقب مش جايله نوم لغاية ما غلبه النوم ونام وهو قاعد ماسك كاميرة المراقبة
في الصبح
إياد صحي قاربة الضهر
بص من البلكونة شاف ملك بتلعب مع بدر وفيه ورق ابيض والوان وشكلهم كانوا بيرسموا فرح جدا لانه بدر بيتجاوب مع ملك وانسجام معاها بسرعة
ملك بتجري ورا بدر وفجأة وقعت واغمي عليها
إياد جري بسرعة شالها ودخلها الفيلا وطلب دكتور صاحبه جي كشف عليها
ملك بعد شوية بدأت تفوق فتحت عينيها لقيت إياد مربع أيديه وباصصلها بشك والف سؤال علي وشه
ملك ...هو ايه اللي حصل
إياد ...انتي مش قلتي انك آنسة
ملك بتوتر ..ا ا اه آنسة
إياد ...انتي حامل يا آنسة ......
ملك ................يتبع
&&&&&&&&&&&&
البارت انتهي يا رب يعجبكم ❤️
#انا بكتب بارت جديد دلوقتي لو دا وصل ٥٠٠٠ك هنزله حالا😊
البارت السابع
حمقاء في المخابرات
#ايزيس
ملك بعد شوية بدأت تفوق فتحت عينيها لقيت إياد مربع أيديه وباصصلها بشك والف سؤال علي وشه
ملك ...هو ايه اللي حصل
إياد ...انتي مش قلتي انك آنسة
ملك بتوتر ..ا ا اه آنسة
إياد ...انتي حامل يا آنسة
ملك ....بتوتر...ايه حا حامل
إياد ...اممم..ياتري البيبي ابن مين
ملك.....باندفاع ...دا ابن سيف طبعا
إياد بدهشة ...سيف مين
ملك ...أنا قولت سيف وقالت في نفسها...اعمل ايه فكري يا ملك هتروحي ف داهية يخرب بيتك ..
إياد....ما تردي مين سيف
ملك ....ف في الحقيقة سيف دا الشاب اللي كنت بحبه ووعدني بالجواز وهرب وسافر
إياد بشفقة....الندل ...طب وانتي هتعملي ايه دلوقتي ..اكيد هتنزلي البيبي
ملك...باندفاع ...لا مستحيل ...ا قصدي حرام مش كده
إياد.....امم اكيد ..بس هيبقي صعب عليكي تربي ابنك من غير اب في مجتمع شرقي ..عمتا لو احتجتي اي مساعدة أنا موجود هسيبك ترتاحي بس بدر قلقان عليكي اوي هيدخل يطمن عليكي
خرج اياد ودخل بدر جري حضن ملك
بدر ...لوكا انتي كويسة أنا كنت خايف تكوني موتي زي مامي
ملك حضنته ...يا حبيبي ..وبعدين شاورت علي بطنها بص بقا هنا جوه في بيبي
بدر .... بدهشة ...ليه انتي اكلتيه
ملك...ضحكت ...لا ما اكلتهوش أنا بحافظ عليه عشان يكبر ويبقا بيبي حلو زيك كده يا قمر...ملك بتفكر...كان نفسي سيف يكون اول واحد يعرف الخبر دا
&&&&&&&&&&&
في اسرا...ئيل
عدنان قاعد ف شقته بيكلم نور وفجأة جرس الشقة ضرب
عدنان وهو رايح يفتح ولسة بيكلم نور
عدنان ...لا ازاي دانتي واحشتيني اوي وانا ف اقرب وقت هانزل مصر..خليك معايا لحظة...فتح الباب واتفاجئ
.....إليان ما الذي اتي بكي الي هنا
إليان....جئت لامكث معك في منزلك بعض الوقت آران
عدنان...احم ولكني سأذهب الي عملي الان ..وبعدين قفل الموبايل ف وش نور
وقال لنفسه (البت المفعوصة الهبلة دي اكيد هتفيدني في يوم من الايام)
عدنان ...تفضلي ايتها الطفلة
إليان....أنا لست طفلة ..كما أنني معجبة لك كثيرا
عدنان ...ضحك بسخرية ....معجبة هل انتي جادة مازلتي طفلة ..
إليان...اقتربت من عدنان ...قلت لك لست طفلة ..وانا احبك
عدنان..بتوتر ...هل تريدين بعض العصير
إليان ....لا اريد خمرا
عدنان...هل جننتي مازلتي طفلة وبعدين فكر بخبث (احسن برضو)..وراح يجيب لها كاس تشربه
&&&&&&&&&&
عند نور
بمجرد ما سمعت صوت بنت عند عدنان وانهارت وفضلت تعيط ...
نور ...عدنان الخاين بيعرف بنات أنا هاوريه لازم يطلقني وظلت تبكي
&&&&&&&&&
عند عدنان
حط منوم ل إليان ف الكاس عشان تنام وكان في سبب ورا اللي عمله
إليان شربت الكاس ونامت علي طول وهو مسك موبايله وكلم الرئيس وبلغه أنه مش هيحضر الاجتماع المهم عشان بنته عنده
وبعدها قفل ومسك موبايله وبقا بيشاهد كل الاجتماع من خلال تطبيق خاص بكاميرات غرفة اجتماعات الرئيس عشان يعرف خطتهم لمصر ايه..
خلص الاجتماع وعدنان عرف كل حاجة
إليان بدأت تفوق
إليان مسكت دماغها ...ماذا حدث اين أنا
عدنان ضحك بسخرية...الم تقولي انكي لست طفلة ف لماذا إذاً غفوتي من كأس واحدة يا لكي من مسكينة
إليان ...انا حقا لا اتذكر ما حدث
&&&&&&&&&&&&
عند ملك
مسكت فونها وكلمت سيف
ملك ...سيفو حبيبي عندي مفاجأة لازم اشوفك
سيف ....خيرررر
ملك....مش هينفع ع الموبايل عايزة أخرج ونتقابل أنت مش بتقول انك قريب مني
سيف....بصي اخرجي استنيني ع ناصية الشارع وهاجيلك بسرعة تمام
ملك قفلت مع سيف وراحت لإياد
ملك ....بتمثل الحزن...أستاذ إياد كنت عايزة أخرج اشوف واحدة صاحبتي لاني مضايقة وكنت حابة افضفض معاها شوية
إياد ...اوك تحبي ابعت معاكي السواق
ملك...لا لا هي معاها عربية هتيجي تاخدني
إياد ..اوك
ملك خرجت وسيف أخدها علي الشقة اللي متأجرها
ملك..مسكت الكاميرا...اممم اتاريك كنت بتقول مراقبك
سيف...قرب منها تفتكري أنا أقدر اسيبك بعيدة عني واكون مرتاح
ملك حاوطت رقبته بايديها ...سيفو هنبقي خمسة
سيف...نعم مش فاهم
ملك مسكت ايد سيف وحطتها علي بطنها وقالت بكسوف وفرحة...أنا حامل
سيف ..بفرحة وصدمة وحيرة في نفس الوقت ...ايه حامل بجد وحضنها وبعدين بعد عنها بس خمسة ليه مش فاهم ..
ملك ..أنا وأنت والبيبي وماما امينة ونور
سيف ضحك...انتي مجنونة ع فكرة ..وبعدين سرح شوية...ملك انتي لازم تعتذري عن المهمة دي مش هينفع تكملي وانتي حامل انتي لازم تحافظي نفسك وعلي ابننا
ملك ....ماتقلقش عليا يا سيفو أنا هعرف أحافظ علي ابننا ..وبعدين حازم باشا مش هيوافق ابدا وممكن يزعل ..
سيف بغضب....ملك انتي عنيدة اوي أنا بقلك اعتذري عن المهمة
ملك ...بعصبية...أنا قلتلك أنه صعب انت ليه مش بتحب تنفذ الا اللي ف دماغك
سيف...ملك لو جرالك حاجة انتي ولا البيبي أنا هاعمل ايه وقتها
ملك ..بحزن...مش عارفة يا سيف بس دلوقتي حازم باشا مش هيرضي صدقني
سيف...دا غلطك م البداية كان لازم ترفضي الشغل دا...قوليلي إياد عرف انك حامل
ملك...امم لاني أغمي عليا
سيف هزها من كتفها واتكلم بعصبية ..وهو شالك طبعا
ملك...بخوف....امم ..سيف اتعصب وزقها وقعت ع السر..ير وغمض عنيه ومسح وشه يمكن يقدر يسيطر علي غضبه
ملك...بحزن مدت موبايلها ...بص الناس اللي ف الصور دي تعرفهم
اخد سيف الموبايل وشاف الراجلين اللي ملك صورتهم يوم الحفلة بس ما عرفهمش ورسل الصور على فونه ..واخد ملك رجعها عند إياد وطول الطريق ساكتين ماحدش كلم التاني
&&&&&&&&&
عدنان بيكلم حازم في الفون
عدنان....يا باشا معاد التفجير يوم*****
والمكان بالظبط في سينا في منطقة ******
لازم تكونوا مستعدين كويس جدا لإحباط خطتهم
حازم ..تمام ربنا يقويك يا عدنان
عدنان قفل مع حازم ولقي مسج من نور
فتح المسج وبدأ يقرأ
(طلقني يا خاين )
عدنان ضحك ع مجنونته وحاول يتصل عليها بس هي كانت قافلة فونها
&&&&&&&&&&&&&
سيف وقف عربيته قريب من فيلا إياد
سيف بجمود ...وصلتي
ملك قربت تحضنه عشان تصالحه بس هو بعد عنها وقال بجمود....انزلي
ملك نزلت والدموع اتجمعت في عينيها
ودخلت الفيلا
بس اتفاجئت لما سمعت إياد بيقول ......يتبع ...
&&&&&&&&&&
البارت انتهي اتمني يعجبكم❤
#رغم انه ما وصلش ٥٠٠٠كومنت بس انا مبحبش اتأخر عليكو 🙄
البارت التامن
حمقاء في المخابرات
ايزيس
سيف وقف عربيته قريب من فيلا إياد
سيف بجمود ...وصلتي
ملك قربت تحضنه عشان تصالحه بس هو بعد عنها وقال بجمود....انزلي
ملك نزلت والدموع اتجمعت في عينيها
ودخلت الفيلا ولسه هتطلع فوق لبدر لكن وهي ماشية قريب من مكتب إياد
و اتفاجئت لما سمعت إياد بيتكلم ف الفون ويقول
إياد....اسمع دي مجازفة خطيرة اني أقدم عمل سينمائي زي دا ابقي بخاطر بمستقبلي الفني ..عايزني اوصل للناس أنه تجارة المخدرات شطارة وتعاطي المخدرات رجولة وجدعنة ..واني لو بحب صاحبي أعزمه نشرب سوا ..وتقولي أوافق ع المبلغ الغبي دا ..لا أنا عايز الضعف ومش هاقبل مساومة انت فاهم
ملك واقفة نتتصنت ومصدومة وفجأة
ندا....انتي وافقة كده ليه انتي بتتصنتي
ملك ارتبكت واتوترت وهي اصلا مضايقة عشان سيف زعلان منها ..أنا أنا ما بعملش حاجة ..وفجأة قعدت ع سلم الفيلا وبدأت تعيط بجد
ندا...بعصبية..انتي بتعيطي ليه دلوقتي ولا عايزة مستر إياد يزعقلي
اياد خرج من المكتب علي صوتهم
إياد ...فيه يا ندا مالها ملك
لقي ملك بتعيط وجري قعد جمبها ..ملك بتعيطي ليه
ملك...مافيش يا استاذ إياد فين بدر
إياد ..بدر فوق بيلعب في أوضته
ملك صرخت في وشه وهي بتعيط...انت ليه
حابسه ليه حارمه أنه يخرج ويلعب زي باقي الاطفال اللي ف نفس سنه كل دا عشان خايف يدفع تمن عمايلك السودة صح
إياد ..بصدمة...عمايلي أنا ..انتي بتقولي ايه وعمايل ايه اللي بتحكي عنها انطقي
ملك....بتوتر ...أنا أنا قلت كده ا ا أنا اسفة لما بتوتر بقول اي كلام وخلاص أنا هاطلع لبدر ..ولسة هتقوم
إياد ... استني عندك
ملك...غمضت عينيها ...نعم
إياد ...أنا جي معاكي لبدر
ملك...اتنهدت ...يلا
طلعوا لبدر ..كان بيلعب ومعاه عروسة لعبة سماها ملك
بدر...رحتي فين يا ملك انا بدول (بدور)عليكي
ملك من وراه...أنا هنا يا بيدو يا قلبي
بدر حضنها واياد مراقب المشهد وفرحان جدا لانه ملك بتعامل بدر علي أنه ابنها مش واحد مسؤولة عنه وبس
قعد إياد وملك وبدر يلعبوا مع بعض ويضحكوا وسيف كان بيراقب وهيتجنن من ملك وفجأة ملك سرحت واتخيلت أنها بتلعب هي وسيف مع البيبي بتاعهم وعيطت
إياد ...ملك فيكي ايه انتي مش كويسة صح ..صعب نحب شخص ويخذلنا
ملك....هزت راسها وما اتكلمتش ...وبعدين قالت ..ممكن تسمحلي اروح اوضتي أنام
إياد ...اكيد اتفضلي
ملك ف أوضتها
ملك ...اكلم سيف لالا ..لا مش هكلمه ..بصراحة أنا مهزأة وممكن اجي علي كرامتي وأكلمه عادي ..لا هو اللي زعلني لازم يصالحني ...وبعدين ابتسمت بخبث ..عندي خطة
اتصلت علي سيف
ملك ...صرخت ...سييييييف الحقني إياد عايز يموتني هو عرف حقيقتي
سيف......
&&&&&&&&&&&&&&
في سينا
حازم ...كله تمام يلا كل واحد يلزم مكانه وخليكم مصحصحين ساعة الصفر قربت
الجنود بصوت واحد...تمام يا فندم
حازم بصوت عالي ...انتشروااا
&&&&&&&&&&
سيف ...ضحك بس ما حابش يبين واتكلم ببرود هواصلا تقريبا شايفها
سيف....خليه يموتك احسن برضو عشان اخلص منك
ملك...بصدمة ودموع (هرمونات حمل بقا)
يعني ايه يا سيف انت مابقتش تحبني صح
سيف ...صح يلا ادي الفون لإياد عشان أقوله اقتلها وخلصني منها
ملك....بكت بصوت عالي
سيف ...ضحك ..اسحبي منديل من العلبة اللي جمب سريرك ونشفي دموعك وقفل
ملك....عضت شفايفها ...يا كسفتي كان شايفني ..مااااشي يا سيف
بعد دقيقة اتصل سيف
ملك...بخجل.....احم عايز ايه
سيف ضحك......أخبار المرحومة ايه ..اتقتلتي ولا لسة
ملك بغيظ...علي فكرة انت غلس وبارد وانا هاقتلك لما اشوفك
&&&&&&&&&&&&
في سينا
حازم اخلي المكان من السكان والساعة ٣منتصف الليل
بدأت جنود الأعداء تظهر عشان يزرعوا قنابل ومتفجرات في كل مكان بس اتفاجئوا بجنود حازم اللي حاصرتهم من كل اتجاه وانهال عليهم الرصاص من كل حدب وصوب ..
&&&&&&&&&&
في اسرا...ئيل
الرئيس وباقي القيادة قاعدين مستنين يسمعوا اخبار حلوة وعدنان قاعد اخر انبساط وراحة وبيبتسم كل ما يتخيل نسور مصر واللي بيعملوه دلوقتي
وفجأة الاخبار توصل
الرئيس قام واقف بغضب ...كيف هذا أنا لا أصدق المهمة فشلت وجنودنا قوتلوا ...من وراء هذا الفشل
عدنان ...بغضب قام خبط علي مكتب الرئيس ...ماذا قلت المهمة فشلت ماذا فعلتوا في غيابي لقد اعتمدت عليكم أنا لم أحضر الاجتماع ولكنني اثق بك سيدي كيف يحدث هذا
الرئيس ...آران عليك معاقبة كل جنودك
آران ...بيتصنع الغضب ...أجل سيدي لهم اشد العقاب ..وسأعرف من وراء ذلك
&&&&&&&&&&&
في الصبح
ملك...ندا أنا خارجة اشتري شوية حاجات لبدر ..اومال فين النجم
ندا...بضيق ...مستر إياد عنده تصوير وخرج ولا أنتي فاكرة أنه ماوراهوش غيرك
ملك ....بضيق...غلوية اوي انتي أنا خارجة ومش هتأخر
ندا...همست...في ستين داهية
&&&&&&&&&
بعد شوية ملك راحت عند سيف
ملك..بتكشيرة ...أنا مش جاية علي فكرة عشانك ..أنا جاية اقولك معلومات عن إياد
سيف ابتسم....ادخلي
ملك....أنا امبارح بعد ما جيت من عندك سمعت إياد بيقول .......وبدأت تحكيله وأثناء ما بتحكي جسي علي ركبته وحط أيده علي بطن ملك هي انتبهت وسكتت
سيف....كملي سامعك أنا بس بصبح علي البيبي بتاعي مالكيش فيه لاني لسة مخاصمك
ملك ابتسمت ..ومسكته من مناخيره ...أنا ما اقدرش اخاصمك يا سيفووو يا روحي
قعد جمبها وحاوطها بأيديه واتنهد أنا مش زعلان منك أنا بس خايف عليكي
ملك نامت علي كتفه وانا مرعوبة من الجاي خليك معايا يا سيف أنا خايفة ع البيبي بتاعنا ...
&&&&&&&
عدنان دخل مكتبه وفضل يكسر في كل حاجة كأنه مضايق بس فيه هدف روا تصرفاته دي
دخل الرئيس ...آران ما هذه الفوضي ولما انت بهذه الحال اعلم ما حدث صعب جدا ولكن لن نستسلم ونحن نعرف أن عدونا قوي ..
آران عمل نفسه بيعيط...أنني أشعر بإحباط اريد الانتقام اعصابي متعبه لا أقوي علي العمل ..
الرئيس ...آران خذ إجازة واسترح قليلا
عدنان ماصدق قاله الكلمة دي وابتسم
عدنان بقي عامل زي الولد اللي بيروح المدرسة غصب عنه وبعدين يقول عندي مغص عشان يروح ..هو نفسه يشوف نور ويعتذرلها ع سوء التفاهم بس مش بسهولة ياخد إجازة و يسافر ويرجع علي كيفه ..
&&&&&&&&&&&&
بالليل في شقة عدنان كلم إليان وقالها تعالي نسهر سوا وهي ما صدقت أنه كلمها وراحت جري عنده
عدنان ...بخبث ...ما هذا الملل .الا تشعرين بملل يا صغيرتي
إليان....قلت لك لا تقول صغيرة...ونعم أشعر بملل كبير
عدنان...إذاً ما رأيك نسافر اي بلدا سياحيا
إليان ...بفرحة ...أنها فكرة رائعة نذهب الي باريس
عدنان ...لا سنذهب الي مصر ما رأيك
إليان ....واااو أنا أريد أن أراها لانني لم اذهب اليها قط ..أنا موافقة
عدنان..ابتسم ...إذاً عليكي أن تقنعي الرئيس بالرحلة ولا تذكري له إنني من اقترح عليكي لانه سيغضب مني ويرفض
إليان ...لا تقلق لن أخبره اي شئ عنك
عدنان ....ابتسم ..وقال ف نفسه (كان عندي حق لما قلت إن المفعوصة دي هتنفعني...جايلك يا نوري يا مجنونة بقا تقولي طلقني بسهولة أنا هعاقبك ع الكلمة دي )
&&&&&&&&&&&&
في الصبح
ملك صحيت الصبح هي وبدر ونزلوا يلعبوا ف الحديقة في اللحظة دي إياد ما كانش موجود في الفيلا كان عنده تصوير لغاية من بالليل لغاية الصبح
ملك و بدر بيلعبوا
ملك بصت ع البيسين وقالت ....الله حمام سباحة أنا عمري ما جربت اني اعوم اصلا.. طب دي فرصة حلوة اوي اني اختبر قدراتي ف العوم
ملك....بيدو بتعرف تعوم
بدر...لا بس كنت بالعب أنا وبابي في البيسين
ملك...بفرحة ...طب يلا يسطا نعوم سوا واهو فرصة نتعلم بقا
بدر....يلا بينا
دخلوا هما الاتنين البيسين وكان غير توقعات ملك كانت فاكرة أنه مستوي المية قليل لكن فجأة
بدر ....ملاااااااك الحقيني ب ب بغ بغرق
ملك....اعاااااا الحقونيييييي بن بنغرق دا غويطط ..يا اياااااااااد الح....قو ....ني ..... يتبع
&&&&&&&&&&&
لازم ملك تعمل مصيبة اخر البارت 😂
ياتري مين هينقذ ملك سيف ولا اياد 🤔
#الرواية بتتعمل مسلسل كارتون😊 ..🤝الف مبروك😂
البارت انتهي يا رب يعجبكم❤
البارت التاسع
حمقاء في المخابرات
الجزءالتاني من حمقاء
#ايزيس
دخلت ملك وبدر البيسين وكان غير توقعات ملك كانت فاكرة أنه مستوي المية قليل لكن فجأة
بدر ....ملاااااااك الحقيني ب ب بغ بغرق
ملك....اعاااااا الحقونيييييي بن بنغرق دا غويطط ..يا اياااااااااد الح....قو ....ني .....
فضلت ملك تقاوم لغاية ما فقدت وعيها
وفجأة بعد مرور وقت ملك بدأت تفتح عينيها تلاقي بدر في حضنها وإياد جمبها بيبتسم وبدر فايق
ملك....بصدمة....إياد ...صرخت....لييييه ليه عملت كده ..ملك في نفسها (إياد عملي قبلة الحياة أنا كنت حاسة بيه ..اعمل ايه أنا دلوقتي دي خيانة أنا لازم اقول لسيف )وبدأت تعيط
إياد ....ملك اهدي ماحصلش حاجة خلاص جات سليمة
ملك...انت ايه ما عندكش احساس
إياد ....يمكن ماعنديش احساس بالمسؤولية بس اعمل ايه دي هواية عندي
ملك.بصدمة..هواية ...في نفسها...هواية عنده..يبقي فعلا زي ما سيف قال عليه بتاع ستات وكمان هوايته قذ..رة زيه ..اعمل ايه اقول لسيف ايه
إياد...ملك بجد شكرا لانك انقذتي بدر لما وقع في البيسين ...وشال بدر ودخل الفيلا
ملك...بزهول ...نعم انقذت بدر هو النجم اتجنن ولا ايه ..مش هو اللي انقذنا
&&&&&&&&&&
عند نور
أمينة....بت يا نور مالك حابسة نفسك من يومين لا بتخرجي من أوضتك ولا بتتكلمي معايا جرالك ايه يا بنتي
نور بحزن ودموع ...مافيش يا ماما تعبانة شوية
أمينة...تكونيش مضايقة عشان سيف سافر اسكندرية يصيف مع ملك ..معلش يا حبيبتي اخوكي ما اطلعش شهر عسل عشان شغله
نور....لا يا ماما أنا عمري ما ازعل من حاجة زي دي وانتي عارفة كويس ربنا يهنيهم
وفجأة جرس الباب ضرب
أمينة فتحت ...
السلام عليكو يا حجة
أمينة ...وعليكم السلام ورحمة الله وبركاته ..عاملة ايه يا رندا يا ام لسانين
رندا...عايشة يا حجة فين الهبلة اللي مخلفاها
أمينة ...جيتي ف وقتك لحسن أنا مش عارفة مالها من يومين حابسة نفسها وبتعيط
رندا دخلت اوضة نور
رندا ...ايه جو الشموع السوداء اللي عايشة فيه دا يا بت في حد يبقي جوزو مز تركي ويكتئب سلفهوني يومين والنبي اتفرج فيه شوية وارجعه صاغ سليم
نور ضحكت وف نفس الوقت نزلت دموعها
رندا ...ايدا ايدا انتي اللي عمر دياب غنالك عارفها تبقي مظلومة ومجروحة ولا تبين
ولو نزلت دموع منها بيبقي الجرح مش هين
مالك يا موكوسة فيكي ايه احنا ف إجازة ياما افرحي
نور..بدموع ...عدنان بيخوني يا رندا
رندا....😳😳😳😳
&&&&&&&&&&&
عند عدنان
إليان...آران لقد وافق ابي ولكني لم اخبره اننا سنسافر مصر قلت له باريس هههههه أنني ذكية جدا
عدنان...ولما كذبتي ..وماذا سيفعل إذا علم
إليان...لن نقول له شيئا أعلم أنه عنيد وسيرفض لذا لا تقلق سنذهب لاني اود رؤية الاهرامات
عدنان....انتي حقا ذكية ايتها الطف..اقصد الآنسة الكبيرة ههههههههه..اليوم سنسافر اتفقنا
إليان ...بفرحة...اتفقنا
&&&&&&&&&&
عند نور
رندا ...لما يجي عدنان اللي ما وريته ..بت انتي لازم تخرجي من جو الكآبة دا ايه رأيك نطلع بكرة ع الأهرامات احنا كل إجازة بنروح نتكلم مع الاجانب هناك اهو نستفاد في دراستنا للانجلش ومن ناحية تانية نتفسح ونفك عن نفسنا شوية ها قلتي ايه
نور ...سيبنيي افكر يا رندا
رندا ....طيب سيبتك ...عدت دقيقة ...فكرتي صح يلا موافقة ..أنا ماشية بقا
نور ...يا ران..ي بنتي استن ...يوووه امري لله ..مجنونة والله رندا
&&&&&&&&&&&
عند سيف
الجرس ضرب وسيف فتح لقي ملك منهارة في البكا
ملك....سيف أنا خنتك يا سيف
سيف بصدمة ...ايه ..انتي بتقولي ايه
ملك.بدموع وهيستريا ...كنت هاغرق ف حمام السباحة واياد انقذني وعملي قبلة الحياة
سيف ابتسم بس مثل العصبية ...دي كارثة مصيبة أنا مراتي يتعمل فيها كده ..انتي مجرمة أنا مش مسامحك
ملك....هبطت ع الأرض وفضلت تعيط لدرجة أنه سيف حس انها هيغمي عليها من العياط قعد جمبها في الأرض وحضنها
سيف...اششش اهدي خلاص ما حدش يقدر يعمل حاجة لمرات سيف صادق العميد
أنا اللي خرجتك من البيسين يا هبلة مش إياد وخرجت الولد ولما سمعت صوت عربية إياد جريت استخبيت لغاية ما دخلتوا الفيلا وبعدين مشيت
ملك.....بفرحة...يعني ايه ..يعني انت اللي عملتلي قبلة الحياة ..الحمد لله يا ربي أنا كنت هاتجنن وكنت مضايقة من نفسي اوي
سيف..ابتسم ...حبيبتي طول مانا جمبك هافضل احميكي ما تخافيش من حاجة
ملك افتكرت كدبه وتمثيله وفضلت تضرب فيه وهو ضحك وحضنها ..ربنا ما يحرمني منك ولا من برأتك دي ابدا ..
&&&&&&&&&&
تاني يوم في فيلا إياد
كان عنده تصوير الصبح بدري صحي الساعة ستة وراح يطمن علي بدر بس مالقهوش ف أوضته
طلع علي أوضة ملك بس اتفاجئ لما لقي ملك وبدر علي سجادة الصلاة بيصلوا ..إياد ابتسم وحس احساس غريب تجاه ملك اتمني لو انها تكون بجد ام بدر خرج وهو مش قادر يخرج الفكرة من دماغه ..
&&&&&&&&&
عند الأهرامات
وقت العصر
نور سرحانة ومش بتتكلم ورندا وباقي البنات نزلين هزار وضحك
راندا ...همست ...اومال جيتي ليه لو هتقعدي ساكتة كده يبقي مالهاش لزوم جيتنا نمشي بقي احسن
نور ...أنا بجد تعبانة يا راندا بصي أنا هاقوم اتمشي ...عشان ما انكدش عليكو
راندا ربتت علي كتف نور...ربنا يهون عليكي ..
&&&&&&&&&&&
عند إياد
رجع من شغله دخل يطمن علي بدر في أوضته لقي ملك نايمة وحاضنة بدر وحاطة أيدها علي بطنها كأنها بتحمي البيبي بتاعها ابتسم وفضل واقف يبص لملك وبيفكر في حاجات كتير بتدور ف دماغه ..وبعدها قفل الباب وخرج
&&&&&&&&&&
عند نور
أثناء ما بتتمشي عند الاهرامات شافت حاجة خلتها اتصنمت من الصدمة دموعها نزلت
نور....لا مستحيل مستحيل ........يتبع
&&&&&&&&&&&&&&&
عايزة توقعاتكم يا تري نور شافت ايه🤔
لو لقيت تفاعل حلو هاكتب واحد كمان وانزله
البارت انتهي اتمني يعجبكم❤
البارت العاشر
حمقاء في المخابرات(الجزء التاني من حمقاء)
#ايزيس
عند نور
أثناء ما بتتمشي عند الاهرامات فجأة شافت قدامها عدنان بيتصور سلفي مع بنت تقريبا ف ثانوية عامة وفجأة البنت تزامنا مع التقاط الصورة تبوس عدنان ف خده...عدنان اتفاجئ
نور بصدمة ...لا مستحيل مستحيل .
عدنان انتبه لصوت نور بص لها وعنيه كلها رجاء أنها ما تكلمهوش ..وبيحاول يوصلها بنظراته أنها ماتتسرعش ودا كله تمثيل ..بس نور الصدمة كانت مسيطرة عليها ...فضلت بصاله ودموعها نازلة علي أمل أنه يكلمها لكن عدنان اخد إليان قبل ما نور تتكلم وتعك الدنيا ومشيوا قدام نور وعدنان كان متجاهل نظرة نور ليه لكن قلبه بيتحرق علي شكلها وصدمتها والموقف اللي هي فيه
رندا راحت لنور لقتها ساكتة مش بتتكلم لكن دموعها شلالات
رندا.....نور مالك ردي عليا نور ...نور ..
نور ...مش بترد ..جريوا البنات سندوا نور وقفوا تاكسي ومشيوا وكل دا عدنان كان مراقب الموقف كويس ونار ف قلبه علي نور ..هو كان مخطط للقاء رومانسي بحت ولكن تأتي الرياح بما لا تشتهي السفن..
&&&&&&&&&
عند ملك
إياد دخل أوضته ينام لانه كان تعبان جدا م الشغل
ملك صحيت ونزلت تاكل اي حاجة لأنها كانت جعانة دخلت المطبخ لقت ندا حاطة هاند فري وبتسمع اغاني ..ملك اخدت ساندويتش وخرجت تلف ف الفيلا وهي بتاكل وفجأة تلاقي مفتاح علي باب الأوضة السرية اللي عمرها ما دخلتها
ملك...امممم دي فرصتي ادخل اشوف ف ايه جوه يمكن الاقي حاجة تفيدني.
وفعلا ملك دخلت وبدأت تدور في كل الأوراق واي حاجة تخص إياد ..بس فجأة من غير ما تنتبه حد يقفل الباب وياخد المفتاح ..
ملك....يا لهوووي أنا اتحبست هنا ولا ايه ..اعمل ايه يا ى ربي ..أنا اخلص شغلي وبعدين اتصرف .
مرت تلات ساعات ملك كانت شافت حاجات كتير تدين إياد وخيانته.. اوراق وشيكات و صفقات وخطط يمشي عليها ..
هي صورت كل حاجة بالفون بتاعها ..بس فصل شحن بعدها
وفجأة
إياد صحي من النوم واخد شاور ونزل
إياد ....ندااااا يا ندااااا
ندا...نعم مستر إياد
إياد ...فين ملك انا رحت اوضة بدر مالقتهاش و دورت عليها فوق في كل حتة بس مش موجودة
ندا ...أنا بجد ما شوفتهاش يا مستر إياد هي متعودة لما بتخرج بتقول
إياد...بقلق ...هتكون راحت فين يعني
عند ملك
ملك....مسكت بطنها.... ااااه انا جعانة اوي...اعمل ايه ..وقالت للبيبي ..وانت كمان يا قلب مامي جعان زيي .ماتقلقش مامي هتتصرف ونخرج ناكل ....
&&&&&&&&&&&
في اوضة نور
قاعدة ع سر..يرها وبتعيط وفجأة كلمت سيف
سيف بقلق ...نور مالك فيكي ايه ..مين زعلك
ندا...صاحبك يا ابيه طلع خاين انا عايزة أطلق
سيف بصدمة...انتي بتقولي ايه مستحيل عدنان يعمل كده يا نور ..اسمعي أنا قلتلك طبيعة شغلنا صعبة ..وانتي مش هتستحملي ..بس انتي اصريتي وكنتي موافقة من كل قلبك ..حتي لو شفتي عدنان مع بنت مش لازم تفهمي غلط
نور....عيطت ...طبعا مهو صاحبك ولازم تبررله
سيف ....نور لازم تسمعيه الاول وشوفي هو عمل كده ليه وانا هاكلمه
نور...بتعيط ...ماشي يا ابيه
وفجأة الباب يخبط وأمينة تفتح الباب
أمينة ...عدنان حمدلله علي سلامتك يا ابني
عدنان وهو بيلف بنظره يدور علي نور ...الله يسلمك يا ماما ..
أمينة...اتفضل يا حبيبي
عدنان ....نور في أوضتها مش كده ..تسمحيلي ادخلها
أمينة...هو فيه حاجة أنا مش عارفاها ولا ايه
عدنان ...أنا هاحكيلك كل حاجة يا ست الكل بس عايز اشوفها لوحدنا شوية
أمينة ...اتفضل يا ابني هي ف.اوضتها روحلها لحسن دي مموتة نفسها من العياط مش عارفة ليه
عدنان خبط ودخل اوضة نور
نور كانت منهارة من العياط واول ما شافته وفقت بسرعة
نور ...أخرج برا برا يا خاين ..طلقني أنا بكرهك
وفجأة بدون مقدمات عدنان حضن نور بكل قوته وهي فضلت تقاومه وهو صامت مش بيتكلم بس حاضنها جامد وبعد دقيقة مقاومة استسلمت وهديت بس لسة بتعيط
عدنان....أنا اسف لاني حطيتك في موقف زي دا ..بس صدقيني كل اللي انتي شوفتيه دا تمثيل ..مش حقيقة ..أنا مافيش ف قلبي غير مراتي حبيبتي ..نور صدقيني أنا مجبور اني اعمل كده أنا ف مهمة ف شغلي واللي انتي شوفتيه دا جزء من المهمة
نور...والبنت اللي كانت معاك في شقتك
عدنان...هي نفس الطفلة اللي انتي شوفتيها
نور....مين دي اللي طفلة ..دي شاحطة
عدنان...ضحك بصوت....دي عندها ١٥سنة علي فكرة ف نظري طفلة ..وحتي لو كبيرة أنا مش شايف بنت غيرك
نور....يعني انت بتحبني يا عدنان
عدنان ...انتي عندك شك ..وبعدين عدنان بيمثل الغضب ...اسمعي يا آنسة لازم يكون عندك ثقة ف جوزك اكتر من كده ..انتي فاهمة
نور ...أنا آسفة مش هشك فيك تاني يا حبيبي
عدنان فرح اوي بكلمة حبيبي بس كمل تمثيل بعد عنها وقال ..لا يا هانم أنا زعلان
نور...ببرأة ...مانا قلت آسفة
عدنان....قربها منه تاني ..لا أنا عايز آسفة دي تبقي عملي💏 ...
نور .....💏
&&&&&&&&&&&&
عند ملك
ملك فضلت ساعة كمان محبوسة ومش عارفة تتصرف ولا عارفة تخرج.. واياد هيتجنن وبيسأل هي راحت فين
ملك بصت في الأوضة كلها لقت شباك
ملك...اوبس🤭 ..أنا ازاي ماخدتش بالي أنه فيه شباك ..اكيد من التوتر (يابنتي اعترفي أنه من غبائك😂)
فتحت الشباك ولسة هتنط بس قالت في نفسها...طب والبيبي أنا خايفة عليه..نزلت بالراحة لانه المكتب في الدور الارضي ولسة هتدخل الفيلا لقت إياد في وشها
قامت بسرعة نامت ع الأرض وعملت نفسها مغمي عليها إياد شافها وجري عليها بقلق....ملك ..وقام شالها ودخلها الفيلا
وبدأ يفوقها ...
ملك فاقت بعد شوية ...ايه دا انا فين
إياد ...ايه اللي حصل معاكي
ملك....أنا كنت باتمشي برا ف الجنينة وفجأة ماحستش بنفسي
إياد...أنا بجد قلقت عليكي لو سمحتي لما تبقي تروحي مكان بعد كده لازم تقولي
ملك....حاضر ..أنا آسفة يا فنان
إياد ابتسم ...ممكن تقوليلي إياد وبس
ندا ....برقت بغيظ ...دا عمره ما قالي كده مااااشي يا ملك
&&&&&&&&&&
عدنان طبعا ثبت نور وصالحها وكلموا سيف وحكاله عدنان ع المشكلة وسوء التفاهم. وأمينة طلبت من عدنان أنه يتعشي معاهم ..
&&&&&&&&&
عند إياد
إياد ...ملك البسي انتي وبدر عشان عاملكو مفاجأة ..
ملك....مفاجأة ايه يا فنان
إياد...قلت اياااد ماتقوليش فنان تاني ويلا اجهزوا بسرعة
ملك....حاضر
إياد ...ملك البسي لبس مريح عشان البيبي
ملك استغربت وطلعت لبست دريس وحجاب وكوتشي ..وبدر لبس وخرجوا ...
بعد شوية إياد أخدهم علي مكان شبه المطارات ووقف عربيته قدام طيارة كبيرة...دي طيارته الخاصة
ملك ....بخوف..احنا هنروح فين
إياد ...هنسافر
ملك ...هنسافر فين
إياد ...مش مهم المهم اني عاملك مفاجأة هناك ...يلا اركبوا
ملك...في نفسها ..(اعمل ايه يا ربي لازم ابلغ سيف اني مسافرة ..بس انا مش عارفة هنسافر فين اصلا ..)
إياد ...بتفكري ف ايه مش هخطفك والله اركبي يلا
إياد شال بدر وباسه وركبوا الطيارة ...
&&&&&&&&&
في حتة تانية في اسرا...ئيل
ست كبيرة في الخمسينيات قاعدة في شقتها ماسكة الجريدة وبتقرا بصدمة خبر عن البطل القومي آران شمعون ومجهوداته العظيمة في المو..ساد.
&&&&&&&&&&
في الطيارة
بعد ما طارت الطيارة في الهوا
إياد شغل ميوزيك رومانسي جدا
وقام راح جمب ملك
إياد...ملك انتي الفترة اللي فاتت دي كلها مكتئبة لأنك مش لاقية حد يبقي بابا للبيبي بتاعك صح
ملك......بتسمع بانصات
إياد ...أنا فكرت ولقيت اني أنا كمان محتاج ماما لبدر وبصراحة مش هلاقي حد يتعامل مع بدر بحب زيك كده ..وانا كمان اوعدك اني هابقي اب كويس جدا لطفلك ..
ملك.بتوتر..مش فاهمة قصدك ايه
إياد بص لها بحب ورومانسية...تتجوزيني يا ملك
ملك.......؟؟؟؟؟؟!!!!!!يتبع
&&&&&&&&&&&
البارت انتهي اتمني يعجبكم❤️
#معلش اتأخرت عليكو بس كونت ف كورس 😊
تكملة الروايه من هنا هنا
تعليقات
إرسال تعليق