 |
قدري_أنتَ
#البارت الأول
*قومي يااختي فزى شوف شغل البيت..مش كفاية مش عارفة تخلفي حتة عيل!
بالظبط كده..دى حماتي العزيزة..كل يوم تصبحني بالكلمتين دول..مش عارفة والله مشيلاني الذنب ليه! مع اننا لحد دلوقتي منعرفش تأخر الحمل من مين..بس هيا خلاص حكمت عليا انى مبخلفش..عشان ابنها سيد الرجالة طبعا يعني
رقية بابتسامة:صباح الخير يا ماما
حماتها:جتك مو..قومي يااختي شوفي اللى وراكي وفطري جوزك قبل ما يروح الشغل
رقية بهدوء:حاضر يا طنط.. حلو كده!
حماتها بصوت واطي:طنط! الله يرحم اللى خلفوكي
~~~~
ام احمد:مش ناوي ياابني بقا تتجوز عشان تخلف حتة عيل!
رقية بضحك:سلامة الذاكرة يا حماتي..اومال انا اى!
ام احمد بكره:انت ارض بور ميتحطش فيها زراعة..عشان حتى لو اتزرعت مش هتطرح..فهمتي انت ايه!
رقية بجمود وهيا بتقوم:فهمت يا حماتي
ام احمد:ها هتتجوز امتى بقا؟!
احمد بلا مبالاة: انا مقدرش افتح بيتين..وبعدين ما يمكن تحمل!
رقية بتنادي على احمد:احمد..تعالى عشان تلحق تلبس وتروح الشغل..
ام احمد :قوم يااخويا قوم عشان نخلص بقا..
رقية: احمد..انا عايزة نروح نكشف
احمد :نروح! ليه؟! حد قالك انى تعبان! لو عايزة تروحي تكشفي خدي امي وروحي
رقية بدموع:بس انا عايزة جوزي يجي معايا..وبعدين انا عايزة نحلل احنا الاتنين ونشوف الحمل اتأخر ليه
احمد بغل وهو بيمسكها من شعرها:انت بتخرفي تقولي اى! مش شايفاني راجل قدامك يعني!
رقية بوجع:م..مش ق..
احمد بيزقها:انت تخرسي خالص..مش عايز اسمع صوتك..وهتروحي مع امي تعملي التحاليل الزفت دى..ولو طلعتي مبتخلفيش هرميكي فى الشارع..وخلاص بقا مش عايز اسمع صوتك..جتك الهم
~~~~~~~
ام احمد:فزي يااختي نروح عشان تكشفي..على الله نخلص منك بقا
رقية: هو انت بتكرهيني ليه حماتي! هو مش انت اللى مختاراني لابنك برده! طب لو كارهاني من الاول خلتيه يتجوزني ليه!
ام احمد:كنت مفكراكي غلبانة يااختي لكن طلعتي سهونة
رقية بخضة:انا؟! طب انا عملت اى لكل ده!
ام احمد:يااختي لقيتك داخلة على الواد بالسهوكة وعايزة تحببيه فيكي وتاخديه مني
رقية باستغراب:هو انت تزعلي لما ابنك يحبني ويرتاح فى حياته معايا ليه! المفروض تفرحي بكده..اومال جوزتيه ليه!
ام احمد: افرح بيه وهو فى حضني..لكن عايزة تاخديه مني ده بعدك
رقية:مين اللى قال ان...
ام احمد:قومي يا اختي انتى هتنظريلي! قومي خلينا نغور ونخلص
رقية باستغراب لنفسها وهو بتطلع شقتها:مش عارفة والله هيا بتفكر ازاى..اومال خليته يتجوزني ليه! وبعدين ما هو ابنها فى الاول وفى الاخر..على اساس انى ههاجر بيه مثلا ربنا يستر وتحاليلي تطلع كويسة عشان اخلص بقا..مش عارفة اقول اى غير ان ياريتني ما اتجوزته..ياريتك اهتميت وسألت عنهم كويس يا بابا..الله يرحمك..مت وسيبتني فى الغم ده كله
~~~~~~
ام احمد فى اخر اليوم: انا اللى هروح بكرة اجيب التحاليل والآشعة
رقية:ما اروح واجيبها انا..ولا احمد يبقا يجيبها
ام احمد:لا يااختي هو انت مفكراني غبية ولا اى! عايزة تروحي انت عشان تخلى الدكتورة تفهمنا انك مش معيوبة وتجيبي اللى فيكي فى ابني..لكن لا! ده انا واعية اوى
رقية بدهشة:هو حضرتك بتفكري كده ازاى! وانا هعمل كل ده ليه! وبعدين طالما محدش طايقني كده ما تقوليله يطلقني ونرتاح كلنا!
ام احمد بصوت عالي:ترتاحي من اى يااختي! وبعدين هيبقا احلى لما تعيشي مزلولة كده وكله عارف انك ارض بور لا تتزرع ولا تتروي
رقية لاحمد بدموع:انت مش هترد عليها! هتسكت على اهانتي دى عادى!
احمد بزهق:انا زهقت بقا والله..وبعدين انت عايزة تطلقي هتروحي فين! وامك واخواتك بيجيبوا مصاريفهم بالعافية بعد موت ابوكي..هتروحي تزودي الهم همين! وبعدين احمدي ربنا اننا صابرين عليكي 3 سنين جواز من غير خلفة
~~~~~
احمد:ها يا ماما..النتيجة اى!!
ام احمد بتضم رقية:يا حبيبتي يا بنتي! انا اسفة على كل كلمة قولتهالك
رقية باستغراب:فيه اى يا حماتي!
ام احمد:لالالا..حماتي اى! من النهاردة ماما..ماما وبس
احمد:افهم من كده ان هيا بتخلف عادى صح!
ام احمد:لا..عندها مشكلة مش هتعرف تخلف بسببها
احمد ببجاحة:لااا..لو كده فانا هطلقها من بكرة وهتجوز مش هربط نفسي بواحدة مبتخلفش انا
رقية بجمود: وطالما انت مش عايزني فانا كمان مش عايزاك.. طلقني يا احمد
احمد:ان...
ام احمد بغضب:اكتم خالص..مفيش طلاق هيتم..ولا هتتجوز عليها فاهم ولا لا!
احمد باستغراب:انت ليه حبتيها فجأة كده! انت لحد امبارح مكنتيش طايقاها
ام احمد:عشان انا ست وعارفة احساسها كويس.. واللى قولته هيتنفذ
رقية بدموع:وانا مش لعبة فى ايدكم..انا عايزة اط....
ام احمد بخضة:رقييييية
#يتبع
#اتفاعلو
اتفاعلو ب 20 ملصق ولايك وتفاعل كتير
متمردة
قدري_أنتَ
#البارت التاني
ام احمد بخضة:رقييييية وتكلم احمد: شيلها يا غبي ودخلها اوضتي اما نشوف اخرتها معاك اى
احمد بيشيلها
احمد باستغراب لامه:انت بتعامليها كده ليه! لحد امبارح مكنتيش طايقاها
ام احمد بتسحبه لبرة:تعالى برة عشان لو صحت ومتسمعناش
~~~~~~
رقية بتقوم وتكون دايخة:اااه..اى اللى حصل!
تخرج برة ولسة هتنادي على احمد تسمع كلامه هو وامه
احمد:يعني تحاليلها كويسة مفيهاش حاجة!
ام احمد بغل:ايوة يا اخويا..يعني ممكن العيب يكون منك يا فالح..انت هتروح تكشف..ولو طلعت مبتخلفش هتكمل معاها على اساس أنها هيا اللى مبتخلفش..لكن لو طلعت بتخلف بقا يا قلب امك فانت هتتجوز عليها ولو عايز تطلقها ساعتها براحتك
احمد بلامبالاة:انا اصلا مكنتش عايز اتجوزها..وانت اللى ضغطتي عليا..فاعرفي انى هطلقها كده كده
رقية بتدخل الاوضة بدموع:هما ليه بيعملوا معايا كده! بس لا..انا مش هينفع اكمل معاه حتى لو كان بيخلف فانا مش هخلف عيل اجيبه فى البيئة دى واشيل ذنبه..
رقية بتمسح دموعها وتطلع:ها يااحمد..هتطلقني امتى!
ام احمد:وحدي الله يا بنتي طلاق اى كفالله الشر
رقية بجمود:شر ليه يا حماتي! انا بديكي حل لكل مشاكلك اهو..انا طلعت مبخلفش فجوزي ابنك غيري بقا اهي تكون مش ارض بور حتى..هتطلقني امتى!
احمد بخبث:يلا دلوقتي..اهو حتى لا فيه قايمة ولا مؤخر..مش الحاج برده كان واثق فيا وان مفيش طلاق! بس اهو ريحني والله
رقية بدموع:الله يرحمه ويسامحه على اللى عمله فيا..انا هطلع ألم هدومي وهنروح عند المأذون دلوقتي نطلق
~~~~~~
ام رقية بخضة: يا حبيبتي يا بنتي! انا اسفة..انا اسفة انى وافقت ابوكي الله يرحمه..حقك عليا انا
رقية بدموع:ده خير يا ماما..مفيش حاجة..بس انا عايزة اكمل تعليمي
ام رقية:تعليم اى اللى تكمليه! انت مش هتخرجي من البيت غير على بيت جوزك
رقية:يا ماما حرام عليكم بقا..انا لسة عندي 22 سنة ومطلقة..انتو اللى جوزتوني بدري ومرضتوش تخلوني اكمل تعليم..
ام رقية:ماشي يا رقية..بعد العدة ما تخلص ابقي اعملي اللى انت عايزاه..
~~~~~~~
بعد سنة
رقية:يا ماما ارجوكي متضغطيش عليا تاني..جوزي اى واحد من اخواتي..لكن انا فاضلي سنة فى معهد التمريض وعايزة اكملها واشتغل ان شاء الله
ام رقية:يا مصيبتي! وكمان عايزة تشتغلي! مش كفاية الناس واكلة وشي فى الرايحة والجاية عشان سايباكي تروحي المعهد الزفت ده
محمد اخو رقية:يا ماما ما تسيبيها براحتها..هيا مضايقانا فى حاجة! ما هي بتروح المعهد وبتيجي تذاكر..خليها تشوف مستقبلها احسن
ام رقية: يا غلبي ياااااني..هو انا هعرف اغلب معاكم؟ ده انتو تشلوا
رقية بدموع:يا ماما يعني هما الناس دى كانوا نفعوني فى اى لما كنت مذلولة وانا متجوزة..نفعوني فى اى لما حياتي اتدمرت..ارحميني يا ماما ومتبقيش عليا انت كمان..
ام رقية:ماشي يا رقية..بس لما يجي نصيبك هتتجوزي..مش هتترهبني جنبي يعني
رقية:لما يجي النصيب..غير كده انا هشوف مستقبلي..ممكن بقا تديني فرصة!
~~~~~~
*رقية..يا رقية
رقية: نعم يا استاذ يوسف! عايز محمد؟!
يوسف بتوتر:ااا..هو اناااا كنت عايز اتكلم مع حضرتك
رقية: اظن ان مفيش كلام بيني وبينك عشان توقفني فى نص الشارع وتكلمني..راعي سمعتي وانى واحدة مطلقة
يوسف بسرعة: انا مكنتش اقصد حقيقي بس كنت عايز اعرف انت موافقتيش عليا ليه!
رقية بتنهيدة: لا حول ولاقوة إلا بالله..يا استاذ يوسف انا لسة قدامي سنة دراسة..وكمان متنساش انى مطلقة..فاكيد الأحسن لحضرتك انك تشوف واحدة غي...
يوسف بعصبية:مش هشوف غيرك يا رقية..واعملي حسابك انى جاي النهاردة عشان اتقدملك رسمي..مش عايز كلام كتير أنا..واتفضلي على البيت
رقية بتمشي بزهق:يووووه..مش هنخلص بقا..ومن اولها شغل اوامر وبيتعصب..ومفكر انى هقابله يبقا بيحلم..
~~~~~~
محمد:يلا يا رقية اطلعي الاستاذ يوسف واقف برة من ساعتها
رقية بتمسكه من ودنه:هو مش الاستاذ يوسف ده كان استاذك انت! عايز مني انا اى بقا! خليه يرحمني انا مش ناقصة
محمد:يا ستي انا مالي..هو اللى عايز يتجوزك ومصمم عليكي اعمل اى انا
رقية بدموع:وانا مش عايزة اتجوز يا محمد..ولا هو ولا غيره..انا كرهت الجواز باللي عايز يتجوز والله..خليه ينساني ويسيبني فى حالي..انا مش هنفعله ولا هنفع لغيره خلاص والله
~~~~~~
احمد:اهلا اهلا باللى بدات تتعلم من اول وجديد..عشان كده طلبتي الطلاق مني بقا؟! قولتي تدوري على حل شعرك عادى صح!
رقية:احمد! راعي ألفاظك..واظن انك عارف ان مش انا اللى اعمل اللى انت بتقول عليه..فاحترم نفسك وسيبني فى حالي
احمد بيحاول يمسك ايدها:مش ناوية ترجعيلي بق...
يوسف بيمسك ايده:مش قالتلك تبعد عنها يا باشا ولا انت مبتفهمش ولا اى الدنيا؟!
احمد:وانت مين بقا عشان تكلمني كده! واحد من اللى مشت معاهم ول...
يوسف بيضربه:لا واضح انك عايز تتربى من جديد..واللى انت بتتكلم عليها دى هتبقى مراتي قريب يعني اسمها ميجيش على لسانك ولا يخطر فى بالك..فاهمني ولا افهمك بطريقة تانية! وانت اتفضلي على البيت وليا كلام معاكي بعدين
احمد بخبث:وانت عارف بقا انا طلقتها ليه! انا طلقتها عشان مبتخلفش..يا ترى هتقدر تكمل مع واحدة مبتخلفش!
يوسف بيزقه:اه هقدر.. ملكش دعوة انت..ممكن بقا تبعد عن وشي ولا عايزني اكمل ربايتك!
~~~~~~
يوسف رايح لرقية البيت
يوسف:ناديلي اختك ووالدتك يا محمد الله يباركلك
محمد: خير بس يا استاذ يوسف اى اللى حصل!
يوسف:ولاا..ناديهالي ونادي عليهم وانت هتعرف
يوسف بجمود ليهم:انا هجيب اهلى النهاردة وهنقرا الفاتحة..على ما اظن احنا عارفين بعض كويس..بس برده هيبقا فيه فترة خطوبة عشان الاستاذة رقية تتعرف عليا كويس..
رقية:بس انا مش مو...
يوسف:بعد اذنك يا حاجة انا عايز اتكلم مع رقية لوحدنا..اكيد الباب هيفضل مفتوح عادي
ام رقية بتشد محمد:ماشي ياابني..ربنا يهديلكم الحال
يوسف بيقرب على رقية وبشر:قولتي اى بقا عشان انا مسمعتش كويس!
رقية بتبعد بتوتر:مممممش موا..فقة
يوسف بغضب: يعني عاجبك الاستاذ احمد وعايزة ترجعيله على كده صح!
رقية بخوف وسرعة:للللا.. بس انا مش عايزة اتجوز خالص
يوسف:هتتجوزيني يا رقية..انت قدامك شهرين وتخلصي المعهد..هنقرأ الفاتحة النهاردة وهنكتب الكتاب بعد ما تتخرجي..والفرح براحتك بقا..
رقية:انا مش عايزة اتجوز انت مبتسمعش!
يوسف بغضب:لا بسمع..بس مش هسمح تضيعي من ايدي تاني..مش هسمحلك تتجوزي غيري ولا تبعدي عني..واحمد ربنا انى مقولتش كتب الكتاب النهاردة..فعايز لما اهلى يجوا تقولي انك موافقة فاهمة ولا لا!
رقية بزهق:وده ليه ان شاء الله!
يوسف:عشان بحبك والبعيدة غبية مش ملاحظة..اسكتي بقا عشان مش عايز ألبخ فى كلام أكتر من كده..جهزي نفسك لقراية الفاتحة يا عروسة
رقية بهدوء:انت عارف انا اتطلقت ليه!
يوسف:ميهمنيش اعرف..انا هتجوز رقية مش ماضيها..وانا قابلك مهما كان فيكي يا ستي انت مالك؟
رقية بدموع:انت ممكن تقبل لكن أهلك وبالذات مامتك مش هتقبل بكده..مش هتبقا يبقا اول نصيبك واحدة مطلقة
يوسف: انت عبيطة يا بت ولا بتستعبطي! دى امى بتحبك اكتر مني..انت هبلة! وعشان تتأكدي هتصلك عليها دلوقتي
يوسف: أيوة يا ماما..انا عند رقية دلوقتي
ام يوسف:خير ياابني فى اى!
يوسف:مش موافقة على جوازنا.. بتقول امك مش هتوافق..انت اى رأيك!
ام يوسف:طب والله أحلى كلام قالته..عندها حق فعلا انا مش موافقة
يوسف بصدمة:انت بتقولي اى يا ماما؟ دى رقية!
ام يوسف:ما هيا عشان رقية انا بقول ان كويس انها رفضت
رقية بدموع:عن اذنك يا يوسف..واظن كده مفيش لا قراية فاتحة ولا غيره
يُتبَع
اتفاعلو ب 20 تعليقات ولايك ومشاركه وتفاعل كتير
#قدري أنتَ
البارت الثالث
يوسف بزعل:قولتي لرقية كده ليه يا ماما؟! مش دى رقية اللى انت كنتي بتعتبريها بنتك ولما قولتلك وافقتي! ولا عشان اتطلقت ي...
ام يوسف بمقاطعة:اوعى تنطق..انت اهبل يالا! دى رقية اللى انا ربيتها وعارفاها اكتر ما انا عارفاك..
يوسف: اومال ليه عملتي كده يا ماما؟! ده انا ما صدقت انها كانت هتوافق
ام يوسف:ياابن الهبلة انا مستخسراها هيا فيك..انا لو رقية دى بنتي هجوزها لحد عليه القيمة كده..مش انت
يوسف بصدمة:مش انا؟! وماله انا يا ست ماما؟! ده انا معايا كلية علوم وشغال فى شركة ادوية وبدي دروس والدنيا تمام الحمدلله
ام يوسف بتمسكه من ودنه:والدين فين من ده كله يا روح امك! البت جمال وأدب واخلاق وكملت تعليمها كمان..وانت فرحانلي بشوية كلام فارغ! البت كانت بتقعد تقولي على اللى نفسها تتجوزه قبل ما تتجوز البعيد ده..البت مبتفكرش فى ماديات اد ما بتفكر فى حنية واحتواء ومعاملة حلوة لكن ابوها بقا الله يرحمه ويسامحه السبب..هتقدر تعمل كده؟!
يوسف بيبعد عنها:يا ماما والله هعمل كل اللى اقدر عليه عشان اسعدها
ام يوسف:وبعدين يا بغل انت امها لحد امبارح كانت بتقول انها مش موافقة..خليتها توافق ازاى بقا؟!
يوسف بتوتر:ماااا هو أاااصل
ام يوسف:قول ابن الهبلة هببت اى!
يوسف بسرعة: ما هو اصل انا حطيتها قدام الامر الواقع وقولت قدام طليقها انى خطيبها..فكانت هتوافق غصب عنها
ام يوسف بتحدفه بالشبشب وتجري وراه: اه يا اهبل ياابن الهبلة! اموتك وارتاح منك دلوقتي
يوسف بيجري:يووووه يا ماما ما هي اتعقدت من الجواز..وانت عارفة انى بحبها من صغري وعايز اتجوزها بس لما اتجوزت فقدت الامل بس لما اتطلقت قولت اتجوزها بعد ما تخلص دراستها
ام يوسف:اجري البس يا مهزأ عشان نروح نطلب ايدها زى الناس..واللى هتقول عليه هتوافق وانت جزمة فى بوقك..انا عايزاها توافق عشان تبقا معايا بس والله..لكن انت متستاهلهاش يا جزمة
~~~~~~
ام رقية:يا بنتي البسي واطلعي للناس عيب كده
رقية بدموع:لا يا ماما..مامته مش موافقة عليا..انا مش هعيد جوازتي الاولى تاني..
ام يوسف بتخبط على الباب:ممكن ادخل!
ام رقية بتفتح الباب:اتفضلي يا حبيبتي ده بيتك
ام يوسف بتبص على رقية:طب ممكن تسيبينا لوحدنا شوية! شكل روكا زعلانة مني جامد
ام رقية:لا والله لا زعلانة والله..بس البيت بيتك يا حبيبتي انا هطلع ليوسف انا
ام يوسف بتقعد جنب رقية:مطلعتيش تقعدي معانا ليه يا روكا؟!
رقية بدموع:ملهوش لزوم يا طنط..احنا عارفين ان حضرتك رافضة الجوازة دى
ام يوسف بتمسح دموعها:طب وانت عارفة انا رافضة ليه بقا!
رقية بحزن:اكيد يعني..عشان مطلقة اكيد
ام يوسف بتضمها:اخص عليكي يا بنتي..ده انت بنتي اللى ربنا رزقني بيها..انا ارفض جوازتك من يوسف عشان كده برده!
رقية بتبعد عنها: اومال ليه!
ام يوسف بهمس:اصلي مستخسراكي فى الواد اللى برة ده
رقية باستغراب:هااا..
ام يوسف بضحك:اه والله يا بنتي..انا دايما بتمنالك الزوج اللى يريح قلبك ويكون يستاهلك..بس انت عارفة الواد يوسف غلبان والله..هو دبش حبتين بس طيب والله
رقية:لا..مش غلبان ولا طيب..ده كل ما يشوفني يزعقلي..
ام يوسف:غيران عليكي يا هبلة..غار عليكي لما شافك مع طليقك بتتكلموا..وكمان زعل انك رافضة الجواز فقال يحطك قدام الامر الواقع
رقية:وانا بقا مش موافقة
ام يوسف:وانا كمان..احنا نربيه من اول جديد ونعمله تأهيل كده عشان يستاهلك يا قلب امك وبعد كده نتكرم عليه ونوافق..اى رأيك! "بغمزة"
~~~~~
يوسف بتوتر: ها يا ماما.. وافقت!
ام يوسف:وافقت..بس فيه شوية شروط كده واللى اوله شرط اخره نور ولا اى!
ام رقية بتوتر: خير يا ام يوسف
ام يوسف بضحك: يا حبيبتي الشروط على يوسف..ده رقية ست البنات وتتشرط زى ما هيا عايزة..
يوسف: كل اللى هيا تؤمر بيه انا موافق عليه
ام يوسف بخبث: اولا..مفيش سلام بالإيد حتى لو انت خطيبها..ثانيا..مفيش خروج لوحدكم ابدا لازم يكون حد معاكم تاني..ثالثا وده الأهم رقية هتشتغل بعد الجواز وفلوس شغلها هيا حرة فيها.. لكن هيا ملزومة منك فى كل حاجة..اه والجواز بعد ما تخلص دراستها وتقرر هيا بقا وكمان اعرف ان مفيش كتب كتاب غير لما تكون ملتزم فى الصلاة..وكمان
يوسف بفرحة:موافق..والله العظيم موافق بس هيا تكون حلالي فى الاخر
~~~~~
ام رقية: هو انت اللى اتفقتي على الكلام ده!
رقية براحة: ابدا والله يا ماما..دى طنط قالتلي سيبيني انا اتعامل معاه وفعلا عملت اللى عليها وزيادة اهو..
ام رقية: ربنا يعوضك خير قلب امك ويفرحني بيكي يارب
محمد بفرحة: الف مبروك يا رقية..والاستاذ محمد هيبقا جوز اختي بقا وكده..
رقية بضحك: ايوة يااخويا افرح بقا..
~~~~~~
يوسف: يا رقية اسمعيني..انا عايز نعمل فرح
رقية: وانا مش عايزة اعمل فرح يا يوسف..لو مصمم على كده يبقا كل واحد من طري...
يوسف بصوت عالي: اقعدي مكانك.. انت هبلة يا بت! انا عايز اعمل فرح عشان افرح بيكي..وده اخر قرار..وانا عارف كويس انك عايزة كده بس خايفة من كلام الناس..بس تولع الناس لو هتزعلك والله..
رقية بعصبية:صوتك ميعلاش عليا تان...
يوسف: اسف يا رقية..بس انت اللى بتعصبيني..فى عروسة مش عايزة فرح!
رقية: لو هتعلى صوتك عليا على طول فنسيب بعض احسن..انا مش هستحمل كده والله
يوسف: يا غالية والله انا بتعصب من كلامك.. بس حاضر وعد مني معليش صوتي عليكي غير لما تعصبيني..
رقية: برده!
يوسف: طب بالذمة انت بتعصبيني ولا لا؟
رقية:بس متعليش صوتك عليا مهما حصل
يوسف: عيوني والله
~~~~~~~
"بارك الله لكما وبارك عليكما وجمع بينكما في خير"
يوسف بفرحة: عن اذنكم يا جماعة هدخل امضي مراتي بقا
ام يوسف:دخله عند اختك يا حبيبي..
رقية بتمضي
يوسف: سيبنا لوحدنا يا محمد بقا
رقية بتوتر: ل..
يوسف بيقفل الباب وراه ويقرب منها
رقية بتوتر وهيا بتبعد: انت بتقربلي كده ليه!
يوسف وهو بيضمها ليه: عشان كده..ياااااه اخيرا يا روكا..كنت بتمنى اللحظة دى من زمان اوى يا روكا..مكنتش متخيل حياتي مع غيرك
رقية بتبعد عنه بكسوف: مش هترجع تندم يا يوسف؟
يوسف: انا كنت هندم فعلا لو كنت كملت حياتي مع غيرك..انت اللى بتكمليني يا
يوسف: انا كنت هندم فعلا لو كنت كملت حياتي مع غيرك..انت اللى بتكمليني يا ضي عيني..يوسف من غيرك ولا حاجة والله
رقية بدموع: يوسف! انت عارف اني محيستش بحنان أهلى عليا..فمش حابة اتوجع منك انت كمان والله
يوسف بيضمها ليه:هعوضك..صدقيني هعوضك..هبقا ابوكي وانت بنتي..صدقيني مش عايز اكتر من كده
رقية بتضم نفسها ليه اكتر:انت تعرف انى ممكن اخلف عادى!
يوسف بيبعد عنها:بجد يا رقية!
رقية بدموع:اه والله.. التحاليل بتاعتي كويسة..بس احمد قال كده عشان يبقا سبب للطلاق
يوسف بيمسح دموعها:حتى لو مكنش كده..انت نور عيني وبنتي وحبيبتي وكل حاجة ليا فى حياتي والله..بحبك يا روكا وربنا يقدرني واسعدك واعوضك عن كل اللى شوفتيه..
رقية:يديمك ليا ربنا
ام يوسف بتخبط على الباب:يلا يا اخويا الناس بتنام بدري
يوسف بيفتح الباب:فى اى يا ماما..مش قاعد مع مراتي!
ام يوسف:ابعد من قدامي كده يالا.. ألف مليون مبروك يا حبيبتي..ربنا يسعدك ويكتبلك الخير يارب ويقدرك عليه ويهديهولك
يوسف: يا ماما أنا ابنك والله..مينفعش كده..
ام يوسف:اخرس..واعمل حسابك بما ان الفرح بعد اسبوعين فانت مش هتشوف رقية غير فى الفرح ان شاء الله
يوسف:لااااا..كده كتيييير والله
A_Z
#يُتبَع
علقو ب 20 ملصق حتي يصلكم باقي الاجزاء
#قدري أنتَ
البارت الرابع والأخير
ام يوسف:ها يا بنتي! ناوية ننزل نجيب بقية جهازك امتي!
رقية:هنزل انا وماما إن شاء الله
ام يوسف:وانا منفعش يعني! يا ستي هنزل أنا وانت بكرة ان شاء الله
رقية بتوتر:ااا..هبقا انزل انا وم...
ام يوسف بتمسك ايدها:انا عارفة انت بتفكري فى اى..انا عارفة اننا كتبنا القايمة وفيه حاجات كتيرة ناقصاكي..بس انا أصريت نكتبها عشان حقك يا بنتي..فانت دلوقتي زى الشاطرة هتنامي عشان من بكرة انزل انا وانت ننقي كل اللى انت عايزاه..ومتشليش هم حاجة..انا هجهز بنتي لابني..يعني مفيش حاجة رايحة برة..ومن النهاردة انا ماما انا كمان انت سامعة؟!
~~~~~
*يااختي ملقيتش غير المطلقة اللى تجوزها لابنها!
"مش عارفة ياأختي ده البنات مفيش اكتر منهم..وقال ايه بيقولوا مطلقة عشان مشيها البطال..
*لا لا..حد الله اللى سمعته انها مبتخلفش..
رقية بدموع:بعد اذنك يا ماما يلا نروح
ام يوسف بتمسك ايدها:والله ما يحصل واللى بيقول عليكي كلمة هخليه يكتم دلوقتي..تعالى معايا
يروحوا عند الستات اللى بيتكلموا:سمعوني كده بتقولوا على ايه على بنتي!
*اوام عملتيها بنتك! دى حيالله مرات ابنك..وبعدين ملقتيش غير دى!
ام يوسف بردح:ومالها دى يااختي! وبعدين اه بنتي غصب عنك وعن اللى يتشددلك كمان.. وبعدين اتكسفي على دمك انت وهيا اختي..كل واحدة تروح تشوف مراتات عيالها وتصرفاتها..متجوش على بنتي عشان اللى هيجي عليها هاكله بسناني
*وليه ده كله يا ام يوسف..احنا عاملين عليكم انتو..مش كنتو خدتوا بنت بنوت يكون ابنك اول بختها
ام يوسف بتمسك ايد رقية بفخر:متعملوش علينا يااختي..احنا نقينا زينة البنات وزينة العرايس..وياريت كل واحدة تخلى بالها من بيتها احسن..وبعدين عملتوا اى انتو لما جوزتوا عيالكم اللى هما اول بختهم! اهم عايشين فى غم اهو..ابعدوا عن عيالي احسنلكم..عالم عرر صحيح
ام يوسف بعصبية لرقية:وانت كمان بتعيطي ليه دلوقتي! والله اروح اجيبهم من شعرهم
رقية:انا اسفة عشان حطيتك فى الموقف ده يا ماما
ام يوسف بتضمها:بس يا هبلة..فى واحدة تتأسف لامها؟! وبعدين انا بجد فخورة بيكي وفرحانة انك مرات ابني بجد
رقية بدموع:كنت خايفة اصل تزعلي مني عشان كلامهم ده
ام يوسف:والله اروح اضربهم اللى خلوكي تعيطي دول
رقية بتمسح دموعها:لا لا خلاص والله..ربنا يديمك
ام يوسف:ويباركلي فيكم يا حبيبتي..يلا بقا نروح نكمل الحاجات عشان فرحك يا عروسة ابني..
~~~~~~
يوسف:يا ماما كده كتير..انا عايز اشوف رقية بقا
ام يوسف:عارف يا واد يا يوسف!
يوسف بتنهيدة عرفيني يا ماما
ام يوسف:احلى حاجة عملتها فى حياتك انك اتجوزت رقية والله
يوسف: يعني انا فى سنين عمري ال 26 كلهم معملتش حاجة عجبتك غير جوازي من رقية!
ام يوسف:يااخويا اتوكس..واد يا يوسف..اوعى فى يوم تزعل رقية ولا تيجي عليها..دى غلبانة ياابني وانا اللى مربياها..عوضها عن قسوة ابوها عليها ياابني..وانا ربنا يقدرني واعوضها عن كل حاجة شافتها
يوسف:انا حاسس انها هيا اللى بنتك..انا ابنك والله فى اى
ام يوسف:انتو الاتنين عيالي يااهبل..بس انا مش عايزة اشيل ذنبها..البت يا حبيبي واحنا بنشتري الحاجة اللى ناقصاها كانت بتحاول تشوف اقل الاسعار عشان فلوسها تكفي..بس عيب عليك..انا اتفقت مع صاحب المول يقولها ان فيه خصومات كتيرة بحيث ان فلوسها تكفي وانا كملت الباقي..مكنتش عايزاها تحس نفسها قليلة
يوسف بيبوس ايدها:ربنا يباركلنا فيكي يا حبيبتي..قوليلي بقا الفلوس اللى دفعتيها اد اى وانا هجيبهوملك..رقية ملزومة مني انا
ام يوسف بتمسكه من ودنه:انا جيبت لبنتي مش ليك فملكش دعوة انت..وعلى الله ياابن بطني انك تجيب السيرة قدامها والله اخاصمك ليوم الدين
يوسف بسرعة:طب مش هتخليني اشوفها بقا؟!
ام يوسف بتضرب ايده وتقوم:لا..وبعدين الفرح بكرة خلاص..هروحلها انا بقا الحنة بتاعتها النهاردة
~~~~
ام يوسف:قمر يا حبيبتي ربنا يحفظك يارب
رقية بتبوس ايدها:ويديمك لينا يا ماما..انا بشكرك انك قبلتي انى ادخل عيلتكم
ام يوسف بتضمها:ده انت اللى هتهوني علينا الايام يا بنتي..ربنا يسعدك يارب ويكتبلك الخير يارب
ام رقية:يلا يا بنتي عريسك وصل..
ام يوسف بضحك:هطلع انا بقا عشان لو شافني معاكي هنا مش بعيد يطردني..مبروك يا قمر"بغمزة"
يوسف بيضمها بفرحة:اخيرا اليوم اللى اتمنيته جه..انا مش مصدق انك هتيجي معايا على البيت عادى كده..بحبك يا رقية..بحبك يا ضي عيني
رقية بكسوف:وانا كمان بحبك يا يوسف
يوسف بيبعد عنها بسرعة: قولتي اى! بتحبيني بجد!
رقية بتدفن وشها فى حضنه بكسوف:مين يشوف حنيتك وميحبكش يا يوسف..كفاية انك بتعاملني زى بنتك..وكفاية مامتك وحبها ليا والله
يوسف بيضمها ليه اكتر:ده اسعد يوم فى حياتي جدا والله..ربنا يقدرني واسعدك يا نور عيني..
~~~~~
بعد 3 شهور
ام يوسف بصدمة:مالك يا بنتي بتعيطي ليه! عملتلها ايه ياللي تنشك فى بطنك
يوسف:والله مااعرف هو فيه اى..بتقولي عايزة اخرج شوية قولتلها اروح معاها قالت عايزة تروح لوحدها لما قولت اني خايف عليها بدأت تعيط وقالت انى بطلت احبها..وصممت تنزلك..عقليها بقا عشان انا مش عارف اتصرف ازاى..
ام يوسف بهمس لرقية:انت عملتي كده فعلا!
رقية بدموع:ابنك مبقاش يحبني..خلاص مبقاش طايقني
ام رقية بزعيق ليوسف:اطلع برة يالا عشان طول ما اهي شايفاك مش هتبطل عياك وتهمسله..روح هاتلها شيكولاتة وكيكة شيكولاتة..هيا بتحبهم..متتأخرش
يوسف بعصبية:يا ماما هيا اللى غلطا..
ام يوسف بتزقه:غور من وشي يالا واعمل اللى قولتلك عليه
ام يوسف بتقعد قدام رقية:خلاص يااختي بطلي عياط وقوليلي الحقيقة يلا..اى اللى حصل!
رقية بتمسح دموعها بسرعة:انا شاكة انى حامل يا ماما..ومش عايزة افرحه ومطلعش حامل..فكنت عايزة اروح اكشف وهو مصر يجي معايا
ام يوسف بضحك:لا بعياطك ده انا اتأكدت انك حامل خلاص..وبتضمها:ربنا يكرمكم يا عيوني وافرح بيكم واشوف عيالكم يارب
~~~~~
يوسف داخل وشايل الحاجة اللى امه قالتله عليها:ها يا ماما..عرفتي اى اللى مزعلها ك..اى ده! هيا بتضحك كده ليه!
ام يوسف بضحك:عشان انا فرفوشة يااخويا مش نكد زيك..واه..اعمل حسابك هخرج مع رقية بكرة نفرفش شوية كده
يوسف بتريقة:وهيا كده مش مفرفشة! دى ناقص تلبس بلياتشو..وبعدين مااجي معاكم
ام يوسف بتمسك ايد رقية:خد مراتك واطلع صالحها..وبكرة هنخرج احنا الاتنين خروجة بنات كده عشان زهقنا من الملل ده"وتغمزلهم"
يوسف بيمسك ايد رقية:اهم حاجة تكونوا فرحانين..ويبوس ايدها
رقية بتحدفلها بوسة:تصبحي على خير يا قمر
~~~~~
يوسف:ممكن اعرف كان مالك بقا؟!
رقية بتفتح ايده وتدخل فى حضنه:هرموناتي كانت هابة شوية.. أنا اسفة عشان زعلتك
يوسف بيرفع راسها:انا كل زعلي كان عشان انت عيطي والله..ممكن متعيطيش تاني! وانا اسف عشان مش بخرجك..بس مشغول الفترة دى بجد..وبعدين انا معتمد انك بتروحي الشغل فمفكرتش انك تكوني حسيتي بالملل يعني
رقية بتدفن راسها فى حضنه:بحبك يا أغلى ما ليا..
~~~~~
بعد 3 شهور
يوسف بصوت عالي: قولت لا يا رقية يعني لا..مش هخاطر بيكي انا..
رقية:عشان خاطري يا چو..انا بتوحم ولو مكلتش اللى نفسي فيه البيبي هيطلعله وحمة يرضيك كده!
يوسف:اه يرضيني..لما سيادتك تتوحمي على فراولة وانت عندك حساسية يبقا يطلع وحمة عادي بس متتعبيش
رقية بزعل:انا هروح لماما وهيا اللى هتجيبلي
ام يوسف بهدوء مزيف:يعني حضرتك بتتوحمي على فراولة وانت عارفة انك بتتعبي منها..انا فهمت صح!
رقية ببراءة:صح..وابنك مش عايز يجيبلي
ام يوسف بتحدفها بالشبشب:امشي من قدامي يا حيوانة..مش عارفة تتوحميلي غير على فراولة!
رقية بزعل ووجع:اه..وانا مالي! مش حفيدك اللى عايز! وبعدين انا خايفة يطلعله وحمة..تخيلي يطلعله وحمه فى وشه عشان مكلتش فراولة..والله ازعل
ام يوسف بنفاذ صبر:يوووووسف..شيل البت دى من قدامي عشان متعصبش عليها
رقية بتتحامى فى ضهر يوسف: يا ماما ده انا قولت انك هتجيبيلي.. كده تشمتي فينا الأعادي!
يوسف:انا من الاعادي! روحي يا اختي لماما عشان تجيبلك روحي..
ام يوسف بتمسك ايد رقية وتضمها:يا حبيبتي انا خايفة عليكي.. وان شاء الله خير متقلقيش
~~~~~~
ام يوسف بفرحة:حمدلله على سلامتك يا حبيبتي..تتربى فى عزكم يارب
رقية:شوفتيها يا ماما! حلوة؟!
ام يوسف بتبوس راسها:قمر لامها..ها قررتي تسميها اى!
يوسف: الست عايزة تسميها ليلى زيك..شكلها كده عايزة تضمها لفريقها
ام يوسف:هيا دى بنتي حبيبتي..خدي يا بنتي شيلي بنتك وسمي..وتهمس ليوسف:هتتهبل لما تشوف الوحمة
يوسف بهمس:ربنا يستر
رقية بتشيل بنتها وتشوف وشها وجاية تبوس ايدها:يووووسف
يوسف بضحك:ايوة يا عيوني مالك!
رقية بزعل:ليلي طالعالها فراولاية فى ايدها
يوسف بيبوس راسها ويضحك:عشان تحلى حياتك يا حياتي
A_Z
#تمّت
# علقو ب 20 ملصق حتي يصلكم كل جديد
تعليقات
إرسال تعليق