 |
البارت 32
#سيقان_في_الوحل
مقدرتش اكتب اكتر من كدا عيوني تعبت جدا وحرقتني فكتبت علي قد ما اقدر احسن منشرش خالص تقدير يا حبايب منه
فهمي قطعها بغضب: حنان اسكتي مش هنتكلم في الموضوع تاني ومفيش جواز انا ههتم بأحفادي
نيره بصوت متألم: لاء يا بابا انا بحبه
فهمي بعصبيه: مستحيل لا يمكن تحبي ابن واحد قتل جدك ومش هسمح لوليد يرجع حياتك من جديد
ثريا الي زعلانه علي وضع بنتها الوحيده :فهمي
فهمي بلهجه غير قابله للنقاش: انا اخدت القرار وخلصنا وطلع بخطوات ثابته لبرا
حنان حطت ايدها على كتفها: نيره
نيره بأصرار : لاء يا عمتو مش مروحه وهفضل مع وليد
وراحت غرفه وليد الي قام ببتسامه مكسوره لما شافها
نيره قربت عليه وبهدوء: ليه مقولتليش ايه السبب الي عندك؟؟!!
وليد بدون ما ينطق اخدها جوه حضنه: اسف كنت عايز اقولك بس لما مشاكلنا تنحل معرفش ان كل ده هيحصل صدقيني انا مش متعمد اخبي الموضوع عليكي
نيره خرجت من جوه حضنه غمضت عيونها ونزلت دمعه من عيونها
وليد مسح دمعه عن خدها : نيره لازم تصدقيني
نيره: بابا متعصب جدا ورفض جوازنا
وليد حس بضربه قويه صابته في الصميم: لازم تبقي قويه عشان ولادنا وهلاقي حل للمشكله ثقي فيا عمري ما هسيب ايدك
نيره هزت له دماغها: بس انا قلقانه عليك انت لسه تعبان
صابرين: متقلقيش علي وليد انا معاه ودلوقت ابوكي متعصب لما عرف الحقيقه وانشاء الله مع الوقت الامور هتهدء وتتحسن
نيره: شكرا يا طنط صابرين
صابرين: ناديني ماما وانا سعيده جدا انك البنت الي بيحبها ابني وليد
نيره: متشكره
صابرين اخدت ايده وشبكتها جوه ايد نيره: انتم الاتنين لازم تتحملوا مهما حصل ولادكم والحب الكبير الي بينكم حيربطكم رباط مقدس
وليد ضم نيره لحضنه لانه حضنها هيطفي ناره وهي لفت ايدها حواليه ووليد اخد راسها وحطها ع صدره زي البيبي ومسح ع شعرها بكل رقه وحنان
صابرين خرجت لما اتلقت رساله من جلال بيقولها انه واقف برا منتظرها راحتله وقربت عليه
جلال: عامل ايه دلوقت؟؟!!
صابرين: يقدر يخرج بعد ايام
جلال: تمام! بعد ما يخرج من المستشفي هرجعك انتي وهو امريكا ومش هجبره يشتغل في الشركه
صابرين: عايز تخفينا تاني
جلال: الموضوع مش كدا بس هتحصل فوضي كبيره دريه مش قادره تتقبل الحقيقه والامر هياخد وقت
صابرين بصتلو بلوم وعتاب كبير : لحد امتي انا اديتك نص حياتي لسه عايز تاخد النص التاني في الضلمه والعتمه انا هفضل هنا مع ابني عايزه اعيش في النور مش هفضل استخباه تاني
جلال: كنتي عارفه من زمان ان وليد عنده منها ولاد
صابرين: ايوه من فتيره وطلب مني مقولكش حب يحل مشكلته بنفسه وليد عمل كل حاجه عشان ولاده بس يظهر ده هيكون صعب
جلال :مش هسمح له يتورط
صابرين :ليه لسه حاسس انك الافضل انت عملت كل حاجه حبستنا بما فيه الكفايه خلينا نعيش حياتنا وابعد
جلال عاقد حواجبه:تقصدي ايه
صابرين : طلقني وكل واحد فينا يروح لحاله بدل ما نفضل ندخل في حياه بعضنا تاني
جلال بصلها بقهر ووشه حاسه بقي الوان مولع من الصهد
صابرين :لو كنت لسه معتبر ان وليد ابنك اثبت مره واحده انك ابوه فعلا وبلاش تفسد سعادته الي عاش يتمناها
سابته بعد ماعطته نظره خلاته يعيد كل حساباته ورجعت لوليد لقته قاعد لوحده لان نيره مشت عشان ثوره ابوها قعدت جنبه وحكتله عن الي حصل
وليد: خلاص انتي هتفضلي هنا هنبقي سوي عندي حاجات كتير عايز اقولك عليها
صابرين: وانا هسمعلك
وليد :الاول الكلام الي قولتيه لجلال مش ندمانه عليه
صابرين بحنان وهو تمسح على راسه: لاء من هنا ورايح هعيش الحقيقه وهعمل كل الي يفرحك ويسعدك
وليد اخدها جوه حضنه: متشكرا يا امي متشكر
صابرين طبطبت علي ضهره وخرجت من حضنه وسألته: انت ناوي تعمل ايه مع نيره فهمي مش هيوافق
وليد :تعرفي ليه بيكرهه جلال للحد ده
.................
في الشركه
هشام: ماما من النهارده ههتم بيكي وبالشركه
دريه بحقد: لايمكن يعيشوا مرتاحين
هشام: هتعملي ايه
دريه: روح اندهالي بسرعه الي في الاداره زي ما عملته ههده
جلال جاي ورايح مكتبه السكرتيره وقفت قصاده: جلال بيه
جلال: في ايه؟؟
السكرتيره: مدام دريه أمرت بأنك يعني
جلال مشي من قدامها وهي طلعت تجري وراه: من فضلك ممنوع تدخل ده أمر من دريه هانم
جلال دخل بكل عصبيته وقرب منها : ايه شغل الجنون الي بتعمليه فهميني
السكرتيره بصتلها بخوف: حاولت امنعه لكن مقدرتش
دريه بهدوء: اخرجي
جلال بغضب :ليه بتعملي كدا ليه
دريه بشر وتهديد:بعمل الي كان لازم يتعمل الاغبيا لازم يتعاقبوا وانا مش هكون غبيه من دلوقت انت مش صاحب شركه ولا عندك اي سلطه
جلال وهو شادد على قبضه ايده بعصبيه:انتي بتطرديني
دريه بذدراء : لاء بس جيت محلتكش اللضا عطيتك كتير المال والنفوذ كل حاجه حلمت بيها ايه الي اخدته في المقابل خنتني معاها لسنين بعمر ابنك 25 سنه
جلال: اسف لاني عارف اني ارتكبت غلط اديني فرصه اكفر واصلح
دريه بصتلو بكل غل وغضب:وقح قذر وست منحله مناسبين لبعض خلفتوا عيل وجبته ياخد ثروتي بجد بجح
وهجمت عليه بالضرب جلال فضل يحاول يبعدها عنه
دريه صرخت بصوت عالي: ليه عملت فيا كدا
جلال زقها بعصبيه دفاع عن نفسه اتخبطت في الحيطه
هشام دخل يجري: ماما
دريه بكت بصوت عالي : هشام
هشام صرخ فيه : ايه عايز تأذيها تاني مش كفايه أذيتها بما فيه الكفايه
جلال بصوت عالي: بطل تخريف الموضوع مش كدا
هشام صرخ اعنف: كفايه وانا وامي مش عايزين نسمع اكاذيبك امشي يله وسبنا في حالنا وانا ههتم بأمي وهنعيش لوحدنا من غيرك انت ارجع لعايلتك
جلال مش قادر يستوعب كلمته لف واخد بعضه وخرج
هشام: ماما انتي كويسه
دريه: هشام وضمته وهو ضمها وانهارت في البكاء
................
في شركه الامبراطور قاعد وفاتح الجهاز بيبص فيه ومركز
نيره: بابا جلال كان السبب ازاي في وفاه جدي
فهمي رفع عيونه وبصلها: اتسبب في معانا جدك عشان كدا بكرهه وده سبب عدم قبول ابنه
#فلاش باك
ابو دريه: زي ما قلتلك هديك نصيبك وبعد كدا افتح اي حاجه اصل مفيش مكان يسعنا كلنا
ابو فهمي: ازاي تقولي كدا انت نسيت ان المكان ده عملناه سوي والنهارده بعد ما كبر جاي تطردني منه
جلال: اظن سمعت كويس عمي هيخليني ادير الشركه لانها محتاجه لشخص عاقل
فهمي الي جه : ايه الحكايه يا بابا؟؟!!
جلال :كويس انك جيت خد ابوك معاك ومتجوش هنا تاني لان انا الي همسك الشركه ووالد دريه عطاني الاداره
والد دريه: انتهي زمانا يا فهمي خالي الشباب هما الي يتولوا ولاننا كنا اصدقاء خد فلوسك الي بدئت بيها
ابو فهمي شد منه الظرف وبكل غضب حدفه علارض
جلال ضحك اوي: هنشوف هتحافظ ع الشركه اد ايه
فهمي شده من مقدمه قميصه: جلال اخرس
والد فهمي شده: خلاص يابني فوضت امري لله
قال كلمته ووقع علارض وبعدها مات
#باك
نيره بنبره لتغيير رايه : بس وليد مش زي جلال ميعرفش اي حاجه
فهمي بصلها: نيره كفايه مش عايز اتكلم عنهم
نيره كشرت وقامت وهو بصلها وعلامات الضيق باينه على وشه عشانها!!!
لقت موبيلها بيرن بأسمه ابتسمت وردت قالها انه خرج ومنتظرها في الكافيه اخدت شنطتها وطارت علي هناك زقت الباب ودخلت بلهفه وشوق: مريم فين وليد
مريم ببتسامه: طيب الاول سلمي ع صحبتك بقيتي وحشه وهو قاعد هناك
وليد لف وشافها و بلمح البصر راح عندها و شالها وخطفها لحضنه ونيره جريت عليه ودخلت في حضنه وألتصقت فيه كأنها طفلة في حضن أبوها
مريم :ع فكره انا هنا معاكم
وليد ضمم نيره واحتواها لحضنه نفسه يدخلها بين ضلوعه ونيره من حلاوة وجمال الضمة واختلاط مشاعرهم فامكنوش سمعنها لانهم في عالمهم الخاص يرموا فيه اهات قلوبهم ودموعهم !!!
مريم :طيب انا هناك هشرب قهوتي ولما تخلصوا حصلوني
وليد بعد وقت خرجها باس ايدها وباس جبينها وباس خدودها: مشتاق لك ومشتاق لولادي
نيره: احنا كمان بنشتاق ليك والعيال بتعيط عشانك
وليد حرك ايده تحسس علي بطنها بشويش : ابني دعم ابوك عند جدك واوعدك في يوم هنكون مع بعض كلنا تحت سقف واحد
نيره ابتسمت وحطت ايدها على كتفه:اتحمل شويه بابا طيب وخليك واثق انك هتوصل
وليد مسك كف ايدها جوه ايديه:طول ما انتي معايا مش خايف من اي حاجه
نيره: انا معاك دايما لاني روحك التصقت بروحي
وليد حرك ضهر ايده علي رقبتها برقه: بحبك اوي وحبك ملوش حدود
نيره ابتسمتلو: انا كمان نفسك بحبك اوي اوي
...............
راح وقف قدام الكافيه متردد يدخل وقف كلم نفسه: ايه النصيحه الي هدتهالي هتأنبيني وتقوليلي انت ضعيف فاشل رجع ركب عربيته وطلع علي اول بار قابله و فضل يشرب لحد ما استحما واتخانق مع واحد فكره بيعاكس صحبته والمكان اتحول لحلبه مصارعه وكله اتكسر تماما
زبون عارف هشام اتصل بجلال الي راحله علي طول عشان يجي ياخده
جلال دخل بهلع: هشام فيه ايه
الزبون: جلال بيه ازي حضرتك
جلال: الحمد لله
هشام بص للزبون: ليه اتصلت بيه
جلال :سمعت انك متخانق فجيت انت عامل ايه
هشام بصله بملامح جامده وما ردش عليه
جلال بص للزبون: شكرا انك موصلتش الامر للقسم
الزبون: مفيش مشكله ده لاني عارف صاحب البار وعارف هشام حبيت اقدم المساعده وحليت المشكله
جلال: شكرا لحضرتك
الزبون قام وقف: اعذروني لازم امشي عندي شغل سلام
جلال: يله بينا يا هشام للبيت
هشام دفعه: ابعدددد عني هروح لوحدي انت مش ابويا الاب لا بيأذي ابنه ولا مراته(رفع السبابه في وشه) بس انت أذيتهم
جلال طنش كلامه واخده وصله لحد البيت ودخل مسنده
هشام بعصبيه:سبني
جلال: هوصلك لحد غرفتك انت سكران
دريه نزلت تجري: هشام ايه الي حصلك يا هشام ومين الي ضربك كدا
هشام :ماما طلعيه برا هو بيكرهنا خرجيه برا
جلال حاسس بضيق مش قادر يتحمل نظرات هشام المعاتبه والملامه
هشام رفع السبابه في وشه: ارجع لـ ابنك الي بتحبه وتثق فيه هو يستحق اكتر مني لان انا بكرهكككك
جلال عيونه بدء عليها بودار دموع من القهره
هشام :انت سمعني بكرهككككك
دريه :كله بسببك انت اب للمثال السئ أذتني انا وابنك دمرتنا نفسينا
جلال بدموع محبوسه: دريه اسف ع كل حاجه عملتها صابرين هي كمان انفصلت عني
دريه ضحكت بشماته: متمسك بيا عشان هي انفصلت عنك
جلال :اسف
دريه: الوقت اتأخر اخرج من حياتنا ياجلال وطلقني كدا بسهوله زي ما كان جوزانا بسهوله بس قبل الطلاق تديني حقوقي كامله انا هخليك ع الحديده
هشام الي سامع كل الكلام وقاعد علي الارض منهار يبكي زي الاطفال
..............
في الكافيه تلفونها رن
مريم: الو يا بابا
ابوها: انتي فين يا مقصوفه الرقبه النهارده عيد ميلادي فين التورته انتي نسيتي ولا ايه
مريم: معقوله انساك ده كلام
ابوها: ياسلام
مريم: لسه مخلصه التورته ناو وهجبها ونولع الشموع ونرقص انا وانت رقصه حبنا يا راجل يا عجوز بس قولي هتقدر تنفخها
ابوها فتح بؤه بذهول من طوله لسانها : يا بت انا عندي طاقه انفخك انتي شخصيا
مريم: متأكد يا شايب يا عجوز
ابوها حب يغظها وقال بمرح: تصدقي نسيت ان بنتي كبرت زياده عن االزوم ههههه
مريم :بابا انا بنتك خليك لذيذ معايا هقفل بقي (واغلقت)
ابوها :انتي يا بت ( ابتسم) قفلت المزه
مريم حطت التورته في علبتها واغلقت الكافيه وخارجه لعربيتها لقت عربيه ميكروباص وقفت قدامها ونزل منها اتنين
مريم بهدوء: الكافيه مغلق
واحد منهم: احنا هنا مش عشان الكافيه احنا هنا علشانك انتي محتاجين نتكلم معاكي
مريم :مين انتم عشان اتكلم معاكم
الثاني: تعالي معانا بالذوق ولا نستخدم العنف
مريم بحماس:العنف واو وبسرعه البرق رفعت رجليها ورفسته في بطنه ورمت التورته علارض الراجل الاول داخل عليها خلعت شنطتها وفضلت تضربه في كل حته لحد ما قدر يخطفها منها وكتفها
مريم بتصرخ:سبني يا بهيم
ورفعت رجليها ضربت الثاني تحت الحزام قعد ع الارض يتألم الاول هجم عليها كتفها
مريم صرخت في وشه: ابعد عني
لحد ما قدره يكتفوها ايد ورجل في نفس اللحظه هشام كان جيلها شاف الاتنين بيكتفوها ركن العربيه بشكل عشوائي ونزل بسرعه
مريم بتستنجد بيه:هشااااام
هشام قرب وضرب اول واحد لكمه وضرب التاني اي ماسك مريم ووجهله كذا بوكس علي وشه لحد ما التاني قام كتفه
مريم بتحذير:هشام خالي بالك
الراجل فضل يضرب في هشام لحد ما كومه علارض وسددله لكمات في معدته ووشه لحد ما هشام مدد علي ضهره ومريم بتجري عليه ضربوها ع دماغها فقدت الوعي وشالوهم الاتنين حطوهم في العربيه
ابو مريم فضل يتصل بيها مفيش رد:ايه الحكايه ليه مش بترد
فكر شويه واتصل بنيره يسالها عنها
................
في الفيلا متجمعين كلهم بعد المغرب
التؤام: عايزين نشوف بابا
نيره: اممم مينفعش يجي يشوفكم
ملك نفخت بضجر:امتي هيجي
نيره :امممم مش هيقدر اصل فيه راجل شرير معندوش قلب رافض ان الامير يجي
فهمي رفع عيونه عن الجريده وبصلها اوي والضيق باين على ملامحه بس ما علقش فضل ساكت
مالك: قوليلي عليه وانا اضربه قلم ع وشه
ثريا وحنان ضحكوا علي ملامح فهمي
فهمي: يله الوقت اتأخر اطلعوا يله ناموا
التؤام: تصبح ع خير ياجدو وباسه من خده
ثريا ضمتهم: ليله جميله حبايب تيته
نيره اخدتهم: تصبحوا ع جنه
الكل: وانتي من اهلها
نيره طلعت غرفتها نيمت التؤام ولسه هتنام تلفونها رن ردت: ازيك ياعمو
ابو مريم: نيره هي مريم معاكي
نيره بتعجب: لاء يا عمو مش عندي
ابو مريم بقلق: انا قلقان ليكون حصلها حاجه قالت لي جيالي وفات اكتر من ساعه وماجتش
نيره :كانت فين لما كلمتك اخر مره
ابو مريم: قالت انها هتقفل الكافيه
نيره طيب انا هلبس واروح اشوفها متقلقش ياعمو
ابو مريم: لاء يابنتي انا هبعت حد يشوفها الوقت متأخر عليكي
نيره: زي ما تحب ياعمو
نيره اغلقت معاه ومن القلق ع صديقه عمرها اتصلت بوليد الي رد اول ما شاف اسمها ع الشاشه
وليد: الو بحبيبه قلبي ايه وحشتك
نيره بصوت مهزوز : وليد مش متصله عشان كدا
وليد: خير يا نيره
نيره: بابا مريم اتصل بيا وقالي انه مش عارف يو صل لمريم وانا خايفه وقلقانه عليها ممكن تاخدني عندها للكافيه
وليد حنن نبره صوته: اهدي يمكن مفيش داعي
نيره بنرفزه عليه : وليد تعال بسرعه
وليد :طيب حاضر جايلك
نيره وصلت مع وليد قدام الكافيه لقت ابوها والحارس الشخصي بيركنوا العربيه نزلت لقت شنطه مريم مرميه اخدتها
نيره اتوترت: دي شنطه مريم
وليد :حتي عربيه هشام هنا
الحرس: يبقي هما مع بعض يا بيه
ابو مريم ضربه علي راسه: ده وقت كلام اهبل اظن فيه حاجه حصلت
نيره :وليد بتتصل بمين
وليد :بهشام
اتصل لقوه التلفون في العربيه
نيره :هنعرف ازاي هما فين
وليد :افتحي شنطتها دوري ع موبيلها
ابو مريم بقلق كبير :هو عندك يا بنتي
نيره: لاء مش هنا كدا يبقي معاها
الحارس: يابيه
ابو مريم بزهق: عايز ايه يا زفت
الحارس: استخدم التطبيق ونتبع تلفونها ممكن تعرف هي فين
ابو مريم ضربه علي دماغه : طيب ليه مقولتش كدا من الاول
نيره جسمها اترعش:بسرعه يا عمو بسرعه (وليد قرب منها وحاوط جسمها بايده
ابو مريم فتح التطبيق: بنتي هنا يله بينا
وليد: طيب نتصل بالبوليس
ابو مريم :اتصل انت بيهم وحصلنا
نيره: عمي استني هنتصل الاول
وليد ملخوم بيطلع الرقم نيره سحبته من ايده وراها
يتبع
تكملة الروايه من هنا
تعليقات
إرسال تعليق