 |
سكريبت❤بقلم سولييه نصار ❤
-لو عايزاني اطلع ابوكي من السجن اتجوزيني
قالها عامر فجأة ...رجعت لورا بخوف وقولت :
-انت اكيد مجنون ...انا مستحيل اعمل كده انت جوز صاحبتي !!!!
-خلاص خليه في السجن واوعدك يا اماني اني ابوكي مش هيشوف الشمس ...وهحرق قلبك عليه ...
-انت متقدرش تعمل كده هي مش فوضي ...بابا معملش حاجة غلط ...
-ابوكي يا حلوة اتمسك ومعاه هيروين دي فيها عشر سنين سجن ...يعني ممكن متشوفهوش تاني وابوكي الراجل الطيب مش هيتسحمل السجن ده ممكن ي*موت فيها ..طول عمره رجل عنده كبرياء لما يتبهدل في السن اكيد هيت*كسر
دموعي نزلت وقولت :
-ده تلفيق بابا مستحيل يعمل ده وانا عارف كده
-ايوة يا حبيبتي انا عارف وانتي عارفة بس القانون والمحكمة ملهومش دعوة دوول ناس لقيوا معاه هيروين مش هيقدر ينفي التهمة عنه ...قعدت علي الكرسي وانا منهارة وبعيط ..قعد عامر جمبي وقعد يمسح دموعي وهو بيقول بخبث:
-لا لا يا حلوة متبكيش انا مستحملش دموعك دي ...حلها بسيط اتجوزيني عرفي شهر واحد اتمتع بجمالك شوية وبعدين هحررك .....وابوكي هيطلع صاغ سليم ...انا ضابط معارفي كتيرة وممكن البسها لاي حد واطلع الوالد ...
قومت بغضب وصرخت في وشه :
-انت ايه شيطان ....ده مراتك صاحبتي واكتر من اختي ازاي عايزني اخو*نها...انت اح*قر واحد شوفته في حيات....اه
مكملتش كلامي وضر*بني بالقلم وبعدين م*سكني من شعري وقال:
-اسمعيني يا روح امك ...انا ممكن اق*تلك واقت*ل ابوكي ...اما تتجوزيني او انسي انك تشوفي ابوكي تاني ...
وبعدين زقني برة مكتبه وقال :
-غوري قدامك يومين وتردي عليا وحسك عينيك تقولي لصفاء مراتي حاجة والا والله اقت*لك ابوكي...
جسمي اترعش وجريت برة المكتب وانا ببكي
كنت ماشية في الطريقة مش قادرة اسيطر علي دموعي ...انا واثقة ان بابا مستحيل يعمل كده ...بابا رغم ان حاله علي قده الا انه عاش شريف طول عمره وانا عارفة ان ده فخ من عامر عشان يخليني أخضع واتجوزه ...بس ازاي انا كده مش بدمر حياتي وبس بدمر حياة صاحبتي كمان ...كنت حاسة ان الدنيا اتسدت في وشي ...انا مليش حد الا بابا وصفاء ومقدرش اتكلم عامر شراني وممكن يأذي بابا ...تليفوني فجأة رن ببص لقيتها صفاء ...قلبي وقع في رجلي ...كنت خايفة ارد لتكتشف حاجة ...رديت وانا بحاول اخلي صوتي طبيعي :
-ايوة يا صفاء ازيك
-ايووة يا بت يا اماني انا عاملة المكرونة بالبشاميل اللي انتي بتحبيها تعالي انتي وعم مدحت
ضحكت بحزن وقولت:
-معلش يا صفاء اجليها ورايا شغل دلوقتي
-مالك يا اماني ...
دموعي نزلت وحاولت امنع صوتي يطلع وقولت:
-مفيش يا حبيبتي تعبانة شوية ..هكلمك شوية عشان دلوقتي مش قادرة اتكلم
وبعدين قفلت معاها وانا بعيط ....
يومين مروا وانا قافلة علي نفسي وبعيط ...مبردش علي تليفونات حد حتي صفاء ....بابا كان واحشني اووي وكنت خلاص اخدت قراري ....
اتصلت بعامر..
- ايوة يا حبيبتي فكرتي كويس
غمضت عيني وقلبي بيتقطع وقولت:
-ايوة يا عامر فكرت انا موافقة اتجوزك عرفي !
يتبع
تعليقات
إرسال تعليق