 |
البارت (24) بقلم ✍️ سلطان زماني
عمرو كان بيكلمني عادي وانا متحمسه اوي في موضوع
الهدوم ده وفضل يجاريني في الكلام ويقولي انتي دماغك
حلوه وتجارية مش زاي اختك وقالي لو احتجتي اي حاجه
قوليلي قولتله اني قولت ل علاء وقالي لا وامي جوزها
مزنوق في التوضيب والتجديد وبيوسع المحل عنده قطعني
وقالي ومقولتيش ليت ليه ياوعد انتي بتهزري قولتله
اتكسفت وعلشان مبلغ كبير مش صغير قالي مش صغير كام
_ قولت يابت اسرحي بخيالك بقا وقوليله ٢٠ الف
عمرو ...٢٠ الف مبلغ كبير والنبي انت طيبة ياوعد
_ بنسبالي أنا مبلغ كبير وعايزة اشتغل اطفالي وعبايات حريمي بس
عمرو ..وهتشتري الشغل منين
_ مصانع بتبيع جملة بالدسته عادي والتوصيل لحد مكاني هنا
عمرو ..لو الهام عرفت اني مديكي فلوس ممكن تشك أو تغير
عايزين نفكر في فكرة بحيس محدش يشك فينا متعرفيش تتصرفي في 5000 بس ياوعد
_ ليه يعني وهيعملو اي ال5. دول 🥺
عمرو ..افهميني ال5 دول ياوعد انتي هتشتري بضاعه بيهم
وهديكي الفلوس 10000 في 10000 هيدارو ومحدش
هيلاحظ ولا ياخد باله أني مديكي فلوس ولا حتي هيسالك
جبتيهم منين فهمتي
_ مش فاهمه حاجه ياعمرو 🥺🥺
عمرو ..افهمي متبقيش غبية انتي هتاخدي ال5 دول وتشتري
بضاعة هتبيعهم حتي لو قسط وتقولي أنهم كاش وكسبتي
والمره الجاية تجيبي بضاعة ب 10000 الي هدهملك والي
بعدها تجيبي ب ال10000 التانين اهم حاجه متبعيش قسط
لاي حد وتاخدي مقدمه كبيرة والقسط كل أسبوع علشان
فلوس متتركنش ومتعرفيش تجمعيها وتشتري غيرها
_ اخد مقدمه كبيرة ازاي وقسط اي كل اسبوع ده هو كل شهر
عمرو ..لا هديكي مثال ترنج مثلا واقف عليكي جملة ب70
هتبعيه قسط ب 100 هتاخد 40 الاول وكل اسبوع 15 جنيه
يبقا كده ال70 جنيه اخدتي منهم 40 جنيه من اصل المبلغ
وال30 جنيه هتاخديهم 60 في شهر يعني البضاعة الي
ب10000 تكسب 10000 أو 8000 في الشهر لو بعتي
ارخص واخدتي مقدمة أقل هتبيعي اكتر وهتكسبي
اكتر ..اهم حاجه تختاري زباينك وتختاري خامه وقماشه حلوه
_ عجبني كلامه ودماغه وطريقته قولتله تمام هحاول مع امي
ع الله توافق ادعيلي
عمرو ..أنا عيوني ليكي ياوعد ومش هبخل عليكي ب اي حاجه اهم حاجه رضاكي عليا ياوعدي
_ ربنا يخليك يارب
عمرو ..مش هتخليني اشوفك ..أنا تحت وهموت واشوفك ..اشوفك بس
_ خليها بعدين طيب
عمرو ..ياوعد هشوفك بس ومش هطول هاااا اطلعلك
متبقيش رخمه بقا وقولي اطلع
_ علشان خاطري ياعمرو اسكت بقا
عمرو ..أنا طلعت خلاص افتحي يابت هشوفك وانزل
_ رحت ع الباب ورجعت تاني ومش عارفه في أي ماله ده
وانا مالي مستسلمه وعجبني الحوار ازاي وعجبني شحتفته
عليا وأنه مدلوق اوي ولا اكني سحراله
فتحت الباب سلم عليا وقالي ليه ايدك دافيه كده قولتله مش
خلاص شفتني يلا بقا انزل متبت في أيدي ومسكها كلها
سحبتها براحه خدها تاني وقربها من وشه ومشاها ع وشه
وخده وراح بايسها وبصلي البصه بتاعة زمان وسبني ونزل
وقالي ابقي عرفيني عملتي أي وانا معاكي متقلقيش
ومتشليش هم حاجه
يتبع ..والله كنت عايز اخلصها النهارده بس ع قد ما قدرت بقا
في ناس كرهتني في ام الكتابة
بسبب استعجلهم وعدم تقديرهم فاكرين اني الحوار سهل
وفي كمان ناس بيحسسوني اني شغال عند الي خلفوهم
وأنه إلزام عليا اني اسيب شغلي وحياتي واقعد اكتب
...أنا الحوار بنسبالي هواية مش شغل ولا هو بنسبالي
سببوبه ..أنا لما بشوف الكومنتات دي بجد بحزن واضايق
عيب لما اكون بقدركم وبحترم الصغير قبل الكبير فيكم
وانتو متقدرونيش عيب
يتبع
تكملة الروايه من هنا هنا
تعليقات
إرسال تعليق