 |
تكملة البارت (23) بقلم ✍️ سلطان زماني
عمرو اجرله شقة في بيتهم القديم وزاي الكلب نقل حاجتي
كلها الشقة التانية وحمايا حلف عليه أنه ما هيدخل بيته تاني
وطول فترة النقل وهو متنرفز ومش طايق حد وكل ما
يحاول يقربلي أو يفتح كلام معايا امنعه وهو هيتجنن وقعد
يشتم في ابنه ويسب ليه الدين ويقوله انت مراتك الي
بتمشيك وياخلفة الندامه وقاله ع الله تيجي تستلف مني
فلوس أو من امك ..وامك لو ادتك فلوس من ورايا هقطع
أيدها وهو بيسمع الكلام ويسكت نقلنا وعمرو جابله بوتاجاز
وانبوبه وغسالة مستعمله كان خلاص في اخر شهور حملي
ولدت بنت بس مش حباها حتي امي مستغربه اني بسبها
تبكي ولما برضعها مش بطول ومش بصبر عليها والهام اخدت
بالها كان غصب عني بعمل كده مش متقبلها ومسترخمها ولا
اكنها بنت ضرتي وامي قعدت تزعقلي وجوز امي لاحظ ده
حتي تطعمها كنت بنساه مش مهتمه زاي بنتي التانيه
عمرو كان بيكلمني تليفون وكان يجي بيت ابوه الي فيه
شقتي وكنت اشوف عربيته تحت بحجة أنه بياخد حاجات
من المخزن تحت ويطلب اني انزله أو اطلعه يشوفني بس
وانا ارفض واقوله لا وقالي اني علاء مدفعش الايجار غير
شهرين بس وانا كنت بشتكي من قلة المصاريف وكل مره
يقولي قولي الي عايزاه ليا أنا ياوعد واجبهولك نفسي تطلبي
مني طلب نفسي احس انك مسئولة مني وانا بصراحة كلامه
كان بياثر فيا جامد كام نفسي علاء يكون في حنيته ورقته
وذوقه كده بس معايا واحد جبله بخيل عليا وع بناته إنما
عليه هو لا كل الي نفسه فيه بيعمله اتكلمت مع علاء اني عايز
استلف منه فلوس اجيب هدوم ابعها بالقسط واريحه من
مصاريف ولبس البنات وهو رفض وقالي اجبلك منين
قولتله أنا هتصرف قالي اتصرفي حتي من غير ما يسالني
هتتصرفي منين .كلمت امي قالتلي اني ورثها كله خده
جوزها علشان يكبر المحل بتاعه واني الايام دي هو مزنوق
مش هينفع تحكي معه في حاجه كلمت الهام قالتلي انها
متقدرش تكلم عمرو في حاجه زاي كده وفضلت تقولي
هتفشلي ومش هينفع وتحبطني فقدت الامل وسكت
وبصراحة جيه في بالي حمايا اني اطلب منه 15000 الف
وعارفه أنه هيوافق بس انا عارفه المقابل بتاعهم اي فمكلمتوش
يتبع ..
تكملة الروايه من هنا
تعليقات
إرسال تعليق