 |
💥البارت الخامس 💥 بقلم سلطان زماني
امي لمت حاجاتها ومشيت وابويا راح كمل جلسات مع
الشيخ والحمد لله حالته بقت احسن
بس مش مصدق وحزين ع حاجته الي باعها والفلوس الي
ضيعها وهو مش حاسس وكل ما تيجي سيرة امي يتحسبن
عليها ويدعي
امي كمان بقا احمد اخويا يرحلها تشحنه من ابويا وتسخنه
عليه وتقوله اقف قصاده ومتسكتلوش ورد عليه الكلمة بكلمة
ومش بس كده بقت تيجي تتعمد تلبس عباية ضيقة وتمشي
تتمايص وتسلم ع الجيران والناس الي في الشارع وتقعد
تتكلم معاهم وتعرف اخر الاخبار منهم
والراجل الي اشتري البيت جيه ل ابويا وقاله ابعد مراتك
عني أنا راجل متجوز ومليش في الكلام ده
ابويا قاله أنا طلقتها حل مشاكلك معها بعيد عني
عرض عليه الراجل ده أنه يشتري باقي البيت وابويا قاله
هيفكر ويرد عليه
من كتر استفزاز امي والكلام الي بتطلعه عليه هو ومراته ابو
وافق وباع وكان باقي فلوس كمان عند الراجل ده وقال إنه
هيقسطهم وفعلا نقل وسبلها الدنيا بالي فيها
رحنا قعدنا في بلد تانيه جنب أهل مرات ابويا
واحمد اخويا مرضيش يجي وكانت مرات ابويا بتساعد
وفتحت محل صغير دكان بقالة كان يدوب بيجيب المصاريف
والعلاج بتاع ابويا ..وكانت أمي تخلي احمد يتصل ب ابويا
علشان يجي ويعرف الاخبار ويبلغها
وأحمد قاله أنها هتتجوز قاله هتتجوز مين قاله الاسطي
سامي الي كان سواق ع التاكس
ابويا اتغاظ وفضل يتحسبن ويشتم عليها وع طول قاعد
حزين وبيفكر وابتدا يصلي ويلتزم ويقراء قران وكل ده
بمساعدة مرات ابويا وكنت بشوفه في السجود يطول ولما
يقوم اشوف دموعه مغرقة وشه ولما يسلم ويحس بيا يمسح
دموعه ويبين اني مفيش حاجه ..قلبي اتقهر عليه والله لو
كان قالي اقتلي امك كنت قتلتلها كنت ممكن اعمل اي حاجه
من غير تفكير بس يرجع يضحك ويبتسم زاي زمان
اقل من سنة وابويا اتوفي ومكنش في حد واقف في الدفنه
ولا العزاء غير أهل مرات ابويا وعمتي بس وامي جت العزاء
بليل علشان يبقا اسمها عملت الواجب وتبان أنها اصيلة وست
جدعة وعمي بعت مراته وسمعها بتقول في وسط الحريم الي
قاعدة اني اخوه حالف لا يمشي في دفنته ولا يدخله بيت
وامي جت قالتلي يلا يابت لمي حاجتك وتعالى معايا وانا
بصتلها شوية ب استغراب وبعد كده قولتلها لا وبصيت لمرات
ابويا جامد الي هو أنا عايزة اعيش معاكي
متسبنيش ..زعقتلي وقالتلي ما تنجري يابت ..خوفت وقلبي
اتقبض والشتات الموجوده قعدو يقنعوها أنه مش وقته
ومرات ابويا قالتلها متخفيش عليها دي زاي بنتي بصتلي بغل
وقالتلي ماشي يادينا أنا همشي بس هرجعلك تاني
مشيت وانا استحييت في حضن مرات خالي وفضلت
تطبطب عليا وتقولي متخافيش وانا جسمي كله بيتنفض
يتبع 😘
تكملة الروايه من هنا
تعليقات
إرسال تعليق