مجمع الروايات الكامله والحصريه فقط اضغط على اسم الروايه موجوده كامله في موسوعة القصص والروايات جميع الفصول مع البرنس محمد السبكي قصص وروايات كامله يسعدني تواجدكم معنا في المدونه

💥البارت الثاني عشر💥بقلم سلطان زماني 

بعد العملية كان لازم اروح اعمل علاج طبيعي علشان دراعي 

اعرف احركه بقيت بشحت منهم فلوس الجلسات 

وكريم بعت امه معايا تسال في المركز علشان كان فاكر اني 

بضحك عليه  وينصب عليه في الفلوس دي 

الي كانت بتقولي كده ضرتي والوحيدة الي 

كانت مصدقه اني حماتي زقت السلم وكانت قصده توقعني 

هي ضرتي ومرات ابويا

 والله. لا كنت بعرف اكل ولا أشيل ابني ولا ارضعه ولا عارفه 

اغير هدومي ولا اعمل لنفسي ولا حاجه عديت المرحلة دي 

ب اعجوبه 

طول فترة الألم والوجع دي مش بعمل حاجه غير اني 

اتحسبن وادعي عليهم كلهم ..امي خلت احمد يجبلها الفلوس 

الي عند الراجل الي اشتري البيت  من ابويا وكان عليه باقي 

فلوس خد منه ٤٥ الف 

وهي كملت عليهم من فلوسها تحويشة عمرها واشترت عربية 

ربع نقل لجوزها وكتابتها ب اسمه 

وكان باقي فلوس عليها هي الي مضت علي الوصلات

  الي عرفني كل ده مرات ابويا  ولما اتصلت ب احمد قالي اه 

حصل وقولتله اني عايزه  حقي في الفلوس دي وكنت ناويه 

اخد حتي 10000 وأهرب أنا وابني لقيت بجاحه وقلة ذوق 

وشتيمه واهانه من امي وتقولي اشتكينا في القسم يا ختي 

المهم جوزها خلع بالعربية  وسبها تلف حوالين نفسها وكسرها 

ودمرها وبقا شكلها عره قدام أمها واخواتها بقت كل ما تعرف 

أنه في بلد تسافر وتدور وترجع ايد ورا وايد قدام لحد ما 

الراجل الي معه الوصلات زهق ورفع الوصلات وفي آخر 

جلسه  في المحكمة امي اتصرفت في الفلوس واستلفت من 

اهلها علشان متتحبسش 

وكبرت وبان عليها العجز بعد ما جوزها نصب عليها وسبها 

بقت تجلها اخبار أنه اتجوز وأنه باع العربية وبيخلص في 

أوراقه و هيسافر الكويت وهي هتموت وتوصله بأي طريقة 

مش عارفه 

سمعة امي بقت زاي الزفت واحمد اخويا مكنش يعرف عنها 

حاجه ..وفقت ومعترضتش لما عرفت أنه بيشرب  علشان 

يتوه وميحسش بالي بتعمله  

حتي التوكتك الي كان شغال عليه اخويا طلع بتاع امي وهي 

عاملة الحوار ده علشان ميستعبطش ويدفع الايراد

 لعم محي كل يوم 

وعم محي بعد ما اخويا يطلع الشغل بالتوكتك يطلع هو ل 

امي يديها الايراد  أو هي ترحله تاخد الفلوس منه

 احمد قفشهم وهو الي فضحها واخواتها بقت تقوله عيب لما 

تقول ع امك كده وهو يقول هي الي عيب لما تبقا ست في 

سنها وتبقي شمال وامي تلطم وتصوت وطلعو احمد مجنون 

وأنه ببتهيالو بسبب الهباب الي بيخده واني عن محي ده 

راجل الدنيا كلها بتحلف ب اخلاقه وأدبه ..  وفين لما سكتوه 

والدنيا هديت ورجعو عاشو تاني مع بعض بس ع طول 

شاكك فيها وبيبصلها بصات وحشه وهي ضحكت عليه وادتله 

التوكتك خالص ليه  وهو نسي امه ونسي الي عملته وبقا 

يعاملها ولا اكنها اشرف ام في الدنيا وبقا يسبها برحتها وخطبتله كمان وعايزة تجوزه 

يتبع 

💥تكملة البارت التاني عشر💥بقلم سلطان زماني 

وامي جوزت احمد اخويا وقعدت معاهم لحد ما احمد زهق 

منها ومن سمعتها وبقا يلاحظ أنها بتاخد مراته معها وبقا 

يشك أنها بتخليه تقابل رجالة بس مش متاكد

 المهم بقا يمد ايده عليها ويفضحها في الشارع ويشتمهم وأخواته 

مبقاش ليهم حكم عليه ولا عارفين يضحكو عليه زاي الاول

لحد  ما امي سبات البيت واتجوزت وعاشت في بلد امها مع 

واحد  ميعرفش عنها حاجه وعاشت معه واحمد اخويا الي 

كان ديما يحكيلي عنها ويشتكيلي منها مبقاش يسال ولا 

يكلمني

 انشغلت شوية بالاحداث دي وكانت ملهياني علي الي انا فيه 

ومصبراني وكانت بتهون عليا بلوتي وكنت بشوف اني الي 

بيحصل ل امي ده انتقام ربنا من الي عملته في ابويا زمان 

وفضلت عايشة مستحملة وصابره كام شهر لحد ما كريم 

شاف موبيلي وشاف سجل المكالمات واتاكد اني بكلم ضرتي 

ومكالمات بالساعات ونزل ضرب فيا وتلطيش وأمه تقوله 

ادبها والعيب ع الوسخه الكبيرة الي فوق هي الي شجعتها 

ترد وتبجح ويبقا ليها صوت بنت المفضوح من كتر الضرب 

والإهانة الكلام نفسه مبقاش يوجعني ولا الضرب بقا ياثر فيا 

ومبقاش في عيوني دموع تنزل اتوجعت بما فيه الكفاية 

سبني وطلع فوق وسمعت صويت ضرتي وعمال يشتم فيها 

قمت من غير شعور وبدون وعي نطيت علي حماتي وبقينا أنا 

وهي في الأرض وبقيت اطلع شعر رأسها في أيدي وضرب ع 

وشها وقمت مسكت كرسي حديد وبقيت ارفع الكرسي لفوق 

اوي وبعزم ما فيا انزل عليها جت تقوم مسكتها وفضلت 

اعض فيها بغل واضربها برجلي وهي بتشتم بصيت ع ابني 

واخدته وطلعت الشارع الناس بقت خايفه مني ومن منظري 

والدم الي علي بقي وشفايفي من عضي ليها

 ركبت توكتك وانا لا معايا تليفون ولا حتي لبسه عباية خروج 

وابني سنتين ونص ومش عارفه اروح فين ولا اعمل ايه 

مصدقتش شكلي لما بصيت وشوفت وشي في مراية 

التوكتك فضلت امسح الدم ومزهولة من الي حصل وبقول أنا 

عملت كده ازاي وياتراه هيعملو اي واحضن ابني من الخوف 

والقلق الي انا فيه 

والواد ماشي بسرعة وخايف وسألني انتي عملتي ايه وهربانه 

من مين قولتله ده جوزي وانا عايزة اروح اعمل فيه محضر 

أنهم ضربوني وكانو حبسني

 الواد قالي هنا المركز محدش هيهتم لازم تروحي المحافظة 

احسن تعملي بلاغ في القسم هنا الظابط الي في النقطة 

هيقول كلمتين لجوزك وهيرجعك ليه لانه مش بيحب خراب 

البيوت وأهل البلد كلهم عارفينو 

قولتله أنا مش معايا فلوس ووصفتله بيت مرات ابويا رحت 

ملقتهاش اتصلوا بيها  في التليفون جت بسرعة وقالتلي 

اوعي تهربي ومفيش مشكلة ملهاش حل 

قولتلها اني محتاجه اي فلوس 

قالتلي هديكي بس اوعي تهربي ولاد الحرام كتير ومش 

هيسبوكي في حالك يابنتي

يتبع ..رايكم بدون ملصقات 👌

 تكملة الروايه من هنا