 |
#بحر_اسيا❤️
part 3
"ليل مش هتصدقي..انا واخيرا شوفته..شوفته يا ليل قدام عيني..كانت تنطق تلك الكلمات بسعادة وصوت عالي
-لتضع ليل يدها علي اذنها وهي تقول ..بس بس اهدي وداني اتخرمت..ثم اذالت يدها من علي اذنها وقالت متسائلة..هو مين ده اللي شوفيه
"لتكمل حديثها بسعادة غامرة.. بحر يا ليل..شوفت بحر..لتصمت برهة من الوقت ثم تكمل بهيام وهي تتذكر ملامحة..عارفة يا ليل..هو عبارة كدة عن كتله جمال ماشية علي الارض..شعره ولا اللحية الخفية اللي عنده..ولا اه علي جمال عينه..عينه كدا عاملة زي لون القهوة..عاا بحبة يا عيال بحبة
-لتضحك ليل علي صديقتها..يا بت اهدي انتي شكلك اتجننتي
"لتتحدث اسيا بهيام..اه يا ليل..انا شكلي فعلا اتجننت بحبه..عارفة يا ليل..هو كان جميل بغباء..ولا وهو بيتكلم في الاجتماع كان عنده برود وهدوء وثبات مع جمال..هيحح خلوني اقع في حبه من جديد..دا شخصية كاريزما في نفسة كدا
-ليل بضحكة خفيفة..انتي فعلا اتجننتي..بس شوفتيه ازاي صح..واجتماع اي دا اللي شوفتيه فيه
"هو انا مقولتلكيش ولا اي..مش هو طلع صاحب الشركة نفسها اللي الشركة هتعقد معاها صفقة..
لتكمل حديثها بحزن.. بس عارفة بعد ما خرجنا من الشركة كلمته..وقالي ان فيه حفلة معموله وهو هيغني فيها..كنت نفسي اروح بس للاسف معرفش المكان..لتصمت قليلا ولكن فجاة صرخت بغضب وهي تقول...عااا لا مش معقول اكيد في بنات هناك وهو هيحضنهم..لا لا مش قادرة عايزة اروح انط عنده واكسر اي واحدة تقرب منه
-اهدي يا مجنونه
"لتبدا اسيا في البكاء وهي تقول..اعمل اي يا ليل انا بقيت بعشقة وكل لما كنت بشوفه حاطط ايده علي وسط سحلية منهم ببقي نفسي اكسر جسمها اللي ماشية بيه عريانه كدا..
-تنهدت ليل وهي تقول بجدية..اسيا انتي يوم ما حبتيه كنتي عارفة انه بيحضن اي واحدة عادي ودا شئ طبيعي عنده كنتي عارفة انه مسيحي وبرضه حبتيه ومفكرتيش انك تبعدي نفسك عنه عشان انتي عارفة نهاية الحوار..ورغم كل دا ذاد حبك ليه..لا وكمان بقي عندك امل انه يحبك ويتجوزك لما عرفته انه اسلم من شهرين يدوب
"لتتنهد الاخري قائلة بحزن..اعمل اي يعني الحب بيدخل علي القلب بدون استاذان حبيته بقي امتي وازاي معرفش
-خلاص يبقي تستحملي كل اللي هيحصل
"اسيا بنرفزة..يعني انتي بدل ما تهوني عليا وتديني امل تقومي تحبطي فيا وتشيلي قلبي حمل اكتر من كدا
-اسيا متزعليش مني بس دا الواقع وانتي عارفة كدا
"لتغضب اسيا قائلة..طيب اقفلي دلوقتي يا ليل..ومن ثم اغلقت معها الهاتف فورا دون ان تستمع الي ردها..لتزفر اسيا بضيق وامسكت هاتفها واخرجت منه صورته ونظرت له بحزن قائلة..شكلي هعاني كتير..بس عندي امل ان ربنا هيجمعني بيك
"لتتنهد ثم تبتسم قائلة بسعادة..بس مش مشكلة مقدرتش اروح الحفلة بس اقدر اشوفه علي النت وهو بيغني..
*************************************
=كان ينفث الدخان وهو يستمع الي الطرف الاخر علي الهاتف بكل برود..ولكن فجاة وقف وتحولت معالم وجهه الي الصدمة وهو يقول..ماذا..كيف ذلك
..
=اغلق معه الهاتف دون اي كلمه اخري والصدمة لم تتركه..ولكن فجاة وضع راسة بين يديه وبدا في البكاء كما الطفل الصغير..لماذا لماذا حدث ذلك..لقد كنت غبي.. لقد تشاجرت مع اعز صديق الي وتركته منذ عام..يا إلاهي لقد صدقت بعض الاحاديث السخيفة وتشاجرت مع اعز صديق..لا وبل كدت ان اقتله..
وظل يبكي لبرهة من الوقت الي ان وقف وهو يمسح دموعه ويتحدث قائلا بغضب..ميا سوف اجعلكي تندمين علي اليوم الذي فعلتي به هذا
=وقام واخذ اشيائة منطلقا الي وجهته وهو حاسم امره علي فعل ما فكر به في اليوم التالي..
......
كانت حبيبة جالسة في غرفتها فقط تبكي..الي ان طرق' الباب لتمسح دموعها بسرعة وهي تقول بصوت حاولت اخراجة طبيعيا..ايوا مين
افتحي يا حبيبتي دا انا مرات خالك
'ابتسمت حبيبه بتصنع وهي تقول..تعالي يا ماما ادخلي
دخلت زوجة خالها وهي تبتسم وتقترب منها وتقول بحنان..مالك بقي يا ست حبيبة من ساعة ما حازم جه من برا وانتي قاعدة في اوضتك
'لتجيبها حبيبة بتوتر..ها..لا مفيش حاجة يا ماما..دا انا بس اضايقت انهاردة عشان سمعت فيلم كان حزين
لتنظر لها الاخري بطرف عيناها وهو تقول..يا بت عليا انا الكلام دا..لتصمت قليلا ثم تكمل بحنان..مالك يا حبيبتي..فضفضيلي..مش انتي معتبراني امك
'لتبتسم وهي تنظر لها بحب..انتي اصلا ماما..انا ماما اساسا ماتت وهي بتولدني وبابا مات لما ماما كانت حامل فانتوا يعتبر اهلي
ربنا يخليكي لينا يا حبيبتي..هاا مش ناويه بقي تفضفضيلي
'لتظهر معالم الحزن علي وجهها وهي تقول..بحبه يا ماما
لتنظر زوجة خالها باستغراب..حازم؟!
'اه يا ماما حازم..انا يوم ما وعيت علي الدنيا ولقيته قدامي..كان هو الاب والاخ والسند ليا بعد ربنا سبحانه وتعالي..هو اللي رباني..عارفة ان فرق السن بينا كبير..بس اعمل اي عارفة يا ماما بقيت بحب اوي اسمع تفاصيل يومه..بقيت بعشق الوقت اللي بيرجع فيه من برا وبنقعد بتغدا سوا وطبعا مش بنبطلع خناق علي الاكل..ولما بنقوم بنروح نقعد في التراس وبيحط راسه علي رجلي وانا افضل العب في شعره ويبدا هو يحكي تفاصيل يومه
'لتتنهد وهي تكمل قائلة..بحسه انه ابني..ومش متخيلة انه خلاص هيتجوز وهيشارك تفاصيل يومه مع واحدة تانية وانه هياكل من ايد واحدة تانية غيري..اعمل اي يا ماما الحب مش بايدي..لتشاور الي قلبها وهي تكمل..للاسف الخاين دا دقله
لتربط الام علي كتفها وهي تقول..مش يمكن يا حبيبتي يكون دا حب اخوي وانك عشان متعودة عليه
'انا عارفة يا ماما افرق بين الحب الاخوي والحب التاني بس دا مش حب اخوي..وانتي عارفة كدا
تنهدت الخالة وهي تقول بحزن عليها..عارفة يا بنتي
'لتضحك فجاة بسخرية وهي تقول..طيب والحل انا حبيته وهو اهو هيتجوز غيري ا..ولم تكمل حديثها وفجاة فتح الباب ودخل هو سريعا..لتتحدث حبيبه باستغراب..خال..اااه..ولم تكمل كلامها وفجاة صرخت عندما امسك شعرها بقوة
-وما كان ذلك الشخص الا خالها الذي يكرهها منذ صغرها..ليشد علي شعرها بغضب شديد..اه يا و*** بقي انتي يا بت بتحبي ابني..اياكي يا بت اشوفك مقربه من ابني تاني
'لتبكي حبيبه بحرقة وهي تحاول تخليص نفسها..اه اه يا خالوا حرام عليك سبني في حالي
لتصرخ به زوجته تلك المراة الطيبة..يا خالد حرام عليك سيب البت هي عملتك اي
لكنه مازال علي غضبه ولم يحن قلبه ليمسك فكها بيده وهو مازال يمسك شعرها باليد الثانيه ليقترب من اذنها وهو يهمس لها بتحزير..حسك عينك يا بت هدي اشوفك مقربه من ابني تاني سامعة..ابني هيتجوز واحدة تانية حسك عينك بس تحاولي تخربي الجوازة لهكون قاتلك بايدي..ليصرخ بها بصوت عالي..سامعة
في اي يا بابا..حبيبة..بابا سيب حبيبه في اي..كان ذلك صوت حازم الذي اتي علي الاصوات العالية
'لتهز حبيبة راسها بالايجاب وهي تبكي..ح..ح..اضر حاضر سامعة
ليتركها خالها وهو ينظر لها بتقزز..
'اما حبيبة..فما ان تركها خالها فوقعت علي الارض وتكورت في نفسها وهي تبكي بقهر
ذهب حازم سريعا وجلس بجانبها واخذها في احضانه وهو يربط علي ظهرها بحنان رغم محاولاتها في الابتعاد عنه ليهمس لها بحنان..هش اهدي يا حبيبه..انا هنا جنبك
ليصرخ به والده بغضب..حازم ابعد عن البت دي
ولكنه لم يهتم به وظل يربط علي ظهر حبيبه بحنان وهو يحاول تهدئتها ليبعدها عنه قليلا وينظر الي وجهها وهو يمسح دموعها..هش اهدي..متخافيش
ليحاول والده الهدوء وابتسم بتصنع وهو يقول..اي مش يلا يا حبيبي عشان نكلم والدة البنوته اللي بتحبها..يلا قومي يا حبيبة اخوكي اهو هيتجوز ولا انتي مش فرحانه لاخوكي..قال حديثة وهو يتك علي كلمه "اخوكي"
ليبتسم حازم ويوجه حديثه لها..يلا بقي يا بيبو..وكمان تعالي نخرج انهاردة يستي عشان نجيب فستان عشان هخدك معايا واحنا رايحين نتقدم ليها
'لتنظر حبيبة الي اعين حازم فقط دون ادني كلمه..لتحدث نفسها قائلة بسخرية..اي يا حبيبة مفكراه هيحبك..فوقي يا حبيبة..هو مش هيحبك ابدا هو معتبرك اخته..بس اللي بيحب حد بيحب يشوفه مبسوط..وهو فرحان انتوا هيخطب البت التانيه يبقي المفروض مكونش انانية وافرحله
حبيبه..حبيبه..روحتي فين..كان ذلك صوت حازم الذي يحرك يده امام عيناها باستغراب
'وقفت حبيبه ومسحت دموعها وهي تقول بابتسامه وسعادة مصتنعة..ها..مفيش انا بس سرحت شويه..يلا قوم بقي يا عريس عشان تكلم والدة القمر اللي خطفت قلب اخويا حبيب قلبي
مش عارف ليه حسيت بنغزة في قلبي لما قالت اخويا..حسيت اني اتضايقت من الكلمة دي..فسالتها بتلقائية..حبيبة انتي كويسة..الكلام دا طالع من قلبك
'ابتسمت وانا بحاول اخبي الوجع اللي جوايا..ايوا طبعا يا حبيبي يلا اطلعوا انتوا وانا جاية وراكم
......
ليمر اليوم بسلام وهاا قد اتي يوم جديد..
=كان يطرق الباب بغضب شديد وهو يصرخ بغضب..ميا..ايتها الحقيرة افتحي الباب
*لتفتح ميا الباب وهي تقول باستغراب..م..لكنها لم تكمل حديثها وتحولت معالم وجهها الي الصدمة والزعر
=امسكها من خصلات شعرها بقوة وهو يقول بغضب..ايتها الحقيرة..سوف اقتلكي..لماذا فعلتي هذا ايتها الحقيرة
*ميا بزعر وتوتر..د.دان..دانيل..اهدا قليلا ..ما..ماذا جري
=ليقوم بصفعها وسقطت هي من اثر قوة الصفعة..لماذا فعلتي هذا ايتها الحقيرة..لقد هاجرت اعز صديق الي منذ عام..لقد كدت ان اقتله بسببك
*وضعت ميا يدها علي وجنتها الحمراء اثر صفعته لتنظر له بغضب..ولكنها فجاة بدات في الضحك الهستيري..لتقف وتبدا في الدوران حوله وهي تقول بخبث..اوه عزيزي دانيل..لقد اكتشفت الحقيقة..لا لا لقد اتهمت صديقك بانه قاتل..يا إلاهي هل سيسامحك..لتبدا في الضحك مرة اخري وهي تقول بشر..ان صديقك برئ انا من قتلت زوجتك وبكل بساطه ازلت كل الشكوك من عليا ووجهتها له..
=ليغضب دانيل اكثر ويقوم بامساكها من فكها بقوة وهو يقول بغضب..لماذا..لماذا فعلتي هذا ايتها الحقيرة
*لتضحك ميا ثم تصمت قليلا وتكمل قائلة..
يتبع
#بقلم_منه_العدوي
صلوا علي شفيعنا يوم القيامة❤️
#بحر_اسيا❤️
part 4
*كانت ميا تضحك بهستريا..لكنها توقفت فجأة ونظرت له وهي تقول..لانك قبل ان تتزوجها خدعتني..اتذكر عندما اعترفت بحبي لك..ماذا فعلت..لتصرخ به بغضب..ماذا قل لي ماذا فعلت..فقط لعبت بمشاعري وقلت لي انك تحبني..لتضحك قائلة بسخرية..وانا مثل الغبية صدقتك وسلمت لك نفسي..كنت تقول لي اشربي الخمور وانا كنت اشربها مثل الجاهلة رغم انني لا احبها وامرض منها..كنت ارقص واتمايل بين الناس بسببك..كنت تقول لي هيا ميا لا تعقدين الامور وارقصي لاصدقائي..
وعندما ظهرت تلك الفتاة التي اكرهها..لتصرخ به..ماذا فعلت تركتني وقولت لي انك لم تحبني وفقط تسليت بي..كانت تلك الحيه عندما ترقص امام احد تصرخ عليها..كنت تخاف عليها من الهواء..لتصمت برهة من الوقت وتكمل بشر..لكن الان انتقمت منك ايها المعتوه..ها انا قتلت حبيبتك الغبية
=لينظر لها دانيل بصدمه وحزن علي ما فعله بها..ميا اهدي..انا اعلم انني فعلت اخطاء في حقك..لكني وقتها كنت فتي طائش..ميا ارجوكي عودي الي تلك الفتاة البريئة الخجوله التي كانت لا تتحدث مع الرجال الا للضروة الي تلك الفتاة التي لا تشرب الخمور..عودي ميا الي طبيعتك الطفوليه المرحة
*لتضحك ميا وهي تقول بسخرية..اعود..بهذة البساطة..لقد احببتك لقد ضحيت بكل شىء من اجلك..لقد ابتعدت عن اصدقائي من اجلك..وماذا فعلت..هه دمرت حياتي
=ليتنهد دانيل وهو يقول في محاولة تهدئتها..ميا اه..
*لكنه لم يكمل حديثة عندما قاطعته ميا وهي تصرخ به بغضب..ابتعد عني..اخرج من حياتي ايها الوغد الحقير
=ميا..م..لكنه لم يكمل حديثة مرة اخري فهي قد دفعته للخارج واغلقت الباب في وجهه..اخذ دانيل نفس عميق وذهب وهو عازم الامر ان يرجعها الي طبيعتها ميا الفتاة البريئة الخجوله..وهو عازم ان يصلح الامر بينه وبين اعز اصدقائة فيما بعد
.................................................
مرت الايام دون اي احداث تذكر وفي احد الأيام..
حبيبه..انتي يا زفته يا حبيبه
-اتت حبيبه سريعا وهي تركض لتقول بهدوء..نعم يا خالوا خير
نظر لها الخال بقرف وقال..وهو هيجي منين الخير يختي طول ما انتي موجودة
-كادت حبيبه ان تبكي من قساوة حديثة لكنها تماسكت وقالت بحزن..اعمل اي يعني يا خالوا
ليكمل الخال حديثة باستحقار..متعمليش حاجة يختي..اسمعي يا بت انتي في عريس جاي يتقدملك انهاردة..تدخلي كدا تتشيكي وتحطي شويه مكياج علي وشك الفقر دا..وحسك عينك ترفضي العريس..انا مش ناقص حملك اكتر عايز اخلص منك
-مقدرتش استحمل اكتر وبدا اعيط وانا بقوله..لا لا يا خالوا ابوس ايدك مش عايزة اتجوز..ابوس ايدك يا خالوا انا لسه صغيرة مش عايزة اتجوز
ليقوم الخال بامساكها من شعرها بقوة وهو يقول بغضب..دا علي اساس ان كل الناس هتموت عليكي يعني..دا انتي احمدي ربك ان ابن صاحبي قبل بيكي وهيتجوزك..حسك عينك يا بت ترفضي
في اي يا خال..لم تكمل حديثها لتصرخ بفزع وهي تقول..يالهوي في اي يا خالد سيب البت
التفت خالد الي الصوت وهو مازال ممسك بشعر حبيبه..وعندما رائها القاها اليها بقوة وهو يقول بغضب..في عريس جاي يتقدم انهاردة للبت دي ظبتيها كويس خلي خلقتها تتعدل
تحدثت تلك المراة الطيبة بعد ان اوقفت حبيبه واخذتها باحضانها..وانا مش هجوزها لاي حد وخلاص يا خالد.. وبعدين الجواز مش بالغصب البت لسه صغيرة ومش عايزة تتجوزه..خلي عندك شويه رحمه يا اخي
نظر لحبيبه بتقزز وقال بسخرية..من جمالها يعني عشان ترفض دا هي تحمد ربنا ان حد قبل بيها.. وبعدين لما هي لسه صغيرة..اي الكلام قليل الحيا دا انها بتحب ابني
-مقدرتش استحمل اكتر واتكلمت وانا بعيط..انت ليه بتعمل معايا كدا..من وانا صغيرة وانت معاملتك معايا قاسية..دايما بتهني وبتزعق فيا وساعات بتضربي..وانا عمري ما عملت معاك حاجة وحشه..كل لما بتقولي حاجة مبقولش غير حاضر بحاول اعمل اي حاجة تحببك فيا وانت برضه معاملتك معايا قاسية..ليه..هاا ليه
خالد بشر..عايزة تعرفي ليه..كله بسبب امك وجدتك..امك كانت دايما بتاخد كل حاجة..اخدت حنان امي اي حاجة كانت بتطلبها كانت مجابة انما انا لا وحش..كانت تبقي امي خارجة كنت ببقي عايز اخرج معاها تقولي لا انت راجل تقعد هنا تخلي بالك من البيت ومن ابوك لو عايز حاجة وكانت تاخد امك معاها..حتي في الورث امك اخدت اكتر مني في الورث وياريتها حتي قبل ما تموت تكتبه باسمي لا ادته ليكي وانتي اساسا كنتي لسه في بطن امك
-حبيبه ببكاء وقهر..طيب وانا ذنبي اي..انا واحدة اتولدت من غير اب وامي ماتت وهي بتولدني اتربيت وسطكم..لتهدا قليلا ثم تكمل بهدوء بعد ان مسحت دموعها..حط نفسك مكاني يا خالوا..زي ما انت كنت عايز الحنان انا عايزة برضه الحنان..مش طالبة منك غير انك تحبني..ولو مش عايز تحبني..براحتك بس علي الاقل بلاش القسوة دي ولما تشوفني اعتبرني مش موجودة..ولو علي فلوس الورث خودها مش عوزاها..ولو علي حازم فهبعد عنه خالص..وبعدها ركضت سريعا الي غرفتها بعد انتهائها من حديثها
يا حبوبتي..انا جيت..انا جعان يا خلق..كان ذلك صوت حازم العالي الاتي من الخارج..دخل الي الداخل فوجد والده يقف بكل هدوء..ووالدته تنظر الي والده بغضب..ليتسائل باستغراب..ماما بابا..في اي مالكم واقفين كدا وفين حبيبه
لتهدا والدته قليلا من غضبها وتوجه حديثها له بحنان وابتسامه..مفيش يا حبيبي روح يلا غير هدومك واغسل ايدك لحد لما احط الاكل علي السفرة
حسيت ان في حاجة في البيت مش طبيعية فسالتها باستغراب..في اي يا ماما حصل حاجة.. وبعدين فين حبوبتي مهي دايما اللي بتجهز الاكل
مفيش يا حبيبي هحكيلك بعدين
مر الوقت بهدوء..ولم تخرج حبيبه من غرفتها الي ان حل المساء..
كان يطرق علي الباب بقوة وهو يقول بغضب..انتي يا بت اخلصي يلا جهزي نفسك العريس واهله زمانهم علي وصول
-رديت عليه بحزن..يا خالوا ارجوك انا مش عايزة اتجوز..مش موافقة
صرخ بها الخال بغضب..قولتلك اخلصي بدل ما اجي اخلص علي روحك
-حاضر يا خالوا
خمس دقايق وتكوني خلصتي..ثم التفت كي يذهب فوجد زوجته تقف امامه وهي تنظر له باستحقار..
انت برضه قلبك دا لسه محنش شويه..يعني بعد كلام البت اللي قطع قلبي وبرضه محنتش..انت اي يا اخي..دا الرسول صلي الله عليه وسلم وصي بالنساء..لما قال "واستوصوا بالنساء خيراً فإنهن عندكم عوانٍ"..زي ما انت كنت عايز الحنان هي برضه عايزة الحنان..وافتكر ان دي يتيمه ام واب..انا وانت وحازم اللي ربناها واهتمينا بيها..حبيبه مش محتاجة منك غير انك تبطل القسوة اللي فيك وترضي عنها..حبيبه ملهاش غيرنا يا خالد..راجع نفسك قبل فوات الاوان..ثم تركته وذهبت
نظر خالد في اثرها وظهرت علامات الحزن علي وجهه.. وتحدث بصوت منخفض..هو انا فعلا غلط..ليعود الي قسوته مجددا ويقول..لا انا كدا صح..
مر الوقت كان الجميع جالس في الصالون..
كان حازم فقط ينظر الي ذلك الذي يدعي عريس بغضب وهو يشعر ان قلبه يحترق يود ان يذهب له ويظل يلكم به..لا يود ان تتزوج حبيبه..لكنه ظل علي وضعه يحاول تمالك نفسه ليقول في نفسه..في اي يا حازم اهدي كدا مهي مش هتفضل حبوبتك الصغيرة اللي ربتها جه الوقت انها تتجوز.. وبعدين انت كلها شهرين وهتخطب اسيا..بس ليه حاسس بنار جوا قلبي مش عايزها توافق عليه..اه يارب
ليتحدث والد العريس بابتسامه..بسم الله ما شاء الله عروستنا قمر..طبعا انت عارف يا خالد ان ابني كان متجوز بس مراته ماتت وسابتله بنته..بس طبعا ابني هي..
لكن قاطعة صوت ابنه وهو يقول ..معلش يابا عشان يكونوا عارفين انا لا بحب حبيبه ولا حاجة انا بس عايزها عشان تهتم ببتي
صدم حازم من حديثة ليقف وهو يقول بغضب..يعني حضرتك عايزها خدامه..بس احنا مع..
ليقاطعة صوت والده الصارم..حازم اقعد مكانك والكلمه هنا كلمتي..ثم يبتسم موجه حديثه الي والد العريس..واحنا موافقين يا فاروق
فاروق بابتسامه..طيب وراي عروستنا اي
-لتتحدث حبيبه بسرعة..انا مش موافقة
نظر لها خالد نظرة اخرستها ليقول وهو يجز علي اسنانه..احم معلش يا فاروق بس هي مكسوفه شويه..انت عارف بقي وعايزة تدلع
تمام علي بركه الله الف مبروك يا ولاد
ليتحدث ذلك العريس ببرود..بما اننا عارفين اللي فيها ملوش داعي التاخير ونخلي كتب كتاب بس ويبقي الجمعة الجاية
خالد بابتسامه.. واحنا معندناش مشكله علي بركه الله
........
كانت طوال تلك الايام في غرفه الفندق لا تخرج الا لمقابلة الفريق الذي اتت معه الي هنا..
"كانت اسيا تجلس في التراس وهي تحتسي مشروبها المفضل وهو القهوة وهي تتحدث مع ابنه خالتها ليل..وحشاني يا بت يا ليل
-وانتي اكتر يا جزمتي..شوفتي حبيب القلب بحر تاني
"ابتسمت اسيا تلقائيا عندما سمعت اسمه لتقول بحزن..توء توء لسه..ووحشني نفسي اشوفه
-طيب بقولك يا اسيا خدي خالتوا عايزة تكلمك في موضوع مهم
"ماشي هاتيها..عاملة اي يا ست الكل
ابتسمت الام وهي تقول بحنان..بخير يا بنتي طول ما سمعت صوتك
"ربنا يخليكي ليا
ويخليكي ليا يا حبيبتي..لتصمت برهة من الوقت ثم تتنهد قائلة بهدوء..هترجعي امتي يا اسيا
"مش عارفه يا ماما..بس حوالي شهرين كدا وارجع
ترجعي بالسلامه..بس اعملي في حسابك يا اسيا انك لما ترجعي هتتعمل خطوبتك علي حازم زميلك في الشغل
"اسيا بغضب..اي الكلام دا يا ماما.. وبعدين انتي اي عرفك اني موافقة علي الجواز منه
لتتحدث الام بصرامه..اسيا انا سكتلك كتير..في الاول العرسان كانت بتتقدملك وانتي كنتي بترفضي وبقول ماشي مش مشكله..حبيتي الممثل دا وسبتك قولت اهو يمكن تحصل معجزة ويتجوزك..لكن المرادي مش هسكت..قوليلي هتفضلي ترفضي العرسان لامتي..هاا قوليلي بحر دا هتفضلي تستنيه لامتي
"يا ماما..
لتقاطعها والدتها بصرامه..بلا ماما بلا زفت انا سكت كتير لكن دلوقتي لا..حازم كلمني وقولتله انك مسافرة وهتطولي..قالي معندهوش مشكله وقادر يستناكي العمر كله..لتتنهد وهي تكمل بحنان..يا بنتي العمر بيعدي بسرعة وانا كبرت في السن نفسي افرح بيكي..وبحر دا يعالم هيبقي من نصيبك فعلا ولا اي..حازم يا بنتي بيحبك..وقال انه هيستناكي حتي لو العمر كله..وانا واثقة انه هيحافظ عليكي
"حاضر يا ماما ربنا يسهل
طيب يا حبيبتي انتي عايزة حاجة
"لا عايزة سلامتك يا ماما..قفلت مع ماما التلفون وانا مدايقة يااه يعني خلاص كدا املي ضاع..مسحت الدمعة اللي نزلت من عيني..وقررت انزل اتمشي شويه..قومت لبست ونزلت
"كنت بتمشي علي مكان كدا هادئ وجميل وبعدين قعدت لما تعبت من المشي وبقيت بفكر..هل معقول فعلا تبقي دي نهاية قصة حبي انا وبحر..هل فعلا هتجوز حازم.. مقدرتش استحمل اكتر وبدات اعيط..هو ليه احنا بنحب ناس يا اما مش بتحبنا او ناس مش مهتميه بينا اصلا ولا تعرفنا..انا غبية صح..اصل مفيش واحدة عاقلة هتحب ممثل واجنبي كمان..الاجانب عندهم متعودين يعملوا اي حاجة حتي لو محرمه..وانا بغبائي حبيت شخص اجنبي..وانا عارفة النهاية وان هيتداس علي قلبي بالجزمة
'ماذا اتي بكي الي هنا وفي ذلك الوقت وفي مكان هادئ لا يوجد به احد
"قلبي بدا يدق جامد وانا بقول في نفسي..ايوا هو صوته..لا لا انا شكلي بتخيل
'اسيا
"حطيت ايدي علي قلبي..ايوا ايوا هو صوته..لفيت وشي بسرعة لقيته قاعد جنبي..فبصتله بصدمه وقولت..بحر
'لقيته ابتسم وقال..نعم انه انا..ماذا بكي
"من غير قصد دمعة نزلت من عيني..ليه دايما بشوفك اكيد بحلم صح
'نظر لها باستغراب وهو يقول..ماذا..م..ماذا تقولين..ثم ابتسم وقال..هل هذة اللغة العربية
"ابتسمت..نعم انها هي
"فضلنا ساكتين شويه لحد لما انا ابتسمت وبصتله وقولتله..بحر انا بحبك
'نظر لها بحر بصدمه وهو يقول..كيف
"ضحكت ضحكة خفيفة وقولت..بحبك..ماذا الم تفهم احبك
'لقيته بصلي شويه وبعدين ابتسم وقال..هل سوف تصدقيني انني أيضا احببتك..احببتك من اول مرة رايتك بها عندما دخلت الي غرفه الاجتماع..جذبتني عيناكي الرمادية وضحكتك اللطيفة التي سرقت قلبي وعقلي..احببتك من النظرة الاولي
"قومت وفضلت اطنط وانا بقوله بسعادة كبيرة..هل انت تقول الحقيقة..هل انت حقا تحبني يا بحر
'ابتسم بحر وقال بحب وهو ينظر الي ضحكتها التي اسرته..اجل يا قلب وروح بحر
'اسيا..اسيا اين شردتي
"وطبعا كان كل دا تخيل لا اكتر ولا اقل..يعني لا انا اعترفت ولا هو قالي بحبك..مجرد بس الحقيقة انه قاعد جنبي..اه يا قلبي..خرجت من تفكيري وابتسمت وقولت..ها..ماذا انا معك..ماذا قولت
'بحر بابتسامه..هيا قفي حتي اوصلك الي بيتك
"لا لا شكرا انا ساذهب بمفردي..وقبل ما يتكلم كلمه جريت بسرعة عشان انا هبلة وممكن فعلا اعترفله بحبي..روحت البيت ومن غير ما اعمل حاجة نطيت علي السرير وانا طايرة من الفرحة ونمت
مر اليوم وهاا قد اتي يوم جديد..في الصباح مع زقزقة العصافير..
"استيقظت اسيا فوجدت نفسها نائمة علي الفراش في غرفه الفندق لتجلس وتنظر امامها وهي تتئاوب..ولكن فجاة صرخت بصوت عالي..و
يتبع
#بقلم_منه_العدوي
شكرا للتفاعل القمر اللي شبهكم🥺❤️
بارت طويل اهو عايزة رايكم🥺🤍🤍
يتبع
تكملة الروايه من هنا هنا
تعليقات
إرسال تعليق