 |
_انت مين وازاى دخلت هنا كنت بزعق وانا طالعه ب البورنس ولفا شعري بالفوطه..
=انا ال مين ؟.. دا اصلا بيتي!
_بيتك اي انت هتستهبل دا بيت جوزي
= جوزك!!!!! ثانيه كده هو انتي اسمك اي؟
_ وانتَ ماااالك
= يابنتي اهدي خليني افهم
_ متقوليش يابنتي انا مش بنتك انا حالا هتصل بالشرطه تيجي تاخدك يا حراميي
رد بثبات وهدوء: طب ممكن حضرتك تقوليلى اسمك او انتي مين قبل ماتجيبيلى الشرطه !
_ قلتلك لاااااا
= طيب بصي انا الرائد ادهم الشافعي وانا متاكد ان ف سوء تفاهم لازم نقعد نتكلم عشان نفهم المشكله فين بس ميتهيأليش ابدا هينفع نتكلم وانتي بالمنظر دا!
_ وماله المنظر دا مش عاا.. اي دا قلت انت ادهم ؟
زفر بضيق: ايوه
_انتَ جوزي؟
رد باستفهام : عهد؟
ثم نظر اليها طويلا يتأمل ملامحها البريئه صاحبة العينان البنيتان ..والبشره البيضاء ..على وجهه خصلتان مبتلتان سوداء
ردت بخجل: أيوة.. انا اسفه بجد انا محدش قالى انك هتيجي انهاردا..انا بقالى اسبوع فى البيت
ادهم: ولا حد قالى انك هتقعدي ف البيت على ماارجع مصر..انا ال بعتذرلك اني طبيت عليكي فجأه
عهد بأعين لامعه لتلك الوسيم ذو الجسد الرياضي والوجه الملفت .. :دا بيتك ..
ادهم : طيب تقدري تدخلى تغيري هدومك .. وانا هاخد شاور وارتاح شويا من السفر
عهد: تحب اعملك حاجه تاكلها؟
ادهم بابتسامه اظهرت النغزتين الذان يخترقان وجهه: لا متتعبيش نفسك انا بتعامل
وتركها وخطي خطوتين متجهه لغرفته ساحباً شنطته وقبل انا يفتح الباب
وعد: انا حاجتي جوا...وببات فيها
اغمض عيناه محاول السيطره ع غضبه ..فأكثر ما يبغضه ان يمس احد غرفته..فهي لم تمسها فحسب بل اقامت بها
التفت لها وقال: بصي انا هاخد هدومي وهدخل اخد شاور..على ما اخلص تكوني نقلتي حاجتك للاوضه ال تحبيها عشان دي اوضتي وانا مبغيرهاش ..البيت عندك كبير اختاري براحتك
شعرت بالأحراج وذهبت من امامه دون ان تنطق حرفاً واحداً
اخذت هاتفها لتتصل بصديقتها
وعد: ادهم جه
فيروز: بجد طب اي الاخبار ..شكله عامل ازاي
وعد: جينتل بجد .. كان جاي لابس قميص وبنطلون اسود عليهم بليزر اسود برضو كان شكله يجنن
فيروز: انا مالى بلبسه بقولك شكله اي يبنتي
وعد: طويل وجسمه مظبوط ..وعينيه عسلى فاتح عنده دقن خفيفه وغمازاتين ..
فيروز: وعد اوعي تحبيه .. مش هينفع وبعدين احكيلى ال حصل
وعد: احبه اي بس لا مستحيل ..احكيلك اي دا طردني من اوضته
فيروز: هو هيبتدي يتأمر.. انا عارفه بس اى ال خلاكي تدخلى ف حوارات الشغل وتسمعي كلام ابوكي ..وتتجوزي واحد متعرفيش عنه اي حاجه ولا حتي شوفتي له صوره قبل كده ...دا يبنتي لا عملتي فرح ولا خطوبه ولا اي حاجه ..دا حتي كتب الكتاب محضروش وابوه ال كان موجود
وعد:بجد؟ .. انا متصله عليكي تبكتيني وتنكدس عليا اكتر وبعديين اصل.. اي الصوت دا طب اقفلى اقفلى اطلع اشوف اي الخربطه دي
خرجت من غرفتها لتجده بالمطبخ .. مطبخ ع التراز الامريكي يمكنها رؤيته من الغرفه اذا لم تغلق بابها.. انتبه لها وقال
ادهم : هو انتي غيرتي اماكن الحاجه؟
وعد: رتبتها
ادهم بحديه: محدش طلب منك تغيري مكان حاجه بتتصرفي من دماغك ليه ؟؟
وعد بصوت مرتفع: انت بتزعقلى عشان نضفتلك شقتك المكركبه!
ادهم: قصدك انك جيتي وكركبتيها ..مش كده
وعد: ياااسلام!!!! تصدق انا غلطانه اصلا انى عملتلك حاجه انا داخله اوضتي ومش هخرج
ادهم: مع الف سلامههه !!! ... طب استنى عرفيني مين ف البرطمنات دي الملح ومين السكر
ضحكت وعد ..وتمتتمت ..ماشي انا هوريك
وعد بخبث:ال على اليمين الملح..
ادهم: تمام..
وقفت تراقبه وهو يتزوق من بعيد بعدما وضع ملعقتان من السكر الناعم.. تعلم انه سيأكل الدجاج مُحلى وهذا متريده انتقاماً لطرقته المتعجرفه معها
ادهم بغضب: وعددددددددد
ارتبكت كثيرا فقد انقلب السحر على الساحر ..ووقعت مع من لا يرحم..
وعد بارتجاف: ننعممم
ادهم: هو الملح اليومين دول مسكر!
ضحكت وقالت:عشان تبقى تزعقلى يا سيادة الرائد
ابتسم مازحاً: بقا كده طيب..
وضع الطبق على الطاوله وتحرك بسرعه ليمسك بها..
لكن رشاقتها وقصرها ساعدوها لتركض قبله ...
وعد: ادهممم لاااااا متهزررش هقع والله هقععع هتكسررر وهشتكيييك
ادهم: مش هسيببك انا هعرفك ازاي تستغفليني .. ضحك واكمل
..اشتكييني انا عايزك تشتكيني روحي قوليلهم اقبضوا ع الرائد ادهم الشافعي عشان كان بيجري ورا مراته ال هي انتي يعني
اغلقت باب الغرفه
وعد واصدرت ضحكه شريره قائله: وريني بقا هتمسكني ازاي يا سيادة الرائد ...اقولك خش من خرم الباب ههههه
أدهم: هتقضى عمرك جوا؟... هتطلعيلى يقطه وبعدين موتي م الجوع يا مدام ههه
رن هاتفه .. وعلى الفور ... خرج الى الحديقه ..
الأب: اي ياعريس هي السنيورة نسيتك اهلك ولا اي .. حمدلله ع السلامه
أدهم بسعاده مصطنعه: لا ازاي يا معالى الباشا دا انت وحشتني..
الاب: المهم اي رأيك فيها؟
ادهم: افندم؟
الاب : مراتك يعم ادهم
ادهم بغضب غير مبرر: اديك قولت مراتي يهمك رأيي في اي وبتسألنى كده ازاى
الاب: ههههه جرا اي يا ادهم انت صدقت انها مراتك دي لعبه .. وانت وشطارتك تخلصها امتا !
انا عايزاها تبقى تحت جناحك .. عشان نعرف ننفذ ال اتفقنا عليه
صمتت الأدهم قليلاً
الاب: اي روحت فين!
ادهم: معاك ..
الاب بخبث: ولا مانع من قضائكم اوقات لطيفه يا سياده الرائد ههه
زفر الأدهم: ياربنا!... المهم شكلها عنيد بس هعرف اراوضها وخليها تنفذ قريب...
يُتبع ..
عُهدتى🖤 part 2
عهد: انت مبتحبنيش اتجوزتنى لية؟
ادهم: ها!
صمت الادهم..لايعرف ماذا سيقول ..أ يخبرها بالحقيقه ارضاء للضميره ..وتفشل خطته؟
ادهم: اتجوزتك عشان اهلك..
عهد بعدم فهم : أهلى؟
ادهم بارتباك.: اقصد يعني عشان انتي من عيله محترمه ..وعارف انك كويسه
عهد: تفتكر دا سبب كافي عشان تتجوز واحده حتي مشفتهاش؟
ادهم: يسلام؟... دا ع اساس ان CV بتاعي معاكي وحفظاني وكده ؟ مش جايز اكون بنصب عليكي؟
تمتمت عهد بخبث:مسكين انت تنصب عليا انا؟
اه لو تعرف ال فيها..
ادهم:بتقولى حاجه؟
عهد: ميتهيأليش واحد زيك بمركزك وحالتك الماديه هتبقى محتاج تنصب .. وبعدين ازاى آه بابا شريك باباك بس بالنصيب الاقل ف مين بقا الاولى ينصب على التاني؟
ادهم: والله انتي غلبانه.. قومي البسي يالا هنروح فرح واحد صاحبي ...
عهد بلهفه : كان نفسي اخرج اوي
ادهم : انا بجهز ف ١٠ دقايق يا عهد ..شغل البنات ال بيجهزوا ف ٣ ايام دا مش هياكل معايا وهسيبك وامشي..
عهد: عيب عليييييك دا هما خمس دقايق بس
ادهم: ربنا يستر
دخل الأدهم غرفته..واختر قميصا بالون الابيض وكارفت سوداء..يعلوهما بدله سوداء مع حذاء اسود كلاسيكى.. وساعته الثمينه.. مشط شعره الكثيف..ووضع عطره المميز " Dior" .. الذى يحبه كثيراً ..ووقف امام المرآة ينظر لهيئته بكبر..وتبسم ابتسامه جانبيه ارتضاء على مظهره...
خرج و وقف امام غرفتها
ادهم:اي لسه كتير انا بقالى ساعه بأخر نفسي على متخلصي
عهد: خمس دقايق بس واكون جاهزه
ادهم: ياااربى هما لسه نفس الخمس دقايق يبنتى عدى ساعه والله
عهد: يوه يا ادهم بقا
تنهد باستسلام و تركها ..فيعلم ان النساء يريدن مائة ساعة لكى يجهزن لاية مناسبه ولا لديه شيء يفعله سوى انتظارها
وقف أمام حديقة منزله ..مسندا بيده على بابها الزجاجى..بين حين وآخر ينظر الى ساعته ثم الى غرفتها المغلقة...
وبعد الكثير من الوقت سمع صوت الباب فلتفت ..
ولم يكن يعلم ان منذ تلك اللحظه سيظل قلبه ملتفت لها...ولن يستطيع الاعتدال ثنيتاً
خرجت بفستان اسود قصير ذو اكمام ..وحذاء اسود مرتفع ..مربطه خصلتها برفق..لاتضع من مساحيق التجميل شىء سوا احمر الشفاة.. وضعته بلونه الاحمر فزادها انوثه ..
فطبيعتها تلك ما يُميزها
ادهم باعين لامعه: شكلك يجنن
عهد بخجل: بجد؟
ادهم بابتسامه: دا بجد جداً..اقترب منها..ومد يده لها
ادهم: يالا؟؟
عهد بحماس: ايوة يالا ..
ساروا ف طريقهم لزفاف رفيقه بسيارته الفارهه
ادهم:عاجبك كده اهى الدنيا بدأت تمطر اهى
عهد : وانا مالى هو انا ال قولتلها ؟
ادهم: منتى لو كنتى خلصتى من ٣ ساعات كان زمنا وصلنا
تنهدت عهد: نصيبنا بقا نعمل اى
اشتدت الامطار..فأغلق ادهم نوافذ السياره
عهد: ادهم اركن بسرعه على اى جنب
ادهم: ليه ف اي؟
عهد: اركن اركن بس
ادهم: يبنتى خضتينى فى اى؟؟
عهد: بالله عايزا انزل اتفرج ع المطر
ادهم: لا بجد! قولى انك بتهزري..انتى طفله؟ مطر أى ال تنزلى تتفرجى عليه دا
عهد: والله لو ماركنت لانط م العربيه
ادهم: طب والله هبله و تعمليها...
حاضر صبرنى يارب..
مد يده اسفل كرسيه ليسحب شمسيه
ادهم:اصبري متنزليش مش هنروح الفرح بنقط نزل من سيارته وفتح لها الباب ووقفا يشاهدان الامطار سويا .. مستندان على السيارة
عهد: اقفل البتاعه دى خلينا نستمتع
ادهم: انا بجد مش عارف انا موافقك ازاى على الهبل دا
عهد: طب عن اذنك بقا.. ولم تنتظر ان يجيبها ركضت الى منتصف الطريق وفتحت يداها رافعه رأسها للسماء ..
ادهم بابتسامه: متجوز طفله فعلا
عهد: ادهممممم ماتيجي
ذهب نحوها بالشمسيه ..فأخذتها منه والقت ارضاً ممسكه يداه .
عهد: لف معايا يالا
ادهم بضحكه حقيقه : اى ال انتى بتعمليه ده
عهد: انا بس محرجه من الكافيه ال جنبنا دا ..زمان الناس ضحكوا علينا ..بس انا مبسوطه كده!
ادهم: مبسوطه؟.. ميهمكيش حد .. وضع يده فى خصرها وقربها اليه قليلا وامسك يدها بيده الاخرى ..وظل يتمايلان سوياً
" شوف ازاى جميلة وانتى كده رايقه وبتحلوى حتى لو مضايقه"
عهد: اي ده دا عمو بتاع الكافيه عملنا جو اهو هههه بحب الاغنيه دى اوى
لم ينطق الادهم..يتأملها فحسب ...
قطع صمته وقال
ادهم: تيجي ندى لنفسنا فرصه نعرف بعض بجد؟
وننسى الطريقه ال اتجوزنا بيها؟
عهد بأعين لامعه: موافقه
نظر لها الأدهم وردد مع الاغنيه
" وانتى معايا اعملى زى مانتى عايزه دانتى ف الحنيه لازم تاخدى جايزة"
ظلا يتمايلان ..لوقت كافى
ادهم: مش يالا بقا احنا هناخد برد كده والله
عهد: الله؟ طب والفرح
ادهم: هه فرح ؟؟ فرح اي بقا ما خلاص..نبقا نروح ف فرح عيالهم بقا انشاء الله
عهد: ههههه تصدق فكره
عهد ف ال منزل : انا هدخل انام عايز حاجه؟
ادهم: ابقى صحيني معاكي نفطر عشان نازل الشغل
عهد: بس كده عنيا
ادهم: نومي خفيف وهصحا بسرعه ف ملاقيش مايه بتدلق عليا الصبح عشان عارفك
عهد: ظالمني اوي انت علفكرا
ادهم بسخريه: ااااه ااه يمسكينه
"الثامنه صباحاً فى اليوم التالى"
عهد: ادهم اصح..
ادهم :صباح الخير
عهد : ملحقتش اكمل الكلمه .. ااااتسي
ادهم: بسخريه: اتسي؟ ههه جالك برد!!!
عهد: فرحان فيا؟ الله يسامحك ..
قوم اعمل الفطار لنفسك
ادهم: ونعم الزوجه والله
عهد : انا.... اااتسي
ادهم:ششش متتكمليش ..هتاكلى اي
عهد: اي ده هتعملى معاك؟
ادهم: دقيقة زياده وهغير رأيي
عهد: بيض بالبسطرمه
ادهم: بالبسطرمه؟ يخربيت البجاحه والله
عهد: استني هاجي اتفرج عليك ..
اتجه للمطبخ وامسك هاتفه
ادهم: سيف باشا اخبارك ..
سيف: اي يا بني مجتش امبارح ليه
ادهم نظر لعهد بتوعد: معلش يا سيف بقا الدنيا مطرت علينا ف الطريق ورجعنا
المهم انا مش هعرف اجي انهاردا
سيف: انت بتهزر لا مينفعش دا العميد هنا
ادهم: يا سيف اتصرف مش هينفع
سيف:طب فى اى بس قلقتنى
ادهم: مراتي تعبانه شويا ومش هينفع اسيبها وانزل
سيف: الاه! ابتدينا؟ الله يسهلك ياعم ادهم
نظرت له عهد بصدمه..ودق قلبها .. لتكن تلك البدايه فحسب
شعرت بالحرج ف دخلت غرفتها .. وبعد القليل من الوقت
جاء الادهم وضع الافطار على سريرها.: اديي سندوتش البيض بالبسطرمه .. وعملتلك نسكافيه عشان تدفي .. ودي حبوب للبرد كويسه جدا يالا كلى وخدي الحبوب ..ونامي شويا وهتصحي كويسه ..لو صحيتي تعبانه نروح لدكتور كده كده حجزت
خجلت عهد من حنانه ..
عهد: شكرا يا ادهم
نسكافيه ؟ عرفت منين اني بحبه
ادهم: دا واجبي... حسيت انك بتحبيه
عهد ببرآه: مش هتاكل معايا؟
ادهم: انا فطاري فنجان قهوه وشربته وانا بعملك الاكل ..هسيبك ترتاحي..
ذهب لغرفته لتأتيه مكالمه من والده..
ظفر بضيق :الو
الاب: اي يااا ادهم في اي انت شيلت الحوار من دماغك؟
ادهم: حوار اي!
الاب: حوار مراتك ياا ادهم
ادهم: ااه ااه لا منسيتش
الاب: وحضرتك مستني اي ؟
ادهم: حاضر
الاب : اسمع يا ادهم ابوها كتبلها نصيبه ف الشركه انهاردا.. قدامك الاسبوع دا بس لو الموضوع مخلصش هيبقى لينا كلام تاني.. اظن مش صعبه انك تمضيها ع الورق يعني!
ادهم: امضيها ازاي يعني؟
الاب بعصبيه: انت بتسألني!
ادهم بضيق: خلاص الاسبوع دا هيكون عندك اوراق التنازل عن حقها ف الشركه ممضيه ..... همضيها و..
التفت ادهم بصدمه: عهد !!!
يُتبع..
عُهدتى..🖤
Part 3! (الأخير)
عهد باستغراب: تمضي مين على تنازل.؟
ادهم: هاا!
ادهم بارتباك:اصل شركتى ال ف دبي..داخل فيها شريك ف بحاول افاوض على التنازل ثم اكمل بسرعه محاولا تغير الموضوع انتي جيتي ليه !
عهد: كنت جايا اقولك اني مش عايزه انام.. ادهم عايزا اروح الملاهى
ادهم بارتياح لتصديقها له.: اهو ابتدينا نستهبل اهو
عهد : بالله يا ادهم عايزا اغير جو ..
ادهم: خلاص لو اخدتي الدواء وشربتي اللبن ومعملتيش مشاكل هوديكى
عهد : يوه يا ادهم بقا
ادهم :ها هتاكلى اي؟
عهد بحماس: بيتزا
ادهم: جيتي ف ملعبي دا انا كنت اجدع واحد بيعمل بيتزا ف الجيش
عهد: بجد يا ادهم؟
ادهم: ههه لا مدخلتش جيش اصلا..وبعدين هو ف بيتزا ف الجيش ..؟ دانتي طيبه اوي
عهد: دمك تقيل علفكرا ..عموما جايا اتفرج عليك
ادهم حقيقي مش عارف كل مره بتتفرجي علي اي هو فيلم كارتون يبنتي!
عهد: ششششش جايا
ذهبا الى المطبخ وبدأ ادهم بتحضير المكونات ..
عهد: ادهم طلعني على الرخامه
ادهم:والله مابقيت عاارف اقولك اي بس
عهد: شيلني يا ادهم وقعدني ع الرخامه
ادهم: يبنتي انتي عليه صغيره هتجننيني !!
هو انا متجوز بنت اختي !
عهد: خلصت؟ يالا شيلنى اوبح يا ادهم هههه
ادهم: اوبح؟!!! الصبر من عندك يارب حاضر
..
عهد: شفت اتشالت بسهوله ازاى؟
انت ازاي بتعرف تطبخ؟
ادهم: عشان بقالى كتير عايش لوحدي ف اكيد مكنتش هاكل نفسي مثلا؟
مدت اصبعها فى طبق الدقيق وبسرعه وضعته ع وجهه
عهد : شكلك كده احلى ههه
ادهم: بقا كده؟ انتي بتهزري معايا انا؟ طييييب
عهد: مينفعش تعملى اي حاجه انا تعبانه ااااتسيي
ادهم: اااتسيي؟
امسك طبق الدقيق ونفخ فيه ليتحول وجهها باكمله باللون الابيض
عهد بجدية حزينه: ادهم انت رخم
ادهم:ههههههه قلتلك بلاش انا
عهد: ادهم نزلنى .. هدخل اوضتى نزلنننني
ادهم :لا ههه شبر ونص ياربي!
عهد: نزززززلنى
ادهم: طيييييييب براحهه
عهد:لعلمك الورد بتنزل تشمه مش بتطلع له عرفت ليه انا قصيرة!
ادهم:ايوة طبعا طبعا
دخلت غرفتها وامسكت الهاتف
عهد: فيروز ازيك
فيروز: اي يا عهد اختفيتى فين؟
عهد: انا عايزاكى تقولى لبابا ان مش هعرف اعمل ال قالى عليه.. مش هقدر
فيروز: عهد انتى حبيتيه
...
فيروز: سكتى لية؟
عهد: شكلى كده.
فيروز: ربنا يفرحك يا عهودا انا كان رأيي من الاول متدخليش ف الحوارات دى .. طب وهو؟
عهد: حنين عليا جدا.. معرفش طبع ولا حب
فيروز: الحنية حب
عهد: تفتكري؟
..
ادهم بصوت مرتفع : الاكل جااااهز يالاااا
عهد: اقفلى يا فيروز دلوقتى.
عهد لادهم: اى السرعه دى
ادهم: شفتي.. هو انتى كنتى بتكلمى مين ؟
عهد بارتباك: انا؟ .. مكنتش بتكلم
نظر لها ادهم بثبات مصطنع .. لما تكذب وهو سمع صوتها بنفسه تتحدث مع احد ..تسللت الغيره والشكوك الى داخله
ادهم: طب يالا كلى
عهد: مش هتاكل ؟
ادهم: لا ورايا مشوار ..متنسيش دواكى
وظلت الحرب البارده بينهم مستمره ليومان ..الى ان جاء ادهم من عمله ولم يجدها ولم تخبره...اشتعلت عيناه بغضب..ومُلأ عقله بالشك..جلس على الاريكه التى تقابل الباب.. مسندا رأسه ع يده محاولا التحكم فى غضبه..
عهد بلهفه: اي ده ادهم رجعت امتا
انتفض من جلسته واتجه اليها بأعين غاضبه .. وامسك ساعدها بجديه .. : كنتي فين وازاي متعرفنيش!
عهد بتألم من مسكته : فى اي يا ادهم مشوار سريع مش مستاهل اقولك!
ادهم بصوت مرتفع: بقولك كنتي فين؟ ومش انتي ال تحددي
عهد بارتباك : كنت عند الكوافير بعمل شعري
رفع حاجبه باستغراب ناظراً الى خلصلاتها ..
ادهم: غريبه مش شايف تجديد
عهد : فى اي هو انا ف محكمه؟
ادهم: مش محكمه بس كلامك مش منطقى
عهد متجاهله رأيه: هدخل اغير عشان نخرج شويا
ادهم بحديه : تمام البسي وادخليلى المكتب الاول وبعدين ننزل
...
ارتدي سريعا قميصاً ابيض ...مع بنطلون رمادياً ومشط شعره ووضع عطره ..ووقف امام مرآته يحدث نفسه..
اي غيران ؟ مضايق ليه؟ .. ما عادي هي اصلا مصلحه وهتخلص انت صدقت انها مراتك بجد؟ ..هتحتاجها ف اي يعني خد الامضاء منها وطلقها وخلاص بسيطه... تنهد ونظر الى المرآه مره اخري ...اي حبيتها؟
اوعي تكون حبيتها يا ادهم؟.. ضرب يده فى الحائط بغضب وخرج من الغرفه
عهد ارتدت فستان طويل باللون الاحمر ..ومشطت خلصلاتها وتركتها دون ان تربطهما ووضعت احمر الشفاه المفضل لها .. نظرت للمرآه .. وقالت : ههه منا عارفه يا ادهم ان اجابتي مش منطقيه .... مش هريحك يا ادهم واقولك كنت فيه هههه .. اصبر عليا خرجت وذهبت لأدهمها.
خرجت من غرفتها : انا خلصت
حاول الا ينظر اليها كي لا يلين قلبه ويُمحى غضبه .. لكن لن يستطيع الادهم الصمود ..امامها
نظر إليها طويلا ..وحاول ان يبعد عيناه لكنها آبت وتشبثت بها
تنهد بعدم ارتياح وقال : تعالى اقعدي عايزك
عهد: نعم
ادهم: امضي هنا.
عهد باستغراب: امضي؟ .. على اي ؟
تنهد ادهم : دي اوراق السفر .. عشان اطلعلك باسبور
عهد بطفوله: بجد؟ بجد هنسافر!
زفر ادهم : امم
عهد ممسكه يده : انا فرحانه اوي بجد
ازح يدها وقال: طب امضي عشان منتاخرش ..
ومضت عهد على تنازلها له لجميع املاكها دون علمها ..
واستطاع المخادع .. من تنفيذ خطته اللعينه
عهد: يالا ننزل سبني اختار المرادي المكان
ادهم بذهن شارد: ماشي
عهد: يالا روح على اللوكيشن دا
...
وصلا الى المكان الذى لا يوجده به سواهم ..مظلم وغريب
ادهم: انتي جايبانا فين؟
عهد : متصبر على رزقك..جايبالك ناس يموتوك مثلا؟
ادهم: محدش يقدر.
عهد: ماشي يعم المغرور
اقتربا اكثر ليجد طريق مضيئ على جانيبه شموع مُزين بالورود .. وطاوله بكرسيان ف المنتصف ..
عهد: اى رأيك ف المفاجأه دي
ادهم: انا مش فاهم حاجه
عهد: تعالا بس
امسكت يده ببتسامه حتى وقفا ف المنتصف تماما.
عهد : كل سنة وانت طيب يا ادهومى ..انت ازاي مش واخد بالك من انهاردا عيد ميلادك
ادهم: انتي عرفتي منين ؟ ..
عهد: مش لوحدك يعني ال بتعرف تعمل تحريات... عرفت انا كنت فين .. اسفه اني نزلت من غير مااقولك بس كنت عايزا اعملك مفاجأه ..
..
اغمض عينه بندم وتنهد : استنيني خمس دقاق وجاي
عهد: سايبني ورايح فين؟
ادهم: حاجه مهمه كان لازم تتعمل من بدري. مش هتأخر
ذهب الى سيارته والتقط هاتفه
ادهم: ايوا يا بابا
الاب: اي يا ادهم خلصت؟
ادهم : الاوراق؟
الاب: ايوه يا ادهم
ادهم: ايوه خلصت ومضت على الاوراق
الاب : هايل هتجيبها امتا؟
ادهم: مش هجيبها
الاب :نعم اوماال هتعمل اي؟
ادهم: هولع فيهم .. حل مشاكلك بعيد عن حياتي ومراتي ..مش هخدعها مش هبقى بالحقاره دي مع واحده آمنت ليا سلام
وامسك ولاعته ..واشعل النار بهم حتى تحولو الى رماداً
عاد اليها ببتسامه عريضه ..جلس امامها وامسك يدها
ادهم: اسف
عهد : بتتاسف ليه
ادهم :مش مهم على اي ..المهم ان انتي معايا
اوعدك ان مش هيحصلك اي حاجه ولا هتتأذى طول منا عايش .. اوعدك انك هتبقى عُهدتي ال عمري ماهفرط فيهاا ابداً ..
قبل يدها وقال: بحبك يا عهد
عهد: كنت مستنيها من كتير ..حبيتك من اول ماشوفتك
ابتسم ادهم: لسه عايزا تروحي الملاهي
عهد : ياريييت لو مرجيحه حتى انا مش طماعه
ادهم :هعمل تليفون.. ثواني
ادهم: عايزاك تحجزلى تذكرتين
الموظف: لفين يا فندم..
نظر الي عهده وغمز : لديزني لاند
إذا كانت البدايات وحدها جميلة، دعينا نبدأ مجددًا.. دعينا نبدأ مرارًا وتكرارًا، لا ننتهي أبدًا، ولا نتوسط ولا نتعمق ولا نمل فننتهي، دعينا نبدأ ثم ننسى اننا بدأنا ونعيد البداية، وننسى إلى اللا نهايه....
أعدك ان تكوني عهدي وعُهدتي وحبيبتي الى الأبد.🖤
تمت..🖤
.
تعليقات
إرسال تعليق