 |
#صعب_الاختيار
#بارت5
ذهب تجاههم الشرطي ووضع الكلبشات في يديهم تحت اعتراض خالد وفوقية ونجلاء
وركبوا معهم وذهبوا، وذهب ياسر أيضًا خلفهم بسيارته
وصلوا القسم ونزلوا منهم ودخلوا مكتب الضابط بدر
«باك»
نجلاء بدموع: وهو ده كل اللي حصل حضرتك وبردوا مصمم إننا اللي خطـ ـفنا بنته
هى ممكن كانت مخـ ـطوفة من قبل ما أنا ألاقيها، لأن مش هيكونوا سايبنها كده يعني
وكمان اسألوا صحبتي كانت معايا يوم ما لقيتها مر*مية بين الكراتين بتعيط
وكمان يوم ما لقيتها نزلت صورها عالجروبات عندي، وكمان شوف اهو يا حضرة الظابط
أنا مبكذ*بش والله ونظرت ل ياسر وقالت: ممكن تشوفوا الكاميرات اللي في الشارع هناك بعد الجامعة بشارعين
الضابط: خلاص اهدي يا آنسة وهبعت عسكري يجيب نسخة باللي حصل يوم ما لاقيتيها
ولازم ناخد أقوال أهلك وصحبتك بردوا ودخلوا وقالوا اللي حصل
وياسر بينظر ليها بقر*ف وضيق ولكن قاطع نظراته عياط بنته اللي كان سايبها برا مع أحد الأشخاص
لأنها كانت بردوا بتعيط فخرج ياخدها منه ودخل مرة أخرى
والبنت مازالت بتعيط بردوا فذهبت نجلاء تجاهها وكانت بتأخذها من ياسر ولكن بعد يداها وقال: بلاش شغل البراءة ده وأنا هعرف اسكتها
نجلاء بإصرار: أنا اللي هسكتها وهتسكت معايا لأنها اتعودت عليا وفعلا سحبتها منه
كان لسه ياسر هيعترض ولكن وقفه الضابط: حضرتك هى هتعرف تسكتها لأنها فضلت معها كذا يوم
وبلاش خنا*ق عشان ميسببش ليك مشكلة
نظر لها ياسر بقر*ف وربع يداه أمام صدره وعينه على بنته اللي بدأت تسكن وتهدأ بين أحضانها
ياسر في نفسه: دي اتعلقت بواحدة غريبة عنها، بس عايز أعرف مين اللى خدها اليوم ده وراماها كده
طالما مطلعتش هى اللي خطـ ـفاها بس مش هرحمهم
لكن أكيد هيظهر الشخص في الكاميرا اللي ر*مى بنتي بين الكراتين
وكان الضابط مسلط نظره على نجلاء وهى بتطبطب على الطفلة وبتلعبها عشان تسكت وفعلا بدأت تهدأ ما بين أحضانها ونجلاء مبتسمة ليها
ولكن العسكري خبط ودخل وفي يده نسخة وأعطاها للضابط وأدى التحية وخرج
دخلها الضابط في اللاب وشاف كل الأحداث اللي حصلت في ذاك اليوم من الأول وبدأ يقرب لغاية ما جه ونجلاء بدور على صوت العياط
شاف كل حاجة بالتفصيل ولكن رجع شوية ورا عشان يشوف مين اللي وضعها ما بين الكراتين
وكان ياسر أيضًا يرى ما يحدث ووجدوا شخص خافي وشه وكان يلتفت حوله ووضعها وجري بسرعة
ياسر: وقف هنا وكبر الصورة شوية خليني أشوف ده خطوات ست ولا راجل لأنه لابس عباية سودا ونقاب
الضابط: حضرتك يا أستاذ ياسر شاكك في أي شخص
ياسر بتفكير: لأ أنا مأذتش حد خالص ولا ليا عداوة مع أي شخص هيكون مين ده
الضابط: احنا هنعرف مين ده أو دي إن شاء الله
لكن لو حد كلمك ولا فيه تهديد ياريت تبلغنا لأن ده هيساعدنا نلاقيه
ياسر بتوهان: ماشي ماشي
نظر الضابط إلى نجلاء وكانت نومت الطفلة وقال: خلاص كده يا آنسة نجلاء تقدري تروحي أنتِ وأهلك
نجلاء: شكرًا لحضرتك وذهبت تجاه ياسر و أعطته بنته وقالت: ياريت تبقى تفكر الأول قبل ما تبهد*لنا في القسم كده متبقاش متسرع كده عشان متتدخلش في مشاكل وأهي بنتك رجعت ليك ولمامتها أهو
هو فقط كان ينظر في عينيها وهز رأسه دون كلام
وخرجت نجلاء، وجريت سونيا عليها بدموع وحضنتها: كنت خايفة أوي عليكِ يا حبيبتي، قولتلك نسيبها عند الشرطة ومتدخليش نفسك في مشاكل، مبتسمعيش كلامي خالص
نجلاء بتعب: خلاص يا سونيا أهو اللي حصل بقى، ومش قادرة أتكلم عايزة أروح أنام
فوقية: يلا يا حبيبتي عشان نروح
ومشي جنبهم خالد اللي شكله حزين، ومضايق من تصرفات بنته
نجلاء: بابا أنا آسفة إني خليتك تتبهدل هنا بسبب تصرفاتي
خالد: اللي حصل حصل يا نجلاء، قدر الله وما شاء فعل
وذهبوا إلى البيت غسلوا وصلوا، ومكنش ليهم نفس للأكل
دخلت نجلاء غرفتها وهى حزينة، ولكن استغفرت ربها وفتحت مصحفها وبدأت تقرأ كلام ربنا؛ لكي يخفف من ضيقها وحزنها؛ فهو المداوي لنا وبيريح قلبنا ونفسنا
ولكن سمعت خبط عالباب وصدقت وذهبت لكي تفتح الباب
ياترى مين اللي جاي ليهم؟
وهل ياسر وبدر ونجلاء هيتقابلوا مرة آخرى ولا لأ؟
رأيكم في الكومنتس يا حلوين؟❤
#صعب_الاختيار
#بارت5
#إسراء_إبراهيم
#صعب_الاختيار
#بارت_6
ذهبت نجلاء لتفتح الباب ولكن ارتكبت أو بالمعنى الأصح خافت لما شافته وقالت:
احم حضرتك حصل حاجة تاني ولا ايه؟!
الضابط بإبتسامة: لأ خالص يا آنسة نجلاء مفيش حاجة حصلت وربنا ما يجيب مشاكل تاني.
نجلاء بعدما شعرت بالإرتياح فقالت: طب ممكن أعرف حضرتك جاي ليه في الوقت ده؟
الضابط وهو بيمد إيده بموبايلها، وقال: عشان ده...حضرتك نسيتيه عندي عالمكتب؛فقولت أعديه عليكِ.
نجلاء بغباء: طب عرفت عنوان بيتي إزاي؟ ولا أنت باعت حد يراقبنا؟!
الضابط بإبتسامة بسيطة قال: لأ طبعا مش مراقبك ولا حاجة؛ لكن حضرتك نسيتي إننا واخدين بياناتك وأنتِ في القسم....يعني مسجلين كل المعلومات عنكم.
وجلاء بإحراج: اها آسفة نسيت، وشكرًا إنك تعبت نفسك، وجبتلي الموبايل.
الضابط: أتعب لأجلك عشان أشوف ابتسامتك!
نجلاء: ايه
الضابط: قصدي احنا في خدمة الشعب، وكل مرادنا إننا نشوف ابتسامتكم، وتكونوا مرتاحين ومبسوطين.
نجلاء: ربنا يكتر من أمثالك يا باشا....ربنا يديك الصحة يا حضرة الظابط....ربنا يشفيك من كل مرض ولسه هتكمل
الضابط: إيه يا بنتي شغل الشحاتة دي!
نجلاء: لا يا باشا دا أنا بدعيلك مش أكتر يعني.
الضابط: ربنا يديم دعواتك ليا وأسمعهم دايما الصبح وأنا رايح الشغل من بوقك العسل ده
نجلاء: نعم!
الضابط: قصدي وأنتِ الصبح تدعيلي دعوة يعني أفتح بيها يومي...يعني مش تنسي تدعيلي.
نجلاء: لا لا متخفش هدعيلك إن شاء الله.
وطلع خالد وجد نجلاء واقفة عالباب بتكلم في شخص
فذهب بإتجاهها وقال: بتكلمي مين يا بنتي؟ ووجد الضابط
فقال: حضرتك في حاجة؟!
بدر: لأ يا أستاذ خالد؛ لكن كنت جايب موبايل الآنسة عشان نسيته في المكتب.
خالد: شكرًا لحضرتك فيك الخير تعبناك معنا.
بدر: ولا تعب ولا حاجة يا أستاذ خالد، استأذن أنا بقى.
ومشي بدر وقفلت نجلاء الباب
نجلاء: ظابط محترم، وشهم صح يا بابا.
ولكن وجدته ينظر لها بقرف: شهم أوي ياختي...ربنا يستر.
ودخل يرتاح شوية
إنما هى قالت بتعجب: في إيه؟! وبيكلمني بقرف كده ليه؟!
أدخل أنام أحسن لأني تعبت جدًا؛ لكن مفتقدة البيبي أوي...مش عارفة هنام إزاي بعد لما اتعودت إنها تنام في حضني.
في اليوم التالي في بيت ياسر
كان بيحاول يهدي بنته اللي مش راضية تسكت وبتعيط
دخلت والدته صباح وقالت: خد يابني الرضعة أهي.
ياسر بتعب لأنه منمش طول الليل بسبب عياطها: هاتي يا أمي يارب تسكت شوية.
صباح: معلش يابني عشان بس لسه متعودتش عليك
وكمان مستغربة المكان....يلا منه لله اللي خطـ ـفها وبعدها عننا
وضع ياسر الببرونة في بوق بنته رفيف وبدأت تسكت ولكن مكملتش رضاعة وبدأت تعيط تاني
صباح: مالك بس يا حبيبتي.....هاتها كده يا ياسر لتكون تعبانة ولا حاجة.
ياسر: هى فعلا كانت تعبانة من امبارح وأنا هنزل أجيب الدوا، خليها معك، ومش هتأخر.
ونزل ياسر يجيب الدوا ولكن وجد مراته قاعدة في الصيدلية أو بمعنى أصح طليقته.
ياترى هيحصل إيه، واطلقوا ليه؟! هنشوف دا في الأحداث القادمة، ولو جاب تفاعل حلو هنزل بارت كمان النهاردة
#صعب_الاختيار
#بارت6
#إسراء_إبراهيم
تعليقات
إرسال تعليق