 |
البارت السادس عشر
#سيقان_في_الوحل
منه محمد
الحمد لله قدرت اكتبه
$ $$ لماذا سرقتني من الجميع اذا كنت لا تستطيع الاحتفاظ بي $$$
وليد : حبيبتي نيره بعد ما عرفت الحقيقه عمري ما هقدر اغفر لنفسي الي حصل بينا يظهر صعبت عليكي عشان كدا حصل الي حصل وانا معاكي ليله امبارح حسيت اني فعلا مستهلكيش ولا حتي استحق ملاك زيك انتي ليكي قيمه ومكانه كبيره انتي نجمه عاليه في السما ومش من حق واحد زي يطولها ولا يفوز بيها انا شخص حقير مسيتهلش يكون جوه محوو حياتك تاني حياه لازم تكوني سعيده فيها من غيري ويبقي معاكي شريك يقدر يقف جنبك ومعاكي وانا مطمن لاني عارف انه هو كمان بيحبك نيره ادي فرصه لجمال لانه راجل مهذب وهيقدر يسعدك والاهم انه بيحبك اوي $امضاء وليد $
كرمشت الورقه وحدفتها علارض وصوت شهقاتها طالع للعنان
لقت الي واقف قصادها وبينادي بأسمها: نيره
نيره رفعت عيونها المليانه بحر من الدموع: ازاي عرفت اني هنا
جمال: وليد اتصل بيا ارجعك البيت يله ومدلها ايده
نيره مسكت ايده و من بين دموعها قامت واتحركت معاه من غير روح اخدها وقعدها في العربيه وبصلها: اظن وليد قالك كل حاجه لانه قلقان عليكي ومدلها جوابه الي بيوصيه عليها قرأته ببكاء مش قادرة تكمل وبصعوبه ضغطت على نفسها وانهارت اكتر ازاي قدر يعمل كدا ازاي بيحبها ويتخلي عنها لراجل غيره طيب ليه هي اجرمت معاه في ايه حست بالعبره خنقتها من قراره وجمال اشفق علي وضعها واخدها جوه حضنه لكنه اتفاجئ بيها بعدت وتغطي وشها بايدها تنعي حظها العاثر كللل ده تحت نظرات وليد الي واقف من بعيد شايفهم وحاسس انه عقاب نفسه اقسي عقاب ولما اتحركت العربيه واختفوا رجع أأعد علي صخره بضعف ونزلت دموعه
........منه محمد.......
في شركه التمساح
جلال: سمعت اي اخبار عن وليد
هشام بهدوء: لاء اطلاقا بس احساسي انه مش متورط في اختفاء نيره
جلال بتهليل: شوفت
هشام عقد حواجبه مش فاهم قصده: شوفت ايه
جلال: كنت عارف وليد ميعملش كدا مستحيل يخونا وضحك اوي بس فهمي زمانه غضبان ياحرام بنته الوحيده كل يوم عملاله مشاكل وفضايح للركب
السكرتيره دخلت: نتيجه مناقصه منتجع ستارت وصلت يافندم
جلال بندهاش: بالسرعه دي جمال بيشتغل بهمه ونشاط
هشام لف بالكرسي وابتسم له
جلال: اظن احنا الي هنصمم المشروع مش كدا
السكرتيره بتردد ومن ملامحها ظاهره عليها الخوف وفي نفس الوقت الضجر : لاء لان شركه الامبراطور هي الي هتصممه
جلال بتفاجئ : قولتي ايه
هشام قام اتنهد وحب يطمنه: انا رايح اتأكد بنفسي
جلال مسك السماعة الداخليه : تعالي عندي هنا حالا حالا
دخلت بعد ما دقت الباب
جلال: تعرفي اي حاجه عن وليد
جالا: لاء يا فندم لسه مظهرش
جلال نفخ بضيق : طيب قالك هو فين ولا هيرجع امتي
جالا: مقلش حاجه اخر مره شوفته في اجتماع شركه ستارت الخاص بالمنتجع
جلال بعصبيه: امال راح فين( لقاه رساله علي الواتس اخده وفتحها وعيونه خرجت من محرجها
وليد: انا وليد جلال بستقيل من منصبي في مجموعه شركات التمساح اعتبار من يوم*** فقط للعلم
جلال حدف التلفون بعصبيه: لاء ده اتجنن رسمي اتجننننننن
وقلب المكتب بالي فوقيه وجالا خافت وطلعت تجري بسرعه
دريه دخلت بفزع: فيه ايه ياجلال
جلال: وليد قدم استقالته
دريه ضربت رجليها بغيظ وغل: كنت عارفه حذرتك يوم قولتلك انه مش محل ثقه بس عمرك ما سمعت كلامي ابدآآ دلوقت اتفضل شوف اشتغلوا مع بعض وخانوك شكله مفتون بيها بشكل اعمي
هشام مش عاجبه كلامها : ماما انا بقول الموضوع غير كدا لان البنت دي مش من النوعيه الي تعمل كدا
دريه بستهزاء :عرفت ازاي يا ناصح البت دي مستعده تعمل اي حاجه عشان توصل وتاخد المشروع وانت شوفت الاهم من ده محترمش ابوك
جلال ضرب على المكتب بعصبية ورجع بصلهم وعلامات الضيق باينه على وشه وخرج من المكتب يمد بخطوات متعصبه
دريه قامت وراه:رايح فين استناني الحق يا هشام
هشام مد وراه :بابا استناه بابا
......منه محمد......
جلال وملامحه مش تبشر بالخير: خالي وليد يخرج من جوه حالا
صفيه الواقفه وبأدب : هو مش هنا
جلال يصرخ: متكدبش فاهمه عارف انه هنا ولييييد انت فين يا ولييييد
هشام بنظرات رجاء: بابا ارجوك اهداء وتعال نرجع البيت
جلال: لاء انا مش متحرك من هنا وليييد اخرج متستخباش يا جبان
فهمي بخطوات غضبانه: اتصلي بالنجده ياخدوه البلطجي ده
جلال: فهمي انت جبان معندكش الشجاعه تواجهني عشان كدا بتستخدم طريقه قذره واستعملت طعم عشان تفوز بالمشروع انت زباله وعمرك ما هتتغير ابدا انت بتستخبا وري واحده ست
فهمي احتدت ملامحه وبكل قوته ضربه بوكس جبار
جلال اتعدل بسرعه يهجم عليه: اوعي سبوني عليه
هشام بيشد فيه: يا بابا انت الي اتهجمت علي بيتهم
دريه مسكت دراعه: ارجعك لعقلك هشام خد ابوك للبيت حالا
هشام سحبه: يله يا بابا ارجوك
جلال بطريقه تنرفز: مش منقول من هنا
دريه: اهدي بقي ياجلال
ثريا بغضب: امشي قبل ما اتصل بالبوليس حالا
جلال رفع السبابه لفهمي كتهديد: افتكر كلامي مستحيل اخسر قدامك ابدآآآ
فهمي كور كف ايده لدرجه عروقهم اتشدت من كلامه
.......منه محمد........
وقفت العربيه بنيره الي نزلت منها جسد من غير اي معالم للروح جريوا عليها التؤام يحضنه فيها بشوق وفرحه كبيره
نيره نخت وضمتهم في حضنها: خلاص بتعيطوا ليه انا جيت اهوه
مريم ضمتها بشوق ولهفه وثريا قربت وباست دماغها بدموع وضمتها: انتي في امان دلوقت
فهمي مسد علي كتفها بحنان ابوي: عامله ايه يابنتي
نيره وهي تمسح دموعها: انا بخير
فهمي: الحمد لله يا بنتي وشكرا يا استاذ جمال انك رجعت نيره لبيتها بالسلامه
جمال اكتفي بهز دماغه وابتسامه بسيطه
فهمي بتحقيق: ايه الي حصل يابنتي مين الي عمل فيك كدا قوليلي
خالد ادخل: اظن لازم نسيبها تستريح الاول الوقت متأخر جدا وانا هتصل بالشرطه واتولي الامر بنفسي
فهمي: تمام هسيبلك الامر يا خالد
خالد براحه: تمام
فهمي بحنان: نيره اطلعي استريحي دلوقت وخدي التؤام معاكي يله وانتي يا صفيه اطلعي معاها وخدي بالك من الاولاد
نيره بصتله بهدوء: شكرا يا استاذ جمال هنتكلم بعدين
جمال ببتسامته المعهوده: انشاء الله
نيره اخدت التؤام لحضنها: يله حبايبي نطلع
.........منه محمد......#سيقان_في_الوحل
جلال صرخ: آآآآآآه يانااااري آآآآآآه عمري ما تخيلته ناكر الجميل وهيطعني في ضهري هشام انشر من بكره اعلان في الشركه تقول فيه ان وليد موظف خاين وخطر علي الشركه وملوش لا منصب ولا سلطه في شركه التمساح
هشام: حاضر يا بابا
جلال: واتحقق من كل المشاريع الي اشتغل عليها شوفه اخد معلومات من عليها ولا موجوده
هشام: قصدك انه ممكن يبتزك
جلال بقهر: ممكن كلب ناكر الجميل زيه يعمل اي حاجه مش عايزه يضربي في ضهري تاني
دريه اتكت علي سنانها بغل: فعلا لان وليد ذكي لازم نحترس منه لاننا منعرفش بيخطط لـ ايه
جلال بحرقه: عندك حق ده عارف كل اسرار الشركه ومعرفش هيظهر امتي ويضربنا القاضيه
......منه محمد.......
بعد رجوعه من بيت فهمي دخل وشاف قدام شنطه كبيره
خالد قرب بتعجب: ليه بتجمع هدومك رايح فين
باسم من غير ما يبصله:عندي تصوير في لندن لمده ايام
خالد :نيره رجعت
باسم حدف الهدوم بهلع:ايه والبوليس شك في حد معين
خالد: هي بخير وعقد ايده قدام صدره وخمنت انها متعرفش الي عملوا فيها كدا بس الغريب ان الي رجعها البيت جمال مالك المنتجع
باسم :ازاي جمال عرف مكانها الا اذا كان راجل تاني ساعدها في الهروب غير جمال ورسم الابتسامة العريضه)علي العموم انسي كويس انها مش ميته كدا الموضوع نفدت منه
خالد :طيب هترجع امتي
باسم :هتصل بيك اقولك وباس خده وسحب شنطته وخرج
........منه محمد.....
في الكافيه
مريم: كنتي مع وليد مش كدا
نيره: انقذني كنت هموت لولاه ويارتني موت وخلصت
مريم : بعيد الشر
نيره وعيونها مليانه دموع: شر الشر اني اعيش ويفضل يجرح فيا كل شويه بالشكل القاسي ده
مريم مسكت ايدها: ايه الي حصل يا نيره
نيره بحقد منه لانه حطمها حاولت انها تكسر الحواجز لكنه مصمم على نبذها وتحقيرها وبصوت حزين : قال انه بيحبني وبجنون لاء بيعشقني وانا غفرت له الليله السوده وقررت احبه زي ما عايز قلبي بس كدب عليا لو كان فعلا بيحبني ليه سابني ويرميني علي راجل تاني غيره والسبب الي قاله هو مجرد عذر لراجل سئ
مريم ضمتها اوي ومسحت علي راسها: نيره اهدي يا قلبي اهدي
نيره فرت دمعه: انا بخير في حضنك ومش هضيع الوقت وافضل اتألم بسبب البني ادم ده تاني كدا كفايه اوي
مريم: وهو فين وليد دلوقت
نيره غمضت عيونها بألم وكبرياء مجروح : معرفش ولا عايزه حتي اعرف كل الي اعرفه مين كان السبب في كلل ده خدي اقري
مريم اخدت منها الورقه وفتحتها وقرات المكتوب بخط ايده باندهاش وهي فتحه عيونها : منال صديقتك اتواصلت معايا وباعتك ليا
مريم شهقت: بنت خدعت وليد وفهمته انك بنت ليل وخدرتك كمان
نيره اتنهد بضيق وهي بتفكر الحوار تاني وهزت دماغها بـ ايوه
مريم هزت راسها ورجعت تكمل قراءه الورق الي بايدها:: كنت حاسه والله بس ازاي المجرمه دي تعمل كدا في صديقتها لازم ننتقم منها علي كل وساختها معاكي مستحيل اسيبها تفلت بعملتها انا عارفه مكانها يله
نيره رفعت راسها وبصلتها وبعدها رجعت نظرها على الورق وسألتها: ناويه تعملي ايه
مريم : ايه هتسكتي وتسيب حقك
نيره وقفت قصادها بحماس: لاء كنت طيبه ومسالمه لوقت كفايه حياتي اتدمرت بسببها سواء بقصد ولا لاء
مريم بحقد وانتقام:كدا يله اتحركي معايا
........منه محمد.......
باسم واقف مع المخرج بيتكلموا شاف نيره وبنت تانيه معاها وماسكين حاجات في ايدهم ودخلوا اللوكشن
مريم: منااال
منال لفت بالكرسي وبدون اي مقدمات مريم رشت القهوه السخنه في وشها
منال اول ما استوعبت حطت ايدها على وشها بذهول ووقفت وزعقت بردح: يا حقيره عملتي ايه يا مجرمه ياسافله هتصل بالبوليس ياخدكم في البوكس
مريم باشمئزاز :خدك ربنا قولي امين يله اتصلي يله وانا هتهمك انك أذيني نيره لحد امتي هتفلتي من العقاب يا ارتست
نيره: كنت حاسه ان جوااكي سواد في قلبك عملتي كل حاجه عشان حياتك تتحسن بس عمري ما تخيلت ولا خطر علي بالي انك تستخدمي اساليبك القذره علي واحده اعتبرتك صديقتها
منال بوقاحه: قصدك علي انك نمتي مع الشاب ده انا مالي انتي عرضتي نفسك عليه يا ماما
مريم: وعرفتي ازاي ان نيره قصدها اللامر ده
منال سكتت تماما ووضح عليها الارتباك
مريم بشمئزاز:واحده حقيره رخيصه زيك لازم يتشال القناع عنها وكل المجتمع يعرف حقيقتها انك زباله مش زي ما مفكرنها
منال هجمت علي شعرها وبصوت عالي: اه يا حيوانه يا بنت الكلاب
مريم شدتها ورمتها علارض وفضلت تدوس عليها
منال بصريخ: اه ابعدي عني الحقوووني
وقامت تجري لقت تورته اخدتها وجريت علي مريم تلبسهالها في وشها كانت ايد نيره اسرع ولبستهالها في وشها ومنال صرخت علي شكلها الي باظ
نيره بكره لانها سبب عذابها ومعاناتها : افتكري العلقه دي يا منال لان الصحاب مستحيل يأذوا بعض وانتي دلوقت عدوتي ومش هسمح لعدوتي تأذيني تاني واسيبها
منال والشرار طالع من عيونها : يا حيوانه
مريم شدتها وضربتها علقه محترمه من الاخر كان يوم ملوش ملامح علي منال
المخرج دخل بيزعق: بس وقفوا ايه الي بتعملوا هنا ده انتم عارفين تكلفه الضرر
مساعد منال: اه حتي فستان الفنانه الغالي باظ خالص ومبقاش نافع
مريم بغرور: اكتب شيك حالا حتي لو اتكلف الامر لملايين انا مستعده
باسم الي واقف وساند كتفه علي الباب ولمعت فكره في دماغه
مريم لفت لمنال وبكرهه وحقد وغضب: وانتي ده مجرد درس بس لو استمريتي تأذي نيره هيكون الدرس منهج اسود علي دماغك يله بينا يانيرو
........منه محمد.......#سيفان_في_الوحل
منال راحت تغير هدومها طلعت لقته واقف وساند ايده يمنعها من الخروج
منال: خير واقف هنا ليه انا ماليش خلق اتكلم
باسم :انتي وصحابك عملتوا مشهد اكشن روعه كله انتقام وقرف شوفت العرض كله اه عشان كدا بتأذي نيره بالفيديو وساعدتيني في خطتي الي فشلت فشل زريع
منال بهمس :وطي صوتك انت عايز الكل يعرف ليه تتكلم عن الموضوع هنا روح حل مشاكلك قبل ما تدخل في مشاكل غيرك وملكش دعوه خالص في الي بعمله لانه ميخصكش
باسم اتغاظ منها و بعصبيه نفسه يخنقها
منال ضربته في دقنه بحتقار:روح يا شاطر دور عن فلوس تسدد بيهم ديونك قبل ما تبقي جثه مرميه في الشارع وسابت له المكان كله ومشت وباسم قرر يعرف كل حاجه عن مريم وعايلتها والاهم ليه بتكرهه منال
.......منه محمد......
بعد ما احتفلوا بالمناقصه نيره رجعت تكمل شغلها بهدوء لقت الباب خبط ودخل في ايده علب
نيره بستغراب: الله انت رجعت تاني
جمال ببتسامه :ممكن اقعد معاكي لحد ما تخلصي وارجعك البيت اصل الوقت اتاخر وده خطر عليكي
نيره افتكرت توصيه وليد وكشرت: انت بتعمل كدا عشان وليد طلبه منك
جمال كلمها بهدوء: بعمل ده لان قلبي هو الي عايز يعمله
نيره ماردتش ولا كأن حد بيكلمها
جمال كمل:عايز اكون معاكي برغم اني عارف انك مش مستعده
نيره :استاذ جمال
جمال قطعها بحيره: مش عارف ايه الي حصل بينك وبين وليد ولا حتي عايز اعرف بس الشئ الوحيد الي عايزه هو اني اهتم بيكي زي ما انا عايز ممكن اعمل ده
نيره حست بصدق شعوره ردت بهدوء: ارد اقولك ايه شكرا وشكرا علي كل حاجه
جمال وهو بيحاول يكتم قهره لان مش ده الرد الي انتظره منها: اتفضلي جبت كمان قهوه من كافيه مريم عشان نحتفل سوي علي امضاء العقود
نيره ببتسامه خلابه: حاضر ثانيه واحده بس اشوف تجهيزات المنتجع
جمال قام لم كل الملفات من قدامها: انسه نيره انتي ذكيه وموهوبه وانا واثق ان شركتك هتعمل شغل عالي وقرب علبه صغيره وفتحها
نيره مدت ايدها: ممكن اساعدك
جمال مد ايده ونولها حته جاتوه جات تاخدها حاول يرجعها لطبيعتها زي ما سمع عن مرحها فرفض وعكسها بيها شويه وفي الاخر انتصرت واخدتها وهو كل شوي يبصلها بعد شويه من احتفالهم اخدها يوصلها وهما في الجراش جمال لمح وليد واقف في ركن مظلم
نيره :فيه ايه
جمال اتنهد واتكلم بهدوء :ها لاء ولا حاجه يله نمشي
نيره ركبت العربيه ووليد ظهر ودقنه طويله شويه لان من يوم ما فارقها دخل في عالم الاحزان لانوم ولا راحه غمض عيونه بألم وبدون سابق إنذاررغرغت بالدموع وشد على قبضه ايده بغضب وحس بتناقض غريب وصراع جواه قرر يبعدها عنه لكن عايز قربها منه لكن ليه لما شافها جنب جمال حس بنغزه بصدره وايقن انه اخد ابشع قرار عن نهايه لقصص الحب الي قراهم او حتي سمع عنهم بس رجع ابتسم بدموع ومبسوط لانه شافها و لانه عايزها تقف وتستعفي وهو مطمن طول ما هي مع جمال
.......منه محمد........
طول الطريق كان الصمت سيد المكان لحد ما وصلوا اخدت نفس ونزلت بهدوء ودخلت ودخل وراها واهلها وقفوا يستقبلوه
ثريا لجمال: شكرا علي توصيل نيره لحد البيت
جمال ببتسامه: الشكرا لله
فهمي بجمود :اتفضل ااعد
جمال قعد ونيره قعدت قصاده بس بعيد
فهمي :نيره انا طلبت من خالد يهتم بأمر الشرطه خدي بالك مش عايز اخبار كتير
نيره: فاهمه يا بابا
فهمي :وخدي بالك في الوقت الحالي لاننا لسه مش عارفين مين الي وري ده
جمال: مفيش داعي للقلق انا ههتم بنيره
فهمي وشه اتغير وثريا كذالك
جمال فهم طريقه تفكيرهم ونزل راسه باحراج وقال: لو كنت سبق واتجوزت وعندي بنت بس انا عايز الافضل لنيره ولو مفيش مانع انا طالب منكم ايد الانسه نيره
فهمي كان هيطرده اشر طرده بس خبط ايده في بعض وبلع لسانه وسكت ونيره كأنها جماد في متحف الشمع
ثريا الي ردت بخوف من فهمي وحماقته في الرد: الموضوع مش اننا نرفضك عشان كنت متجوز كل واحد له ظروفه وحياه سابقه لكن محتاجين ناخد وقت ونفكر في المستقبل وفي النهايه انسب شخص هياخد القرار هو نيره لانها صاحبه الشأن
نيره ابتسمت لثريا وحمدت ربها انها انقذتها من الموقف كله وجمال حس احباط شديد
ثريا :مش كدا يافهمي كلامي
فهمي اتكلم من غير نفس: كدا ياثريا كدا الراي لنيره
نيره عاوزه يقوم وتخلص من الموقف بسرعه:استاذ جمال اظن الوقت اتاخر جدا ولازم ترجع عشان هاله اتفضل هوصلك
جمال قام بحرج: تمام عن اذنكم
ثريا :فهمي خالي نيره تاخد القرار بنفسها مش عايزك تجبرها تاني بجد قلبي بيتقطع عشانها
فهمي: انا اتكلمت يا ثريا ولا فتحت بؤي
........منه محمد.....
كانت ماشيه معاه وحاسس انها بتعامله برسمية وهو بيعاملها بعشق لف وابتسملها وهي ردت له الابتسامة وبصتلو وحاسه انه هيفتح معاها الموضوع تاني
جمال بعتذار: انا اسف لاني فجائتك بطلبي بس قصدي شريف
نيره: عارفه
جمال مسك ايدها: انا هسيبك براحتك تاخدي القرار وهفضل جنبك بالطريقه الي انت عايزها وتحبيها لاني عايز اشوفك سعيده
نيره سحبت ايدها منه: ترجع لبنتك بالسلامه
جمال ظهر على ملامحه الزعل : تصبحي علي خير
نيره هزت راسها ومشت ودخلت بيتها بهدوء وهو قعد شويه واتمني تواقف ويلاقي السعاده معاها
.........منه محمد.....
دخل قعد قدامها علي المعاد المتفق بينهم قدمت له واجب الضيافه وأأعدت قصاده
باسم: عندي ليك حاجه هتشكريني عليها زي ما قولتلك في الموبيل
مريم بجديه: قول الي هتقوله بلاش تضيع وقتي
باسم: ممكن اسألك سؤال واحد ليه هاجمتي علي منال النهارده الظهر في موقع التصوير
مريم بحمقه: لانها تستاهل العلقه دي وده قليل علي الي عملته
باسم: ايه هي مشكلتك مع منال
مريم قامت وقفت :اظن جاوبت علي سؤال ولو معنكدش حاجه اتفضل لان كدا انت بضيع وقتي
باسم شاورلها تقعد وقال:اصبري واقعدي
مريم قعدت علي مضض: افندم
باسم :علي الاقل اسألك واتأكد هتقدري ثمن الي معايا ولا لاء
مريم بزهق: اختصر ووضح وانا هقدر لو الي معاك هيساعدني افضح منال
باسم ببتسامه خبيثه:اتفقنا 2 مليون لان الي معايا مش يفضحها بس لاء ده يوديها وري الشمس ويطفيها خالص
مريم :اطمن دول بالنسبه لي شويه فكه بس الاول اعرف الي معاك يستاهل الـ 2 مليون
باسم بدون كلام فتح الموبيل وحطه قدام عيونها وحدد نظره على عيونها حسهم لمعوا كأنها حصلت علي كنز علي بابا وفتحت عيونها والفرحه هتفط من عنيها باسم خطف منها الموبيل:الفلوس الاول
مريم جابت دفتر الشيكات وكتبتله الرقم واخدت منه الفيديو وحطته علي التاب وابتسمت بنتصار اخيرا جابتها تلفونها رن لقته هشام كنسلت عليه: اسفه يا هشام لازم انتقم لصديقه عمري واختي
نكمل بكره ولسه ضربات متتاليه هواجهه لمنال وبارت دامي وعنيف وننتقم من الاشرار ونشوف هنعمل ايه مع وليد انا حاسه ان الروايا سيئه
ليه التفاعل والايك ضعيف انا فاشله صح
يتبع
تكملة الروايه من هنا هنا
تعليقات
إرسال تعليق