 |
كنت رايحه شغلي، مربيه لبنوته زي القمر، كل ال اعرفه عنها أن مامتها اتو*فت بعد ولادتها بفتره بس ازاي معرفش، وباباها من وقت ما قبلت الشغل عمري ما شفته، كنت بسمع صوت مزيكا هاديه من اوضه مكتبه ف اعرف أنه موجود دخل أمتي وازاي مش عارفه..
كان كل تعاملي مع الداده نعمت، ست كبيره ف السن ملامحها طيبه وحنينه عرفت أن هي ال مربيه امير ابو نور ال أنا المفروض المربيه بتاعتها حالياً، كانت نور بطبعها هاديه مبتتكلمش مش زي اي طفله عندها ٥سنين، كانت ممنوعه من حاجات كتير وأولها الخروج من البيت ودا بسبب خوف باباها ال غير مبرر، وكانت طلباتهم ف المربيه انها تكون متمكنه ف اللغات وبتعرف المواد الدراسيه وكل حاجه عشان نور هتاخد دراستها كلها ف البيت، عدا شهر واتنين واتعلقت بنور واتعلقت بيا وبدأت اكسرلها قواعد البيت من كتر مللي أنا بيها، كنت باخدها نتمشي ف حديقه البيت واتجرأ*ت وطلعنا اشترينا ايس كريم ال ممنوع عليها، حاجات كتير غيرتها وكنا فرحانين، لحد ما ظهر امير ف الصوره..
كنت مروحه الساعه ٩بالليل بعد تصميم من نور اني افضل جنبها لحد ماتنام، كان واقف قدام باب المكتب وكلمني بعصبيه، مكنتش اعرف هو مين ف الاول
-وحضرتك مين!
=ابوها
-استاذ امير !
=استاذ زفت
-طيب انت استاذ زفت أنا مالي؟
مسك ايدي وحسيت وقتها انها هتتخلع ف أيده وردد:
=كسر*تي قوانيني
زعقت بألم:وهي دي قوانين تتحط لطفله؟
كان البيت ضلمه ومكنتش واخده بالي من ملامحه، زقني ف وقعت وكمل من غير مايهتم بوقوعي: أنا هنا صاحب البيت ودي بنتي وانتي شغاله عندنا ودي قوانيني واظن انا حر فيها
قومت وقفت قدامه وقبل ما اتكلم الداده نعمت نورت النور فتخضيت ورجعت لورا، فلاحظ خوفي فزعق وطردني من البيت ودخل مكتبه، كانت ملامحه غريبه، مزيج غريب كان مشوه بحرق ف جزء كبير من وشه، بس الجزء التاني بيأكد قد ايه كان حلو ومازال رغم التشوه، ايه ال بفكر فيه دا؟
هو عشان كده مبيطلعش من البيت!
روحت بيتي وكل ال محاوطني ملامحه، قررت منزلش الشغل لانه طردني
قعدت يومين كاملين كانت بتحاول فيهم الداده تكلمني ف الفون ومكنتش برد عليها، عدا اسبوع كامل وانا غايبه عن نور..
حسيت اني بعاقب نفسي من حرماني منها
أنا حبيتها وكأنها مني واتعلقت فجأه بملامح ابوها
كانت الساعه ٦ الصبح لما سمعت الباب بيخبط، مين ممكن يجيلي دلوقتي!
ولما فتحت كان امير واقف قدامي بملامح واضحه اكتر، عيون عسليه ودقن طويله اوي زي ما يكون بقاله قرن محلقهاش، جمب وشه اليمين من تحت عنيه لحد رقبته محروق، حسيت اني طولت اوي ف تأمله ف بصيت ع ندوب أيده واتكلمت: نعم!
=ممكن اعرف مجتيش شغلك ليه؟
-دا لانك طردتني!
زقني ودخل ع اول كرسي قابله وكمل: مطردتكيش طرد نهائي
-حد قالك قبل كده انك وقح؟
ابتسم فجاهدت غمازه ف خده ع انها تظهر: لا انتي اول واحده
حاولت مأبتسمش وكملت: أنا مش راجعه الشغل دا تاني
=ليه؟
-مش حابه اشتغل مع واحد وقح زيك
وقف وحرك أيده ع الح*ريق ال ف وشه وكمل: ولا قصدك وحش زيي؟
-بس انت مش وحش
اتحرك وقبل ما يطلع من البيت قال: نور محتاجاكي، بتحبك حاولت اجبلها حد تاني غيرك بس هي عيزاكي أنتِ
وقفته بج*رأه معرفش جبتها منين: طب وانت؟
وقف بأستغراب وكمل: واكيد وانا كمان محتاجك..وقبل ما يقفل الباب قال: عشان نور
اضايقت من نفسي واضايقت منه، لبست ورجعت شغلي، عدا شهر كامل ومحاولش حتي يظهرلي، بدأت اكسر قواعد البيت كلها عشان بس يطلع من مكتبه ويزعقلي، بس مطلعش..
يوم الخميس اتأخرنا ف النوم ودي اول مره نكسر قاعده النوم، ليها وقت محدد تنام فيه، قعدنا اتفرجنا ع فيلم ربوانزل وأكلنا فشار سهرنا ل١٢ بالليل، نور نامت فحضني ومن غير ما احس نمت جنبها
حسيت بيه وهو بيعدلنا ع السرير وبيغطينا، باس نور ففتحت عيوني مخضوضه، حاول يهديني فقولت: خوفت تبوسنءي
ضحك لاول مره وقال: أنا وقح اه بس مش للدرجه دي
اخدت شنطتي وقبل ما امشي قال: خليكي الجو أتأخر نامي مع نور النهارده
حسيته أمر منه ومن غير اعتراض سبت شنطتي فكمل: غريبه
=ايه؟
-راح فين عنادك؟
سكت وكنت بتمني أقوله: أنه بقا بيختفي قصاد عيونك
ضحك وقبل ما يمشي سألته: هو ايه ال حصل لوشك؟
بصلي بغضب أو بألم زي ما اكون دست ع جر*ح لسه مطبش وسابني ومشي
عدا اليوم وانا بعاتب نفسي ع اني سألته واتمنيت لو الزمن يرجع بيا ومسألوش ولا حتي اقوم من نومي يمكن كان باسني..
حاولت بعدها بأيام أقابله ومكنتش بعرف، حتي المكتب كان بيبقا فاضي
عدا يومين والداده قالتلي ف حنان اني هلاقيه ف جنينه ورا البيت بشارعين بيحب يقعد هناك بالليل لحد الشروق
روحت وكان فعلا قاعد وباصص السما
قعدت جنبه من غير كلام
فأتكلم من غير ما يبصلي: حصل حر*يق ف البيت بعد ولاده نور بأسبوع، حريق لحد دلوقتي معرفش سببه ايه، اول حاجه لحقتها كانت نور طلعتها برا مع الداده ولما رجعت كانت ال*نار ماسكه ف مراتي، حضنتها ف محاوله مني اني اطفيها فالن*ار مسكت فيا..
نقلناها ع المستشفي بس كان خلاص مات*ت، مات*ت وسابتلي نور وتشو*ه ف وشي وج*سمي بيأكدولي اني السبب ف م*وتها
=بس انت حاولت
-كانت هي اولي بالحياه عني
بصتله: أنا بحب ملامحك اوي
ضحك: شف*قه!
=أنا مش مجبره أ*شفق عليك
قل*ع قميصه، كان ضهره فيه ندوب متفرقه ف كل مكان ودراعه من فوق فيه حرق كبير كمل: بتحبيني!
=من اول مره شوفتك فيها
غمض عيونه: هتقدري تعيشي مع المنظر دا؟
لمست الح*رق ال ف وشه ونزلت بأيدي ع ج*سمه وانا مغمضه عيوني، لمست كل ح*رق وكل جر*ح ف ج*سمه فتحت عيوني كان باصصلي فكملت: بص السما كده
كانت السما مليانه نجوم رغم أن القمر منور السما مخفاش جمال النجوم بصلي: جسم*ك شبه السما
لمست حر*ق وشه وقولت: دا القمر ونزلت بأيدي ع ندوب جس*مه: ودي النجوم واحب جدا اني اعيش ف سماك وبين نجومك
أبتسم وكمل: لما طردتك كنت بهرب من قلبي من اول ما شافك
=ودلوقتي!
-كانت بهرب من حبي ليكي
=وبعدين!
ضحك ومسك ايدي: الوق*ح مش هيهرب غير ليكي
حاجه صغننه كده اتمني الفكره تكون عجبتكم
تمت
تعليقات
إرسال تعليق