مجمع الروايات الكامله والحصريه فقط اضغط على اسم الروايه موجوده كامله في موسوعة القصص والروايات جميع الفصول مع البرنس محمد السبكي قصص وروايات كامله يسعدني تواجدكم معنا في المدونه

البارت (27) بقلم سلطان زماني 

وليد بقا يجي ل علاء اكتر من الاول وبصراحة علاء هو الي 

كان بيتصل بيه وبيحب يقعد معه وانا كنت بتعمد اعدي 

وأسلم علشان اشوفه معجبه بيه إنما مش حب خالص خالص 

معجبه برجولته شهامته ذوقه حنيته احترامه ليا بشوف فيه 

الراجل الي بجد كمان نظراته ليا مختلفه وفي شبه كبير من 

اول عريس اتقدملي المهم أنا الثلاجة كان بابها بيكهرب 

وقولت ل علاء كتير عليها أنه يجيب واحد وهو بيكبر دماغه 

ويقولي حاضر وخلاص وكنت بخاف البت تفتحها أو تقرب 

منها وهي شغاله لما كنا بنجيب حاجه منها أو نحط حاجه 

فيها كنا بنشيل الفيشة ولما نخلص نحطها تاني 

اخر ما زهقت قولت ل وليد 

_ متعرفش حد هنا بيصلح ثلاجات 

وليد...ليه التلاجه مالها 

_ الباب بتعها بيكهرب  أنا خايفه البنت تفتحها أو تقربلها 

وليد ..طب اطلعي وانا هجيب الراجل واجيلك 

_ طب هكلم علاء وأعرفه الاول واقولك 

وليد ..شوفي هتعملي ايه وعرفيني هو الراجل صاحبي مش

حد غريب متقلقيش وادي رقمي اهو 

_ خلاص هشوفه الاول واكلمك 

طلعت فوق سجلت الرقم بتاعه وكلمت علاء قولتله اني لقيت 

صنايعي يعمل الثلاجة اول حاجه قالهالي بكام قولتله لسه 

معرفش هتصل بيه دلوقتي ولا استناك لما تيجي قالي 

برحتك

 مستغربتش من الرد بتاعه لاني ده العادي والطبيعي بتاعه 

وكلمت وليد ع طول وبعد نص ساعة كلمني وقالي أنه طالع 

ومعه الراجل دخل وانا وقفه معاهم وليد قالي ارتاحي انتي 

وانا واقف معاه ومش عايزني اتكلم ولا الصنايعي ده 

يشوفني

 مفتقده ده اوي كان نفسي في راجل كده يغير عليا من 

الهواء والنسمه المهم خلص الراجل والصنايعي نزل وقولتله 

كام قالي متشغليش بالك المهم جربيها قولتله لا خايفه قرب 

وفتح الباب قدامي وقعد يضحك قولتله قولي بقا كام قالي 

عيب عليكي والله بقولك ده صاحبي والدنيا مرتاحه المهم 

انتي مش عايزة حاجه تاني قولتله لا مشي وانا رحته أوصله 

نزل وانا قفلت الباب وفضلت وقفه ورا الباب ومغمضه عيني 

وقلبي بيدق جاامد اوي فوقت نفسي من الحالة دي ورحت 

كلمت صاحب المصنع علشان يبعتلي هدوم وشغل جديد

 عمرو بقا يتصل بيا ويبعتلي رسائل حب وصور رومانسية ع 

الواتس وانا مش برد ويبعتلي يقولي برحتك يا عدي حتي 

عذابي في حبك جميل ..بصراحة مستنيه وليد هو الي 

يكلمني كل شوية ادخل ع الواتس بتاعه اشوف صورته 

وابقي عايزة أكلمه وافتح معه اي موضوع بس محرجة مش 

عايزها تيجي مني

معرفش ليه بقا يوحشني حتي لما كان يجي علاء ينام معايا 

كنت بتخيله هو واغمض عيني لدرجة اني كنت بخاف اقول 

اسمه من كتر ما أنا بجد سرحانه وفي دنيا تانية 

بعد كام يوم لقيت عمرو بيتصل بيا الصبح كتير ببص من 

البلكونه لقيت عربيته تحت فتحت عليه وكلمته وقولتله ع 

طول اني معايا 7000 عايز ادفعهم من  ال20 

عمرو ..فلوس اي يا وعد ...انتي وحشني وهتجنن واشوفك 

وعايز اعرف انتي مش بتكلميني ليه زاي الاول وزعلتك في 

ايه 

_ والله الشغل والناس الي بتيجي البيت ودماغي فيها مليون حاجه 

عمرو ..نفسي اكون حاجه من ضمن المليون حاجه الي في دماغك دي ياوعدي 

يتبع ..مقدرتش اكتب غير السوية دول علشان عندي شغل كتير بس خلاص هانت وهخلصها قريب 😘

تكملة الروايه من هنا هنا