 |
جحيم عشق صعيدي 2 دعاء احمد
اقتباس لطيف من الجزء التاني
وانا اسفه للي أقر البارت الاول من التالت لاني مش هعمل تالت هنقفل الروايه بالحب والود بين الابطال
بعد اسبوعين من رجعهم من شهر العسل
يقف سليم أمام المرأه بسعاده عارمه وفرحه لم يتوقعها وبجانبها يوسف وهما يعدلوا من وضع بدلتهم
يوسف. اهدي يا وحش مالك
سليم بسعاده. فرحان اوي اوي يا يوسف مش مصدق ان اخيرا هتتجوز سيلا
يوسف. الف مبروك يا سليم
سليم. الله يبارك فيك
🍂🍂🍂🍂🍂🍂
في اوضه صقر وحور
تقف أمام المرأه وهي تنظر لبطنها بفرحه فكم تمنت أن تصبح ام اولاده
صقر حضنها من وراها وسند راسه على كتفها. فرحانه
حور بسعاده طفوليه. فرحانه اوي اوي يا صقر قولي انت نفسك في ولد ولا بنت
صقر. نفسي في بنوته جميله زيك كدا يا قمر وتكون حبيبه ابوها
حور. وانا نفسي اسعدك يا صقر مش مهم ولد ولا بنت المهم تكون سعيد ونربيهم على أنهم يحبوا بعض ويخافوا على بعض
صقر. هيبقوا زي القمر وهيحبوا بعض عارفه ليه
حور. ليه
صقر. عشان حب أجدادهم لبعض وحب أهاليهم لبعض هيخليهم دايما بيحبوا بعض والكر"ه مش هدخل بينا ابدا
حور لفت له وحضنته. انا بحبك وهفضل احبك لآخر العمر
صقر. وانا بمو"ت في عيونك يا قمري
حور. ياله اجهز عشان فرح اختك
صقر. سيلا دي طيبه اوي يا حور عمري ما كنت اتخيل اني هيبقى عندي اخت زيها كدا ربنا يحفظها هي وملاك
حور. يارب ايه رايك بقى في الفستان دا مش ضيق اهوه
صقر. انتي جميله يا حور بس في حاجه عايز اشوفك بيها بعد الفرح
حور. ايه
صقر بخبث وقرب من دونها. بدله الر"قص فاكرها
حور بابتسامه جميله. صقر اسكت
صقر. بمو"ت فيكي وانتي مكسوفه يا قمر
🍂🍂🍂🍂🍂🍂
في اوضه سيلا
زينه بابتسامه رقيقه. قولي ورايا يا حببتي
اللهم جملني في عيني زوجي وحببني إلى قلبه واجعلني الزوجه الوحيده له اللهم دعوتك فاستجب،اللهم اني أدعوك باسمك الاعز الأجل وادعوك اللهم باسمك الأحد الصمد وادعوك اللهم باسمك الوتر وادعوك اللهم باسمك الكبير المتعال الذي ملأ الأركان... اللهم وفق بيني وبين زوجي واجمع بيننا في خير
سيلا بسعاده حضنتها وعيطت
زينه بخوف. مالك يا روحي بتعيط ليه اوعي تكوني خايفه من سليم سليم شاب ابن حلال انا اعرفه كويس صدقيني هيحبك
سيلا بسعاده ودموعها على خدها. انا فرحانه اوي يا ماما انا بحبك اوي عمري ما تخيلت اني هتجوز وانك هتقفي جانبي طول عمري لوحدي انا بحبك اوي وسليم بحبه اوي كمان
زينه بسعاده. حببتي انا اسفه لو كنت اعرف انك عايشه كنت وجه العالم كله ورجعت لبيتك وسط اخواتك
سيلا. يكفيني انك جانبي في يوم زي دا يا ماما
جبل. وانا ماليش في الحب دا جانب ولا ايه
سيلا. بابا دا انت الحب كله يا قلبي
جبل. حببتي الف مليون مبروك يا روحي ربنا يوفقك انتي و سليم يارب ويرزقكم ذريه صالحه
سيلا حضنتهم وجبل بص لزينه وغمزلها
🍂🍂🍂🍂🍂🍂🍂
في اوضه ملاك
أسر. ملاك قومي بقى بطلي كسل لازم تكوني جانب اختك في اليوم دا
ملاك. اااممم تعبانه اوي يا أسر بس تعرف نفسي في ايه
أسر بابتسامه جميله. بتتوحمي
ملاك. اه عايزه مشمش
أسر. مشمش احنا في الصيف اجيبلك مشمش منين
ملاك. معرفش اتصرف بقي
أسر بسعاده. انتي تومري يا ملاكي من عيوني الاتنين بس المقابل
ملاك بنص عين . عايز ايه
أسر وهو بيقرب منها. عايز فرواله خدودك دي يا قمر
ملاك بابتسامه. ايه دا مشبعتش دا احنا لسه راجعين من شهر العسل
أسر. تؤتؤ وبعدين في حد يبقي ادامه القمر دا ويشبع منه
ملاك. بحبك اوي على فكره
أسر وهو يقب"لها. وانا بمو"ت فيكي يا قمر
🍂🍂🍂🍂🍂🍂🍂
بالليل
غصون و سيلا قاعدين جوا القصر والستات قاعدين في جو زعريط وفرحه وبيغنوا وير"قصوا
بعد وقت دخل سليم ويوسف
سليم بابتسامه ساحره. الف مبروك يا قلبي
سيلا بسعاده. الله يبارك فيك يا رب
زينه. سليم سيلا في عينيك
سليم. دي في قلبي دي عمري الجاي هيكون ليها وعشانها
جبل. ربنا يحفظكم يا ولاد
سليم. ياله يا سيلا على بيتنا
سيلا بسعاده. ياله يا حبيبي
سليم مسك ايديها وبا"سها بحب
ومسكها وخرج وراكب عربيته وطلع على بيته
جبل بسعاده. كدا الولاد كلهم اتجوزوا يا روحي
زينه. ربنا يحفظهم ويحميهَم لينا يا رب
جبل. يارب
دامت السعاده سنوات وسنوات وكان السلام هو حليفها عاشت تلك العائله في سعاده لم يتوقعها يوما
اولا انا بجد اسفه على البارت الاول من التالت المشكله اني كنت مفتقده الابطال بطريقه غريبه ودا مشكلتي لما بخلص روايه بفضل متعلقه بيهم بس انا مش هبوظ الروايه بجزء تالت حتى لو كانت نهايته سعيده
انا شايفه ان الروايه هتفضل جميله طول ما كل الابطال عايشين في سعاده
يتبع
تكملة الروايه من هنا
تعليقات
إرسال تعليق