 |
💥البارت السابع 💥
شفت في عنيها أنها بتنتقم مني بالجوازة دي وبتعلمني الادب
واتاكدت من ده لما اتجوزت فعلا
وبقيت زوجة ل اقزر اوسخ وأقبح راجل ممكن تتخيلوه
حد بشع بمعني الكلمة يوم فرحي أنا مش عارفه ولا قادرة
ابتسم حتي كل الناس اخدت بالها وكانو بيتريقو
علي تكشيرتي وبيتحايلو عليا اني اضحك علشان الصور
وانا بجد مش عارفه حتي امثل اني فرحانه
و لا كتبولي قائمة ولا حتي دخلت علي عفش جديد
ولا اكني أرملة أو مطلقة مش بنت بنوت
دخلت علي عفش مراته القديمة الي كان بيقول أنه مطلقها
وهي غضبانه والموضوع واقف علي الطلاق
ومش راضي يطلقها غير لما تتنازال عن كل حاجه حتي
العيال وكان في بينهم مشاكل وخناقات لرب السماء
امي لا جاتني في صباحية ولا شفتها غير بعد الجواز بكام
يوم وخلاص
الوحيدة الي كانت ديما تيجي وتسأل وتطمن عليا وتكلمني
في التليفون مرات ابويا
رغم اني كان أهل جوزي مش بيرحبو بيها وبيبصولها بصات
وحشه كانت تعمل نفسها مش وخده بالها وبتيجي وتسأل
وكانت تديني فلوس وتجيب زيارة معها فاكهه وسكر وزيت
وحاجات زاي كده وكنت لما اشتكلها تبعد تصبرني بكلمتين
وتطبطب عليا وتقولي معلشي اصبري واجرك عند ربنا وكنت
بشوف أنها زعلانه عليا من قلبها وحبها ليا وخوفها عليا باين
اوي في عنيها ....المهم
بعد كام شهر عرفت اني مراته القديمة عايزة ترجع
قولت في سري ياريت ويطلقني بقا وارجع ل امي ولا
يسبوني اروح ل مرات ابويا
ولقيت الباشا جوزي نزل قعدني في شقة اوضه وصالة
ميكملوش 40 متر بالحمام والمطبخ
وفرشلي مرتبة ع الأرض وقالي قريب هيجيب سرير
ونزل كام كنبه من عند أمه قدام وبتجاز مسطح وتلاجة
معفنه مصدية وقالي انتي هتعيشي هنا
رفضت وقولت لا واتصلت ب امي وعرفتها وقولتلها تعالي
قولت اكيد هتقف جنبي وهتيجي تخرب الدنيا هي وخلاااتي
زاي ما كانو بيعملو مع ابويا كده بعد ما قفلت مع امي الباشا
اخد مني التليفون وقالي ك......ع ك...... امك أنا هعرفك ازاي
يابنت الكلب لما اقولك ع كلمة متنهاش انتو صنف ابن وسخة
نمرود وقلع الحزام بتاعه ونزل ضرب فيا وانا اصوت
واستنجد بحمايا وحماتي الي فوق مني وهما سمعني
ومحدش سال فيا غير لما استويت ضرب نزل قال يعني لسه
سامع حالا وأنه مكنش واخد باله وقاله عيب كده ياكريم
جريت عليه وقولتله أنا عايزة امي واديني التليفون
بص ل أبوه وقاله شايف الوسخه لسه محرمتش طب وحياة
امك لتعيشي هنا ورجلك فوق رقبتك نزلت حماتي وشايفه
أنها فرحانه ب ابنها أنه دكر وبيربيني وبيعاملني الادب
وقالتلي مينفعش تعصي كلمة جوزك ولا تشتكي منه هو
معيشك في الشارع ده انا اتجوزت عمك ده في اوضه
ايه عايزة يرمي مراته وام عياله في الشارع علشان خاطرك
ولا يجو هما الي يعيشو هنا وانتي تطلعي فوق ما تعيشي يا
اختي وانتي ساكته شوية امي جت هي واخويا ولا اكنها
ضيفه عملائنا يرحبو بيها وهي بتضحكلهم وبيقولو لبعض هما
لحقو يعملو مشاكل وأننا جيل مهبب عرفت امي الي حصل
وقولتله اني شتمني قالي ك ... وك..... امك وقالي يابنت
الوسخة ويابنت الكلب ولا اكني بكلمها وتوهت عن الموضوع
وقالتلهم كل الرجالة بتضرب وبتشتم عادي واني لو في جهنم
دينا هتعيش معه الست تعيش مطرح ما جوزها عايز مش
زاي ما هي عايزة اعترضت وقولت لا مش هعيش وانا عايزة
أطلق بصتلي وقالتلي بس يابت بطلي دلع وكلام فارغ
وحماتي قالتها سبيلي انتي الموضوع ده انا هتصرف وفضلو
يضحكو مع بعض وهي تهزر مع عم منصور حمايا واحمد
اخويا عجبته الولاعة بتاعة جوزي وجوزي إدهاله هدية
واخدو بعضهم ومشيو وسبوني🥺
يتبع .تشجيع ياجماعة 👏👏👏👏👏
تكملة الروايه من هنا
تعليقات
إرسال تعليق