 |
🔥البارت التاسع والعاشر 🔥 بقلم سلطان زماني
خوفت علي نفسي وعلي الي في بطني ومبقتش بشتكي
وقاعدة كافيه خيري شري وبقول حاضر ونعم واطلع الصبح
اشوف طلبات حماتي واعملها الي هي عايزاه وانزل من سكان
واقفل باب شقتي عليا وفضل الناقص حابسها ومكتفها فوق
لحد ما جيه أهلها وخربو الدنيا معه كانت خفت خلاص واثار
الضرب والجرح راح
المصيبة بقا انها رجعتله تاني وهو راح زاي الكلب استسمحهم
وجبلها خاتم وغويشة
وبقت تتكلم معايا وترمي السلام وهي نازل وطالعه وادتني رقمها
وعرفتني حاجات خلت شعر راسي يقف من الزهول أنه ابن
امه وأنه كده ربنا هداه والأول كان بيعذبها واني لولا الي في
بطني كان طلقني واني حمايا ده دلدول لمراته واني الكلمة
والحاكم والناهي في البيت حماتي مش حد تاني وقالتلي اوي
تجيبي سيرة انك بتكلميني لاني أمه منبها عليه اننا منحكيش
مع بعض ولا يبقا لينا صلة ببعض علشان خايفين نتفق مع
بعض عليه ..قالتلي كمان اني صعبانه عليها وفضلت تدعي ع
اهلي أنهم جوزوني ليه قولتلها بس انتي ماشاء الله اهلك
كتير ويسدو عين الشمس ليه مطلقتيش منه
قالتلي اه هما كتير بس كل واحد بيشيل شيلته ومحدش
بيستحمل حد في الزمن ده ..وكريم هو شكلا راجل بس
بيتصرف وواخد طبع النسوان الوسخه امه مسيطرة عليه
جامد ..هو ولا يفرق معه عيال ولا حد بس عارف من امه الي
يكسر الوحدة ويرجعها لما تهددها انك هتاخد عيالها وبيلعب
معايا العبة الوسخة دي من زمان رغم أنه عارف اني عارفه أنه
مش فارق معه العيال .. واهلي كمان معندهمش استعداد
يصرفو ع عيالي جنيه وابويا قالهالي صريحة قالي يابنتي أنا
مجهزتكيش وطفحت الدم علشان اجوزك واطلعك من البيت
ده علشان ترجعيلي ب ٣ عيال وأخواتي كمان قالولي احنا
عنينا ليكي يا اختي بس عيالك لا اي قرش في جيبي أوله بيه
عيالي ..وكمان كريم مش بيبعت مصاريف لما اغضب فضلت
احكلها عن ابويا الله يرحمه وكرمه وطيبته وأنه لو عايش
استحالة كان سبني ولا كان وافق علي الجوازة دي واحكلها ع
مرات ابويا الي بحبها وبعزها اكتر من امي وبقينا اكتر من
اخوات ومن غير ما حد يعرف اننا ع علاقة ببعض
يتبع ..
💥البارت العاشر 💥
ولدت ولد زاي القمر ومكنش حد معايا في المستشفي غير
حماتي وكنت عايزة ضرتي معايا بس مطلبتش ده ليفتكرو
أننا بنكلم بعض
كنت بتوجع وبفرفر بمعني الكلمة وهي شايفة اني ده دلع
واني بمثل روحت البيت الجو تلج وهي شايلة الواد وانا
محتاجه اتسند ع حد
سواق التوكتك رقف بيا ونزل سندني وطلعنا ألعتبه وسبني
في المدخل مش قادره أشيل نفسي تعبانه اووووووي وأيد
سنده ع الباب الحديد خايفه اقع وايد تانيه ماسكه بيها بطني
وع الجرح
دخلت الواد الشقة وقالتلي هتفضلي واقفه عندك كتير
بصتلها الي هو مش قادره بموت
جت سندتني وبقيت تجرجر فيا لحد ما دخلت وسبتني اول
ما دخلت كلمت امي كان في دوشة عندها وقالتلي أنها في
القسم علشان ابن خالي اتعور وهو بيتخانق وبتكمل كلامها
قفلت في وشها وكلمت مرات ابويا مكملتش ربع ساعة وكانت
عندي غيرتلي هدومي وحمت ابني وشربتني عصير واكلتني
وجوزي جيه شاف الواد ولما شفها قلب وشه ومرحبش بيها
وهي قالتله أنها هتروح وتجلها بكره تاخد بالها مني وقالتله
مبروك ما جالك ويتربي في عزك رد عليها بقرف وقالها الله
يبارك فيك طلع وانا فضلت اقولها متزعليش بالله عليكي أنا
مليش غيرك علشان خاطري كبري دماغك قالتلي يابت انتي
حبيبتي وبنتي الي مخلفتهاش وربنا يعلم محبتك في قلبي
قد ايه والله يرحمه ابوكي كان راجل ولا كل الرجال بصتلها
ب استغراب وقولتلها ده انتي ملحقتيش تعيشي معه معقول
شيفاه كده قالتلي مش بالسنين يادينا بالحنية والاحترام
والمعاملة الحلوة ابوكي الله يرحمه كانت حنية الدنيا فيه
وذوق وطيب والست مننا مش عايزة اكتر من كده يلا الله
يرحمه ويسامحه أنا كل صلاة بدعيله والله قولتلها وادعيلي
أنا كمان بالله عليكي لحسن أنا تعبانه اوي وحسه اني هموت
قالتلي بعد الشر ياحبيبتي ربنا يجعل يومي قبل يومك ربنا
يهديلك جوزك ويصلح حاله ويبعد عنكم الشيطان وسلمت
عليا وقالتلي مش عايزة مني حاجه ومشيت
يتبع ..تشجيع 👏👏
تكملة الروايه من هنا
تعليقات
إرسال تعليق