 |
الجزء الاول من النهاية بقلم ✍️ سلطان زماني
فهمت من رد عمرو وكلامه أنه هيوقف في موضوع الطلاق
وأنه الموضوع مش سهل زاي ما كنت متوقعه وبقيت أنا الي
اكلم علاء علي الطلاق كتير وازن لحد ما اتعصب وجاب الي
جواه كله وحسيت اني عمرو ملا دماغه بكلام لانه ميعرفش
هو يقول الكلام ده ..قالي انتي شكلك حطه عينك ع حد
واني الست متزنش ع الطلاق كده كتير غير لما يكون وراء
الحوار ده راجل وأنه معندوش مانع أنه يطلق بس اتنزله عن
حضانة العيال وابريه من كل حاجه طبعا كنت بموت من
جوايا وعايزة امسكه افضل رقابته عن جسمه من الغيظ
مسكت نفسي وقولتله خلينا نطلع من بعض ب الادب والذوق
وبلاش من الفضايح علشان العيال والناس قالي بعد ما
خلتيني اقاطع اهلي واسيبهم ومبقاش ليا حد عايزة تسيبني
ارحلهم ازاي وب انهي وش وبعدين انتي الي مش عايزة يبقا
انتي الي تمشي وعيالي يفضلو في حضني واتجوز وحده
تخدمني وتشلهم في عنيها وتدلعني وتعوضني عن الايام
السوده الي شفتها معاكي
قولتله تجيب اي وعيال مين دول الي تربيهم غيري انت
شكلك اتجننت ولا اتهبلت
قالي برحتك بقا أنا قولت الي عندي وانتي حره
من كتر ما هو بيقلد اسلوب وطريقة عمرو في الكلام افتكرته
هو عرفت أنه بيستفزني وفضلت اغلي ودمي شايط وجسمي
كله بيترعش من الخضه حسه اني الحلم الجميل الي حلمته
مش هيتحقق وصعبوها عليا اوي مكنش قدامي غير اني اكلم وليد
كنت عايزة احس انه معايا وفي ضهري ويطمني بس مش
قادرة احكيله عن عمرو خايفه يعايرني أو ياخد ده سبب أنه
يبعد حكتله عن علاء بس والي عمله وقالي متخفيش وطمني
وأنه هيفضل جنبي واني مش لازم يتسرع وقعد يقنعني اني
بقالي كتير في العذاب والمرار ده ف طبيعي مش هنطلع منه
من يوم وليلة وبقينا نتقابل برضو وخلاص حطه في دماغي
أنه جوزي بجد وهي مسألة وقت مش اكتر
ومش برد ولا بكلم عمرو خالص وكلمني وطلب فلوسه كلها
علشان بيشتري بضاعة ومحتاجها ضروري قولتله خد
10000 والباقي هسددو ع كام شهر قالي لا يومين بالظبط
وجهزيهم وقفل
مسكت الكراسة وفضلت احسب في الفلوس الي برا ونفسي
ادهملو واخلص منه بس مش عارفه ليا فلوس برا كتير
وقسط وفي الي بيبعت كل اسبوع وفي الي كل شهر كلمني
بعد يومين وقالي عليهم قولتله والله معرفتش أجمع غير 12
الف بس
قالي خلاص هتيهم بالسلسلة ويعوض عليا ربنا في الباقي
قولتله حاضر وفضلت يوم بحالة مسهمه وتقريبا فقده الوعي
من الي قاله كرمتي وجعتني اوووي ومش مصدقه أنه قال
كده والكلمة طول اليوم بترن في وداني تاني يوم نزلت لما
شفت عربيته بالفلوس والسلسلة ودخلت سبتهم ع التربيزة
الي قاعد عليها وقولتله اتفضل ولفيت وشي وخارجه مسكني
من أيدي قالي انتي ايه لدرجة دي مش شايفاني ولا افرق
معاكي انتي مالك ياوعد
قولتله انت مش خدت فلوسك عايز اي تأني وسيب ايدي لو سمحت
قالي عايزك انتي نقطة ضعفي أنا منزلتش ولا اترجيت حد
ولا اتنزلت عن رجولتي وكرمتي غير ليكي انتي ..ما انتي
كنتي كويسة اي غيرك وقلبك كده
قولتله ..علشان أنا مش شمال ولا عمري هكون كده ..أنا
بخون اختي ولو هي مش فارقه عندك ومش وجعاك أنا فارقه
اوي ووجعاني وبتموتني كمان أنا مش بقدر ابص في وشها
ولا عارفه اتعامل معها زاي الاول بعرب من مقابلتها
وبتحجج ... انت بتعرف تمثل أنا لا انت بتعرف تداري أنا لا
مستخصر فيا ليه تسبني في حالي وتخلصني من الراجل الي
انت كنت السبب اصلا في أنه يدخل حياتي ولعلمك أنا
اتجوزته وقبلت علشان اخلص منك انت مكنتش اعرف انك
وخده سلمه علشان توصلي منه
قالي كل ده جواكي يا عد وكتماه
قولتله واكتر كمان بكتير ياعمرو وأوعي ايدك دي ولو سمحت
ملكش دعوه بيا تاني واقعد سخن واملا واحشي دماغ علاء
برحتك كده كده انا هعرف اخلص منه ومنك بطرقتي
عمرو ضحك وقالي أنا عايز اتفرج وسبني ورجع قعد ع
الكرسي تاني قولتله المره دي ياعمرو لو وفقت قصادي
صدقني هتشوف مني وش عمرك ما شفته وهتسمع كلام
عمرو ما كان يخطر علي بالك انك تسمعه مني
قالي بكل تناكه وكبرياء عاااااايز اتفرج ياوعد
قولتله وحياة عيالي لفرجك ابدا أنت بس وهوريك
قالي اعتبريني بدأت
..تشجيع كبير اوي بقا وانتظروا الجزء التاني من النهاية 👏
تكملة الروايه من هنا
تعليقات
إرسال تعليق