 |
البارت (22) بقلم ✍️ سلطان زماني
كرهت نفسي وحياتي وأيامي وعيشتي وعلي طول في
خناق مع علاء وتعبت من الكلام معه واني اقنعه اني اجيب
شقة برا لدرجة اني قولتله هشتغل هجيب هدوم وهبعها
بالقسط وهساعد معاك في الايجار وهو كل الي بيفكر فيه أنه
يوفر هيلاقي فين عيشة كده سكن ببلاش اكل وشرب ببلاش
وكمان اخر الليل في وحده ينام معها كلمت اختي علشان
عايزة أسقط وسالتني ليه مقدرتش اقولها وقولتلها علشان
بنتي صغيرة لسه واني حياتي مش مضمونه مع الزفت ده
قالتلي حرام عليكي تسقطي وكلمت امي وقعدت تقنعني هي
وجوزها أنه حرام وانا مش قادره اقولهم الحقيقة
عمرو كمان كلمني من رقم غريب اشتراه جديد علشاني
وفضلت اشتمه واهزقه وقفلنا وكلمني مره وانا عند الدكتوره
الي بكشف وبتابع عندها وجاني هناك وكان مستني برا معايا
وفضل يكلمني ويقولي سامحيني وأنه لسه بيحبني ومش
قادر ينساني واني كل اخباري والمشاكل الي كانت بتحصل
كان عارفها من علاء وأنه هو الي منعه أنه يضربني ويرخم
عليا وياخد تليفوني خلصنا ونزلنا ركبت معه عربيته ومشي
بينا بعيد وفضل يتكلم وهو في العربية بعيد عن عيون الناس
قولتله انت عملت فيا كده ليه
عمرو ..أنا كنت في وقتها اناني اوي ياوعد كنت بحبك حب
جنوني واضايقت لما لقيتك رفضاني ومش حسه بيا
وبتمنعيني حتي من اني احبك
_ الي بيحب حد مش بيظلمه وياذيه كده انا لا فرحت ولا
شفت يوم حلو مع الناس الوسخه دي ومفيش حد رحمني
منهم كلهم كسروني وبهدلوني
عمرو ..روقي طيب والي اتكسر يتصلح ..نفسي بس تحسي
بيا وتقدري حبي ليكي
_ هتصلحو ازاي بالبنت الي شيلاه ع ايدي دي ولا الي في
بطني منك لله يا شيخ ربنا ينتقم منك
عمرو ..تاني ياوعد بتدعي عليا طب انتي ايه الي يرضيكي
وانا والله هعمله
_ الي يرضيني انك تقنع الزفت بتاعك ده يجبلي شقة برا
ويحترم نفسه معايا
عمرو ..سهلة ياحبيبتي اعتبريه حصل
_ أنا مش حبيبتك ياعمرو ولا عمري هكون انت اكتر إنسان أنا
بكرهو واكتر حد آذاني
عمرو ..ألله يسمحك ياوعد أنا مش هعتب ع كلامك ده المهم
ليكي طلبات تاني
_ انصحه أنه يبطل البنات الوسخه الي بيكلمهم والي مخلص
عليهم فلوسه
عمرو ..بنات اي الي مخلص عليهم فلوسه
_ قال يعني انت مش عارف بطل استعباط
عمرو .. بضحك ..هو حكالي عن وحده بتحبه بس مجبليش سيرة
انه بيبعتلها فلوس ولا بيرحلها
_ هو مش بيروح دي اصلا من اسكندرية بتقعد تتمايص عليه
ف التليفون علشان تستعبطه
عمرو ..معقول يسيب البطل ده ويعمل كده لا لا ملوش حق
الواطي ..طب وانتي مكلمتهاش ليه وقولتلها تبعد عنه ولا
هزقتيها
_ لا ميستهلش وعلشان ميفهمهاس اني بغير عليه قطيعه
تقطعه هو وأهله أنا كل الي يهمني دلوقتي عيالي وبس
عمرو ..حاضر ياوعد ع الله بس تقدري الي بعمله علشانك
_ ممكن بقا تروحني علشان اتاخرت
عمرو ..يابنتي ماهو لسه في الشغل واستحالة يتنقل من
مكانه خلينا شوية مع بعض انتي وحشاني اوي
_ اوعي ايدك دي انت اتجننت روحتي يا اما هنزل اركب موصلات
عمرو ..حاضر حاضر يخربيت دماغك الناشفه دي
يتبع
تكملة الروايه من هنا
تعليقات
إرسال تعليق