 |
روايه عشق الجاسر#
#part"3"
ــــــــــــــــــــــــــــــــــــــــــــــــــــــــــــــــــــــــ
في المساء
جاسر قاعد في الجنينه وعشق بتروق جنبوا
جاسر:عشق عاوزك
عشق:نعم
جاسر: قهوه لو سمحت
عشق:حاضر
وعملت قهوه وراحت تقدمها لجاسر ومن توترها من نظاراته ليها القهوه وقعت علي ايديها
عشق:اههه ثم تكمل بدموع وجع من ايديها :اسفه اوي
جاسر متوتر عاوز يساعدها ومش عارف ومحتار
جاسر بقلق :طيب تعالي معايا حطي ايدك تحت المايه
حطت أيدها بتوجعها جامد
جاسر في نفسه:اعمل ايه دلوقتي يا ربي الكل نايم وانا مينفعش المسها
عشق : محصلش حاجه يا جاسر بيه
جاسر:ازاي بس وانتي ايديكي بقت حمره
تعالي معايا فوق
وراحت معاه الاوضه بتاعتوا وانبهرت من جمالها كل حاجه فيها اسود في ابيض
جاب جاسر شنطه الإسعافات الأولية
ومش عارف يعمل بيها ايه
عشق لاحظت التوتر اللي هو فيه
عشق:شكرا جدا يا جاسر بيه انا هعمل انا
وربطت شاش علي ايديها
عشق:انا بجد اسفه اوي من اول يوم ليا وكان كدا مش عارفه الايام الباقيه هعمل ايه وانا اليوم دا مش هنساه ابدا لأن حضرتك ساعتني
جاسر:ماشي يا عشق روحي نامي انتي
انصرفت عشق دخلت الاوضه الخاصه بيه وقعدت تفكر فيه أد ايه هو موز وطيب واعلنت أنها معجبه بيه ثم نامت من التفكير
......................
في اوضه آدم
ساره:آدم محتاجه اتكلم معاك شويه
آدم:عاوز انام
ساره:لو سمحت عاوزه اتكلم معاك يا آدم
آدم: عاوزه ايه في اليوم اللي مش معدي دا
ساره:هنفضل كدا لحد امتا يا آدم
آدم:ازاي يعني مش فاهم
ساره بزعيق:العيشه بتاعتنا دي مش عيشه كل يوم نتخانق وانت مش طايق مني كلمه ومش بخرج ولا اي زفت اعمل اييييي طلقني وارتاح يا شيخ زهقت
آدم كان رايح يمد ايدوا عليها بس هي مسكتها وبدموع قالت:وزهقت كمان بالطريقه اللي بتعاملني بيها الواحد اللي يمد ايدوا علي واحده يبقا مش راجل ،وانا مش فاهمه انت مش بتحبني مقعدني معاااك ليه ليييييه
آدم:اقولك بقا انتي أسماً بس مراتي انا لو أطول انام في اوضه تانيه هنام علشان مش طايق ابص في وشك ولو على الطلاق ف أنا مش هطلق مفهوووم ويلا اتخمدي
ساره:انا مش حيوانه علشان تعاملني بالطريقة دي
آدم:افهميها زي ما تفهميها انا مش فايق ليكي عاوز انام
ساره:دا اللي انت فالح فيه كل يوم نفس الحكايه
وقعدت تعيط جنب الدولاب واخر ما زهقت نامت مكانها ..
آدم صحا من شويه ملقهاش جنبوا قلق جدا بص عليها لاقها جنب الدولاب شالها ونيمها علي السرير
آدم:لو تعرفي انا اد ايه مش بحب اعملك كدا بس جدي السبب في كدا وفي الجوازه دي
ونام من التعب
................................
صباح يوم جديد تستيقظ عشق بنشاط تلبس ملابس العمل ثم تصعد إلى غرفه جاسر
فتحت الباب بهدوء وكان لسه نايم
بس نايم من غير قميص وهي هتموت وتمشي من الإحراج ازاي نايم كدااااا ازاااي وهو عارف انها هتطلع علشان تجهز ليه الحمام
بعد تفكير وهي واقفه متنحه
دخلت الحمام وبعد ما خلصت راحت الخزانه اللي فيها الهدوم واعجبت جداً بيهم وبالاوضه دي الاوضه قد الشقه بتاعتهم ،،
"معلش يا جماعه عشق لكلاكهه شويتين"
جهزت بدله سوده شيك وحطتها علي السرير وجات تبص علي جاسر لاقت انو بيبص ليها
عشق بسرعه:عععععع والله ما قصدي ابص عليك انا اسفه بس بس كنت بشوف صحيت ولا لا و..
جاسر:اههههدي عادي يا بنتي ايدك عامله ايه دلوقتي
عشق: الحمد لله
جاسر:خلي بالك المره الجايه بقا
عشق: انشاء الله يا جاسر بيه الأكل جاهز تحت علي السفره
جاسر:تمام هاخد شاور وهنزل
انصرفت عشق مسرعه وهي في قمت الإحراج كان وشها زي الطماطم من الخجل
جاسر ضحك علي خجلها بشده وبيقول:اومال مايا مش بتعمل زيها ليه ولا هي مش بنت 😂😂
عشق في المطبخ تردد:يارب خدني يارب خدني
صفاء:مالك يا بت وشك احمر ليه وبتقولي يارب خدني
عشق:اصل اصل عععععع مافيش يا خالتي
صفاء:😂غريبه
نزل جاسر بوسمته المعتاده وكانوا قاعدين كل افراد العيله
الشرقاوي: الحمد لله العيله متجمعه النهارده اخيرااااا
سيف:اكيد علشان انا موجود بس
نجلاء:بس دك نيله
سيف:ليه بس يا ست الكل
أحمد:كل وانت ساكت يا سيف مره
سيف:تعرف عني كداااا
الشرقاوي:احممممممم
سيف بسرعه:انا بقول اطفح وانا ساكت احسن
الكل:😂😂😂
الشرقاوي:انا هروح الشركه مع جاسر اشوف الاخبار هناك
جاسر:كل حاجه تمام خليك انت
الشرقاوي:لا عاوز اشوفها مدخلتهاش من شهرين
جاسر:خلاص يا جدي علي راحتك
وخرجوا ركبوا عربيه جاسر وانطلقوا اللي الشركه
في العربيه
الشرقاوي:انا ساكت يا جاسر بمزاجي
جاسر:علي ايه
الشرقاوي:علي أنك عندك ٣٠سنه ولسه متجوزتش وعشق بتاعتك دي مش هتلاقيها وانت اي بنت تتمناك
جاسر:يا جدي انا مش متجوز غير عشق وانا متأكد انها في البلد مش برا وانشاء الله هلاقيها
الشرقاوي:وانت هتلاقيها ازاي يا فالح
جاسر:مش عارف بس انا ممكن أنشر صورتها وهي صغيره وهي اكيد هتشوفها واعرف اوصل ليها
الشرقاوي:انا مش عاوز لعب عيال يا جاسر انا ساكت بمزاجي وسايبك براحتك بس لما يفيض بيا مش هسكت ليك وتبقا قابلني لو لقيت عشق بتاعتك دي
جاسر: انشاء الله هلاقيها
ووصلوا عند الشركه وكانت....
....يتبع
رئيكم يااااا جماااعه التشجيع نااايم خااالص وانا كدا مش هكمل الروايه رئيكم اللي يخليكم.
Rokaya abdelrhman 💜
#روايه عشق الجاسر#
#Part"4"#
ــــــــــــــــــــــــــــــــــــــــــــــــــــــــــــــــــــــــ
كان جاسر والشرقاوي رايحين الشركه
ووصلوا عند الشركه والشرقاوي وجاسر داخلين الشركه بهيبه تزدهم ووسامه واحترام
الشرقاوي:روح انت شوف شغلك وانا هعمل حاجه في الشركه وهاجي ليك
جاسر:ماشي متتأخرش عليا
وراح جاسر مكتبوا
كان زين داخل الشركه شاف الشرقاوي أنصدم واتسحب لحد ما وصل مكتب جاسر لأن لو شافوا الجد هيعمل منو بطاطس محمره
ودخل مكتب جاسر
زين:صح اللي انا شوفتوا دااا
جاسر:ايوه صح يا زفت
زين:مالك بتتشاكل مع دبان وشك ليه
جاسر:امشي من قدامي ممكن
زين:لا مش ممكن خالص انا قاعد لصبح عادي
جاسر:اومال احنا ايه
زين:اقصد صبح بكرا 😂دا لسه الشرقاوي هيلف الشركه كلها وشغل عالي
جاسر:انت ايه يبني الغباء دا بيجيلك منين
زين:عيب عليك هو انا غبي
جاسر:لا انا اللي غبي يا زين علشان مصاحب واحد زيك
زين:دا يزيدك شرف
جاسر:دا يزدني الضغط والسكر والجلطه
زين:كل دول طب هات شويه اشيلهم معاك
جاسر وهو يمسك في رقبة زين عاوز شويه طب خد ثم ينزل فيه ضرب هزار
الشرقاوي: احممممممم
زين وجاسر بصو لبعض وفي نفس الوقت قالوا:هووو لحق 😯
الشرقاوي:هو مين
زين:ها لا السحابه مشت يعني ف بقول هي لحقت 🤥
الشرقاوي:اذيك يا واد مشوفتكش من زمان
زين:متشوفش وحش يا عسل انت
الشرقاوي:بتقول ايه يا واد مش سامعك
زين:بقول انا لازم امشي حالا لا مراتي بتولد
ثم في ثانيه كان برا المكتب
الشرقاوي:مراتي؟ وبتولد؟
هو الواد دا اتجوز عرفي من ورايا
كان زين يمشي بسرعه خايف من الشرقاوي ينادي عليه هوووب خبط في واحده
الفتاه:يا ربي ايه الناس دي واحد يخبط فيا تحت وواحد فوق استغفر الله العظيم شكلها شركه مش محترمه والله
زين:ايه اهدي انتي مين اول مره اشوفك هنا
الفتاه وتدعي ملك:انت مالك انت ليك الحق تسألني
زين:متستفزنيش يا بت انتي تعرفي انا مين
ملك: أولا هتكون مين يعني غير عامل زمانوا عمل حاجه وخايف وبيجري وثانياً انا مسميش بت انا ليا اسم واحد مستفز 😑
ومشت وهي متعصبه
زين:هي كانت بتكلمني أنا
ماشي يا بت لو ليا نصيب اشوفك ل هعلمك الأدب ،وراح مكتبوا
ملك ماشيه تردد كلامات غير مفهومه وراحت عند مكتب سكرتيره جاسر
ملك:هو دا مكتب المدير زين
السكرتيرة:لا دا مكتب جاسر بيه الرئيس إنما مكتب المدير زين ف هو آخر مكتب في الدور دا
ملك:مش هو بردو عاوز سكرتيره
السكرتيرة:ايوه
ملك: شكراً اوي
وراحت علي وصف المكان وخبطت
زين:ادخل
كان زين لافف الكرسي للشباب
ملك:انا يا فندم اللي قدمت شغل هنا
زين لف الكرسي وانصدم وابتسم بمكر
ملك بصدمه:انت
زين:وميكونش انا ليه هو انا مش قد المقام ولا اي
ملك:تعرف لو انا مش محتاجه شغل لكنت مشيت
زين:براحتك
ملك:اوف ايه الطلابات
زين:اقعدي نتكلم هتفضلي واقفه كدا
راحت قاعدت
زين: أولا كدا انا لسه مختش حسابي معاكي بسبب اللي حصل من شويه ومش هتكلم فيه لأني في الشغل دلوقتي ثانياً اسمي زين العابدين مدير جاسر بيه وشريكوا في الشركه هنا ثالثاً الاحترام ثم الاحترام في الكلام فهماني انتي اكيد
ملك بدون نفس:حاضر
زين:وريني ملفك الشخصي
واخد منها الملف
زين: أمم اسمك ملك محمد محمود منصور
زين في سروا ايه كل الميمات دي😂😂
زين:متخرجه من كليه تجاره انجليزي ولا عربي
ملك: انجليزي
زين:حلو اوي
الورقه دي فيها التعليمات ،والف مبروك علي الوظيفه
ملك: شكراً جدا
زين مد أيدوا ليسلم وهي طنشت
زين من بين اسنانوا:اتفضلي علي مكتبك يا ملك وانا لو عوزت حاجه هقولك
ملك:تمام عن اذنك
وطلعت قاعدت
ملك:دا انت رخممم ثم تستوعب أن في كاميرا مراقبه
في المساء
يخرج جاسر والشرقاوي من الشركه متوجهين إلي القصر وجاسر مش طايق نفسوا من الشرقاوي
ووصلوا القصر
الشرقاوي:انا هطلع انام متنساش تاكل يا جاسر مطنش علشان انت مأكلتش حاجه
جاسر:حاضر يا جدي
وصعد الشرقاوي الي الأعلي
ويرن هاتف جاسر
جاسر:ايوه يا زفت خير
زين:هو الشرقاوي مروحش غير معاك
جاسر:نصيبي كدا اعمل اي كان يوم زفت فضل باصص ليا في كل حرف اكتبوا واي حاجه اعملها انا عارف انوا هيبقا يوم زفت والله يارب ميقررهاش تاني وياجي الشركه ادعي معايا يا وااااد
زين:يارب ينطلق كل يوم يا جاسر يا ابن احمد
جاسر:يابن...
زين قفل الخط قبل ما يسمع شتايم جاسر لأنوا لو شتم مش هيسكت
جاسر قعد شويه يتصفح الانترنت نت
بعد ما زهق قام ولسه بيلف شاف عشق وراه مكنش يفرق المسافه غير أنفاسهم
عشق اتوترت ف كانت راحه تبعد شويه اتكعبلت وقعت علي جاسر
وجاسر وقع علي الاريكه وهي فوقوا
وكان الوضع زي الحضنين بعض
جاسر مصدوم من الحركه ومصدوم من نفسو انوا مبعدهاش عنو ومتعبش ما فيش غير عشقو الوحيده اللي تقدر تلمسوا هو مصدوم جدا
عشق مش اقل الصدمه منو كانت بتحاول تقوم بس هو مانعها تقوم
عشق بتوتر وصدمه:اسفه اسفه مقصدش والله هبعد اهو بس بس مش عارفه اقوم
جاسر:ششش خليكي كدا شويه لو سمحت
عشق:ايه ازاي.ل.لا
وأخيراً عرفت تفلت منو
وقامت واستجمعت كل قوتها وقالت:العشا جاهز
ثم هربت إلي المطبخ
جاسر أفكار الدنيا كلها قداموا
شخص كان بيراقبهم ثم
......:انتي عملتي معجزه
يتبعع.....رئيكم
ياتري مين اللي كان بيراقبهم ومين اللي اتكلم
تشجيع يا جمااااااعه بقا فين التشجيع مش شايفه حاجه .هي الروايه وحشه؟ معلش مقدرش اكتب اطول من كدا
Rokaya abdelrhman 💜
تكملة الروايه من هنا هنا
تعليقات
إرسال تعليق