 |
البارت (23) بقلم ✍️ سلطان زماني
عمرو وصلني قبل البيت وانانزلت
واخدت باقي الشارع مشي
وطول الطريق وانا عماله اسال
نفسي. مالك يابت اي حصلك
ازاي ترضي تقابليه وكمان
يوصلك ولو عادي وصح ليه
موصلكيش لحد البيت
_ما تقولي يابت ل امك وخالك والهام واخرببها ع الكل
واخلصي من العيشة الوسخه دي والعيلة الزبالة وربي بينتك
يمكن ربنا يكرمك بحد ابن حلال راجل حنين مش زاي النطع البخيل ده
..ده انا مقولتش من اولها لما كان مجرد تلميحات وحاجات
عبيطة من عمري في البداية ..هروح دلوقتي اقولهم اني حمايا بينام معايا بالغصب انا حامل ومش عارفه من مين فيهم يارتني كنت عرفتهم من الاول وخلصت من عمرو ومكنش نصيبي وقعني في الزفت ده
_ اي يعني هتخربي ع اختك ما انتي حياتك كلها اتخربت ومشفتيش يوم حلو خليها ع الأقل تعرف اني جوزها ده وسخ ومش بيحبها
..ساعتها عمرو هيعمل ل اختك غسيل مخ وهي هتصدقه دي بتتعامل كاني استغفر الله العظيم ربنا فوق وعمرو ده تحت
وبعدين يا هبلة انتي هتفضحي بناتك ومش بعيد علاء الاهبل ده وأهله يطلعو عليا أنا سمعه زبالة واني شمال والف مين هيصدقهم
دخلت البيت ولا اكني شايفه حد .حتي سلام ربنا مقولتوش وطلعت ع طول والفكر مش سايبني مضايقه اوي اني وفقت أنه يقابلني وشايفه اني غلطت غلط جامد ومعرفش أنا هاين عليا نفسي كده ليه المهم علاء جيه طلعلي فوق وقالي انتي اتكلمتي مع اختك في حاجه وبيصيع
_ حاجه اي الي كلمت اختي فيها
علاء ..انا الي بسالك
_ لا
علاء ..امال مين الي قال ل عمرو ع انك عايزة شقة برا وايه الي فتح السيرة تاني مش كنا خلصنا
_ معرفش ابقي أسأله بقا وهو يقولك
علاء .. مش عارف انا ايه الي مش عجبك هنا ده حتي ابويا بيعاملك احسن مني
_ انت عاوز اي دلوقتي
علاء ..عايزك تفكك من حوار الشقة ده تكاليف ومصاريف اونطة احنا اولا بيها
_ احنا مين هو انت يابني بتصرف جنيه في البيت ده ولا عليا
علاء ..امال مين الي بيجيب المبرز والفاكهه وبيشحنلك الباقه
_ والنبي لتسكت وخليني ساكته احسن
علاء ..لا اتكلمي انا عايز اسمع ياوعد
_ اسمعك حاضر ..انت الي عجبك هنا انك مش بتدفع جنيه واكل شارب نايم ببلاش حتي لما جيت تتجوز متعبتش في حاجه اوضتين ع السطح كنتو بتربو فيهم فراخ وضبتهم وابوك جيبك اوضة نوم واتجوزت ببلاش وحده تخدمك أنت وأهلك بلقمتها يابلاش عايز تسمع تاني
علاء ..أنا عايش في خير ابويا وعزه وبدلع علي حسه وهو راضي وفلوسه وخيره كل ده ليا في الاخر ..مش باكل من فلوس ابوكي أنا
_ تعيش وتتدلع انت اصلا الكلام مع الي ذيك خساره
علاء ..ياريت متتكلميش تاني في موضوع الشقة ده علشان أنا مش هقدر ابعد واسيب أهلي لوحدهم
_ ضحكت ب استهزاء قولتله ..اه ما أنا عارفه ....ع العموم برحتك
علاء ..يعني اي برحتك دي ..يعني هتشتكي ل الهام والهام تقول ل عمرو وعمرو يخليني اجبلك شقة صح
_ أنا لا هشتكي ولا هتكلم انت برحتك عايز تجيب هات مش عايز انت حر
يتبع
تكملة الروايه من هنا هنا
تعليقات
إرسال تعليق