 |
البارت السابع عشر
#سيقان_في_الوحل
منه محمد
دريه: هشام شوفت الفيديو ده
هشام بصلها: اي فيديو
دريه: فضيحه وحطت الفيديوه قدامه
هشام فتح عيونه علي اخيرهم
دريه: ايه الي حصل مش دي البنت المسترجله الي كانت في شركتنا
هشام: معرفش ليه عملوا الاكشن ده
دريه لوت بوزها: خيبه عليك ده العالم كله عرف انها شلشوحه بيئه حثاله
هشام من غيظه قام بسرعه خطف مفاتيحه وراح ناحيه الباب
دريه: انت رايح فين
هشام مردش عليها وخرج من الشركه ودريه جزت ع سنانها من الغيظ
........منه محمد..........
في القسم قاعده بتدلي بأقولها
منال: انا معرفش حاجه عن مين الي خطف نيره ولو مفيش عندكم دليل فمش من حقكم توجهولي اي اتهام والحمد لله ان مفيش صحافين هنا انا مش عايزه اي فضايح انا فنانه وليا اسمي
الظابط: طيب وبالنسبه لفيديو الخناقه مع نيره
منال: مجرد سوء تفاهم ووضحنا السوء ده والموضوع خلص
الظابط: طيب انتي بتواجهالهم اي اتهامات
منال مثلت المسكنه: هو انا اجرؤ اتهم حد منهم انا فنانه بس دول فوق وايديهم طايله ودايما يطلعوا صحاب حق لكن لو كانو ناس عاديه كانت هتبقي حكايه تانيه
الظابط: قصدك ايه وضحي
منال بخبث ولؤم: مش متأكده بس في الفتره الاخيره كان باسم زميلي بيشتكي لنيره من مشاكل ماليه
الظابط: طيب وايه علاقه باسم بنيره؟
منال رفعت كتافها: معرفش كل الي اعرفه انه له صديق مقرب بيشتغل مساعد في شركه والد نيره ويمكن فيه مشاكل ما بينهم ده مجرد استنتاج مش اكتر
الظابط: تقدري تتفضلي واسف لو ضيعت وقتك
منال ببتسامه: العفو ولو فيه اي حاجه مطلوبه مني فأنا مستعده اسمح لي امشي
الظابط: اتفضلي
........منه محمد.......
دخل عليها بكل عصبيه والموبيل في ايده
فهمي بعصبيه: نيره ايه المنظر ده
نيره قامت: بابا في ايه
فهمي: فيه الفيديو ده متسرب علي الانترنت
خالد: فهمي بيه نيره مالهاش ذنب بلاش ترمي اللوم عليها
نيره: بابا انا اسفه كنت بحاول اتعامل مع مشكله قديمه لصديقه ليا بس معرفش ان الامر هيخرج عن السيطره بالشكل ده
خالد : لو حضرتك قلقان عشان المقطع حالا هطلب حجبه من كل المواقع وهفهم مجلس الادراه انه مجرد سوء تفاهم
نيره بحده لانها ملت من تسلطه عليها: مفيش داعي انا هتكلم معاهم انا صاحبه المشكله وهوضح الامر بنفسي
فهمي بهدوء: تمام ! بس رجاء خدي بالك في كل خطوه بتعمليها بلاش مشاكلنا الشخصيه تأثر علي الشركه
نيره: امرك يا بابا حاضر
فهمي: خالد تعال معايا محتاج اتكلم معاك
خالد :امرك وخرج معاه واخده في مكتبه
فهمي قعد : اولا اسف علي اسلوب بنتي معاك
خالد ااعد قصاد منه: لاء عادي انا فهمها عدت بظروف كتير في الفتره الاخيره
فهمي: فيه امر تاني محتاج اتكلم معاك فيه
خالد: لو الامر حوالين مين الي خطفوا نيره الشرطه بتحقق لسه
فهمي: لاء الامر مش كدا انا عايز اتكلم معاك بخصوص طلبك لـ ايد بنتي
خالد بحماس: اخدت قرار حضرتك
فهمي اتنهد وبهدوء : ايوه اخدت اني لا هضغط علي بنتي ولا هجبرها تتجوز مين بعد كدا البنت اتعرضت لحاجات كتير بما يكفي
خالد مش عاجبه بس ما يقدرش يقول حرف
فهمي كمل :وانا مش عايز اشوفها حزينه وحاجه كمان احنا اخدنا المشروع اعتقد ده انجاز ليها واثبتت فيها قدرتها لمجلس الاداره اما بالنسبه لحياه نيره فده قرارها ويخصها متزعلش واتمني تفهم الي بقوله
خالد وهو يتظاهر بالبرود لكن جواه كميه قهر مرعبه ورد: انا فاهم يا فندم
وابتسم بقهر وكأن الحقد والكراهية لنيره بص لابوها بقهر وبوعيد : قسما بالله لاحرق قلبك عليها
........منه محمد.......
هشام بغضب: ليه مقولتليش حوالين المشكله يا منال
منال عملت نفسها بتبكي: مكنتش عايزه اشغلك بيها وترجع تتهمني بالكدب عشان الست مريم
هشام بقهر: بس مش من حقها تعمل الي يجي علي مزاجها
منال بمسكنه شياطين: انسي يا هشام اتعودت منهم علي كدا هما بيكرهوني من ايام المدرسه ودايما يتهموني بحاجات بشعه بس انا قادره اتحمل الامر
هشام: بس انا مقدرش اتحمله انا هتكلم معاها وهعنفها
منال بدءت فلم الاكشن وبدءت دموعها على وشك السقوط وشدته من ايده: لاء يا هشام مش هتسمعلك انا حاولت انهم يسمعوني بس رفضوا وضربوني متدهمش اهتمام انا سعيده اني شوفتك قلقان عليا بالشكل ده
هشام بضيق: بس انا مش قادر اشوفك بتتأذي بالشكل الفج ده
منال: خلاص انسي وخالي الحكايه تنتهي مش عايزه اشوف اخبار تاني عني تأذيني ده هيأثر علي صورتي قدام جمهوري
هشام بتحدي: انا هثبت للدنيا كلها انك احسن واحده في الدنيا بالنسبه لي وهتكلم مع امي عن فرحنا
منال وسعت عيونها بدهشة وفرحه: بجد يا هشام بجد هنتجوز
هشام يبتسم لها بحنان: ايوه هخالي الكل يعرفوا انك اجمل بنت في الكون وتبقي زوجه هشام ولا يمكن مخلوق يقدر يمسها ولا يأذيها حتي بنظره
منال ضمته وعيونها بتطق حقد وانتقام وهشام ضمها وهو عازم يتكلم مع مريم ويوقفها عند حدها
.......منه محمد.......
واقف قدام القسم رايح جاي ويفرك كفوف ايده بقلق بص في ساعته: ليه ده مجاش لسه
خالد الي وصل وطلع درجات السلم بسرعه: باسم في ايه
باسم برتباك: انت لازم تساعدني
خالد ايه الي حصل وليه انت في القسم وكنت فين
باسم: قبضوا عليا عشان كدا اتصلت بيك
خالد :ممكن تهدي وقبضوا عليك بتهمه ايه ؟
باسم: لسه مش عارف منتظر ياخدوه اقوالي انت لازم تساعدني لاني لو اتسجنت هموت
خالد بلع ريقه: اهدي يا باسم
العسكري: تعال الظابط عايزك
دخلوا غرفه التحقيق الظابط وجهه له اتهام!!!!!!!!
باسم :انا متورط اني خطفت الانسه نيره ازاي وانا عمري ما اتكلمت معاها
خالد بتأكيد: فعلا وده كلام مش منطقي ولا معقول
الظابط: جالنا معلومات ان باسم عنده مشاكل ماليه
خالد ايوه وده يخص الامر في ايه
الظابط: انت مساعد الانسه نيره طلبت منها مساعده ماليه تسدد بيهم ديون
خالد بعتراض:محصلش وده مستحيل لان كدا هفقد مصدقيتي وحضرتك ازاي عمال توجه اتهامات لينا كل دقيقه بالشكل ده
الظابط كشر: انا بستجوبكم وبس واظن ده شغلي ولازم اتاكد انكم مش متورطين رغم ان انا مش مستبعد السبب ده
خالد بحده: لو كان فيه ادله اتفضل قدمها للعداله لان انا واثق ان صديقي معملهاش
الظابط :اتفضلوا امضوا ولو فيه اي ادله او شهود جديده هستدعيكم تاني
خالد وقع: تمام اسمح لنا نمشي
الظابط بعد ما وقع باسم: اتفضلوا
الاتنين خرجوا وقدام القسم باسم سابه وماشي خالد شده من دراعه: استني ليه مستعجل
باسم: لازم اتعامل مع المشاكل وانهيها بسرعه
خالد: اوعي تقولي انـ
باسم قطعه: لا مش حوالين خطف نيره وبطل تحقق معايا لو مش قادر تساعد بطل تسأل
#سيقان_في_الوحل
منه محمد
بعد ما صورت في الاستوديو خرجت منه ومشت شويه لقت عربيه مشروع وقفت قصادها بالظبط ونزلوا منها اتنين فتوات شدوها وهي فضلت تصرخ جرجروها واخدوها عنوه وطول الطريق بيضربوا ا فيها حسب التعليمات وبعدين دخلوها شقه واضح عليها الثراء الفاحش
منال بوقاحه وغرور: انتم مين وليه خطفتوني انتم متعرفوش انا ابقي مين
الراجل ضربها قلم من قوته وقعت علارض جبينها اتهبد في الطربيزه الزجاج: لاء عارفين يا روح خالتك
لقت الي شدها لفوق من جذور شعرها ورفعها عن الارض وبصوت غليظ كله حقد وانتقام: انتي واحده رخيصه ساقطه بتنامي مع راجل متجوز
منال بخوف ووشها منفوخ وازرق ونازل من جنب شفايفها دم وجبينها مفتوح : اسفه
السيده بتشد شعرها من جذوره وبنظره مخيفه: استمتعتي معاه ،،استمتعتي وانتي في حضن جوزي يا حثاله
منال صرخت و برجاء: انتي فاهمه غلط انا معملتش معاه علاقه والله
السيده سحبتها منه لحد الكنبه وأأعدت: ليكي عين تكدبي يا قذره يا ساقطه انا مسكاكي قبل كدا متلبسه ازاي قادره تكدبي علي الكل وتمثلي عليهم انك ملاك بس عندي انا متقدريش تعمليهم عليا
منال: لاء انا معملتش كدا
السيده: افتح التلفزيون عشان تشوف عملت ولا معملتش( ومسكت شعرها لفته ناحيه الشاشه البلازما الضخمه)
منال شافت الفيديو الي طبعا صورلهولها باسم لانه كان رايح يمارس شذوذ في نفس الفندق وحظها العسر شافها وصورها
السيده النار طالعه من عيونها : لسه مصممه تكدبي فاكره الاوضه دي فكراها نمتي مع جوزي فيها
منال اتكلمت بصعوبه: انا اسفه اسفه مش هعملها تاني اديني فرصه اخيره ارجوكي
السيده بصت لها من فووق لتحت: انا اديتك فرصه ادتهالك من اربع سنين مش فكره
#فلاش_باك
الباب خبط بصوت رجولي: خدمه الغرف يا فندم وجايب المشاريب
منال راحت فتحت الباب ولابسه البورنس لقت سيده ومعاها اتنين بأجسام ضخمه
منال طلعت تجري بخوف الست شدتها بقوه من دراعها: تعالي هنا يا زباله يا مومس شدتها من شعرها بقسوه نطت وسحببتها معاها سحب لحد غرفه النوم لقت زوجها نايم فوق السريررمتها قدامه علارض وهو اتعدل واتخض
منال جايه تقوم مسكتها من شعرها وفضلت تضرب فيها بالكفوف علي وشها لحد ما اغمي عليها وصوابعها سابت علامه ع وشها
#بالك
السيده: افتكرتي يا بنت الحرام افتكرتي
منال بنهيار:انا اسفه اسفه والله
السيده: انا كنت رحيمه بيكي وسبتك تمشي بس النهارده مش هكون لا رحيمه ولا عندي شفقه واسيبك تمشي وتمارسي الحرام لان يظهر بتحبيه اكتر من السمعه والشهره
منال انهارت عالارض مش قادرة تستوعب المنظر الي شافته ليها و اتكلمت بكلام متقطع: لاء ابوس ايدك
السيده بقرفه: ليه ده انا هساعدك تتشهري والكل يعرف انتي قد ايه قذره يا بطله السيما والمسرح
منال باست ايدها : اتوسل اليك متعلميش فيا كدا ارجوكي
السيده بضحكه شيطانيه: شوفي الفيديو ده لما ينزل وانتي ملط والعالم كله هيعرف بتصرفاتك الوقحه
منال دقات قلبها كطبل الحروب من الخوف: اسفه والله ما هعمل كدا تاني
السيده ضربتها بقسوه : لاء ياروح امك المره دي مش هسيبك ضيعتي فرصتك وعملتي ده في نفسك امسكوها
منال وهي بتصرخ فيهم : لاء محدش يلمسني لأ لا
السيده اخدت صوابع ايدها واتكت نشر للفيديو علي كل المواقع حتي المواقع الاباحيه
السيده قامت وضحكت بطريقه شماته: مبروك عليكي جحيم الدنيا يا منال
منال فضلت تهبد علارض وتصرخ وصرختها هزت جدران الشقه
......منه محمد.......
في الكافيه زق الباب وداخل لقاه بنت ما ماسكه فونها: الممثله دي اعرفها
بنت اخري: يا بنتي دي الممثله منال
هشام ابتسم وقرب منهم وشاف الصعقه ووقف كأن حد دلق عليه جردل ميه مثلجه
قرب من مريم الي فاتحه الفيديو وشكلها مبسوطه
هشام قرب عليها متعصب ورفع صوباعه في وشها: انتي الي عملتيها صح
مريم رفعت حاجب: ايوه
هشام: ليه بتكرهيها كدا قوليلي
مريم بنرفره من اسلوبه وهجومه: مش انا الي بدئت روح اسأل حبيتك لو عملت نفس الشئ قبل سابق ولا لاء وفتح عنيك بقي
هشام: لاء الكلام ده كدب انتي عشان بتكرهي منال فبركتي الفيديو عشان تتهميها زي ما اتهجمتي عليها في موقع التصوير
مريم بقهر من طريقة كلامه:براحتك بقي
هشام: عمري ما توقعت انك تطلعي كدا عدوانيه
مريم بدون اكترث: ميهمنيش انت بتفكر فيا ازاي لانه فعلا ميهمنيش بس انا مش هسمح لمنال تدمر حياه نيره واسيبها من غير عقاب والكل هيدفع تمن افعالهم ولفت وشها عنه
هشام انقهر من حركتها وتطنيشها وسابها وخرج بكل غضب العالم وأأعد في عربيته وهو لسه تحت الصدمه ضرب الدركسيون بعنف وكلم نفسه زي المجانين : ليه عملتي كدا يا منال ليييه خونتي حبي ليه عملتي فيا كدا لييييه
........منه محمد.......
مريم علي الموبيل: ازاي يعني يابابا موجهولهاش اي اتهام وحضرتك عارف ان ليها يد ...... لان مفيش ادله طيب سلام انت دلوقت
في نفس اللحظه دخلت نيره قربت عليها وقعدت قصدها: ايه الي بيحصل ده
مريم: بتتكلمي عن ايه؟؟!!
نيره: شوفتي الفيديو
مريم ببتسامه عريضه: انا اول واحده اشوفه قبل اي حد
نيره بشك: اوعي تقوليلي انك انتي الي عمل كدا
مريم: مش كدا بالظبط
نيره بنفاذ صبر: بدون مماطله احكيلي الموضوع بسرعة
مريم: يعني لا سجلته ولا نشرته
نيره :مش فاهمه امال ازاي شوفتيه قبل اي حد
مريم: عارفه باسم الواد الممثل ده جه وباع لي الفيديو في نفس يوم الخناقه وانا عشان عارفه زوجه الراجل الي مع منال في الفيديو اتصلت بيها بحكم انها كانت صديقه ماما الله يرحمها فروحتلها بنفسي واول ما جبتلها سيره منال شكلها بعيد عنك مقولكيش وحكتلها وهي طبعا صدقتني قبل حتي ما افرجها الفيديو لاني ليا معزه عندها أو هي شاكه
نيره: يعني الراجل ده ومنال
مريم :ايوه وربنا حب يردلك حقك ويعاقبها نفس ما عملت فيكي بس عمري ما تخيلت ان مراته تنشر الفيديو بنفسها
نيره: ست جريئه فعلا بس ياتري حال منال ايه دلوقت
مريم اتعصبت :لاء حضربك عملت فيكي كتير ولسه قلقانه عليها انا معرفش حالها ايه بس الي اعرفه ان هشام حالته وحشه جدا ومعرفش انتحر ولا لسه عايش علي قيد الحياه
نيره اخدت نفس ونبره كلها حزن ووجع: لما اتسرب الفيديو ليا حسيت الكل بيبصولي بشمئزاز عشان كدا عارفه الاحساس ده بجد مؤلم اوي
مريم :عشان كدا اخدنا حقنا الي هو حقك
.......منه محمد.......
المساعد: منال هنعمل ايه لحد دلوقت سبعه افلام طاروا ومعظم المنتجين استبعدوكي في دور البطوله والتلفون مش مبطل رن
منال صرخت واعصابها تالفه وفركت شعرها وفضلت تصرخ زي المجنونه وترمي كل حاجه ايدها تطولها: اطفيييييه اطفييييه
المساعد: اهدي طيب
منال بقت تضربه بأي حاجه وهو ينط من علارض ويتفادي الحاجه: خلاااااص قفلته اهدي بقي
هشام: منااال
المساعد: هشام بيه كويس انك جيت ياريت تهديها انا مش قادر اتحمل صريخها
منال جريت عليه ومسكت ايده: الموضوع مش زي ما انت مفكر يا هشام
هشام بص للخريطه علي وشها و شكوكه اتحولت لحقيقة واتاكد منها: امال ازاي !انتي الست الي جوه الفيديو من امتي وانتي بتعملي ده
منال: دي مريم مريم لانها بتكرهني اه دي بتغير مني لاني احسن منها وانت عارف انها بتكرهني
هشام فجئها لما حدفها علي السرير بعنف: انا مش غبي ولا برياله في الاول كنت مفكر كدا فكرتهم بيتنمروا عليكي بس الحقيقه مش كدا (فقد اعصابه ) الي في الفيديو كان برضاكي بتعملي ده معاه بمزاجك وبخطرك والي شوفته حقيقه ياتري كدبتي عليا كام مره وانا كنت مغفل و بخصوص وليد ونيره انتي الي عملتي كدا
منال مسكت ايده: دي مش غلطتي هما بيكرهوني وبيغيروا مني دي مش غلطتي غلطهم هما
هشام دفععا علارض بقسوه: ابعدي عني
سحفت منال بصعوبه ومسكت رجوله بقوه: هشام ارجوك ما تمشيش ارجوك
هشام شد رجله منها وخرج وهي فضلت تصرخ بجنون انه يرجع لقت زجاجه راشقه في رجليها شدتها باللحم وعيونها مليانه حقد وإصرار ع الفكره الخبيثه اللي بتدور في راسها
وقالت بالتهديد والوعيد: وحياه امي ما هتفلتوا مني
.......منه محمد........
قرر ياخدها ويسرقها شويه من جو الشغل والقاعده بين الاوراق نزلت وركبت معاه ودخلوا وقعدوا حوالين طربيزه وجمال الابتسامه هتاكل وشه وقرر يخطبها رسمي
نيره: ايه الموضوع شكلك مبسوط
جمال: عشان وافقتي تخرجي معايا وقاعده معايا خارج نطاق الشغل
نيره: عايزه اعيش حياه جديده وانسي الماضي وازيح كل الحاجات السيئه الي وقعت في طريقي
جمال بقصد: بما فيهم وليد
نيره وشها اتغير ملامحها: مفيش اي حاجه بينا خلاص سواء كان في الماضي او حتي في المستقبل كان مجرد محطه اتقابلوا فيها اتنين اغراب وكل واحد نزل محطته واتفرقوا
جمال: اسف لو كنت فكرتك بيه
نيره: ولا يهمك هو مجرد شخص عابر في حياتي
نهت كلامها وجمال حس انها اضايقت لذكر اسمه
جه الجرسون وقدم الطلبات قدامهم وجمال طلع علبه شيك ومسكها لحد ما يمشي الجرسون ويقدم خاتم الخطوبه
نيره اول ما الاكل اترص قدامها وشمت الريحه معدتها قلبت وحست انها محتاجه تتقيئ حطت ايدها علي معدتها وملامحا كشت
جمال بقلق: مالك يا نيره
نيره حطت ايدها علي بؤها وقامت: بس عايزه ادخل الحمام
دخلت الحمام وفرغت كل الي جوه جوفها وشكت فقررت تستأذن من جمال بأي حجه وتروح تتأكد اذا كان حمل ولا برد في المعده في نفس اللحظه وليد قاعد مع مهندس لانه قرر يبني منتجع بسيط ع قده ولما يكمل يكبر بس حس ان المهندس قاعد معاه بيتألم ومره واحده وقع علي التربيزه ووليد قام مفزوع وطلب عربيه اسعاف ووصلت العربيه ووليد ركب معاه
........منه محمد.....
$$$ حبي لا يمنع الغضب لكن يمنع الانتقام$$$
بعد التحليل والكشف عرفت انها حامل في اسبوع خرجت ووشها اصفر والدنيا لفت بيها ازاي حطت راسها اهلها في الوحل والمره دي بأيديها مسكت دماغها وسندت بكتفها علي الجدار في نفس الوقت وليد داخل مع المهندس لمحها بظهرها سانده علي الحيط ومره واحده أأعدت علارض بضعف وليد عيونه طلعوا من راسه وجري عليها وقعد على الارض ومسك ايدها بحنان:نيره مالك
نيره بصتله ونست تعبها وحزنها وهمومها وزقت ايده وقامت تمشي
وليد مسكها من كتفها: انتي بتعملي ايه هنا
نيره نفضت ايدها منه عليها بقرفه : ده امر يخصني مالكش علاقه بيه
وليد لف إيديه حوالين وسطها وضمها بقوه وبنبره حنيه: نيره
نيره صرخت فيه وهي بتضربه في كل حته: سبني وبعدت عنه
وليد قرب منها وظهرت علامات الخوف على ملامحه : ليه رافضه تقوليلي بتعملي ايه هنا وفين جمال ليه مهتمش بيك
نيره صرخت فيه بحقد وكل حركات جسمها يرتجف : ليه عشان سلمتني ليه فلازم يسمع كلامك وينفذ اومرك
وليد بصلها وقلبه متقطع عليها وحس بغليان بقلبه
نيره كملت عليه وكأنها قرفانه: انت واحد حقير ووقح ترمي رساله قصيره وتتصرف ولا كأن في اي حاجه حصلت
وليد: عارف انك غضبانه مني بس الي عملته لصالحك
نيره ولعت نار من العصبيه : لصالحي عمال تدمر حياتي مره وري مره لا وفر اعذارك تضحك بيها علي عيل اهبل انت شخص جبان معندوش اي منطق وبتعمل الي بتعمله حسب مزاجك ورغبتك
وليد: بس الي حصل بينا كان حب ,,حب فيكي يانيره
نيره ضربته على صدره جامد وبصوت مبحوح : اخرس وبطل تقول الكلمه دي ساامع
وليد قرب منها وباسها على راسها وبصوت كله حنيه ومحبه: لاء لان انا فعلا بحبك
نيره بتعب وكأنه جاب اخرها من الغضب لطشته بالكفوف لدرجه خده ووشه بقي احمر من الضرب ووليد رجعلها بخده تاني بمعني كملي حقك
نيره :بطل تلف وتقول الكلمه دي للناس لو مكنتش فاهمها وحسبي الله ونعم الوكيل فيك
ورمته بنظرات ناريه ومشت وسابته واقف مكانه مصدوم وهو لسه عيونه عليها بتبعد وكأنه روحه بتتسحب منه والدنيا وقفت بيه
..........منه محمد.......
$$ تاهت ملامحي اتغيرت...بين التجاعيد اللي ساكنه جوه مني....هو عمري هو سني
ولا خوفي وقت ضعفي ...ولا حلم اخرس عمال غني ولا بين حابل ونابل....ينتهي بموت السنابل
تنتهي بحب التمني $$
ركبت عربيتها وانفجرت دموعها واتصلت تستنجد بعمتها في امريكا
حنان استغربت لان توقيت القاهره كدا الوقت متأخر: نيره خير يا قلبي ليه بتتصلي في وقت متأخر كدا
نيره بصوت متقطع من البكاء: عـ عمتـ تو حصل مره تانيه انا حـ حامل
حنان وشها اتخطف وفتحت بؤها ومتفاجئه: نيره انتي بتقولي ايه
نيره ودموعها على خدودها والكحل سايح: اعمل ايه قوليلي انتحر وارتاح
حنان رايحه جايه متوتره : نيره اهدي الاول وفهميني ازاي ده حصل
نيره: انا وهو غلطنا بس المره دي بمزاجي وبرغبتي لدرجه بكرهه نفسي عشان كنت غبيه فكرته اتغير فكرت كل الظروف هتتحسن بس هو خيب ظني فيه
حنان: نيره اسمعيني كويس متقوليش لحد خالص ومتعمليش رد فعل غبي انا هخلص شغلي بسرعه واجيلك علي اول طياره نفكر سوي ونشوف هنعمل ايه ونحل المشاكل بهدوء
نيره عيطت بحرقه وانفها احمر بشده
حنان بدعم لانه لا وقت انفعال ولا تقطيم: نيره انا معاكي وحاسه بيكي وفهماكي وبحبك مهما عملتي
نيره قفلت وانفجرت تبكي بتفكر تنتحر وتخلص من الدنيا وترتاح وتريح الي حواليها بس افتكرت عذاب النار اترجعت عن الفكره وحركت العربيه للبيت
رايكم نكمل وهنعرف ليه وليد رافض يتجوزها الصبر انتم مستعجلين ليه بدل ما نشكر الراجل نوبخه البارت الجاي هيعرف بولاده رايكم وهو جدا يا ولاد
يتبع
تكملة الروايه من هنا هنا
تعليقات
إرسال تعليق