 |
البريئه والذئاب 13
ايامي بقت شبه بعضها وحماتي طلعت اوسخ بني ادمه شفتها
في حياتي مش بتهدا ولا يهدلها بالي غير لما تخلي علاء
يزعقلي ويضربني ولما اجي اشتكيله يقولي مليش دعوه بالي
بينك وبين امه ولما هي تشتكيله يزعقلي ويضربني عمرو بقا
يجي يسهر مع علاء في الاوضة التانية ويساله عليا وكان
بيخليني اروح اسلم عليه وأوقات يجبرني اقعد معاهم وانا
بتحجج باي حاجه واقوم اول انزل اقعد مع حماتي تحت
حماتي كل ما تشوفني لازم تقولي اعملي حاجه شكلها
بيصعب عليها اني اقعد فاضيه ولا اتفرج ع التليفزيون
في مره وانا باخد شاور تحت وكان علاء في الشغل ومفيش
في البيت كله غير حمايا دخلت الحمام وقلعت هدومي
وحطتها علي الشماعة الي وراء الباب خبط عليا حمايا وقالي
اوعي خدي بالك السخان ومحبس الحنفيه بيكرهبو اتخضيت
وقولتله يعني اشغل المياة ازاي قالي افتحي طيب هعملهالك
وابقي ادخلي تاني لبست هدومي تاني وطلعت دخل وقفل
الباب وانا بعدت لحد ما خلص ندا عليا وقالي ظبطهولك
دخلت لقيت غطاء قاعدة الحمام مفتوح زاي ماهو ومطلعش
عليه علشان يعمله زاي ما قال قفلتها وملقتش اي اثر
للشبشب بتاعه ببص علي هدومي لقتها ولقيت الفوطة الي
كانت متعلقه ع اكرة الحمام متشاله ومحطوطه مع الهدوم
فوق قولت يمكن وقعت من الفتح والقفل وهو شالها عادي
قلعت هدومي وقعدت ع القاعدة اعمل حمام وببص في
الخرم الي تحت الاكره لقيته عتمه قولت يمكن طفي نور
الصالة ببص ع الحز الي تحت الباب لقيت نفس الغيامه قفلت
صوت المياة الي بينقط وسمعت صوت حركة عرفت أنه
شافني من الخرم ده حطيت الفوطة تاني ع الاكره واخدت
الشاور بتاعي بسرعة واكدلي أنه هو لما ملقتوش في البيت
اتخانقنا أنا وحماتي كتير اوي وكل مره بعديها ومش عايزة
اعمل مشاكل وعارفه أني محدش هيقفلي ولا هيجبلي حقي
وآخري هسمع معلشي وعيشي يابنتي والبيوت كلها فيها
وفيها لحد ما في مره لقتها داخله الاوضه عندي وبترمي
الهدوم بتاعتي وبتاعة ابنها عوالارض وبتفتح الإدراج
وتفضيها يسألها في ايه قالتلي الغويشة بتاعتي فين
قولتلها ايه الي هيجبها هنا قالتلي ايدك الطويلة هي الي
جبتها هنا يا حرامية قولتلها احترمي نفسك أنا مش حرامية
ولولا أني بعتبرك زاي امي أنا كنت خربت الدنيا قامت
وزقتني في صدري اتخبطت في الحيطة من قوة الخبطة
مشفتش قدامي وجريت عليها ازقها لقتها بتقرب عليا وعايزة
تضربني مسكتني من هدومي وانا مسكت الطرحه الي لبسها
وفضلت أشد في شعرها وزقتها وقعت ع الأرض نزلت تحت
لقيتها نزله ورايا وعماله تشتم وتقولي انا بتمد ايدك عليا
يابنت الوسخه ده انا هخلي يوم اسود طلعت لحد ما لقيت
نفسي في الشارع وهي في ايديها عصاية مقشة والجيران
اتلمت والشارع كله بقا يتفرج ويسمعها وهي بتشتمني
وتقولي ياحرامية بتتبلا عليا اني ضربتها لحد ما وحده
صحبتها اسمها ام صبري دخلتني وقالتلها عيب الفضايح دي
طلعت اتصلت ب الهام اختي قولتلها دلوقتي حالا تجيبي
امك وتيجي لقيت ام صبري بتقولي ملوش لازمة يابنتي
متكبريش الحكاية قولتلها أنا متشتمش وميتقاليش
ياحرامية بقا بعد ما اقبل اني اتجوز ابنك المعفن واعيش في
الخرابه دي تسرقوني انتي اصلا ناس وسخه حماتي قالت ل
ام صبري شاهد علشان لما يجي علاء وأبو علاء تقوليله قالتها
البت من ساعة ما جت عندكم ومحترمة وفي حالها ومحدش
بيسمعها حس وانتي يا ام علاء الي بنفسك كنتي بتقولي انها
محترمة ومتربية قالتلها كنت حماره وبصتلي وقالتلي ورحمه
امي أن ما جبتي الغويشة ل اخلي علاء يقطع من لحمك
ويرمي للكلاب يا فاجره لسه هرد عليها وشتمها لقيت ام
صبري حطت أيدها ع بوقي وقالتلي اطلعي شقتك فوق
ومتنطقيش قولتلها شقة اي دي عشة فراخ وانا مش هعيش
تاني هنا خلاص هي كده خلصت اهلي هيجو اخد حاجتي
وامشي قالتلي حاجة مين يا ام حاجات تلمي هلاهيلك
هدومك الي جيتي بيها وتغوري وانا ابني هجوزه ست ستك
ام صبري قالتلها ما تسكتي بقا يا ام علاء في ايه مالك
قالتلها غويشتي بنت الحرام دي سرقتها قالتلها كنتي شيلها
فين قالتلها في الدرج بتاع التسريحه دخلو مع بعض يدورو
تاني وانا قاعدة بغلي مستنيه امي وخالي لقيت ام صبري
طالعه بتقولي خلاص يابنتي علشان خاطري لمي الدور
واسكتي ومتعرفيش حد وكلمي الي كنتي بتكلميهم دول
قوللهم اني مفيش حاجه المشاكل مش حلوه
قولتلها والله ما هعيش تاني مع الناس دي وانا غلطانه اني وفقت من الاول
واستاهل ضرب الجزمة تقولي علشان خاطري الغويشة
خلاص لقنها اول ماسمعت أنهم لقوها اتجننت وبقيت اشتم
فيها ومعرفش أنا بقول الالفاظ دي ازاي واصوت وخربت
الدنيا لقيت أمي وجوزها دخلو امي جريت عليا وقالتلي عيب
ياوعد الي بتقوليه ده وجوزها قال ل ام صبري هتلها مايه
تشرب وقرب شربني وقالي اهدي وطبطب عليا انهرت من
العياط وقولتلهم أنا عايز أطلق لقيت امي بتقولي اي الي
حصل لده كله
قولتلها قاعدة في امان الله لقتها داخله الأوضه بترمي
الهدوم من الدولاب وقلبت كيان الاوضه تعالي شوفو وطلعت
وورتهم منظر الاوضه ..بسالها في أي قالتلي الغويشة
ويااحرميه ويابنت الوسخه ويا وزقتني في الحيطة وكانت
عايزه تضربني نزلت تحت لقتها جايه ورايا طلعت الشارع
فضلت تشتم وفضحتني قدام الناس كلها واساليهم وخالتي
ام صبري شاهدة لقيت حماتي طالعه قالت ل امي بنتك مش
متربيه يا ام الهام بنتك ضربتني وشتمتني وانا لو علاء وأبوه
مجبوليش حقي قسما برب العزة أنا الي هسيب البيت
لقيت علاء وعمرو دخلين علاء جري ع امه يسألها وعمرو
جري عليا انا ..عمري عمال يسالني وانا مش مركزه معها وهي
بتحكي لقتها انهارت في العياط وهو عمال يقولها اهدي يا
امي قالتله مراتك ضربتني وهزقتني وفضحتني وفرجت عليه
الشارع كله يرضيك ام في السن ده عيله من دور عيالي
تهزقني لقيت علاء جاي عليا عمرو وقف قصاده وقاله انت
هتعمل اي قاله سبني اكسر عضمها اوعي وبيرفع ايده عمرو
مسكها وقاله اهدا بس كده انت مش سمعت من امك نسمعها
هي قولتله لا سيبه يضرب ما هو مش بيعرف يعمل راجل غير
عليا اضرب يا ياناقص ياعره الرجالة بيحاول يفلت من عمرو
علشان يوصلي بس مش عارف وعمري بصلي وبرقلي وقالي
اسكتي ياوعد قولتله أن عايزة أطلق مش هعيش تاني مع
الناس الزبالة دي قالي انتي بكلامك ده
لو ليكي حق بتضيعيه إنا عايز افهم حكتله كل حاجه وسالت
امي صبري قدامه قولتلها بالله عليكي أنا غلطت ام صبري
قالت شهادة اتحاسب عليها قدام ربنا وعد مغلطتش والغلط
كله عندك يا ام علاء ...حماتي فضلت تصوت وطردت ام
صبري وقالتلها يلا يأمره يامنافقه يا ام وشيين قالتلها كل ده
علشان قولت كلمة حق ع العموم ربنا يسمحك وانتي يابنتي
متخربيش بيتك وربنا يهدي الحال ومشيت
يتبع
تكملة الروايه من هنا هنا
تعليقات
إرسال تعليق