 |
هو بسخريه: خشي يا عروسه اي مكسوفه ولا اي
دخلت بحزن و الدموع في عيني انا عارفه اني داخله على ايام سو'ده بس انا راضيه باللي ربنا كاتبهولي
هو بجديه: بصي بقا يا بت انتي انا مش هقولك انتي في اوضه و انا في اوضه لان خلاص انا اتدبست فيكي فـ لازم اخد على الوضع ده و اعيش الواقع احنا هننام في نفس الاوضه.. مع اني اخاف اقوم من النوم و انتي جمبي بمنظرك ده.. ده انا ممكن اقطع الخلف بسبب القر'ف اللي في وشك.. اولاً انا مش هقربلك.. ثانياً انا مش عايزك تدخلي في حياتي ولا في اي حاجه تخصني فاهمه
هي بحزن: فاهمه
انا اميره.. عارفين ده مين.. ده زين ابن عمي اكتر شخص حبيته في حياتي اول ما فتحت عيني على الدنيا شوفته هو اتربيت على ايده كان هو صديق طفولتي كان معايا خطوه بخطوه لحد اما كبرت فضل جمبي و معايا و بيدعمني عشان احقق حلمي و اتخرج من كلية اعلام و فعلاً اتخرجت و كنت طايره من الفرحه وجوده قادر يغير مودي 180 درجه كل ايامي كانت حلوه وهو معايا لحد اما جيه يوم شقلب حياتي
فـلااااش بـااااگ
اميره بمرح: اوعي الروايح القمر ياست الكل اي الجمال ده
هاله " ام اميره "
هاله: يا بكاشه ده انا بحمر البطاطس لسه
اميره: احم اي الاحراج ده بس لولو
زين وهو بياكل الخيار: احسن عشان تبطلي تطبلي
اميره: يعني لو مطبلتش لامي هطبل لمين
زين: طبليلي بدل ما انتي عماله تفتني عليا في كل حاجه
اميره: يابني ما انا بفتن عليك عشان بتعمل مصا'يب و مبعرفش الم وراك فـ بجيب اي حد غيري يلم وراك و خلاص بخدمك يعني
زين بسخريه: لا و انتي خدومه اوي يابت
اميره بضحك: سيد عيب متقولش كده احنا اهل
هاله: ممكن تطلعوا ترغوا برا لاني صدعت و كمان الزيت هيقع عليا
اميره راحت وقفت جمب امها و قالت
اميره: و هو انتي لازم تحركي الطاسه ما تقلبي بالمعلقه و خلاص
هاله: انا مبعرفش اقلب بالمعلقه و لسه بترفع الطاسه من على النار الزيت طار منها و وقع على وش اميره
اميره بصراخ: ااااااااه وشييييي
هاله و زين بصدمه: اميييرهه
فـلااااش بـااااگ
من يومها و زين اتقلب عليا و بعد عني كنا يومياً بننزل الصبح نتمشى سوا و كان بيقضي يومه كله عندنا مع انه قاعد في الشقه اللي في وشنا بس عشان ميسبناش لوحدنا.. من ساعة ما ابويا و ابوه و امه ما'تو و احنا ملناش حد غير زين و هو مالوش حد غيري انا و ماما عشان كده ماما قررت تجوزني ليه بعد ما تعبت و جالها القلب
فـلااااش بـااااگ
هاله بتعب: عايزه اتكلم معاك شويه يا زين يا ابني
زين: اتفضلي يا مرات عمي
هاله: طبعا يا ابني انت عارف ان احنا ملناش غيرك
زين: عارف طبعاً وانا بردو ماليش غيركوا.. بس هو في اي
هاله: اميره من بعد الحا'دثه و هي محدش بيتقدملها و كبرت يا ابني و بقا عندها 24 سنه الناس بقت تعا'يرها انها متجوزتش لحد دلوقتي و انا بصراحه نفسي افرح بيها و بيك
زين بعدم فهم: بمعنى
هاله: عايزاك تتجوزها يا زين يا ابني و ترحمها و ترحمني من كلام الناس
زين بصدمه: ايه لا طبعا.. و بعدين انا مرتبط اصلا و كنت هروح اتقدم للبنت اللي بحبها بعد فتره
هاله بتعب: يا ابني اسمعني ارجوك.. انا تعبت و خلاص وقتي بيخلص و ممكن امو'ت في اي وقت و الاعمار بـ يد الله مش هنعترض.. تتجوزها فتره حتى و لو عايز تتجوز البنت اللي بتحبها عليا فـ اميره مش هتمانع هي تتمنالك السعاده يا ابني ارجوك اتجوزها فتره بس خلينا نخلص من كلام الناس و انا ارتاح و اطمن عليها قبل ما امو'ت
زين بحزن: بعد الشر عليكي متقوليش كده.. طب انا موافق بس هي سنه واحده و هنطلق بعدها
هاله بسعاده: موافقه يا ابني
زين: و هي اميره عارفه
هاله: انا عرفتها يا ابني هي مكانتش موافقه بس بعدين وافقت و قالتلي انها مش هتعمل فرح
زين بجمود: جدعه.. تمام يا مرات عمي اتفقنا هنكتب الكتاب الخميس الجاي
هاله: تمام
فـلااااش بـااااگ
زين: اي سرحتي فـ اي
اميره و هي بتمسح دموعها: هااا لا ولا حاجه
زين: طيب انا هدخل انام عشان تعبان و انتي ابقي غيري و تعالي نامي في الاوضه
اميره: تمام
خدت هدوم و دخلت الحمام اخد شاور.. و يعتبر كنت داخله الحمام عخاعيط مش اخد شاور قعدت على البانيو و انا بفتكر لحظاتنا و احنا صغيرين و اضحك بسخريه
اميره لما كان عندها 6 سنين و زين عنده 11
اميره: انا بحبك خالث يا زين عشان انت بتلعب معايا و بتجبلي شيكولاته كتير
زين: و انا كمان بحبك اوي و لما نكبر هتجوزك
اميره بفرحه طفوليه: بجد يا زين و هلبث فستان و ابقى عروثه " هلبس، عروسه "
زين: هتبقي احلى عروسه
اميره: هييييييهه هبقا عروسه
فوقت من ذكريات و انا بمسح دموعي و بضحك بسخريه و بقولك: يارتني ما بقيت عروسه يا زين
ده انا حتى صحابي بعدوا عني قالولي شكلك وحش و مش هينفع نمشي معاكي الناس هيتريقوا علينا.. لما الزيت جيه على وشي حر'ق خدي اليمين كله و بقا كله يقولي يا مشو'هه انا بقالي سنه بعاني و حاسه بوحده رهيبه كان نفسي زين يفضل جمبي و يدعمني بس حصل العكس و بقا زيه زي الغريب الاتنين بيجرحوني
قومت خدت شاور و لبست هدومي و خرجت.. دخلت الاوضه لقيته غير هدومه و نام خدت لحاف اتغطيت بيه و نمت جمبه بهدوء عشان ميصحاش لاني عارفه ان نومه خفيف
" الصبح "
زين: عااااااا اعوذ بالله
قومت مخضوضه بصيت عليه لقيته باصص على خدي و مبرق عرفت انه قام مضايق من شكل خدي
اميره بحزن و دموع: انا اسفه انا كنت هنام في اوضه تانيه بس انت اللي قولتلي انام هنا
زين بغضب: انا غلطان و استاهل ضر'ب الجز'م من النهارده تنامي في اوضة الاطفال انا مش عايز اقوم كل يوم خضوض كده..ده اي القر'ف ده
قومت و انا بحاول الم الباقي من كرامتي.. فتحت الدولاب و خدت بيچامه لبستها و خدت كل هدومي و كل حاجه ليا و دخلت اوضة الاطفال رصيت الحاجه و طلعت لقيته خد شاور و غير هدومه و قاعد في الصاله بيلعب في الفون
اميره: احضرلك الفطار
بصلي بقر'ف و قال
زين: شكراً مش عايز منك حاجه هقوم اعمل لنفسي
اميره بحزن: تمام
كنت هدخل لقيت الجرس بيرن.. روحت بصيت من العين السحر'يه لقيتها ماما
زين: مين بيخبط
اميره: دي ماما.. ارجوك يا زين متحسسهاش بحاجه هي تعبانه و مش هتستحمل اي زعل
زين بضيق: طيب
فتحت لماما.. اول ما فتحتلها اترميت في حضنها و عيطت.. لا و انا اللي بقول لزين ميحسسهاش بحاجه ده انا مني لله🙂
هاله بخضه: مالك يا حبيبتي بتعيطي ليه
مسحت دموعي و ابتسمت و قولتلها
اميره: مفيش يا ماما وحشتيني بس
هاله: انتي اكتر يا قلب امك.. ازيك يا زين
زين: الحمدلله.. هتفضلي واقفه على الباب اتفضلي خشي يا امي
ماما دخلت و انا عملتلها عصير و قعدنا نتكلم شويه.. عدا نص ساعه و لقيتها قامت تمشي
اميره: خليكي شويه نفطر سوا
هاله: لا يا حبيبتي انا لازم امشي بقا انا قولت اطمن عليكي بس
اميره: ماشي يا قلبي.. ودعتها و انا مش هاين على قلبي اسيبها.. و بعدين خدت فوني و دخلت اقعد في اوضتي.. بعد ساعه تقريباً لقيت زين داخل عليا و بيقولي
زين: انا اتفقتلك مع دكتور كويس هيعالج خدك ده الناس بتشكر فيه و بيقولوا انه شاطر
بصراحه فرحت ان زين اهتم بالموضوع حسيته رجع يهتم بيا تاني و بمشكلي.. بس احساسي طلع غلط
من فرحتي قومت عشان احضنه لقيته بعدني بأيده و قال
زين: من غير احضان.. انا عملت كده بس عشان بصراحه مش هستحمل اعيش معاكي سنه وانا شايفك بالمنظر ده
سمعتوا قلبي اللي اتكسر 100 حته.. طب حسيته بوجعي و حزني.. طب تعرفوا اني نفسي امو'ت عشان ارتاح من كل ده
ابتسمت بحزن وانا الوجع مالي قلبي و الكلام بيخرج من بالعافيه
اميره: ش.. شكراً
زين ببرود: العفو.. اعملي حسابك هنروح عنده بكره
اميره بحزن: تمام
خرج من الاوضه و انا اترميت على السرير انا نفسي ارمي الهموم من عليا و ارتاح نفسي اخلص من كلام الناس و من تجريحهم فيا.. بس ازاي هخلص من كلامهم و انا اكتر حد بيجرحني بكلامه حبيبي.. ابن عمي اللي رباني على ايده.. حقيقي انا ندمانه اني حبيته
زين خرج و انا فضلت قاعده زهقانه الساعه جت 8 باليل و زين مرجعش قولت اقوم احضر العشا على ما يجي
حضرت العشا و الساعه بقت 9 قولت اتصل اطمن عليه بس في حاجه منعتني يمكن كرامتي هي اللي منعتني
عملت فشار و قولت افتح التلفزيون اتفرج على اي حاجه.. و انا ماسكه طبق الفشار و كنت لسه هقعد لقيت الباب بيتفتح و بيدخل منه زين و معاه بنت!!
اميره: انت كنت فين كل ده.. و مين دي
زين ببرود: احب اعرفك على سما.. خطبتي
طبق الفشار و'قع من ايدي و قولت بصدمه
اميره: ايييهه
" الاسكريبت ده بارتين بس "
يتبع
التكمله من هنا
تعليقات
إرسال تعليق