 |
: انا بحبك
قالها خالد وهو متوتر من رد فعلها
ريناد : وأنا مش بحبك وقولتلك قبل كده برضوا انت معندكش كر"امه
خالد بصدمه : ريناد أنا
ريناد بتكبر : ياريت متجبيش سيرة الموضوع ده تانى ده لو عايزنا نفضل أصدقاء
خالد بكسره : كنت فاكر أن ممكن تتحول الصداقه لحب
ريناد : واهو الحب متحققش حل عن دماغي بقا
سابته ومشيت وهو فضل ماشي فى الشوارع وهو شبهه التايهه بالظبط روح بيته وقابل وهو طالع إيمان جارته
إيمان بخجل : ازيك ياخالد
خالد بضيق : أهلا يا إيمان عامله ايه
إيمان : تمام الحمد لله مالك شكلك متضايق
خالد بعصبيه : وده شئ يخصك يعنى
إيمان بأحراج : أسفه جدا عن أذنك
خالد اتضايق أن كلمها كده بس تجاهل وطلع شقته ودخل أوضته بدون كلام ونام على السرير بحزن بعد لما اتجرح من أكتر أنسانه حبها
#هاجر العفيفى
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹أستغفرووا
ميرنا : انتى ال غبيه راميه نفسك عليه
إيمان بدموع : بحبه ياميرنا والله
ميرنا : الحب مش بالغباء ده لازم تعرفى الأول يمكن بيحب حد تانى متجرحيش نفسك على الفاضى بقا
إيمان بحزن : وأنا أعرف منين ؟؟
ميرنا بتفكير : اممم مش عارفه بس أكيد هيجي الوقت ونعرف
إيمان : وانا هستنا لما يضيع مني
ميرنا : بت انتى هطله ماهو لو مش خير ليكي ربنا هيبعده عنك خلصنا بقا يلا قومي عشان ننزل نقضى مشاويرنا
إيمان بتنهيده : يلا
#هاجر العفيفى
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹صلوا على شفيعكم
ريناد بضحك : هو ده ال كان مطلوب كنت عايزه أكسره قدام نفسه
ندى : وانتي فاكره كده صح
ريناد ببرود : والله دى حاجه تخصنى ملكيش انتى فيه
ندى : استفادتى ايه
ريناد بخبث : كتييييير أووووي انا ماشيه عشان كريم مستنيني سلام
ندى بقلة حيله : سلام ربنا يعينك على دماغك
#هاجر العفيفى
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹أذكروا الله
خالد : أمى انا قررت أخطب
والدته بفرحه : بجد ياخالد بجد ياحبيبي ياترى مين بقا سعيدة الحظ ال هتاخد البشمهندس خالد
خالد بجمود : إيمان جارتنا
يتبع
البارت الثانى
خالد : انا قررت أخطب
والدته بفرحه : بجد ياخالد بجد ياحبيبي ياترى مين سعيدة الحظ ال هتاخد البشمهندس خالد
خالد بجمود : إيمان جارتنا
والدته باستغراب : إيمان !! مش دى ال دايما تقول انها زى أختك
خالد : عادى هى مش أختى يعنى انا هتجوزها هتروحى معايا امتي
والدته بفرحه : النهارده لو عايز ياحبيبى هو أنا هيجيليى أعز منك وكمان إيمان طيبه وبنت حلال
خالد : تمام بلغيهم وانا رايح مشوار وبعدين لما ارجع نروحلهم سلام
والدته : مع السلامه ياحبيبى ربنا يسعدك يارب
#هاجر العفيفى
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹أستغفرووا
إيمان بدهشه : انتى بتقولى ايه ياميرنا
ميرنا : اه والله يابنتي سمعت مامتك بتتكلم دلوقتى
إيمان : خالد يتقدملى انا ده مش بيكلمنى أصلا غير كل سنه مره
ميرنا : ياريت بقا تهدى وتفكرى معايا خالد فجأه كده يخطبك ازاى انا حاسه ان فى حاجه ورا الموضوع
إيمان بخوف : انتى هتخوفينى ليه بقا
ميرنا : مش حكاية خوف بس فعلا فى حاجه غريبه عايزاكى تاخدي بالك من تصرفاته وبالذات لما يجي النهارده وطبعا أهم حاجه ضوابط الخطوبه مفهوم طبعا
إيمان : أيوه أيوه مفهوم
ميرنا : غض البصر أهم حاجه متعلقيش قلبك بحاجه يا إيمان انا خايفه عليكي انتي مفهوم
إيمان بحب : حاضر ياميرنا ربنا يخليكي ليا ياحبيبتى ويديمك ليا يارب
ميرنا بابتسامه : ويديمك ليا يارفيقتى
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹صلوا على شفيعكم
فى المساء
وصل خالد ووالدته وقعدوا مع أهل إيمان واتكلموا وبعد وقت والدها نده عليها وسابوهم مع بعض
إيمان كانت قاعده متوتره ومبصتلوش خالص
خالد : أحم ازيك يا أنسه إيمان
إيمان بتوتر : ا الحمد لله
خالد : طبعا انتى عارفه كل حاجه جت بسرعه بس أن شاء الله يكون لينا نصيب مع بعض
إيمان بخجل : أن شاء الله
خالد : عايزه تسألى فى حاجه
إيمان : احم بتصلى ؟؟!
خالد باحراج : اها الحمد لله بس احيانا لاء بس هحاول التزم
إيمان قلبها دق من فكرة تقصيره فى الصلاه بس حاولت تتطلع من الاحراج : تمام عن أذنك هبلغك موافقتى مع بابا
سابته ودخلت وهو اتنهد بضيق
ميرنا : وانتى هتوافقى عليه ؟؟
إيمان بتردد : مش عارفه بس انا بقول هحاول معاه لعل وعسى اكون سبب فى هدايته
ميرنا : هتتعبى
إيمان : هحاول
بعد مده خالد وصله موافقة إيمان وقرر أن هو يعمل خطوبه بس هى رفضت وأصرت تكون فى البيت وسط أهلهم أحسن عشان مش بتحب الاختلاط
#هاجر العفيفى
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹أذكروا
ريناد بغيظ : تخيلى خطوبته النهارده هو ليه عين
ندى : وانتى مالك انتي مش المفروض انك رفضتيه برضوا
ريناد : أيوه بس متخيلتش أن هيروح يخطب بالسرعه دى
ندى : عادى
ريناد بخبث : لاء مش عادى هو عمل كده عشان يغيظنى بيها وهى سا"ذجه متعرفش أن هو واخدها بدل
ندى بقلق : انتى هتعملى ايه !!
ريناد بخبث : هتعرفى
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹أستغفروووا
أسر بحزن : خالد عارف ان بحبها وراح خطبها
أحمد : انت ماخدتش خطوه
أسر بوجع : كنت مستنى أكون نفسي عشان أكون جاهز بس ضااعت منى
أحمد : أسر لازم تعمل حاجه
أسر بحزن : اي حاجه هعملها هتكون خيا"نه لصاحبى لأنها خلاص بقت خطيبته
أحمد : خالد ال بدأ وخدها منك
أسر بتنهيده : وانا هبعد عشان مجرحش حد حتى لو كان صاحبى
يتبع
#حب بدل
بقلمى هاجر العفيفى
دمتم في حفظ الرحمن 💙
تعليقات
إرسال تعليق