 |
سكريبت❤بقلم سولييه نصار❤
-يعني ايه هتتجوز عليا يا عز ؟!
قولتها وانا منهارة
-صابرين انا
-رد عليا الكلام اللي بتقوله مامتك ده صح هتتجوز عليا
-ايوة هتجوز ميار
رجعت ورا. انا مصدومة دموعي نزلت مكنتش قادرة اصدق ان عز يعمل فيا كده ...
بصتلي حماتي بشماتة ...طول عمرها بتك*رهني لان عز فضلني انا علي بنت اخوها ميار ...
-لا مش هسمحلك تعمل كده مش هسمحلك ته*د حياتنا ...عز انا حامل ازاي عايز ت*دمر حياتنا بالشكل ده حرام عليك ...عايز ت*دمر حياتنا انا وبنتك وابنك اللي في بطني ليه ؟!!!
-وانا مش هقدر اسيب بنت عمي انا اديت كلمة لعمي وانتهي الموضوع ...وبعدين انا مقتدر واقدر افتح بيتين وده شرع ربنا ...رخصة ربنا ادهاني ميحقلكيش تتكلمي ولا تنطقي.
بصتله بصدمة ...مش ده عز اللي حبيته كأنه واحد تاني ....بقلم سولييه نصار
-يبقي طلقني
حسيته اتهز شوية بس بصلي ببرود وقال:
-متراهنيش عليا يا صابرين ومتفتكريش انك بتلوي دراعي
- انا مش بهزر ولا ب*هدد ...طلقني يا عز
-تمام سيبي بنتك معايا انت مش هسمح انك تاخديها مني ولا عايزة تغ*وري غ*وري
-انت مجنون
-لا مجنون ولا حاجة بس دي بنتي وانتي مش من حقك تبعديها عني ....وصدقيني هفضل وراكي لحد ما اخدها منك وانتي عارفة انا ممكن اعمل ايه .
دموعي نزلت وسكتت ...اصعب حاجة لما تحس نفسك ضعيف وتحت رحمة حد ....عز مبيهزرش هو يقدر ياخد بنتي ...وندي تبقي روحي مستحيل اسمح بكده ....
......
كنت قاعدة علي السرير وانا ببكي بس عز كان بيعدل في بدلته وهو بيصفر....كان سعيد جدا وده صدمني ...عز عمره ما حبها ازاي فجأة دخلت قلبه بس كنت عارفة ان حماتي ليها ايد في ده ..هي اللي قربتها منه !!!
رحت ليه وانا بقول وانا بترجاه:
-عز ابوس ايديك متدم*رش حياتنا بالشكل ده يا عز..صدقني انا مش هسامحك علي ح*رقة قلبي بالشكل ده . .عز فوق ابوس ايديك ...
بصلي ببرود وشاور علي الباب وقال:
-اتفضلي اطلعي الباب يفوت جمل ...بس سيبي ندي انا كده كده مش ط*ايقك ومش عايزك ...
وبعدين زقن*ي ومشي ....
.....
مرت الساعات. انا حاسة النار قايدة في قلبي مش قادرة اتخيل عز بقا كده ازاي ....قلبي وقع في رجلي لما سمعت صوت الزغاريط...عز مش مكفيه انه اتجوز عليا لا ده جايبهالي هنا كمان في الشقة اللي قدامي ...حضنت بنتي ونمت وانا بعيط ...
.......
تاني يوم ..
لقيت حماتي بتخبط عليا
-خير عايزة ايه مش عملتي اللي انتي عايزاه جايه ليه ؟!
بصتلي بشماتة وقالت :
-تعالي يا حلوة عشان تباركي لجوزك ميصحش كده عيب
-وانتوا تعرفوا العيب ...انتوا اهل العيب
جات تضربني بالقلم بس مسكت ايدها وقولت وانا بزعق:
-هكسر ايدك لو عملتيها
-يالهووي بتمد ايدها عليا ...الحقوني يا ناس !!
طلع عز من الشقة اللي قصادي وهو مصدوم ...بصلي بغضب لما شافني ماسكة ايد امه ...
-بتمد ايدها عليا يا بني
بصلي بغضب وقرب وضربني بالقلم وقال :
-انتي طالق يا صابرين ..اطلعي برة بيتي !!
يتبع
#لن_استسلم
#سولييه_نصار
تكملة الروايه من هنا هنا
تعليقات
إرسال تعليق