مجمع الروايات الكامله والحصريه فقط اضغط على اسم الروايه موجوده كامله في موسوعة القصص والروايات جميع الفصول مع البرنس محمد السبكي قصص وروايات كامله يسعدني تواجدكم معنا في المدونه

عشقت تلك العنيده 

part 18💫❤

وتين اتصدمت لما شافت المكان متزين وكله ورد وفى تربيزه متزينه وعليه تورته ومكتوب عليها بحبك ❤

وتين كانت واقفه مبرقه ودموعه نزلت وفجاه لقت زياد نزل على ركبه وبيقدملها خاتم 

زياد بحب؛انا عارف انه جوازنا حصل بسرعه وصدمنا احنا الاتنين بس حابب اقولك انه جوزاى منك كان اجمل حاجه حصلتلى فى حياتى انت غيرتينى 180 درجه خليتى حياتى تتحول من الحزن للفرح رجعتيلى ضحكتى ومليتى حياتى فرح وسعاده انا بحبك يا وتين انا بعشقكك مش بس بحبك تقبلى تكملى حياتك معايا 

وتين دموعها نزلت وهزت رأسها بمعنى موافقه 

زياد بصلها بعيون لامعه ولبسها الخاتم وقام 

وتين بدموع؛انا بحبكك اووووى يا زياد انت اجمل عوض من ربنا ليااا 

وتين اترمت فى حضنه وزياد ضمها ليه 

زياد طلعها من حضنه ومسح دموعها ومسك ايدها وبداو يقطعوا التورته وبعدها اشتغلت اغنيه رومانسيه وفضلوا يرقصوا وقضوا اليوم مع بعض وهما مبسوطين 

🌹🌹🌹فى شقه حمزه 🌹🌹🌹

رهف كانت قاعده فى الاوضه وبتتفرج على صور حمزه وعلى وشها ابتسامه 

حمزه بضحك ؛اممم عاجبك اووى 

رهف بصدمه ؛انت انت جيت امته 

حمزه ؛لسه جاى قوليلى بقاا بتعملى ايه بصورى 

رهف بتوتر؛هاا لا عادى مليت من القعده الألبوم وقولت اتفرج شويه 

حمزه؛اممم طيب اى رايك نطلع نتعشاء بره 

رهف بفرحه؛موافقه 

حمزه بابتسامه؛ماشى يلاه قومى البسى وهستناكى بره 

رهف ؛ماشى 

حمزه طلعت ورهف قامت طلعت بنطلون جينز وبلوزه بكم تقيله ولبستهم وعملت شعرها ديل حصان وحطت ميكب خفيف يبين ملامحها وطلعت 

حمزه اول ما شافها وقف وفضل متنح 

رهف بتوتر من نظراته ؛احمم انا جاهزه 

حمزه بسرحان؛انتى أزاى جميله كده 

رهف بكسوف؛ش شكرا 

حمزه بابتسامه؛يلاه بينا 

رهف؛يلاه 

حمزه مسك ايد رهف وطلعوا من الشقه وركبوا العربيه ومشيوا  

🌹🌹🌹عند المجهول.🌹🌹

كان قاعد وبيخطط أزاى يتخلص من عيله نصار 

الشخص ؛انا جبتلك المعلومات عن البنت 

المجهول بخبث:تمام قول 

الشخص؛البنت اسمها رهف كانت عايشه مع عمها ومراته بعد مو،،ت أهلها واللى عرفته انه ابن عمها كان عاوز يتجوزها غصب عنها ويوم كتب الكتاب هربت وجت القاهره وقدمت على وظيفه فى شركه زياد نصار واتقبلت وهى كانت السكرتيره قبل سوزى وعرفنا انه عمها وابن عمها راحوا شقتها وحاولوا ياخدوها بالغصب ووقتها حمزه نصار انفذها منهم وضر،،ب الشاب وسلمهم للشرطه واتجوز البنت علشان يحميها  واللى اعرفه انه الشاب عاوز ين،،تقم من حمزه باى طريقه 

المجهول بضحكه خبيثه؛حلو اووى عاوزك تجبلى الولد ده 

الشخص؛ايوه بس ده مسجون 

المجهول بعصبيه؛تهربهولى وتجيبه 

الشخص؛تمام 

المجهول بح،،قد؛انتظرو دما،،ركم قريب يا ولاد نصار 

بقلم؛مارينا عبود 💫❤

🌹🌹فى فيلا زياد نصار 🌹🌹🌹

ادهم رجع وملقيش حد فى البيت وعرف من الحرس انه زياد اخد وتين وطلعوا وادهم كان خايف يكون حاجه حاصله معاهم طلع فوق وغير هدومه ونزل قعد على الكرسى وفجاه لقه زياد ووتين داخلين من باب الفيلا وبيضحكوا وصوت ضحكاتهم عالى 

ادهم كان واقف ومش مصدق انه ابنه رجع يضحك من قلبه زى الأول وباين من ملامحهم انه هو ووتين علاقتهم اطورت فى الفتره الفاتت 

زياد بصدمه؛ بااابا انت جيت امته 

ادهم بحب ؛لسه جاى يابنى 

وتين قربت وسلمت عليه؛حمدلله على السلامة يا بابا

ادهم بنظره امتنان ؛الله يسلمك يا بنتى طمنونى عليكم وبعدين فين الخدم ودادا فاطمه 

زياد بابتسامه ؛اديتهم إجازه أصلهم  كانوا محتاجين راحه وبص لوتين وغمزلها 

وتين وشها احمر من الخجل واستاذنت وطلعت اوضتها وزياد بصلها وابتسم

ادهم بحب ؛مبسوط اووى انى شفتك بتضحك يابنى 

زياد نزل على ركبه ومسك ايد ادهم وباسها 

زياد بحب؛ده كله بفضلك انت انت اللى دخلت وتين لحياتى وكنت متاكد انها هتقدر تغيرنى بس بس قرارك انك تجوزنى وتين وقرارات كتير بتاخده عنى وديما بتبقه فى مصلحتى انت عملتلى كتيرر اووى كنت ليااا الاب والام وكل حاجه انا اسف انه بسببى اتعذ،،بت وعانيت حقك عليه بس اوعدك انه حياتنا الجاى مش هتبقه غير سعاده وبس

ادهم قرب واخده فى حضنه وغصب عنه دموعه نزلت مكنشى مصدق انه اللى بيتكلم ده نفسه زياد ابنه

(عاااا جماعه هعيط ولله 😿❤)

زياد مسح دموعه وقام وباس جبينه ؛قوم علشان ترتاح 

ادهم بحب؛حاضر يابنى وانت كمان 

زياد :حاضر 

ادهم طلع اوضته وهو مبسوط انه وخلاص عيلته هترجعلها الفرحه 

وزياد طلع الاوضه واتصدم لما شاف وتين

 

🌹🌹🌹عند حمزه 🌹🌹🌹

حمزه وقف راحوا كافيه وطلبوا اكل واتعشوا وبعدها طلعوا 

رهف بتوتر ؛حمزه ممكن طلب 

حمزه؛اطلبى

رهف؛ممكن نتمشه شويه لو مش هتضايق 

حمزه بابتسامه ؛لا يا ستى مش هضايق يلاه بينا 

رهف بفرحه؛انا بحب الجو ده اووى 

رهف كانت بتلف وتلعب زى الطفله والجو كان برد اووى وحمزه كان واقف بيضحك

رهف بفرحه؛حمزه ممكن تجبلى ايس كريم 

حمزه بضحك؛طفله اووى 

رهف بترجى؛بترجاك 

حمزه ؛ماشى يا ستى تعالى 

حمزه اخد رهف وجابلها ايس كريم وقعدوا على الرصيف 

رهف كانت بتترجف من البرد حمزه خلع الجاكت بتاعه وحطه عليها 

حمزه؛يلاه قومى علشان متتعبيش من الجو ده 

رهف بفرحه؛لا خلينا شويه 

حمزه كان مبسوط علشان شايفها مبسوطه وفضل سرحان فيها وهى بتحكى ومركز مع حركتها وكلامها 

رهف ،يلاه بينا 

حمزه ؛يلاه

حمزه مسك ايد رهف وركبوا العربيه ورجعوا البيت 

🌹🌹🌹فى فيلا زياد نصار ❤❤❤

زياد طلع الاوضه واتصدم لما شاف وتين بتعيط 

زياد جرى عليها واخدها فى حضنه ؛وتين مالك يا حبيبى فيكى ايه 

وتين مسحت دموعها واتكلمت بحزن ؛مفيش يا زياد بس ماما وحشتنى اووى 

زياد؛يا روحى ادعيلها بالرحمه هى اكيد فى مكان افضل قومى معايا 

زياد قومها وقعدها على السرير 

زياد؛ارتاحى وانا هروح اغير هدومى واجيلك 

وتين بحب؛ماشى 

زياد اخد هدوم ودخل غير هدومه وطلع لقه وتين نامت قرب وقعد جنبها واخدها فى حضنه ونام 

🌹🌹🌹فى شقه حمزه 🌹🌹🌹

حمزه؛يلاه ادخلى غيرى هدومك وانا كمان هدخل اغير 

رهف؛ماشى 

رهف دخلت ولبست بيجامه بيتى وطلعت لقت حمزه قاعد قدام التليفزيون 

رهف؛انت مش عندك شغل بكره والمفروض تروح تنام 

حمزه بضحك ؛لا بكره إجازه 

رهف؛طيب بتسمع ايه 

حمزه بضحك؛فيلم ررررعب تسمعى ولا بتخافى 

رهف ؛اخاف لا انا مش بخاف 

حمزه بضحك؛خلاص ادخلى هاتى بطانيه من جوه وتعالى اقعدى

؛رهف ؛ماشى 

رهف دخلت وجابت بطانيه وقعدت جنب حمزه والاتنين اتغطوا بالبطنيه وحمزه قام طفى النور 

رهف بهدوء عكس ما بداخلها من خوف؛احم انت ليه قفلت النور 

حمزه؛علشان الفيلم هيبدا وبصراحه الفيلم ده محتاج انه اطفى النور 

رهف بغيظ؛ماشى 

حمزه قرب وقعد جنبها والفيلم ابتدا

وكل ما تيجى لقطه مرعبه رهف تستخبه فى حمزه 

حمزه بضحك وسخريه وهو يقلدها؛اخاف لا انا مش بخاف نينينى 

رهف ضر،،بته على كتفه بغيظ ؛انت مستفز 

حمزه بضحك؛عارف وبعدين لما انتى بتخافى من افلام الرعب وافقتى تسمعى ليه 

رهف بتسرع؛علشان افضل معاك 

حمزه بصدمه؛هااا 

رهف بتوتر؛ق قصدى علشان انا مش لاقيه حاجه اعملها ف قولت اقعد معاك 

حمزه بضحك؛ماشى يا ستى قومى ننام 

رهف ؛ماشى تصبح على خير 

حمزه بابتسامه؛وانتى بخير 

رهف دخلت اوضتها وكانت خايفه لأنها بتخاف اووى من افلام الرعب حاولت تنام بس معرفتش من الخوف 

رهف طلعت وراحت اوضه حمزه خبطت 

حمزه قام وفتحلها 

رهف بخوف؛ه هو انا ممكن انام معاك فى الاوضه النهارده 

حمزه ابتسم ومسكها من ايدها ودخلها قعدها على السرير 

حمزه قفل الباب ورجع قعد جنبها؛خايفه مش كده 

رهف ؛اااه 

حمزه ،طيب ليه سمعتى معايا الفيلم بما انك بتخافى من افلام الرعب او على الاقل كنتى قوليلى كنت سمعنا اى حاجه غيرها 

رهف ؛بصراحه كنت عاوزه اقعد معاك لانه انا مش بحس بالأمان غير معاك وحسيتك بتحب افلام الرعب فى محبيتش اضايقك 

حمزه نام وشدها لحضنه ورهف كانت مكسوفه اووى منه 

حمزه حط ايدها على شعرها وفضل يملس عليها؛اهدى متخفيش نامى انا جنبك 

رهف بصتله وابتسمت وبعدها راحت فى النوم 

حمزه قرب وباس جبينها؛شكلك هتملكى قلبى يا رهف على الرغم من انى خايف ارجع اقع فى الحب واتكسر تأنى بس مبقتش قادر اتخيل حياتى من غيرك بقيتى حاجه اساسيه فى حياتى 

حمزه ضمها لحضنه وراح فى النوم 

🌹🌹🌹🌹🌹❤❤❤❤❤ 

مر اسبوع على ابطالنا زياد ووتين علاقتهم اطورت جداا وكل يوم زياد بيحب وتين اكتر من اليوم اللى قبله وكذلك وتين 

رهف وحمزه علاقتهم بدأت تطور وبقوا قريبين من بعض وكل يوم حبهم لبعض بيزيد بس كل واحد مش عارف يعترف للتانى بمشاعره 

فاطمه رجعت البيت 

وأدهم مبسوط بتطور علاقه زياد ووتين وحبهم لبعض

بقلم؛مارينا عبود 💫❤

🌹🌹فى الشركه 🌹🌹🌹

زياد كان قاعد على مكتبه وبيكلم وتين على الفون وصوت ضحكته عاليه 

حمزه دخل واتصدم لما شاف زياد قاعد وبيضحك 

حمزه بفرحه،زيزوووووو 

زياد؛ماشى يا حبى اكلمك بعدين باى 

زياد بضحك؛وحشتنى يا حيو،،ان 

حمزه قرب وحضنه 

حمزه ؛حمدلله على السلامة يا صاحبى 

زياد ؛الله يسلمك 

حمزه بفرحه؛مبسوطه انى وأخيرا ضحكتك رجعتلك يابن عمى كان وحشنا زياد بتاع زمان 

زياد بحب ؛واهو رجع زياد بتاع  زمان بس سيبك منى اخبار عروستك ايه ازاى تتجوز ومتقوليش 

حمزه بصدمه ؛انت مين قلك 

زياد؛بابا يا سيدى حكالى كل حاجه بس قولى بتحبها 

حمزه حط ايده فى راسه بحيره؛مش عارف 

زياد قعد على مكتبه واتكلم بضحك؛ولله ده كله ومش عارف يعنى انت اتجوزتها ادا واجب يعنى 

حمزه بحزن ؛زى متقول كده خايف اتجرح مره تأنى 

زياد؛يابنى لازم تنسه بقاا وبعدين مش انت اللى كنت بتقولى الكلام ده يبقه مالك بقاا انسه واعترفلها بحبك وبعدين هى خلاص بقت مراتك ولازم علاقتكم يكون ليه مصير اما انك تكمل معاها او تطلقها 

حمزه بعصبيه ؛لا انا مستحيل أطلقها ده على جث،،تى

زياد؛يبقه خلاص خد قرارك 

حمزه بحزن؛هشوف يلاه انا هروح اشوف شغلى 

زياد ؛ماشى يا حمزه ربنا يهديك 

حمزه طلع وهو بيفكر فى كلام زياد هو فعلانا لازم يحدد مصير علاقتهم هو بيحبها بس هو ميعرفش ياتره هى بتحبه ولا لا حمزه اخد قرار انه يتكلم معاها اول ميرجع من شغله

 

🌹🌹فى فيلا زياد نصار 🌹🌹🌹

وتين كانت قاعده بتلعب فى التليفون وفجاه جتلها مسج 

وتين اتصدمت وفونها وقع فى الارض و...

يتبع....

رايكم...

#عشقت_تلك_العنيده 💫❤

بقلم؛مارينا عبود 💫❤

بارت طويل اهوو عاوزه تفاعل جامد بقاا وكومنتات كتيرر علشان دول بارتات النهايه  دمتم بخير ❤❤❤💫

تكملة الروايه من هنا