 |
#آريس 🖤🌪٧
- أنا قررت أتجوز ماجد يا هاميس
هاميس بصدمة : هتتجوزي ماجد ابن جارنا هتتجوزي واحد قد بنتك ، يعني مش كفاية أني بنت حر*ام و معرفش مين ابويا .....
و مرة واحدة هاميس ( آريس ) بتقع على الأرض أثر قل*م نزل على وشها من امها و قالت بعصبية : اخر*سي قط*ع لسانك يا قلي*لة الأدب ...أمك اشرف من الشرف و أنتِ عارفة أنها حالة إغتصا*ب و بعدين انا من حقي اعيش ، مش خلاص ربيتك و دلوقتي أنتِ طالبة في الجامعة بتعبي أنا و لا نسيتي فضل أمك عليكِ
وقفت هاميس و بصيت ليها بنظرة عتاب و خذلان كبيرة و قالت بحزن : فضل ! هو بقا في فضل بين الأم و عيالها ، لا و كمان جاية بكل بجا*حة و تقولي هتجوز سيبك من كل ده إزاي جالك الجراءة تبصِ في وش عم شريف اللي تقريبا قدك في السن و اللي هيبقى حماكي و أنتِ رايحة تتجوزي ابنه و لا نظرة الناس ليكِ ،، بصي يا إيزيس
قاطعتها إيزيس : إيزيس !
هاميس بإنهيار : لا ما خلاص أنا أمي ماتت ده حتى خسارة البس الأسود عليها ، من بكرة مش هتلاقيني في البيت ده ، انا خلاص مبقاش ليا مكان !
خرجت هاميس من البيت بسرعة و دموع كانت مغطية وشها
العودة للواقع *
إيزيس قعدة و حضنة صورة بنتها و بتبكي عليها و حاسة بالندم الشديد إتجاه بنتها
عند فريدة
مشيت البنت بغضب و مازالت فريدة على وضعها وحضنة داغر ف قال هو بمكر : على فكرة البت مشيت
بعدت فريدة بإحراج و قالت : حتى في أمريكا في الأشكال دي ...ربنا يبعد عننا
داغر بمكر : انا عارف شغل الكيد ده كويس
فريدة : كيد ؟! ليه فاكر نفسك چیمس بوند
داغر بعصبية : قصدك ايه يا بت أنتِ
فريدة بقرف : مفيش راجل هيعمل اللي أنتَ بتعمله ، أحنا مش في غابة و الشغل ده مش بيعمله إلا الحيو*انات إللي زيك
داغر وشه أحمر و عروقه بانت و لسة هيمسكها ،جريت فريدة على فوق و دخلت الأوضة و قفلت الباب بالمفتاح ، داغر بيخبط بدل قوته على الباب و قال بزعيق : افتحي الباب أحسنلك !
فريدة بإستفزاز و واقفة ورا الباب و قالت : شوف أقرب حيطة و أخبط نفسك فيها
داغر بخبث : بقا كده تمام اوي ..متلوميش إلا نفسك
عند آريس و هشام
آريس حضنة هشام بكل قوتها و بتعيط ، هشام طبطب عليها و قال : بتعيطي ليه طيب ؟
آريس بحزن: أنا بخاف أقعد لوحدي ممكن متسبنيش لوحدي تاني ؟
هشام بحنية لأول مرة : حاضر مش هسيبك تاني ...ممكن بلاش عياط
آريس استوعبت الموقف و بعدت عنه و هي محرجة و قالت : أسفة
هشام حاط ايده ورا رأسه و قال : مفيش حاجة .. المهم أنك بخير
مسك كيسة و قال : اتفضلي شوية هدوم ليكِ اعتقد هيبقوا على مقاسك
آريس اخدت الكيسة و قالت : شكرا
هشام بحنية : أكيد مأكلتيش حاجة من الصبح ... أنا هطلب أكل ليا و ليكِ ، تاكلي ايه ؟
آريس بإستغراب من أسلوبه معاها و قالت : هو أنتَ كويس ؟
فهم هشام قصدها و لكن اتهرب منها و قال : هتاكلي ايه ؟
آريس : هاكل زيك
هشام : تمام عقبال الدليفري ييجي شوفي الهدوم
آريس بهدوء : تمام
دخلت آريس الأوضة و هشام طلب من المطعم أكل
عند علا و عمر
عمر سايق العربية و علا قعدة جانبه ف قالت : أطلع على الكلية عشان كنت قايلة للدكتور سامي هروح له المكتب عشان في حاجة مش فاهماها في المحاضرة
عمر : بس أنتِ لسة خارجة من المستشفى تعبانة
علا بهدوء : معلش يا عمر أنتَ عارف أمتحاناتي قربت و كمان الدكتور مأكد عليا
عمر : أمري لله ..حاضر هوديكِ بس هستناكي لغاية ما تخلصي ، اتفقنا
علا : اتفقنا
عند فريدة
كان في ورقة لقيتها فريدة على المكتب أخدتها و بترسم فيها و سرحانة و فاجأة بتلاقي داغر قدامها بتصوت و لسة هتجري ماسكها من ياقة التيشرت و قال بعصبية : كنتِ بتقولي ايه برة ... اه افتكرت شغل حيو*انات و أني مش راجل انا بقا هوريكِ شغل الحيو*انات على حق
و لسة هيقرب منها سمعوا صوت سرينة عربية بوليس ف قالت فريدة : مش قولتلك أحنا مش في غابة .. خلاص اتكشفت يا داغر ،أنا حضرة الظابط فريدة الهاشم
داغر وقف مصدوم و فجأة باب الأوضة اتكس*ر
عند آريس
بتخرج آريس من الأوضة و بترمي الهدوم على هشام اللي ماسك كياس الأكل و قالت بعصبية : أنت ايه مش بتحس كل شوية بتكس*ر فيا أكتر ...أنت مستحيل تكون بني آدم ، أنا بكر*هك بكر*هك
هشام راح ناحيتها و مسك دراعها بقو*ة و قال بعصبية : أنتِ بزعقي ليه هو أنا عملت ايه دلوقتي ؟
آريس بعصبية : جايب هدوم مكشو*فة عشان كل ما اشوف نفسي في المراية افتكر اسود فترة في يا حياتي بسببك أنتَ ...واحد عد*يم الضمير و قا*سي القلب هيحس بأيه ؟!أنا عايزة اطلق ، طلقني بقا و ريحني من عذ*ابك ده .. يعني أنتم لا عايزين ترحموني و لا عايزين رحمة ربنا تنزل
و مرة واحدة آريس بتفقد توازنها بيمسكها هشام بقوة و شالها و حطها على الكنبة
عند عمر و علا
عمر واقف قدام الجامعة و ساند بجسمه على العربية و كل شوية يبص في ساعته ف قال : هي اتأخرت ليه ؟
دخل عمر الجامعة و سأل عن الدكتور سامي و لسة هيدخل المكتب بيلاقي الباب مقفول بالمفتاح و في صوت زعيق ، عمر خاف على علا ، قعد يخبط بكل قوة و سمع صويت علا و هي بتقول : ألحقني يا عمر
عمر عينه احمرت و مرة واحدة كسر الباب و....
يتبع.....
اسفة على التأخير كان عندي مشكلة على تليفوني ....تفاعل حبايبي عشان مش عاجبني و هعوضكم بكرة ببارتين بشرط نوصل البارت ألف و نص لايك و ألف كومنت ..انطلقوا❤
#يتبع
تعليقات
إرسال تعليق