 |
#فارس#احلامي
الحلقة العاشره . والاخيره
نهله دخلت الشقه وكانت المفاجاه شنط ساندي موجوده في البيت وفيه بواقي أكل بايظ من فتره وكمان بيجامتها مرميه على السرير وجزمها وحاجات تانيه شكل الشقه بيقول ان ساندي ما كانتش قفلت شنطها لسه... طيب ركبت الطياره ازاي من غير شنطها دي حته شنطتها و أوراقها وجواز السفر موجودين ..نهله اتخضت معنى كده ان ساندي ماركبتش الطياره اساسا
.كانت فرحه وصدمه في نفس الوقت ...طيب ساندي فين ..نهله اتصلت بجوزها وقالت له على اللي حصل ..اسامه زي نهله بالظبط فرح واتصدم وكان بيسال نفس السؤال ساندي فين
اسامه .:_..خاليكي عندك انا جيلك
فعلا الساعه 10بالليل كان عندها في الشقه وشاف كل حاجه بعينه وفعلا استنتاج نهله ممكن يكون صح
اسامه-: احنا لازم نتصرف و مانستناش الصبح ...احنا ننزل ننسأل الجيران والامن
لكن لم يفيدهم احد لا ن ساندي لم تظهر منذ مده و لا يعلم احد عنها شى
تاني يوم اتجهوا الي المطار وقدموا اواراق ساندي وجواز سفرها اتاكدوا أن ساندي فعلا حجزت الرحله وأكدت الحجز أكثر من مره لكنها ما ركبتش الطياره وتخلفت عن الرحله
نهله -: وبعدين يا أسامه...ساندى راحت فين
اسامه -: مافيش قدامنا . غير أننا نروح القنصلية و اخد أوراق ساندي معانا
وراح القنصلية فضلوا يومين بدون راحه أو نوم والسفاره متبعه معاهم
نهله-: احنا تعبنا اوي يا أسامه..كل ما نقول خلاص قربنا نوصل لطرف خيط يطلع سراب...بقولك ايه هو احنا مش هنبلغ فارس باللي بيحصل
اسامه -: مش هنقول ولا كلمه لحد ما نعرف اصل الحكايه
لو هي عيشه هنعرفوه ولو ماتت يبقى خلاص الحكايه واحده بس مانكنش فتحنا باب الأمل قدامه وبعدين نقفلوه تاني
بعد يومين جالهم اتصال من مساعد القنصل بيفيد أن فيه بنت بنفس مواصفات ساندي موجوده في المستشفى وتاريخ دخولها قبل ميعاد رحله الطياره ب24ساعه وأن حالتها غيبوبه وكسور شديده في الجسم ونزيف داخلي في المخ نتيجه حادث مروري وأنها مجهوله لعدم وجود أوراق معاها وقت الحادث ..راحوا المستشفى و معاهم مساعد القنصل وكانت المفاجآ
نهله شهقت :_ساندي حبيبتي
كان منظرها رهيب متجبسه وخاج من جسمها خراطيم كانت في حاله غيبوبه كامله ...راحوا للدكتور المتابع لحالتها
الطبيب -: هذه الفتاه بين الحياه والموت حرفيا..قلبها توقف أكثر من مره ولكن العنايه الالهيه تدخلت و انقذتها
وأنها حاليا تعتبر ميته كلينيك
اسامه فكر يتصل بفارس و يقوله كل حاجه لكن نهله قالت:_ استنى شويه
اسامه :_نستني ايه ما يمكن لما فارس يجي ويقعد جنبها يكون ليه تأثير عليها وتفوق انا اسمع عن حالات كتير بتكون في غيبوبه ولما بيكون جنبها ناس بتحبها بيكون تأثيرهم قوي وبيرجعوا للحياه تاني وعلى العموم نسأل الدكتور
الدكتور أكد كلام اسامه وخرجوا من عند الدكتور واتصلوا بفارس لكن ماردش عليهم اتصلوا بيه تاني وبعتوله رساله أنهم عاوزين يكلموه في حاجه مهمه تخص ساندي ..بعد شويه فارس كلمهم وهو مش فاهم ايه اللي يخص ساندي إذا كان ساندي نفسها ماتت .كلمهم ماسنجر وكانوا في اوضه ساندي وعملوا مكالمه فيديو والاثنين في نفس واحد:_ (فارس ساندي ما ركبتش الطياره)
فارس كان مذهول ولسه هيستفسر حولوا الكاميرا على سرير ساندي وشاف منظر واحده متجبسه وراسها ملفوفه بشاش وجنبها اجهزه وخراطيم لكنه ركز في الفيديو وبعد كده صرخ :_ساندي حبيبتي
كان صوته ممزوج بفرحه وصدمه وخوف بسبب المنظر إلى شافه .
..اسامه -: اهدي يا فارس ...انا هحكيلك كل حاجه
اتكلم مع فارس وحكي له كل حاجه من وقت ما راحت نهله البيت لحد اللحظه اللي بيكلموه فيها وكان القرار أنه لازم يسافر لساندي
بعد يومين
اسامه -: فارس انا خلصت اواراق الفيزا بتاعتك ..و كمان حجزت لك علي اول رحله ...تقدر تستلم اوراقك من خلال القنصليه في القاهره
فارس -: انا مش عارف اشكرك اذاي
اسامه -: مافيش شكر بينا ..انت متتخيليش انا ونهله كنا هنطير من السعاده لما اتاكدنا انها ماركبتش الطياره ..انشالله ربنا يقومها بالسلامه و نفرح بيكم
---------------
الكل في بيت المزرعه عرف اللي حصل وامتزجت المشاعر بين الفرحه لأنها لسه عايشه وبين الخوف والقلق من حالتها وأنهم بعد ما رجعلهم الأمل خايفين ليروح تاني .قبل ميعاد سفر فارس بيوم كان بيصلي الفجر في المسجد وهو بيسجد في الركعه الاخيره كانت دموعه مش قادر يوقفها وبيدعي ربنا انه يحافظله على حبيبته
فارس :_ ((يارب أدعوك بعزتك وبعظمتك تحافظلي عليها يارب دي حب عمرى لك الحمد والشكر انك رجعتهالي تاني .يارب تمم شفاها على خير يارب استودعتك حبيبيتي عندك يالله ))
و رجع بيته لقى أمه وخالته قاعدين في غرفه نوم والدته بيصلوا وبيدعوا وسمعهم وخبط بس مسح دموعه قبل ما يدخل .والدته لما شافته عرفت أنه كان بيبكي خادته في حضنها وطمنته
سميره -: تعالي يا قلبي..متخفش زي ما ربنا حفظها في الأول يهكمل ستره ويشفيها ..بس انت قول يارب من قلبك
فريده .:_ والله يا فارس أناحلمت أن ساندي هترجع لينا تاني اطمن
فارس -: يارب ..انا مطمن ان ربنا مش هيوجع قلبنا عليها ...اسيبكم بقي و اروح اوضتي ..علشان ارتاح ..
يوم السفر طبعا الكل كان موجود وكلهم دعولهم يرجعوا هما الاثنين بالسلامه . فارس حضن أمه جامد وبكي في حضنها لكن أمه بصتله بحزم وقالت له
سميره :_ فارس اجمد انت راجل لازم تكون اقوي من كده ما ينفعش تروح لساندي بالضعف ده ولا الانكسار فوق يا فارس فاكر لما ساندي كانت منهاره بعد ما أبوها مات من خوفك عليها ضربتها بالقلم .ايه بقى عاوزني اعمل معاك كده علشان تفوق
فارس وهو بيحاول يضحك:_.لا يا ست الكل انا كويس ((وباس أديها وراسها )):_ .ادعيلها يا امي
سميره -: انا هدعيلكم ترجعولي بسلامه يا حبيبي
.فارس حضنها وقالتله:_ (لا إله إلا الله)
رد عليها :_(محمد رسول الله)
وسافر فارس ووصل أمريكا الساعه 3فجرا كان اسامه في انتظاره وطلب منه يرتاح شويه بس رفض وأصر يروح المستشفى
اسامه .:_.يا بني حرام عليك بقالك 20ساعه سفر جسمك ليه حق عليك
فارس بحده .:_... لا انا عاوز اروح المستشفى
.
.. اسامه و فارس راحوا على المستشفى ونهله كانت هناك هي كانت طول الوقت مع ساندي دايما معاها وتتكلم معاها عن اوقاتهم وذكرياتهم الحلوه وده بناء على طلب الدكتور المتابع لحاله ساندي
دخل فارس غرفه ساندي ....بكي بشده ماكنش متخيل المنظر ده تصوير التليفون حاجه ولكن الواقع حاجه ثانيه .....اخد نفس ووقف عن البكا و افتكر كلام والداته لازم يتماسك
فارس-: نهله من فضلك ..روحي انتى و سيبنى معاها لوحدنا ..انا جاي هنا لوحدى و مش هرجع الا معاها
نهله -: انشالله يا فارس ..انا متأكده ان ربنا مش هيزعلنا فيها ابدا
ومن هنا ابتدت رحله فارس مع ساندي علشان تفوق وترجع لحضنه من تاني ....
أولا قابل الدكتور المعالج والفريق المساعد وفهم حالتها وأن الحل في يد الله وحده وأنهم مافيش قدامهم غير محاوله واحده أنه يتكلم معاها لعلها تسمعه وتقوى بوجوده وتحاول ترجع مره ثانيه لوعيها
كان معاها في المستشفى ليل نهار دائما.... و جابوله سرير إضافي في اوضتها كان بيتكلم معاها ويفكرها بذكرياتهم مع بعض كان مش بيبطل كلام وحكايات
وكانت قصه حبهم المستشفى كلها عرفتها و اتعاطفوا معاهم
كل المستشفى من أول العاملين. لحد المرضى
كان فارس بيلاقي كل يوم باقات من الورد في غرفه ساندي معاها كروت تحمل لها الدعوات وصلوات ليها أنها تقوم وتستعيد حياتها من تاني
كان الدكاتره والممرضات أول حاجه يعملوها لما يدخلوا المستشفى أنهم يروحوا اوضتها ويقابلوا فارس ويتكلموا معاه وفارس بجد حس ان ربنا بيحبه هو ساندي لأنه. وجد الدعم النفسي اللي مخليه يقدر يقاوم واحساس الأمل عنده بيزيد ..وفي يوم بعد خلص صلاه جلس كالعاده جنب ساندي وماسك ايديها وبيقرا القران ووصل لقوله تعالي(قل يا عبادي الذين اسرفوا على أنفسهم لا تقنطوا من رحمه الله ان الله يغفر الذنوب جميعا أنه هو الغفور الرحيم)
وفاجاه حس برعشه خفيفه من صوابع ساندي ..بصلها بس كمل قرأه القرآن بصوته .وبعد شويه الرعشه زادت بشكل ملحوظ وابتدت ساندي تحاول تمسك ايده وقف عن قراه القرآن بصلها ودموعه سبقاه كانت بتحرك جفونها وكانها بتحاول تفتح عينيها بس مش قادره
جري للممرضه وقالها على اللي حصل دخلت بسرعه وتفقدت الاجهزه وشافت من خلالها أن فيه تغير حصل
طلبت الدكتور اللي جه هو وزميله بسرعه وطلبوا من فارس ينتظر بره ..
خرج بس بصعوبه ماكانش عاوز يخرج فضلوا جوه وقت مش طويل وبعدها خرج الدكتور
الدكتور:_ مبدئيا أن المؤشرات جيده بس ماقدرش نجزم بحاجه دلوقتي لكن ده تقدم كويس
((( وطبطب على ضهره وكمل)))) ..استمر مستر فارس .استمر في اللي كنت بتعمله والأمل قرب جدا أنه يتحقق
دخل فارس غرفه ساندى وحضنها بكل حب وشوق اختلطت دموعه بإبتسامته ..كان يقبل ساندي من يديها ووجهها أكثر من مره ودموعه منهمره علي وجهه وظل طوال اليوم ما بين صلاه وقراه قرآن وفي نفس الليله الفجر كان نائما بجانب ساندي على الكرسي وماسك يديها وحضنها وفاجاه شعر بأيديها تتحرك وهو بين النوم والصحيان نظر إلى وجهها وجدها تحاول تفتح عينيها وساعتها فاق تماما و بصلها كويس كانت فعلا مفتحه عنيها وتنظر له وتحاول ان ترفع يديها لكي تلمس وجهه ...
فارس امسك يديها وقبلها... وهي حاولت ان تبتسم ....
خرج فارس سريعا للممرضه و أخبرها بما فعلته ساندي ....
توجهت سريعا الي غرفه ساندي وكانت المفاجاه ساندي فاقت والمؤشرات على الاجهزه بتأكد فيه تحسن ملحوظ وفي خلال دقائق الغرفه امتلأت دكاتره من كل التخصصات
فارس كان خارج الغرفه بيدعي بحرقه
تقريبا معظم المرضي خرجوا من غرفهم واقفين جنب فارس كله بيدعي ويصلي بطريقته المشهد كان فيه جلال وعظمه الكل يدعوا الى الله ولكن اختلفت الديانات وظل السبب واحد .وهو الدعاء و التضرع
خرج الدكتور المسؤول عن حاله ساندي والفرحه ظاهره على وجهه وطمأن فارس أنها أيضا تحدثت وأول كلمه كانت اسمه (فارس💖)
دخل فارس غرفه ساندى. بدون اذن من حد وعنيهما
تقابلت بحب وشوق. لهفه وكل المعاني الجميله وبعد تقريبا ساعه كامله خرج الدكاتره بعد ما اطمئنوا على الحاله وعملوا كل الأمور الطبيه اللازمه واخيرا الممرضه خارجه بتقفل الباب عليهم قالت له:- (مبروك مستر فارس .وجودك جنبها هو الذي جعلها تصل بر الأمان وترجع إلينا مره تاني )
فارس بصلها وابتسم .وبص لساندي كانت نايمه المره دي نوم طبيعي مش غيبوبه بسها من ايديها وصلى وجلس جنبها يقرأ قرآن بصوته العذب بعد وقت استيقظت ونظرت له وابتسمت وقالت اسمه ..فارس نظر اليها وقالها ..حمد الله على سلامتك يا حب عمرى 💗💗
------------------------------‐---------‐-‐------‐‐###
بعد أسبوع كانت ساندي انتقلت لغرفه تانيه ومش محتاجه الاجهزه الكثير وابتدت تسترد صحتها شويه شويه .
كان فارس بيكلم عيلته ويطمنهم على ساندي وهي قدرت تكلمهم فيديو فضلت شهر كامل في المستشفى بعد الافاقه من الغيبوبه شالت الجبس لكن هي كانت محتاجه علاج طبيعي ..
اسامه ونهله كانوا معاها لحد ما اطمنوا
نهله -: علي فكره انتي قومتي بالسلامه بسبب فارس هو اللي فعلا فاارس بجد مش ذي فارس السينما والأفلام
فارس -": لو قولنا الحق ..انتي يا نهله وكمان اسامه اللي تستحقوا الشكر ..لو انكم فضلتوا تدوروا وتبحثوا عن ساندي ..مكناش عرفنا مكانها ..ولا كانت بيننا
ساندي ..-: عندك حق ..والله انا ماعرفه اشكركم اذاي
اسامه-: يعني اقدر اقول انك سامحتيني..وانت كمان يا فارس ..اقدر اعتبر نفسي صديقي ..(( ثم نظر لهم جميعا و قال )) ياتري فعلا سامحتوني و نقدر نبتدي بدايه جديده
ساندي تمسكت بيد فارس و نظرت له بإبتسامه و دموع بعينيها تأبي ان تخرج ...واومأت برأسها. دليل علي الموافقه
فهمها فارس بدون أن تنطق حرفا
فارس اتجهه إلى اسامه و صافحه...-: انا و ساندي بنشكرك بجد و بتمني تقبل تكون صديق لعيلتنا
نهله حضتن ساندي بقوه من فرط السعاده -"
ساندي بضحك -: اااه يا بنتي براحه هتكسري عضمي ..وهو متكسر اساسا ....
الكل ضحك وشعر اسامه براحه كبيره و كأن الله جعل حادث ساندي سبب ليعلم بها ان الله قبل توبته
اسامه رجع شغله و نهله كانت بجنب ساندي وكان اسامه يذهب لهم كل Week end
ساندي شفيت بشكل سريع لان فارس أحلامها كان معاها دائما وبيدعمها وكان هو نفسه بيعملها علاج طبيعي وكان فعلا هو أبوها وآخوها وحبيبها وساندها وعزوتها كمان 😊😊وفي يوم وهما بيتمشوا بهدؤ .بعد جلسه العلاج الطبيعى وقفت وقالت :- (فارس ممكن نتجوز )
فارس :-..حبيبتي كلها 15يوم وهنسافر ونرجع مصر ونتجوز
ساندي .:_..لا انا عاوزه اتجوزك النهارده تعالى نروح القنصليه عاوزه ارجع مصر وأنا مراتك 💟💟
فارس ...:_ماعنديش مانع بس لو اتجوزنا مش هنام غير في حضنك على فكره
..
ساندي وشها احمر وهو لاحظ كسوفها بس هي حطت ايديها حوالين رقبته وقالت له:_ (انا عاوزه انزل مصر وأنا حرم الباشمهندس فارس
ضحك وقالها :_.اوك بس انا نصحتك هتقدري صحتك لسه تعبانه( وخدها في حضنه وكمل) ...انتي اصلك متعرفيش انا مستني اللحظه دي من امتى ..فكري يا بنت الناس انتي لسه في مرحله النقاهة ..
وضحكوا جامد وهي أصرت وقالت ل:_ (وأنا في حضنك عمرى ما أخاف انت بر أماني انت فارس أحلامي 💓💓💓)
راحو القنصليه وطلب من نهله واسامه يكونوا معاهم وانهو كل الاجراءات وعيلته باركتلهم وكمان اسامه ونهله عزمهم على العشا بمناسبيتن اولا احتفالا بزوجهم السعيد ثانيا ان نهله حامل
واتعشوا واحتفالوا في جو من السعاده والفرح
فارس وساندي رجعوا بيت ساندي اللي كانت ساكنه فيه مع نهله دخلت اوضتها علشان تغير هدومها ولبست قميص نوم حلو اوى كانت جيباه قبل الحادثة وقعدت على السرير دخل عليها فارس شافها كان شكلها يجنن أول مره يشوفها بالمنظر الروعه ده وقعد جنبها على السرير لكن هي كانت بتبص للأرض وسرحانه رفع وشها ليه وباسها برقه شديده وحضنها
فارس -: مالك يا حبيبتي انا مش مستعجل كفايه بس انك هتنامي في حضني مش اكتر ..انتي مش متخيله فكره عدم وجودك في حيااتي كان شي قاسى تجربه مرعبه
بس هي كانت بتفكر في اللي حصلها مع اسامه .بكت بشده
ساندي :_(كنت اتمنى تكون أول واحد )
..اتخض فارس من كلمها لأنه بجد نسي ولما قالت له كده أفتكر خدها في حضنه بقوه لحد ما هديت تماما ماحدش فيهم اتكلم تاني بس فضل حضنها ويبوسها من دماغها ويطبطب عليها بحب وناموا في حضن بعض
(
تاني يوم قامت ساندي قبل جوزها وحضرتهم الفطار وفضلت ساكته حاول فارس يخرجها من الموود الوحش ده وقالها:_ يالا بينا نخرج شويه
خرجوا وتمشوا واتغدوا بره وهي بتحاول تتجاوب معاه لما رجعوا البيت دخلت اوضتهم وفارس دخل عليها لقاها قاعده زي امبارح لكن المره دي اتكلم معها
فارس ..:_.ساندي بلاش نفكر في اللي فات ...اللي فات مات وشبع موت كمان
ابتسم وهو بيكمل:_ انتي مراتي حبيبتي حب عمرى كل شي حصل في الماضي والماضي وبالنسبة لي انتهى تماما ولازم ده الإحساس يكون عندك كمان
لسه هتتكلم سكتها المره دي بقبله قويه هزت كيانها واستسلمت له تماما 💖💖
تاني يوم صحيوا الصبح والسعاده كانت هي عنوان يومهم مش بس يومهم ده لأ ...كمان باقي أيام حياتهم ..فارس راجل فعلا بمعنى الكلمه لأن الرجوله تصرفات وأخلاق مش كلام وبس فهو كان حقيقي اسم على مسمى حقيقي فارس وهو يحمل اخلاق الفارس كل يوم بيثبت لساندي مش إي حد ينفع يكون راجل وأن فيه فرق بين الرجوله والذكوره وأن الحب ما يتجزاش واللي يحب بجد يحبه بسلبياته واجابياته كله على بعضه كده شروه واحده من غير ما نعاير بعض ولا نمن على بعض بشويه الحنيه أو أن فيه حد وقف جنب التاني ونعاير بعض بعيوب واخطاء الآخر ونتصيد الأخطاء وكأننا بنمن على بعض بالحب ..
الحب الصح والحقيقي فعلا اخد وعطاء بس للأسف فيه ناس بتاخد بس مش بتعطي وفيه ناس ثانيه بتعطي بس من غير ما تاخد وبالتالي بينفذ رصيد الحب بسرعه ..
رجع فارس وساندي والمره دي كانت مراته وماسكين في ايدين بعض وعاشوا في بيت المزرعه وعملوا احلى فرح لاحلى 3عرايس و3عرسان واتفاجات ساندي ب اوضه نومها كانت احلى من اللي في خيالها
كل يوم كان فارس بيروي زهره حبه لساندي من غير ما يبص للماضي وساندي عارفه ومقدراه وهي كمان بتحافظ على زهره حبها وبترويها زي فارس .وبعد سنه من جوازهم جابوا للدنيا نور بنوته جميله زي مامتها وعشوا بسعاده وبحب ورضا 😊😊😊😊
خلصت حكايتي .بس كنت عاوزه اقول حاجه ..ارجوكم ادوا لبعض الفرصه الكافيه احنا بنغلط ولازم هنغلط احنا بشر مش ملايكه واكيد طبعا مش شياطين فينا من الاثنين بس الشاطر اللي يخلي الجزء الملا ئكي يطغى على الجزء الشيطاني اللي فيه ..لو اللي قدامك يستحق فرصه تانيه اديهالوا وانت الكسبان لو نجح في الفرصه التانيه يبقى كسبت حب العمر ولو فشل يبقي كسبت نفسك وقفلت باب شيطان كلمه (لو)
لو أديت فرصه لو سمحت لو فكرت براحه شويه طول الوقت هتكون. كلمه لو قدام عينيك
😊😊😊😊😊😊😊😊😊شكرا لك اللي سندوني وشكرا لاحلي واجمل فاااااانز في الدنيا
ياريت تقولولي رايكم بصراحه 😘
تعليقات
إرسال تعليق